為食仔海鮮火鍋專門店 (裝修中)

成日聽人哋講卜卜蜆，今日終於都有機會來試下啦。18禁卜卜蜆煲 $178來到當然要試一試佢地既，招牌18禁卜卜蜆啦，係用魔鬼辣椒煮的，所以會越煮越辣。 我地點了BB辣試下先，等於譚仔既小辣程度。一鍋大約有三斤蜆，隻隻都脹卜卜，且而冇沙，食落幾鮮甜，加埋香蒜辣椒，好惹味。食完蜆，店員好主動埋來加湯打邊爐。本地新鮮牛肩肉 $298果然牛味濃郁，雖然睇落唔算好肥，但肉質一啲都唔鞋，食落好香濃既牛肉味，直得一試。粟米墨膠奶黃包 $88大大粒，用粟米墨魚打成膠，裏麵包住鹹蛋黃，但可惜沒有流心效果。菠菜 $28洗得幾乾淨，菜新鮮。順帶一提，入餐廳前要先量體溫同消毒雙手，餐廳內會提供手精搓手液和膠袋比客人放口罩， 衛生環境做得好好。

呢日黎到旺角為食仔，因為疫情既關係店家係衛生方面都做得好足，入去前先度體溫，再俾搓手液你消毒雙手，入到去就見到枱與枱之間都有一定既距離，坐低左之後店員仲會係你面前消毒張枱，你仲可以揀要一次性碗筷定係平時個d，有咁樣既衛生同清潔程度，相信大家都可以食得安心同放心～ 店員都有提我地有食物到左先除口罩～我地揀左個雞煲卜卜蜆鍋，先講店鋪主打既卜卜蜆，簡直係冇投訴既地方～卜卜蜆份量多唔在講，重點係d蜆冇沙！！！呢個好緊要！夠哂鮮甜大粒！同埋點埋店員強力推薦既自家製Xo 醬真係好好食！ 我不在好多xo 醬點黎食～真係好夾好好食！ 雞煲既雞都好新鮮！夠哂嫩同份量都好多～！另外我地叫左牛𦟌、油麥菜、黃金粟米丸、酸梅湯同柚子沙冰，牛𦟌好有牛味，食落勁香，夠哂厚度，有番咁上下口感！黃金粟米丸夠哂特別，食得出手打同埋有好香既咸蛋黃做主打！ 酸梅湯酸酸甜甜水準之作，柚子沙冰份量十足，夠哂Refresh! 下次再黎想試下無限加蜆！ 值得一讚店鋪衛生同店員服務態度非常好！

近期疫情關係打邊爐都要搵一間防疫措施做得足的火鍋店， 在旺角白布街4號地舖的為食仔海鮮火鍋專門店， 在門口已經有酒精搓手液， 進店之前鞋底要消毒乾淨，也有口罩袋派發給客人， 在店內多處位置都看見酒精搓手液， 非常貼心。 店內有地下和一樓， 當晚店員安排我們在一樓的房間晚餐， 先點了一個麻辣鮑魚雞煲$198， 本地新鮮牛展$168， 珊瑚蚌$98， 油麥菜$29， 然後店員介紹當晚好新鮮的池板， 那就點一碟試一試吧！麻辣鮑魚雞煲～ 揀了bb辣， 這個辣度對我們來說剛剛好，麻香撲鼻， 香辣濃郁， 雞肉鮮味， 鮑魚剛剛好軟硬適中。本地新鮮牛展～ 口感比較硬身， 淥幾秒就好， 好容易熟透。池板～ 牛展和池板相比，我喜歡池板， 質地比較薄身， 脂肪比例多， 牛味十足。珊瑚蚌～ 質感爽口， 打邊爐索曬湯底的味道， 入口好惹味。油麥菜～ 打邊爐必備油麥菜， 是我最愛的 打邊爐菜類。走的時候仲見到店舖做緊九點半後$98卜卜蜆任食價， 好抵，下次我要再來食過。

想食卜卜蜆好耐啦，去左這間「為食仔海鮮火鍋專門店」到食，這間餐廳做足了所有消毒措施呢，有量體溫，有搓手液和消費地毯，仲提供了口罩袋，即棄餐具和一人一鍋，大家可自行選擇用唔用，好貼心，而且地方好闊，真是食得安心又放心呢，是很重要的一環。👍🏻餐牌有多款卜卜蜆湯底選擇，例如招牌蒜香卜卜蜆，18禁卜卜蜆等。我地就選擇18禁卜卜蜆，選擇了BB辣不會太辣，得到店裡熱情招呼和提示幫助後，好多隻都煮得岩岩好，超好食，好清甜，冇食到沙粒，隻辣是會越食越辣呢，好過引，食到辣辣地叫咗杯鹹檸七，爽呢😆 食完卜卜蜆就加入左雞湯食其他菜，Menu都有好多樣選擇，叫左頂級安格斯肥牛和美國黑豚肉，排列整齊，味道各有千秋，入口都相當滑。另外，叫了粟米墨膠奶黃包，不是包，是丸。估唔估到呢嘻嘻，自家製好特別，出面冇得賣的，裡面有粟米和咸蛋黃。😋😋

