炯記燒味 (坤成樓)

營業中

休息中

今日幫屋企人嚟荃灣攞嘢，搞掂喺附近食埋晏先走。回程時路經街市街，見到有間「炯記燒味」。櫥窗入面嘅叉燒、燒鵝賣相好靚仔，令立立，一於買番啲返屋企今晚做餸。原來呢度逢星期一至日都會有一款特價燒味供應，另外仲有三款超值加餸組合。揀咗半斤燒腩仔同半隻豉油雞，價錢非常經濟，只係 $118，真心抵食。燒腩仔外皮脆卜卜，腩肉肥瘦適中，皮脆肉嫩，肉質鬆軟又夠腍滑，而且醃得味道啱啱好，唔會太鹹。玫瑰豉油雞亦唔嘢少，雞夠大隻，雞皮好薄，豉油味調校得很不錯，雞肉十分嫩滑，入口啖啖肉，令人食指大動。下次想加餸可以再嚟幫襯。

今日我要同大家分享下荃灣街市街嘅🔥炯記燒味啦！我同同事今日中午去買咗兩個外賣。我叫咗個🍖叉燒油雞燒腩飯，我同事叫咗個🐙海蜇手撕雞飯，跟餐仲有一碗🥕紅白蘿蔔湯一齊送。嚟講下我嘅叉燒油雞燒腩飯啦。叉燒呢，啲肉色澤紅亮，入口🍖彈牙，每啖都好多汁好香嘅！又加埋油雞，肉質鮮嫩多汁，好好味哋！再嚟，燒腩啲豬肉絕對係肥瘦適中，香口又夠軟滑！白飯份量啱啱好，粒粒分明！😋同事叫嘅海蜇手撕雞飯🍗，呢款真係好特別！海蜇好滑，好爽口，味道好開胃。同鹽焗手撕雞肉一齊食更加好食！湊埋一啖白飯，真係結合得好好，味道層次分明！仲有個紅白蘿蔔湯，🥣湯色鮮艷，滋味鮮美，好開胃又營養豐富。🍲荃灣街市街炯記燒味嘅外賣真係超級推薦喇！燒味新鮮又入味，仲可以選擇堂食，無論餐廳環境定係菜色都絶對可以滿足你嘅味蕾同胃口！下次你經過荃灣街市街嘅時候，一定要試試炯記燒味啦！地址：荃灣荃灣街市街142-166號坤成樓地下10號舖

上次食過呢間烔記燒味覺得幾好食, 今次特登再過去「加料」。推廣優惠有三個組合 :A) $118 叉燒/燒腩仔(半斤) + 貴妃雞/豉油雞半隻 ; B) $138 燒鴨半隻+叉燒拼燒腩仔(例牌) ; C) $116 手撕雞+ 醬汁豬手/冬菇豬手今次就揀左B) 燒鴨半隻+叉燒拼燒腩仔(例牌) 燒鴨香料味重, 燶身反而食落更加有風味 , 而且肉質唔乾 , 幾多汁 , 食落幾驚喜。份量都俾得好足 , 真係放滿一大盒。叉燒係半肥瘦 , 調味唔會死鹹 , 我鍾意佢帶少少甜味, 送飯一流。肉質都軟嫩 , 唔硬身 , 老人家食都無問題 。燒腩仔同上次一樣咁出色 , 拎到返屋企一樣脆卜卜 , 每一層肉之間都有一層脂肪相隔住 , 味道唔會偏鹹 , 好食。價錢算幾平 , 不過位置離地鐵要行一小段路 , 建議可以經千色過去 , 咁行會最舒服。

炎炎熱日，最怕就係要入廚煮飯。有咩慘得過三十幾度係廚房煮野食，就係出面開住冷氣關埋廚房門。所以一經過可以外賣即食就會買。是日經過炯記，見到d燒味都幾靚仔就睇下有咩岩買。套餐都算幾抵食，我選左$118套餐有叉燒同豉油雞。叉燒~肉質唔錯，唔會咬落太肥，亦唔會過瘦。所以叉燒咁都唔會痴牙。而個蜜糖汁又唔會太多變得好膩，甜度剛剛好。豉油雞~冇平時最怕既雪雞味，豉油味剛剛好。唔會太過火又夠味道。肉質都算唔錯。

