為食仔海鮮火鍋專門店

營業中

休息中

雞煲可以外賣真係好正👍🏻，依度就有一間。之前試過堂食，今次就外賣🥡。卜卜蜆就比較出名，但係又想食雞煲，唯有就揀個兩樣都有既🤩，蜆雞煲，然後叫的火鍋料，野飲咁，2個人食就已經好夠👍🏻。落完單大概15分鐘就可以，都真係幾快手。🔻18禁卜卜蜆雞煲$138🔻叫咗小辣🌶，好足料既雞同蜆👍🏻，蜆仔無沙又好肉😍，的雞係幾滑又多肉，雞皮雖然肥，不過同的汁好夾😍，真係好味到連皮食🤣。因為的醬汁好鬼惹味🤤，辣得黎有少少麻，但又未辣到要飲水，而且唔太咸，好正👍🏻🔻精選牛孖寶$328🔻孖寶就睇下當日有咩靚野，今次就有牛頸脊同安格斯肥牛🐮，牛頸脊油花較少但肉味濃🤤，而安格斯油花較多而且平均，食落好香油脂味。鍾意肥瘦均勻又有肉味嘅話，絕對係要牛頸脊😍🔻五色餃子拼盤$98🔻鮮蝦水餃🥟好香韭皇，加上木耳，既濃味又爽口👍🏻。黑松露鮮蝦餃，食落有粒粒既豬肉🐷，好香松露味，餃裏面仲有兩隻蝦仔。芫荽豬肉餃，係超勁芫荽味🤩。仲有鮮蝦雲吞同韭菜餃，都係好足料既😋🔻特色四寶蝦丸$108🔻彈牙既蝦膠包住唔同既餡料，有會爆芝士出黎嘅芝士蝦丸，唔好以為芝士好似細細粒，其實個芝士味係好香，正👍🏻。鵝肝蝦丸🤩，有粒小鵝肝，雖然細粒，但非常夠

旺角白布街有好幾家火鍋店，一直都好想來食。特別係為食仔，幾年前來過食卜卜蜆真係好正，令人一食難忘。見今日有腳，就又來食下同試新野先。今次坐樓上，估唔到又幾大同幾好坐。因為靚媽朋友係海鮮控，又見到有海鮮鍋，同埋店員話龍蝦鍋多料又抵食，好LA~一於就試下先~!哇哇垢~~~好大隻龍蝦，仲有好多蝦，又幾大隻WOR!!~入面仲有卜卜蜆，超大隻，另外又有豆腐、菜、菇~~~~好豐富呢!招牌龍蝦海鮮鍋$298另外火鍋又點少得牛呢，見餐牌有近江牛，新野未食過當然又叫一碟，我地點左比較爽口的牛邊抓$298，好靚仔既一大碟牛呢~~~好興奮~拖一拖就食得，真係有牛味又好爽口~!!正到暈。五色餃子拼盤$98，有5款, 每款兩隻。都幾多材料，皮比較厚。特色四寶墨丸$108，四款各有不同，有一款中間有咸蛋黃，好正。超大又甜的蜆半邊龍蝦~~~~~大愛

超級豐富打邊爐！天氣涼咗咁多，真係好想好想打邊爐啊😳所以今日收工即興約咗幾個好姊妹一齊去打今次我哋就揀咗呢間！因為大家都好鍾意食蜆，同埋始終旺角夠晒就腳！湯底我哋就揀咗【招牌龍蝦海鮮鍋】配料超級豐富！大大隻龍蝦，好多肉好鮮甜😋啲蜆好大隻，唔會有沙，非常多汁！大家都好鍾意食牛，所以今次就食好少少，叫咗兩款牛，分別係【和牛肩胛肉】同埋【頂級安格斯肥牛】兩種牛嘅牛味都好濃，牛肩胛肉就軟熟得嚟，咬到中心位置係有少少爽，而安格斯就係超級軟熟嘅肉質，兩款都好好食！因為朋友好鍾意食蠔，所以我哋都嗌咗一個【新鮮美國涌蠔】，大大隻非常飽滿！不過我就無試，朋友話好好食！【原隻花膠筒】呢款唔錯，啱晒女仔食，冬天可以補一補骨膠原！花膠吸收埋湯底嘅湯汁，非常鮮甜！【貴妃蚌】大大隻，非常爽口彈牙！【黑松露墨魚丸】見到有兩個手指公，心諗應該都唔錯，所以就叫咗！果然好好食，黑松露味好重！整體嚟講都非常好食😋自己最滿意係啲牛肉，同埋個湯底👍🏻真係好足料❣️應該嚟緊冬天再凍少少都會再過嚟食！

