炳記西餐館

營業中

休息中

今次依然是下午茶當晚餐, 因為已經5:00pm。有乜改變? 就是上至午餐下至下午茶焗飯餐都不再有湯供應, 款款至少$3X, 送熱飲但凍飲及冰類都是加$2紅荳冰的紅荳無煲淋, 所以無驚喜椒鹽豬扒飯$33就肯定防不到輻射, 所以用豉油汁搭救。 豬扒有被揼過的跡象但就硬掘掘即係無被生化過。上年我嘅食評講過呢度嘅焗葡国雞飯有我兒時吃過的味道, 也有用椰絲去焗。 今次依然有用椰絲去焗, 不過雞就無去骨, 而且應該是用冰鮮雞呢。 碗底有大量洋葱及青椒去令葡汁也重甜度但係現在葡汁的味道已比以前mild了。 下午茶焗飯索價$35。不知道半年後會否有另外的轉變?

對上一次已經喺大約半年前, 今次唔叫焗飯試扒飯; 午餐只可湯及飲品二選一, 我們必定要紅湯。紅湯依然足料, 可惜今次稀咗少少並沒有給我們大件牛腩, 只有少許肉絲。黑椒鴛鴦扒飯----鴛鴦扒即牛豬兩扒, 我是牛怪但也認為這店的豬扒較牛扒優勝, 兩扒俱屬大塊但豬扒較大、厚且肥, 牛扒竟不太吃得出有牛味。黑椒汁既香且辣, 但辣不嗆喉。 配菜是椰菜, 應是用煙肉炒過。粟米石班拼牛脷飯----石班拼牛脷各2塊, 普通size, 牛脷我覺得是ready made, 但丈夫說不合乎成本, 可能是自家製作。石班的肉滑溜但丈夫給我試的那塊, 我覺得有少少腥腥地, 他沒有問題, 那麽可能是部位問題 粟米汁不是金寶湯的那種ready made 再加水, 因為入口很純很綿的樣子。服務生非常勤快, 因為丈夫每樣留一塊及少許栗米汁飯給我試, 而我也一樣, 他把碟子放在一旁便喝湯, 跟住就有一位服務生想收碟, 我們告訴她還要吃的, 她便放下碟走開了。 甫放下不到三秒, 另一位服務生問也不問便快手拿走我的碟, 我口裏吞也未吞完也要大聲說句「未食完嫁！」她才頓時停一停放底隻碟 我便叫丈夫揸實隻碟免得第三個人來搶

今朝(22-6-2010 Tue)同男友起身後去食早餐返工,諗住大把時間就去食點心,男友話去好食o個間,點知行到o黎,竟然話開12:00pm,冇得食喇.咁去o左隔離o既呢間,重有一張卡位坐,我o地叫o左同樣$19.00o既早餐,男友要蜜糖腸扎肉公仔麵,加$2.00飲凍奶茶,我就要腸仔漢堡扒通,同樣加$2.00飲凍奶茶.不久,奶茶先到,呢間奶茶可以喎,茶味唔係濃但夠.之後係兩個早餐,由於兩個早餐都係簡單材料只要煮熱就得,所以冇乜問題.份量唔多唔少o岩o岩好咁啦.但最後飲兩啖佢o地畀o既暖水,飲到水喉水味,原來坊間傳聞有啲茶餐廳畀水喉水人飲係真o既.題外話:今日坐向內望o既位置,令我記得兩年前第一次同媽媽o黎呢o度食o野,令我好懷念.

是晚和丈夫到荃灣行街街, 見到這店------覺得個名咁得意, 炳記但係食西餐嫁喎下午5:30還在賣午餐$30-$32包熱飲, 凍飲加$2(冰類也是加$2)。可是我和丈夫都不想叫午餐, 最後决定要「海南咖喱牛腩飯」$40包湯及熱飲, 而我竟發現有「焗葡國雞飯」$40包湯及熱飲, 湯叫了红湯, 茶叫了凍奶茶及红豆冰。羅宋湯勁濃, 绝不是雜菜湯冒充羅宋湯, 因為有用牛腩煲和有Bay Leaf。 「海南咖喱牛腩飯」絕不是港式咖喱, 有椰奶味, 很清新的感覺。 而牛腩多達6-7大舊。「焗葡國雞飯」真是我小時候住在中環半山區堅道那間店鋪的味道, 是正宗的有加椰絲焗的, 厨師很细心地把雞骨除掉, 雞也很鲜味。 絕不是街外的用奶或椰奶加少少咖喱粉煮成醬糊淋上飯面。凍奶茶ok, 可惜红豆冰的红豆不夠起砂。這頓飯兩人只需$84(無需加一)便飽到捧着肥肚走。原來6:00pm後有扒餐 $65起, 有羊扒、有文也魚柳等, 很有舊式豉油西餐餐廳/扒房風味, 應改名叫做Ping Kee's Kitchen.

店內有好多卡位,有電視件牛扒好大件好多肉汁可以碟上or鐡板上加上我最愛克椒汁但食完好鬼飽還好一路睇電視一路食

(16/11/08)成日食下午茶,緊係呢度食吓,果度食吓啦!見佢有即磨咖啡,即入呀!魚柳包+意大利即磨咖啡。魚柳包魚柳脆!查左千島醬；還有那烘脆了的熱狗包,一次過滿足了三個要求,很喜出望外。即磨咖啡亦唔錯,不用加糖,都ok,要襯熱飲,好快變酸。星州炒米,較細碟,用了酒樓星州炒米才落的材料:义燒;而非茶記星州炒米的火腿,整體味道,都是good的!另一提提是,盛凍飲的膠杯,杯邊又裂又勁崩口,望住,胃口都大打折扣!好嘔心!