行過見到有外賣自取優惠， 手撕雞手撕雞半隻外賣$48， 單/雙拼飯先38 ， 有叉燒、燒肉、油雞等選擇， 仲有每一日都有不同既一隻同半隻斬料優惠， 例如燒肉、油雞等。 我今次就叫了手撕雞半隻， 份量都幾好， 食個陣淡淡肉， 有濃厚雞味， 脂肪比例岩岩好， 仲配上芝麻醬同芝麻， 味道非常夾！ 仲有仲見到隻雞腳同雞翼， 所以係足半隻嫁！ 我仲叫左燒肉叉燒飯， 份量都算好大份， 仲配左幾條菜心比我， 仲有跟一個例湯， 燒肉個皮仲好脆， 肥瘦均勻， 食落仲咸咸地， 叉燒好重叉燒醬， 撈飯一洗， 一d 都五肥， 淡淡肉， 而且邊位燒到焦焦地， 食落好似有炭香味！

📍 炯記燒味（荃灣）外賣🥡回家食燒味同屋企人食飯，係一種幸福🥰我最愛既燒味🤩加3蚊可以將例湯轉可樂🙋🏻‍♀️🔸燒味四寶飯｛燒鴨，叉燒，紅腸，鹹蛋｝一睇相就知好豐富，好耐冇食過鹹蛋🥚醃得好岀色，唔會過鹹，好適中又入味☺️燒鴨皮脆肉嫩，啲肉又入味，我最愛😍🔸燒味雙拼飯｛叉燒，燒肉｝叉燒厚切肉質夠腍，好易咬，有肉汁唔乾身，仲有少少燶邊，正👍燒肉個皮仲脆，腩肉唔肥，唔多脂肪肥膏，燒肉真係冇得輸☺️

放工行過路過，望到掛係度既燒味都好似幾吸引咁。天氣又熱今日懶得去街市買餸，直接行入炯記買燒味返家做餸就算，慳水慳力。花多眼亂食咩好呢？睇到優惠套餐就梗係食依個啦，平靚正。點左個燒腩仔加油雞，睇住師傅斬燒腩仔脆皮聲就正。燒腩仔~燒腩仔既皮果然係夠脆，燒腩仔肉質唔錯，燒腩仔肥瘦平均。連埋脆皮一起吃下，簡直係超正。豉油雞~食既時候雞肉嫩滑，雞肉質好好，唔會過熟岩岩好。夠晒入味，豉油既醬汁完全融入雞肉中。

#開餐好去處 ❣️ 荃灣性價比炯記燒味❣️日日都要煮飯🍚真係諗到頭都爆唔知煮咩餸好😖最簡單快捷就梗係去燒味舖斬料啦😎荃灣街市街嘅炯記燒味外賣組合絕對係不二之選💟鹽焗手撕雞加埋蜜汁叉燒皇😝兩個例牌加埋都係百零蚊😍💟鹽焗手撕雞手撕雞嘅份量十足！仲有密麻麻嘅芝麻鋪喺上面！非常吸睛👀食慾倍增！雞肉嫩滑唔會好油膩！仲好入味添！食落充滿鹹香！配搭埋芝麻一齊食！口感非常豐富！超級滋味😍💟蜜汁叉燒皇炯記招牌菜蜜汁叉燒皇！份量同樣超級多！叉燒肥瘦比例均勻，蜜汁香甜惹味！用嚟送飯一流🌟另外喺佢哋門口仲見到有燒味套餐組合優惠！同埋勁抵食嘅$38下午茶！款式仲有好多唔同選擇！下次一定要試吓佢哋嘅燒鵝髀先得😆

附近收工經過斬料唔買送，因為天氣實左太熱，唔想去買又返屋企整見到呢間都幾多人買，就試下啦！佢有每日特價同三個特價套餐，最後選左燒鴨+燒腩仔叉燒拼盆。燒鴨算大只，打開個盒好香！皮薄唔多肥膏雖然坐車返到屋企個皮已經唔脆，但都好香口！叉燒拼燒腩仔份量都多燒腩仔半肥瘦，唔會好油膩個皮燒得夠厚又好脆，唔錯！！叉燒都係半肥瘦，配甜甜地既蜜汁，好味！呢度價錢唔貴，都多選擇！買完先見到有個$38海蜇薰蹄，幾吸引，下次可試！

最近天氣咁熱.，最好就係買外賣返屋企，行完街經過見到外賣幾抵，就買黎試下。我地揀左組合B，會包一份王牌脆皮燒鵝半隻+叉燒拼燒腩仔(例牌)。脆皮燒鵝，賣相唔錯，皮下油脂不多，且不油膩皮雖薄但有油香，肉嫩多汁，醃得入味又不咸，重帶點煙燻香味，幾好！叉燒拼燒腩仔(例牌)估唔到都幾多，叉燒微微焦香，厚度適中，肥瘦均勻，蜜汁香甜帶脆，油香味俱全 送飯一流！燒腩仔（例牌）燒腩仔皮脆卜卜，而且肥瘦適中，咸味也怡到好處。

