炳記西餐館

營業中

休息中

，今次一個人叫咗海鮮炒飯，驚喜嘅係，佢仲送咗兩件炸魚柳！首先，呢間街餐廳嘅環境幾簡單，但好有街坊味，坐落喺繁忙嘅街道上，入面裝修淺色系，讓人感覺輕鬆舒適。雖然地方唔算好大，但座位安排得幾好，唔會太擠迫。服務員都幾有禮貌，落單時都好快，唔使等太耐。講返主角，海鮮炒飯。當我收到嘅時候，香味已經撲鼻而來。炒飯色澤金黃，粒粒分明，冇黐埋一齊。食落去每一口都有海鮮嘅鮮味，真係好開心！裡面有蝦、魷魚同埋青豆，配料唔少，食起來好有層次感。而且炒飯嘅調味都幾好，唔會太鹹，剛好襯托住海鮮嘅鮮味。最驚喜嘅係兩件炸魚柳，佢哋炸得金黃酥脆，外皮薄脆，內裡魚肉鮮嫩，味道正宗。咬一口，魚肉彈牙，完全冇腥味，配上少量嘅醬汁，真係好好味！其實呢個魚柳可以單食，已經足夠吸引，加埋炒飯一齊食，簡直係完美搭配。

今日上完堂又去搵嘢食啦！無意中見到呢間炳記，招牌上有個四人套餐好似都幾抵食咁，入咗去環境就係普通嘅茶餐廳模式，服務員嘅態度都幾好，呢間睇落嚟都係做街坊生意多，先來四個例湯，再嚟就係蠔油油麥菜，半隻海南，雞椒鹽魚腩，沙拉骨，土魷蒸肉餅，紅豆奶茶。例湯，蠔油油麥菜，好家庭版，冇味精。海南雞，味道正常，雞肉都唔會好多肥膏，雞肉都有啲嫩滑，唔會太柴太老。椒鹽魚腩，表面炸到脆，入面啲魚肉都仲保留咗啲肉汁，唔會太乾，冇乜腥味，幾特別 。沙拉骨，用嘅係豬扒，啲肉唔會太硬，沙拉醬配落去都幾夾。土魷蒸肉餅，呢個真係超正，啲魷魚係用乾貨魷魚，發咗再加豬肉剁碎，土魷唔會太硬，味道好出，再加上有少少肥肉，整體好好味。紅豆奶茶，唔會太甜，估唔到紅豆配奶茶都夾到下次可以再嚟

去年12月某一天，溫度不過雙位數，又凍又餓隨便走入一間冰室，點了一客海南雞飯🍗🍚。當晚八時左右，座無虛席，但服務員態度非常好，很親切。所以前兩天再去荃灣變，便帶埋從德國回港的親朋友去試試這港式味道。適逢下午茶時間，我們便叫了兩份炒粉麵🍲，分別是羅漢齋伊麵和肉絲炒麵，飲品則點了紅豆冰和熱奶茶☕️兩客炒麵都係脆底，人一啲都唔油膩，味道亦不似一般茶餐廳那麼下重口味，我們都食得很開心。最重要一提，無論下午茶或晚上的服務員態度都很好！我們今次二人入座時未有卡位，點餐後服務員見其他客人離開，便會幫我們轉到卡位坐。如是者，對其他幾枱客都係同樣服務，他們絕對不會厭煩搬枱改單，值得讚

荃灣茶記雲集，有時間坐低食早餐，我會揀炳記～ 味道穩定得嚟夠地道，杯鴛鴦滑得嚟夠香，有陣時仲有驚喜😆想食少少辣去刺激早上味蕾會點雪菜肉絲米粉+辣椒油～ 好似平平無奇，無乜待別，但老實講，相比起其他茶記，d湯底一係清淡如水，一係花巧地加好多嘢，依家可以搵一碗簡單好味嘅雪菜米已經好少最喜歡嘅係，間中會有好浪漫嘅碗，點解咁講？ 皆因送上嚟嘅時候，碗個show出You will never know 當差不多食完嘅時候，show出下一句係Dear How Much I Love You😆😆 食早餐見到咁有愛嘅碗，仲唔係Good Morning