日日留在家，總想出去食下嘢。喺旺角行街，見到有好多為食仔卜卜蜆嘅二拉架。好似好好食，又唔貴。為咗安全起見，起門口會先量度體溫仲有酒精搓手液同埋口罩膠袋提供。入到去會送上暖嘅柚子蜜糖，潤一潤喉啲醬料睇嚟都好新鮮，佢個自製XO醬好好食，好足料，唔知有冇得買。今晚又凍咗，所以叫咗咸菜胡掓豬肚卜卜蜆，暖下個胃。好大盤好多蜆，個豬肚好乾淨，已經係熟咗。蓋上幾分鐘就聽到，卜卜聲，即係啲蜆已經打開咗啦食完蜆再點咗牛肩胛打邊爐黃金炸響鈴，即炸，可以即食，又可以放湯浸一下估唔到細份牛肩胛都有幾多，另外佢嘅鮮打菠蘿沙冰，唔太甜幾好。粟米墨膠奶黃包，好靚，又彈牙，中間有鹹蛋黃

位於旺角白布街既為食仔出哂名食卜卜蜆，今日我終於都有機會試下。天氣凍凍地，我就揀左個藥膳卜卜蜆鍋藥膳卜卜蜆鍋（$188)個鍋擺滿卜卜蜆，再加上勁多藥材，超滋補！至尊牛拼盤（$448)呢個牛拼盤份量超多，要用三層架先擺得哂。拼盤有幾款牛肉，有牛柳粒、吊龍伴、牛肩胛、牛頸脊等等。一個拼盤就可以試哂咁多個部位，勁抵食。五色餃子拼盤（$98)五款餃子各有特色，每款有兩粒，兩個人share 就啱啱好。勁芫茜豬肉餃真係唔錯，芫茜味道勁出，鍾意食芫茜既就一定會鍾意。特色四寶墨丸（$108)四寶墨丸一共有八粒，最正既我覺得係鵝肝墨魚丸，鵝肝味濃郁。菠蘿沙冰（$38)柚子沙冰（$38)醬料費（每位$20)

防疫措施做到足，入去先探熱系基本，仲會要求進出店內都要用消毒搓手液洗洗手，仲會派埋口罩袋比我地，每枱都用消毒劑左張枱先比客人入座。最誇張既系提供一次性餐具，防疫方面真系好dump本。【18禁卜卜蜆雞煲】$138一直都好想試佢地招牌18禁口味，有半隻雞同蜆，勁香辣惹味，愈食愈辣愈濃味。【頂級安格斯肥牛】$198（小）就算叫左份系細既都好多，肉質非常鮮嫩，淥耐左都好軟。【五色餃子拼盤】$98五種餡五種包法，有鮮蝦、豬肉、韭菜、黑松露。呢到d餃子好出色，特別系個皮厚薄岩岩好，仲有d煙韌。食左兩個鐘，見到佢地都抹左兩三次個門口，吾系得個講字，食都食得安心d。

無得出街禁耐，出去就梗係揀間注重衛生既。「為食仔」門口感覺都做得好足，探熱捽手唔少得之外，仲有提供密實袋比我哋袋起口罩，窩心！♥️😷入到去兩邊台同台之間隔條河禁遠😂 用即棄碗筷，而且提醒我哋食物到才除口罩👍🏻招牌卜卜蜆鍋蜆睇落都好大隻，份量都夠多，兩個人食絕對滿足！湯料有濃郁蒜味，而大蜆完全無沙，一隻都無👍🏻 蜆肉含多種礦物，有美肌效果，食多d都唔怕肥！另外大推「吊龍伴」，是店員推介的，而我完全不知道是屬於牛的哪一個部位😂😂但食落有牛肉香之餘，更有爽爽的口感，唔會韌，好好食！「手打蟹子墨魚滑」爽甜，一啖一粒好快就食哂了😟之後我地仲試左個水煮魚鍋二人份量剛好！一開蓋就見到滿滿的魚肉！魚肉非常嫩滑入味，食埋索滿濃湯的薯粉，麻辣味湧上味蕾，有驚喜！哩段期間，都想幫襯下小店，希望大家都捱過逆境，香港人加油！💪🏻💪🏻💪🏻