🐔炯記燒味📍荃灣荃灣街市街142-166號坤成樓地下10號舖一向都覺得街市街呢間炯記嘅燒味好好食，價錢又好抵，靚湯又足料👍🏻燒鴨瀨粉$38燒鴨火喉控制得好好，燒得外脆內軟，鴨肉好食😃瀨粉彈牙。叉燒飯$38叉燒係我鍾意食嘅半肥瘦，惹味又軟腍😋。滷水豆腐$8/件 $13/2件好抵食，2件$13，一大碟兩個人分就啱啱好。滷水豆腐又滑又入味，唔會太鹹好食😋這間分店主打外賣，堂食位置不多，比較適合一兩人用餐。外賣出餐速度很快👍🏻

我最近去咗荃灣街市街嘅炯記食燒味，真係好好味啊！呢間外賣燒味店特色係價錢唔太貴，而且味道都好傳統，好似啲舊時燒味舖嘅味道，真係好正啊！我就嚟講下我嘅餐點啦。我試咗佢哋嘅雙拼燒味飯，啱啱好啱啱好啱啊！啲肉都好入味，而且有兩款肉啊！油雞同腩肉都好好味，令我好滿足！加埋一個湯，真係完整又飽肚！🤤除咗呢個，我仲點咗佢哋嘅手撕雞加餸，真係好嫩滑夠味啊！啲雞肉真係好滑，而且味道都好鮮美，真係好正啊！總括來講，呢間炯記真係好好味啊！手撕雞嫩滑夠味，雙拼燒味飯配湯好滿足，價錢都唔太貴，真係好抵食！如果你鍾意傳統燒味，咁呢間真係唔可以錯過㗎！

天氣咁熱，有時想偷懶唔煮飯，買2盒燒味加碟油菜，又一餐，夠曬方便快捷！荃灣都有間老字號燒味店，不過價錢就貴啲，呢間炯記幫襯過幾次，CP值真係幾高....今日下就買左1份雙併燒味飯叉燒油雞，我指明要瘦叉，都唔鞋口，肉質幾軟腍，又夠蜜味。雞皮都唔算好肥嘅。燒味份量多，大大盒飯，送左條油菜同例湯，只係$38，真係好抵食！唔要例湯轉汽水就加多$3。一盒海蜇燻蹄$38，酒樓點心價也不止這個價錢，但質素及份量都ok, 海蜇好脆有彈性, 燻蹄唔肥，厚薄適中, 做餐前開胃小食也不錯。炯記馳名菜式係手撕雞，梗係要試下！半隻$48，1隻$88，可揀麻辣及鹽焗口味，原盒連雞骨奉上。我揀左麻辣，比較油膩啲，下次都係揀鹽焗的。雞肉唔鞋口，肉質幾滑，加埋海蜇一齊食仲正。下次經過都試下其他燒味先！

前排端午節做節，老媽子叫我去斬料加餸，咁啱喺熊貓酒店附近有一間炯記燒味舖，見到都幾多人幫襯就買嚟試下見到餐牌都幾多選擇，仲每日有不同燒味做特價我就揀咗佢哋嘅特價組合A，可以揀叉燒/燒腩仔(半斤)+貴妃雞/豉油雞(半隻)，夾埋都只係$118，真係好抵我最後揀咗燒腩仔(半斤)+豉油雞(半隻)玫瑰豉油雞色澤油亮，有淡淡的玫瑰露酒香氣，肉嫩皮滑，重點唔會死鹹，好好味脆皮燒腩仔大大件，唔似一般的燒腩仔細細舊咁，啖啖肉，而且一啲都唔柴，個皮好脆，又唔肥

天氣熱，唔想煮飯 。買現成餸返屋企食最好，所以去左街市街嗰間燒味檔。糾結於燒腩仔還是叉燒🤔，見叉燒係是日特價，就扑搥食半斤叉燒。另外，按家人要求，加多半隻手撕雞。叉燒要半肥瘦，有些燶邊，肉質唔乾柴， 而且個汁唔錯，不會過鹹過淡。 下次我想要再肥多少少😬，入口再滿足些。手撕雞鹹鹹香香，好濃既沙薑粉味，送飯一流。去左骨，啱哂我呢d懶人。好快就ko左半隻雞。久唔久食下呢間，好過瘾。好味指數： 👍👍👍👍