想食煲仔飯，好耐㗎喇，喺荃灣好少地方有得食，見到呢間有就入去試吓啦！夥計服務態度好好，跌咗筷子佢話得唔使執我幫你，然後即刻攞隻新筷子俾你，你俾個眼神佢，佢就準備俾你，醒目到不得了👍🏻👍🏻 平時茶餐廳都唔好意思問人攞多隻碗仔講返食物，我就嗌咗冬菇雞臘腸煲仔飯，大概等咗半個鐘，好快就有，同埋啫啫通菜，冬菇雞臘腸煲仔飯，成件事個味道都好淡，食唔出有冬菇雞味😓，又冇臘腸味，可能因為得一條臘腸啦，連煲仔飯嘅燶味都唔出😳而個啫啫通菜，用鐵板上，上枱熱辣辣啫啫聲，所以叫啫啫通菜，好味，鹹鹹地要送飯，菜裏面有啲鹹魚、蒜頭、辣椒咁好足料，鹹香味十足，好惹味，送飯一流👏🏻

某月的星期五，下班約會家人的地點突然變了荃灣，頓時失去了食好西的計劃。會合之後，以平平地為目標的我們就決定去找平靚正的茶餐廳做晚飯地點。行來行去，看了又看，最後來到這一間《炳記冰室》門前。看見其餐廳又中又西，好似好多選擇。就決定入來了。當我細閱古舊的 menu 時，才發現《炳記冰室》的前身是《炳記西餐廳》，究竟，西餐廳變茶記之後，出品有什麼區別呢?當日，我們總共叫了三個套餐。而餐廳配的兩款餐湯，都是西式的。店方說明了粟米忌廉湯是沒有放肉之後，太太同兒子就點下每人一碗。太太一喝之後說，很好，這不是用湯粉開的湯。這一個忌廉湯，口感是香滑的，也能帶出少許粟米的香甜。不錯。這兒的羅宋湯稱得上是足料之作。不過，這一個足料是以菜為主。有超多的菜，有足夠的紅蘿蔔同牛肉。少少辣，味道既甜又酸。可以說是一個有足夠水準既羅宋湯。仔仔點的，是紅酒汁牛扒。一看，就知道這是傳統港式的瑩光汁西餐。厚切的港式牛扒，肉質夠腍，吃入口亦沒有那些化學的鬆肉粉味道。汁的味道好，也夠多，給了少少女兒來伴飯吃，看得出也食得開心。餐廳的素食選擇，除炒粉麵之外，就是這咖喱雜菜飯。這兒標榜的，是海南咖喱。相信，就是馬來西亞的咖喱，所

🔸黃金沙拉骨 $68 面頭有洋蔥，撈埋沙律醬一齊炒醬汁夠晒稠身，有少少醋味沙拉骨本身入味，唔會太淡 沙拉骨用咗腩排，唔會鞋颯颯，或者太瘦 ▪️配老火例湯，白飯一碗▪️熱飲加$6，凍飲加$8 不過荃灣區港式茶餐廳食晚飯嚟講呢間係同區貴咗少少不過入去食之前見到裏面都好多人幫襯食完覺得不過不失有機會嘅話都唔介意回頭食🔹環境：好多卡位港式茶餐廳嚟講幾好坐當日天氣好熱，但冷氣都足夠👍🏻而且又唔會太凍-時段及等候時間：星期二 晚 ～0分鐘-味道：7/10性價比：5/10回頭率：3/5-#炳記西餐館 📍荃灣眾安街102號

我本身都好鍾意食茶記，依家去到荃灣依頭，咁啱見到依間炳記。座位唔算多，而家疫情緩和咗，所以都會有搭台嘅情況。咁懶嘅我都會叫lunch set, 焗豬扒飯係我嘅至愛，所以決定試一試。醬汁帶有少許甜味，豬扒亦都經過煎炸處理十分香口，加埋一杯凍咖啡，56蚊一啲都唔算貴。

下午茶既炒飯，抵食。。。$45包野飲，仲有好多選擇，basic ge 炸脾西多都有。眾安街有好幾間茶餐廳但每次都會黎番呢間，因為姐姐好有親切感，每次都好有禮貌，加上佢個裝修，一排凳個隻湖水藍色令你好印象深刻hahha，會再黎

上次想試咖哩個但唔食牛脷🤣今次拼豬扒緊係食啦！食物咖喱🍛豬扒飯豬扒有5件，有煎過，好香口，咖哩油幾香，港式咖哩咁，有辣味嘅！香料唔算好多，但有咖哩香味，送飯一流。滑蛋蝦仁🍤飯，有17粒細蝦仁，滑蛋都滑嘅，不過不失啦～個湯1紅1白，羅宋湯好稀、好淡，好似溝左好多水，冇乜味。相反，忌廉汁好似原罐開去煲，好濃同好咸😵‍💫環境有廁所嘅，冇乜必要都唔好去，地方淺窄，不過叫做全部卡位，坐左入去就冇乜所謂。始終係荃灣街鋪食嘢，唔好咁多要求🙏🏻服務姐姐都好有禮貌，見到隔離枱嗌鐵板上錯扒，姐姐好有禮貌同佢講返個實情師父睇錯單，人哋都係決定唔要都好快叫廚房整過。反應係快嘅！