係Irene呀😍連人形紙板都要帶口罩😷就知疫情持續要加倍小心！為求衛生令食客放心，大部份食肆而家都用滾水淥下d餐具！為食仔好嘢👏🏼比客人揀用唔用即棄餐具，既方便又冇手尾跟，抵讚👍🏽响你入座當住你面消毒埋枱面，真係細心👍🏽之後仲送杯熱柚子蜜潤吓喉嚨先慢慢點菜，好窩心🥰🥰招牌卜卜蜆煲(蒜蓉辣椒) ：蜆好大隻！一隻死蜆都冇！吐沙得好乾淨，一啲沙都冇！記住飲埋個湯，鮮甜到爆炸😍😍😍特級牛肩胛🐂肉味突出有咬口😋美國黑豚肉🐖切得夠薄淥完都唔韌😋黑松露芝士蝦丸：粒粒自家手打，超級大粒！黑松露味極濃郁加流心芝士，正呀🤩下次再嚟要試埋新推出「獨立鍋任食卜卜蜆」$68一人一鍋，可以試多幾個味👏🏼👏🏼

今日同友人嚟旺角，經過被宣傳嘅蜆煲吸引咗，疫情嚴峻...未入餐廳，已為客人量體溫，還好貼心準備密實袋給我們放口罩，點餐前還在面前消毒洗潔枱面。每枱都足夠1.5米距離，好讓食客們吃得安心放心。是我食過最衛生乾淨嘅一間餐廳👍🏻點了辣嘅卜卜蜆+雞煲，醬汁超好食，勁夠味，濃厚嘅川味👍🏻食完蜆同雞就加湯打邊爐，安格斯牛肉雪花好均勻，入口好淋唔會韌。一定要推介"手打四寶丸", 勁爽滑，真材實料大大粒。原隻花膠筒 係大大隻嗰種，滋潤養顏超正😋仲有飲品必試沙冰，新鮮菠蘿打成，仲有柚子味，超好飲🤤今餐發現咗呢度咁正咁有風味嘅餐廳，員工服務同衛生超好，又貼心。下次嚟旺角必定要Encore👍🏻

成日聽人講18禁辣椒，但自己一直都冇機會試，今日嚟食卜卜蜆終於可以試吓。我哋試咗個小辣，職員話小辣即係等於老譚嘅中辣，佢啲辣椒膏好香，淨係聞都已經有刺鼻嘅感覺，而呢個份量嘅辣椒膏都好似好多吓。好彩我哋最後懸崖勒馬，得返起大部份嘅辣椒膏，即使只有少少留返喺度，都已經好香好夠辣。因為呢一隻魔鬼辣椒係越煮越辣嘅。佢啲蜆都好新鮮，全部都脹卜卜，冇沙。食完蜆啲錢就加湯打邊爐，我哋嗌左個牛肩肉。佢個牛肩肉好夠牛味而且真係十分腍，好正。另外仲有個黑毛豬，佢個豬肉大大片，薄切。淥一淥就已經食得，都係好腍，而且比牛肉更加嫩滑。跟住仲有一個好特別嘅自家製流心蛋黃墨魚丸，佢嘅墨魚丸係自家製手打，真係超級爽口彈牙。然後最特別嘅係佢中間包咗流心鹹蛋黃，味道又幾夾同埋好香。嘢飲方面嗌左個鹹檸七，職員話可以冇咁熱氣喎。食到咁上下，職員會送一杯柚子蜜俾你潤喉，酸酸甜甜咁仲可以解埋辣添。抗疫期間好多地方都好冷清，而為食仔本身嘅枱數都唔多，但係仍然都係會盡量將客人隔開，所以同時間都只係三枱客喺同一層。而且都見到職員係一得閒就幫瘋狂周圍抹，務求做到消毒消毒再消毒。