為食仔天氣開始轉涼 又係打邊爐嘅好時候今次嚟到位於旺角白布街為食仔火鍋呢度最出名嘅係卜卜蜆鍋當然要叫返個啦湯底可以做鴛鴦鍋分別叫咗18禁卜卜蜆煲BB辣🌶同胡椒雞湯卜卜蜆煲🐥上枱嘅時候滿滿嘅卜卜蜆仲要係勁大隻 勁鮮甜 份量又多淨係食蜆都食咗半個鐘🐽至尊牛拼盤🐮包括有安格斯 牛肩胛 牛頸脊 吊龍 牛柳粒每款嘅牛肉味同肉質都各有特式最鍾意係吊龍牛頸脊就脂肪比較重 多啲油香嘅感覺黑松露鮮蝦餃🦐一睇就知道係手包 包得好靚咬落去黑松露味湧出嚟而且亦都有鮮蝦呢款餃子都幾好食手打四寶丸🐷分別有蝦丸 牛肉丸 豬肉丸 墨丸最好食係墨丸超彈牙 亦都有墨魚肉

今次我地叫左「招牌龍蝦海鮮鍋」🦞一上來，嚇親！勁大個龍蝦⋯⋯😱😱開火煮，個龍蝦仲識郁！？😆生猛到唔敢相信，慢慢一陣陣龍蝦香味飄出來，龍蝦肉質緊實，風味濃厚😋👍見到「新鮮美國桶蠔」🦪我地又「哇⋯⋯」出聲😆差唔多成個女仔拳頭咁大。咬落爽滑又鮮甜，強烈建議唔好點豉油，配合少少龍蝦湯底，個鮮味特別特出，咁先叫食海鮮！🤩「桂花蚌」鮮嫩爽口，少少脆脆地，又彈牙，食到好想再order一碟😍「本地新鮮吊籠伴」，肥瘦啱啱好，勁Q。先由龍蝦湯帶入味，再回番個牛肉個鮮，口感層次豐富😋「頂級安格斯肥牛」🐂筋紋靚，油脂均勻，油腴爽俐，真係食得出嘅「頂級」‼️😍「柚子沙冰」柚子味較濃郁🍧「波羅沙冰」清爽滑喉🍧

我諗大部分人去為食仔都係食卜卜蜆，但其實佢哋雞煲都好出色🤤當日我哋兩個人叫咗「麻辣鮑魚雞煲 小辣」，鮑魚總共有4粒，size偏小，但都算爽口。至於雞煲一打開已經聞到好香濃惹味，食落雞件嫩滑入味，就算雞胸位都好滑，但略嫌佢小辣唔夠辣。「黃金魚皮」即炸起，熱辣辣好脆，每一舊都有滿滿金沙咸蛋黃，兩者配合得好好。

限聚令放寬，同朋友一行五人食番個久違既雞煲🤤當然去得為食仔，梗係唔放過食卜卜蜆，所以叫左個重慶雞煲拼卜卜蜆雞煲嘅味道唔錯，但係蜆嘅質素的確令人有啲失望，都有唔少冇開到口配料我地都叫左唔少野食，整體都叫幾新鮮，如鵝腸、花枝片，黃金魚皮性價比都算高反而個至尊牛肉拼盤，質素都係有啲失望，份量的確唔少，但真係冇咩牛味，收依個價錢真係overpriced野飲叫左杯菠蘿沙冰，算係有啲驚喜，味道唔會覺得假仲有一樣值得推介嘅係餐前小食，叫咗個黃金雞軟骨同埋黃金豆腐，唔知係肚餓定點當時食都真係覺得幾好味😂性價比黎講就一般，再返嚟食真係除非有大啲既優惠

由於早幾日友人放我飛機✈️令到我要自己一個人去打邊爐所以今日就決定再戰另一間火鍋店而友人今次揀咗間專食卜卜硯的🤤除了基本湯底💁🏻‍♀️當然少不了卜卜硯煲甚至雞煲,魚鍋或者矜貴的龍蝦鍋都有💕選擇眾多👀只係湯底都已經花多眼亂🍍菠蘿沙冰 $42沙冰均是用上新鮮水果打製而成💪🏻因此不會有那種藥水般的甜味乃原汁原味👅清甜又解渴🍲招牌卜卜硯煲（蒜蓉）$168於等待期間會聽到蜆殼打開時「卜卜」聲同時香氣撲鼻 真讓人食指大動😋開蓋後看到滿鍋都是硯 份量十足然而蜆肉鮮味濃郁 並帶啖啖蒜蓉香氣🧅配上少量辣椒🌶味道微辣兼惹味🐮本地新鮮吊龍伴（大）$398吊龍伴是指肉眼邊緣位置的肉脂肪豐富🤤帶有嚼勁且肉質細緻只需涮數秒便已足夠🥢由於平時不多餐廳會提供吊龍伴難得見到就當然要品嚐品嚐❤️🦐特式四寶蝦丸 $108四款口味分別是芝士,鹹蛋黃,鵝肝,黑松露口味由較淡至濃郁次序排列🙆🏻‍♀️相信芝士及黑松露大家都不太陌生但鹹蛋黃及鵝肝卻較少有🙌🏻充滿兩者的獨特鹹香氣🤩但可能是涮的關係 鵝肝嘅脂香被減淡了點🥬雜菜拼盤 $58湯底充滿所有食物香氣後🥰少不免想食菜來享受餘下的濃湯拼盤內有四款不同時菜吸盡的硯肉和牛肉精華👏🏻又鮮又甜又嫩