我叫了個午餐，$29，飲品加了$5意粉岩岩好，唔太林或者太爽！d餸都好大件，特別係2大塊鴨胸！坐得舒舒服服，雖然係午餐時間，但係完全冇趕客人的意圖，值得一讚！更多相片： http://hk.myblog.yahoo.com/samuel80727/article?mid=6144

父母忽然好有興致話出街食 可惜我唔多願郁 只係係屋企樓下兜圈搵食最後見爸爸對於佢兄弟店 ( 中餐部 ) 既評價都唔差 , 加上佢又想食扒 , 最後就揀左呢間餐單都係有焗飯 意粉 扒餐 呢d一般食物, 都可以啦 叫左 " 海鮮焗飯 " + " 什扒餐 " + " 巨無霸西冷扒 " 名就大概是這樣子 , 忘掉了啦 " 海鮮焗飯 " ( $4x ) - 跟餐飲 凍飲+$2很多汁 芝士唔會好似平時茶餐廳咁少 , 係可以撩出黎食 , 唔錯 唔錯 有1隻青口 魚 蟹柳 之類 . 都係果句 , 唔記得有咩食咯 size 跟一般餐廳的一樣扒餐都是 $6x ~ $7x ( 很像是 $68 / 1 ) 見到爸爸的什扒餐來了 , 當堂目定口呆的望住份什扒餐 , 好大碟 , 一d都無偷工減料 心仍係到諗我果份叫巨無霸 咁點算 ? 諗都諗唔切啦 , 已經黎到左我面前 , " 嘩 ! " 繼而再次目定口呆的望住份扒 ... " 點食丫 ?! " 好大份 , 2大塊牛扒 , 但就太多筋其實2個人食1份餐都可以 , 爸爸胃口也不少 , 也吃淨 , 我就唔係太想食野 所以食左幾啖而已 , 爸爸幫我食左半

要加一既茶餐廳，不過我覺得大家樂麥當奴既咖啡奶茶好過佢多多聲，叫杯凍鴦少甜，一飲超級唔得，甜到不得了，諗住叫佢幫我加d茶沖番淡d啦，點知加左仲甜，一問之下先知原來茶啡一早加晒糖，仲要d糖好似唔使錢咁，跟本無得少甜，最差最差既就係唔用花奶用錬奶加水當花奶，唔香唔滑超級甜，家陣d花奶好貴咩~~茄旦治== 果塊蛋係煎蛋皮，我之前食過佢地既旦治都唔係煎蛋皮架，越來越差廈門炒米== 已經好少好少食店會用五柳去炒架喇，一般都會用茄汁少，佢地個廈門炒米用鮮茄炒，再加幾隻"那"過既蝦毛同埋數得出既迷你叉燒粒，ohh~唔記得落鹽，成碟野無味架我個人會因為杯咖啡/奶茶好唔好飲而去決定會唔會繼續幫襯，d間要加一，茶又唔得，啡又唔得，野食又唔得，真無搵唔到一個理由會再去幫襯囉。

炳記西餐館，根本就是茶餐廳格局，服務同食物都係茶記feel。叫自己做西餐館，相信目的只有一個，就係可以收加一。名叫西餐館，其實亦有中式食品賣，今次到來，我要一份石斑拼雞翼的鐵板餐，對方就要菠蘿京都骨套餐。我的套餐有湯，選了忌廉湯，不過太稀，味道麻麻；餐飽反而較好，是熱騰騰的。不久，鐵板便端上來，侍應叫我用紙巾遮住，就把蒜茸汁倒下去。"茶茶"聲的嚮聲，訌明鐵板的溫度足，這聲音也叫人滿足。鐵板餐的份量幾大，兩塊石斑和三只雞中翼，一定夠飽。石斑的味道一般，肉質亦不嫩，肯定是質素好一般的雪藏貨；雞翼要好一些，起碼是外皮脆又多肉，加上蒜茸汁唔會差得去邊。問及京都骨如何，應屬中等水準吧！餐飲要熱檸茶，是燙口的，好耐未飲過即沖又夠熱的檸茶了！總括而言，食物可以，但要加一就有點不妥。

** 此食肆的第一個OK **前日(2-2-2008 Sat)晏晝,同媽落荃灣買o野,由於媽朝早食得唔夠,而且落住茸茸細雨又好凍,於是求祈搵間茶餐廳食,佢話想食牛腩,見到呢間有咖哩牛腩湯檬粉餐,又見裡面都好光猛同好似好舒適,於是入去一試.坐低後,媽怕辣,但我同佢講咖哩唔會好辣,於是佢要o個個餐同熱華田.而我就要日式特餐－金菇牛肉拉麵跟熱檸水.兩個餐同樣係$29.00.好快,所有o野都到齊,媽一試就話牛腩唔夠香,唔上年9月30日o係趣苑餐廳麵家o既香,咖哩唔辣,o岩佢囉.我心諗:可惜o個o度有陣味呢.而我o既金菇牛肉拉麵,金菇唔多,牛肉好鬆軟,有啲啲羶味,重有啲海帶,兩片鳴門卷,粟米粒咁.拉麵算爽口,有蛋味.湯夠濃,味精唔算多.熱飲個杯比其他茶餐廳o既細.環境:正如o係門口望入去一樣,幾舒適,闊落,又光猛.睇裝修覺得呢間o既名可以改得雅致啲o黎襯返.服務:都幾好,當侍應畀杯熱檸茶隔離位太太時,個太太話係熱檸水,但又唔sure有冇叫錯,而女侍應就話佢肯定係叫熱檸茶,不過都話如果唔o岩飲可以同佢換返.