這間火鍋店已bookmark了很久，而且也經過門口很多次，今次終於可以跟朋友來試試。由於疫情的關係，餐廳在接待處位置已做好措施，包括量體溫，有搓手液及在餐廳門口位置放有消毒地毯，十分衛生。而餐廳亦有提供一次性餐具或已消毒的餐具供選擇，十分貼心。看看餐牌，有多款卜卜蜆鍋湯底可以選擇，店員表示最多人食是招牌、18禁同埋咸菜豬肚，既然我同朋友都可以食少少辣，當然叫一個辣鍋會開心D!18禁卜卜蜆煲，我們點了小辣，湯底越食越辣，起初覺得少少辣味道幾惹味，之後就食到個嘴都好似覺得好熱啦!卜卜蜆份量都好多，而且唔係細細隻那款，係大蜆，所以食落更鮮甜。每粒蜆肉都脹卜卜又鮮甜，而且冇沙，食得很過癮!食完蜆就可以打邊爐，點了3款火鍋配料。至尊牛拼盤，這款拼盤共有5款牛肉，包括安格斯、牛肩胛、牛頸脊、吊龍和牛柳粒!這個拼盤份量都幾多，每片牛肉厚薄適中，當中牛肉味最濃是牛肩胛，而較鬆軟的是吊龍。牛柳粒肉汁很多很惹味!黑松露鮮蝦餃，餃子都幾大粒，黑松露味都幾濃，而且蝦肉彈牙，口感十足！手打蟹子墨魚滑，墨魚滑彈牙，還能夠食到粒粒墨魚！柚子冰、菠蘿冰，柚子冰不會很甜，有種清新的感覺！菠蘿冰味道新鮮，不會是死甜，是用

平日晚都好旺場嘅卜卜蜆就知幾好食啦 佢都有量體溫 派口罩袋同埋用一次性碗筷 雖然唔太環保但係抗疫時間都令到客人比較安心！而且見到佢都出咗個一人一鍋！任加蜆同埋包一個小菜！枱枱都食卜卜蜆 令到我係雞煲同卜卜蜆之間掙扎左陣 最後都比自己放肆下瘋狂食蜆！🍲18禁卜卜蜆 （小辣）首先卜卜蜆都好新鮮 好大粒 成煲都只係幾粒食到有沙 係可以接受嘅範圍！而且大家記住蜆一開口就夾起晒啲蜆係個碗度慢慢食 如果唔係煮太耐啲蜆會縮水！辣嘅湯底一啲都唔會油 而係嗰種好清爽嘅辣味 再配上蒜蓉嘅味道好惹味 小辣嘅程度係譚X嘅三小辣左右！下次要再挑戰食辣啲！🥩安格斯肥牛 （大）肥牛肥脂均勻 厚薄適中 而且安格斯肥牛入口牛味好重 推介！🥚特色四寶墨丸四寶墨丸係有四種唔同嘅口味 例如內涵有鹹蛋黃或者係黑松露墨丸 每款墨丸都好彈牙！🥢白鱔片鱔片都係厚薄適中 保留口感嘅同時又唔會太易散 而且食落感覺好新鮮！

今日又同返第一次帶我黎食為食仔既中同黎食卜卜蜆同雞煲 記得之前起麥花臣睇完演唱會黎食好正 今日再一次黎食都係咁好食 同埋想講 之前黎食既鋪頭係黃店 真係好開心🥳可以繼續黎支持下🤣一黎到門口準備入去店員就同我地探熱同提供消毒酒精搓手液俾我地 仲俾左個zip袋我地放口罩 一坐到落枱仲發現枱邊痴左個air mask等空氣好啲咁 真係好周到🥰黎為食仔 梗係唔小得叫佢既卜卜蜆同雞煲 我地叫左Bb辣 18禁卜卜蜆煲 同麻辣雞煲 😛仲叫左個黃金雞翼同佢地自製家既手打蟹子蝦滑😆卜卜蜆 一煲勁多 一上到枱勁香 我地計都唔傾 掛住係咁食 夾夾夾極都有 兩個人不停口不停手夾夾夾左十幾分鐘先食得哂再開始我地既雞煲 蜆好多都幾大隻下 唔係街市買20幾蚊細細隻勁多個隻細食落有口感 肉質幾彈性 全部一滾都開曬口 一粒沙都無 入口有鮮甜 煮多陣卜卜蜆吸收左湯底除左鮮味之外仲多左份鹹香 食落幾惹味😋如果送飯真係一流 🤪但我地要食雞煲同其他野今晚梗係要留肚無飯而歸🤣呢個時候我地叫左既菠蘿沙冰到 真係好好飲 沙冰一直食緊飯都仲好夠凍 味道夠天然 清甜好飲 夠解渴 然後我地叫左既黃金雞翼登場 雞翼面淋左層黃金醬 食落好香咸蛋

呢間係出名嘅黃店，首先必須要讚嘅係店員服務態度好親切，推介我哋食18禁蜆煲，仲介紹咗我哋食肥牛，黑臀肉，黑松露芝士下院同西洋菜。有幫我地諗夠唔夠食，可能客人比較少，服侍真係好周到。會自動自覺茄湯，有幫手清理顯學，對每台客人都好細心，服務態度影真一流！而且食材份量好多，好抵食，兩個人食一碟牛肉點啊啲豬肉再加遠都好舊式。而且顯大大隻，幾抵食，雞嘅份量又夠多，而且好滑。特別推介黑松露芝士蝦丸，芝士好入味，值得一試！