為食仔主打招牌卜卜蜆鍋有蒜香 十八禁味道 不過今次🦞龍蝦海鮮🦞龍蝦海鮮鍋$298🦞🦐橙黃色湯底鮮甜 因爲有原隻新鮮龍蝦 海量配料例如娃娃菜 什菇 豆腐大海蝦龍蝦肉質爽口彈牙 記得唔好煮太耐仲點左至尊牛拼盤 $🥩488（牛頸脊、安格斯肥牛牛肩胛﹑吊龍 牛柳粒）新鮮美國桶蠔$108好鮮甜新鮮手打墨魚丸$108特別黑松露口味好唔錯 好彈牙 飲品方面菠蘿沙冰$48同柚子沙冰$48清涼 立刻降溫 味道不會太甜✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $300/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 為食仔海鮮火鍋專門店Hungry Boy旺角白布街4號地舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

今日食既呢間外賣就係位於旺角好出名既一家打邊爐店為食仔, 因為疫情其間原來火鍋都可以外賣到!! 超正等左大約15分鐘就拎得, 拎個陣個火鍋湯底都係熱熱的, 我揀左既係麻辣鮑魚雞煲雞既份量都幾多下, 而且有鮑魚同麻辣既香味加持, 好味指數upupup本地新鮮牛頸脊每次食為食仔必點既一個item, 牛頸脊係牛入面最嫩同好香牛味既一個部位!!仲要係本地新鮮既, 質素好有保證!!大約煮20秒都唔洗就食得, 超彈q既口感同香口!!原隻花膠筒真係一隻隻既花膠筒, 加埋個湯底食真係一流, 吸收哂個湯底無得頂!!手打瑤柱鯪魚滑好彈牙既手打鯪魚滑, 加入左瑤柱更香口

天氣轉涼係時候食火鍋、雞煲同卜卜蜆，係旺角既為食仔就三樣都有提供，當中招牌卜卜蜆同招牌龍蝦海鮮鍋係人氣推介，價錢唔貴，但份量十足每檯都會有醬汁架，有蔥、麻醬、辣椒等等牛款式非常多，近江牛、和牛、本地牛都有，比較少見吊龍伴、牛頸脊不能錯過－－－－－－咸菜豬肚卜卜蜆煲 $188有成3斤蜆好誇張🤤店員話份量其實預2-4人，我同朋友食極都有，食極都未見到底，真係超抵食！蜆都幾肥美，隻隻都開哂口，冇乜沙，豬肚亦係亮點，很爽有咬勁，湯底胡椒味幾濃精選牛孖寶 $328牛肉色澤真係好靚🥰安格式肥牛大大片，唔會好薄，油花分布均勻，肉味濃郁，口感柔嫩黃金炸魚皮 $58好邪惡既小食🤣魚皮夠大塊，唔會好碎，色澤金黃色，賣相吸引，食落帶脆又唔會太乾，不會太油膩手打蟹子蝦滑 $78蟹子分配得唔太平均🙈集中於前部分，不過食落幾彈牙，如果有埋蝦係入面會更好粟米墨膠奶黃包 $88一客有6粒，聽個名幾得意就叫黎試一試🤪墨丸都幾大粒，同埋同蝦滑一樣爽口彈牙，不過我覺得中間夾流沙餡就唔太夾，同埋有點膩唧唧鯪魚麵 $68小店其中一樣推介，真係好耐冇食魚麵，一次過唧哂真係滿滿一鍋，鯪魚麵粗身，唔腥不過冇咩肉味叫左杯柚子冰沙，柚子