今日做完嘢落到去食都已經1點半…食物最平食係魚香茄子飯$45+$3凍飲。佢真係有粒粒咸魚架！啲茄子唔霉，好食嘅！不過飯就軟左啲我自己就食唔晒，分左啲俾老公食！仲有豉椒班腩河，一黎到，覺得佢唔大碟有5件魚，唔係腍魚外脆內軟，河粉就一pat咁，可能遲去，過咗lunchtime跟餐有羅宋湯，普普通通。凍檸檬茶偏甜，咖啡都係普通野。環境地方細，不過勝在卡位多，但走廊窄。如果咁啱要岀佢又撞正送餐，就會撞到有廁所嘅，但如非必要，我都勸你係大商場去左先！另外依家有八達通同支付寶埋單個人黎講覺得方便左🤣如果冇現金或負錢，附近有中銀同恒生atm

放工後求其行左入一間茶記食飯，諗住唔叫下午茶，叫個貴啲52蚊嘅海南雞飯就實死，點知又中伏😑啲雞就俾哂雞胸，海南雞整得好食嘅雞胸我完全ok無問題。但呢碟海胸雞嘅雞胸仲難食過白切雞個啲，無味勁嚡，基本上係點汁再放入口合埋眼咁吞左佢，諗番清哂碟雞其實自己都真係幾犀利。唯一幾好嘅就係佢啲菜幾多，但係都係白烚無味碗油飯早知叫碗白飯好過，應該係有撈左啲白飯先會碗飯有啲飯係白色有啲飯係黃色，同埋無平時食嘅油飯個種香味。

行山前在荃灣吃過午飯才有氣力行的。轉車前在附近入咗間冰室。咖喱牛腩飯，份量都算合理。咖喱汁幾稠糊，撈飯是還可以的。咖喱味偏淡而微辣。牛腩都算軟淋，味道偏向日式。 豉椒排骨炒河，有青椒，洋蔥，芽菜等，個豉汁色深佐味道唔太濃烈都有6-7塊排骨，醃得入味，唔肥又淋。豉椒排骨和材料是獨立炒好淋在河粉上。河粉亦算粗中帶滑，不過覺得如果一齊㨮亂炒應該會更好味。粟米忌廉湯，，粟米都有幾多，亦略稠傑，傾向似汁多些。中湯，一般ok。

今日同我老婆去荃灣搵野食，有時太多選擇都未必係好事，行左好耐，行到有點夜就見到間西餐館，又見肚餓就入去啦，入到去睇食評見到好多人都話侍應態度唔係太好，入到去全部都是上咗年紀的叔叔，但佢哋既態度又冇乜嘢喎都唔錯喎，唔知係咪有改善咗，先睇睇餐牌見到價錢都好抵食宵夜套餐，我和老婆一人叫咗一個鐵板餐，我就要咗個美式什扒，佢就叫左個雞中翼加文也牛仔柳，好快就有嘢食啦有湯有飲品仲有麵包添，之後主菜嚟啦，份量都好多，味道就普通啦，唔算話好特別，但係宵夜來講都算唔錯啦$88都好抵食，值得推介

最近疫情影響，甚少出外用膳，但經過這店感覺座位寬，選擇多，就一試吧！晚餐的食物種類選擇真多，一般的炒野、小菜，還有煲仔飯。但我看中了$60的海南雞飯套餐，還可選即磨咖啡，既然抵，就下鎚了。先來個青紅蘿蔔湯，都很足的青紅蘿蔔，正常味道，但嚐了兩啖而矣。主角海南雞到來了，嘩，居然有雞脾位，開心極。大大件的雞夾起先入口一嚐，肉質不會太鞋，但不算滑，味道像浸過度了，沒有雞味。這餐伴有三款醬汁，先試橙橙色的，不酸不辣，淡淡的。另一雞點上黑色少少稠的醬，濃味但不懂形容，不如豉油鹹，但又不像煲仔飯汁甜。剩下來的就是傳統薑蓉了，也沒有燒味店的香。如果對味道不甚要求的話，純粹因爲這裡坐得舒服，食物選擇多，也可考慮的。或者，下次給一次機會試試小菜啦！