好鍾意寫食評，除咗想介紹啲好嘅餐廳食肆比一眾為食仔、為食女外，其實餐廳嘅服務都好重要，遇到一啲殷勤招待，令食客有賓至如歸嘅餐廳食肆，都要比啲好評讚賞下，以示鼓勵一下一班咁有heart嘅員工。旺角為食仔除左食物質素一流外，員工招呼的確非常好，值得一次又一次比讚👍🏻👍🏻。🍹每次黎為食仔都必會order菠蘿沙冰，沙冰係用新鮮菠蘿打成，甜度適中，打邊爐邊食邊飲，估唔到又幾夾。上幾次黎都係食麻辣鮑魚雞煲同招牌卜卜蜆煲，今次侍應姐姐介紹食招牌龍蝦🦞海鮮鍋，見佢讚口不絕，一於今晚就order呢個鍋嘆下😋。🥢嘩，個鍋一黎到🥘，真係嘩一聲，好有睇頭，一隻開邊波士頓龍蝦🦞鋪左係鍋中間，伴隨有兩隻大蟹鉗，側邊周圍仲有成十隻中蝦🦐同埋卜卜蜆鋪滿成個鍋，滾左大約7、8分鐘，打開煲蓋食得啦😋⋯⋯龍蝦拆左肉，真係長過隻手板，啖啖肉，口感超滿足，而且入口彈牙鮮甜；中蝦都好大隻，蝦頭有膏，都係鮮甜肥美，招牌卜卜蜆唔洗講，隻隻肥嘟嘟，令湯底加多份鮮味，侍應姐姐真係冇介紹錯；鍋底仲有大量旺菜、什菌、豆腐等配料，真係兩個人就咁食呢個鍋都夠飽。🥢今次order本地牛，牛邊抓，呢個位置係包圍牛腩位嘅肌肉位置，脂肪特別多，只須要係

同朋友食飯 搵個中間點 旺角就腳得嚟有雞煲有卜卜蜆 就會諗起之前間唔時癮起想食卜卜蜆都會嚟為食仔😋卜卜蜆一如概往咁大隻易食夠惹味次次嚟到調味料都好整齊 自己按份量份 等點野食😛今次同隻牛魔嚟 就叫咗碟封門柳 肉味好重郁入口唔會好油 滾一滾點埋醬汁食 😆好惹味喎今次聽姐姐介紹 我哋叫咗個粟米墨膠奶皇包 用墨魚滑包住粟米同鹹蛋黃做既手工丸 口味都幾特別 都一試無妨朋友想食鵝腸 就叫咗份 沾埋鼓油 鹹香惹味 爽口彈牙 幾唔錯😊今晚最滿意係佢既手打四寶丸同埋黑松露手工餃 款款都幾香口彈牙 正喎 一於下次約多幾個朋友再嚟呢度encore

之前係IG見到人哋post 嘅卜卜蜆鍋邊爐，覺得好吸引，即刻book咗枱去試！我哋book 咗六點，去到唔多人，可以直接入去。叫咗招牌鍋底，即係蒜蓉辣椒湯底，開頭食覺得幾正，食食下啲蜆都幾多沙。。另外原來係9點半後入座先無限添加卜卜蜆，9點半前係要58蚊加一次嘅。我哋兩個人食，另外仲叫咗黑松露鮮蝦水餃，鵝肝蝦丸，黑豚肉同埋菠蘿沙冰。老實講，除咗啲蜆有沙，其他野係幾好食嘅，不過整體偏貴，八折後都5百幾蚊，之後我仲唔係幾夠飽😅​————————————​

在旺角白布街有很多隱世美食，之前來吃過為食仔，9:30之後可以無限任食卜卜蜆，滋味仍然在心中，不過因為疫情所以家人說想在家打邊爐，知道他們推出外賣火鍋，當然要將為食仔搬返屋企！👊🏻麻辣鮑魚雞煲神來之煲，醬料十分惹味令雞肉滋味無窮，而且雞件多，快快都好肉地啖啖肉，食完個鍋之後都已經有4分飽。更加矜貴的是有四隻鮑魚，而且鮑魚不是迷你的，都幾大隻下，有少少驚喜咁。而且餐廳還會附送火鍋用的湯水，就可以食完雞煲之後加水打邊爐啦。.👊🏻頂級安格斯肥牛、頂級安格斯牛柳粒打邊爐當然少不了肥牛，以為食仔的肥牛出名高質，鮮紅色很新鮮，雪花紋靚到不得了，一睇就知靚貨。肥牛有入口即溶的感覺，牛味香濃，牛柳粒有口感，完全滿足牛魔王的胃。.👊🏻特式四寶墨魚丸：黑松露墨魚丸、芝士墨魚丸、鵝肝墨魚丸、手打墨魚丸我每一次去火鍋店都會點手打的墨魚丸，因為可以看得出餐廳的功夫，而且不是每一間都有。這裏的墨魚丸很彈牙，食得出粉少墨魚多，而且又有不同口味：黑松露、芝士、鵝肝，叫一個拼盤就可以試晒所有味。.👊🏻五色餃子拼盤：勁芫茜豬肉餃、鮮蝦雲吞、鮮蝦水餃、鮮製韭菜餃、黑松露鮮蝦餃我也很喜歡吃這類的餃子，材料豐富粒粒鮮蝦，黑松露