炯記手撕雞 (汝州街) (已結業)

基本上我每一次去深水埗呢一間同炯記冰室係我最愛嘅食飯地點😘佢都算遍布全港九😎已經都食過唔少次但係次次都會繼續揀呢間因為佢真係超好食💕💕呢度最出名就係手撕雞😍我梗係整個小食手撕雞啦仲要有麻辣手撕雞😍最啱我呢啲鍾意食辣既人凍凍地 雞肉嫩滑 完全都唔鞋口好食😎叫得手撕雞梗係配一個鵝油撈麵果然名不虛傳😝好香嘅鵝油香味包住每一條麵條 麵既硬度適中正😘😘另外仲叫咗個出名嘅腩叉牛角包❤️牛角包有即叫即烘 保持熱辣辣又脆卜卜配合埋叉燒 成樣嘢都好邪惡不過又出奇地match💕呢個真係必試item❤️叫個菜先揀咗個上湯浸津白🤣火腿絲都算多 仲要厚切 唔係薄薄一兩條💕真心好推介呢間餐廳😘

炯記出名燒味就知，但無諗過仲有手撕雞店，要入去試一試！入到手撕雞店就緊係要食手撕雞！我地二人就食左手撕雞牛角包配特濃西湯（$53）、絕味口水醬手撕雞腸粉（$40）同重慶酸菜魚（例）（$88），另外仲追加特飲（+$8），揀左水蜜桃梳打。手撕雞牛角包配特濃西湯先講呢個牛角包嘅組合，可謂中西合璧，牛角包🥐鬆軟又香口，而手撕雞可選麻辣或者鹽焗，我就揀左後者，食落鹹鹹地而啖啖肉，仲有生菜同芝麻醬襯托，意外地好match，值得一試。另外，唔同西湯會唔同價，我地就揀左蕃茄濃湯，名符其實真係好濃味，甚至覺得有點兒太濃😹，不得不說都幾足料，大大舊蕃茄加好多粒粒洋蔥。手撕雞腸粉嘅手撕雞我地就揀左口水醬味，微微嘅麻辣感可以刺激下味蕾。最重點係腸粉非常之好食，夠滑又夠熱，醬亦都好足！重慶酸菜魚配老火湯同白飯估唔到手撕雞店會有酸菜魚，冇想像中咁麻辣，可能配合返香港人口味，魚肉都幾滑，不過就覺得有點略少。另外老火湯係典型例湯，好岩我。最後水蜜桃梳打就正常發揮，可以。

🐔炯記手撕雞撈麵 (鹽焗) $56手撕雞咸味適中，唔會過咸，雞肉油脂均衡，肉嫩唔乾身。鵝油撈麵食落唔膩，清淡味道突顯鵝油特色，恣味者更可要求黎多兜鵝油豉油🐔🐷手撕雞雙拼撈麵 (麻辣, 腩叉) $60麻辣手撕雞，辣味唔會太搶，能夠於手撕雞味乳酪味之間達致平衡。叉燒肥瘦適中，唔乾唔柴，叉味濃郁，舊舊厚切。食完一舊再一舊📍地址: 深水埗汝州街257號地舖- 推介: 🌝🌝🌝🌝🌚 (正常)- 味道: 🌝🌝🌝🌝🌚 (正常)- 番兜度: 🌝🌝🌝🌚🌚#hkfood #foodie #hkfoodie #零食 #零食開箱 #返工 #放工 #無無聊聊又一日 #打工仔 #打工仔日常 #hkeat #hkfood #試伏 #yuenlongfood #hkfoodblogger #打卡 #美食 #香港美食 #深水埗美食 #hkfoodblogger #foodbloggerhk #hkfoodporn #foodpornhk #炯記手撕雞

今日去左鴨寮街買野，買完是但搵間餐廳食晚飯，見到呢間炯記手撕雞都幾多人食就決定試下！我地叫左個Set Dinner 二人滿足套餐（$198）酸辣蒜香雲耳 bb酸辣度，食落開胃嘅涼拌小菜。鹽焗雞腎，因為手撕雞揀左麻辣味，雞腎就試鹽焗，估唔到都唔錯而且雞腎好爽口。麻辣手撕雞（例牌）皮香肉嫩雞味濃，個麻辣醬辣而唔嗆喉！見唔少人叫手撕雞腸粉或者撈麵，下次可以一試！秘製醬皇豬手（四隻）係男朋友想試，佢話好入味想下次再encore！郊外油菜，正常嘅油菜。主食我地叫左一個白飯、一個太子鵝油撈麵，白飯唔講啦個撈麵好大碗，鵝油令到個麵昇華左！仲有兩碗是日老火湯同可樂，呢個價錢真係平靚正！平民價錢但食得出店家用心烹製，值得再黎多次！

朋友知我鍾意食手撕雞，佢話喺長沙灣食過一間唔錯嘅，本來想帶返我去果間食，點知無意中就發現原來深水埗都有分店。咁就真係要試吓啦。 好鍾意舖頭嘅裝修，牆身有唔同區嘅相片，加埋黑膠唱片作間格，個人感覺幾靚。 我地一行三人每人叫左d，share一齊食特別開心。 🐖秘製醬皇豬手撈麵餐($56) 豬手好好食，炆得好腍，尤其豬皮非常有彈性、黏黏的，滿滿的骨膠原。🐓麻辣手撕雞腸粉套餐($56) 麻辣味唔太重，啱哂唔係好食得辣嘅我。欣賞腸粉有好多醬，麻醬甜醬撈腸粉，再加埋手撕雞嘅少少辣，呢個口味都唔錯。🥢小吃三皇盤($58) 包括有蒜香酸辣雲耳、鹽焗雞腎、酸辣無骨鳳爪。個人覺得鳳爪最為突出，爽爽彈彈、微酸微辣，唔錯。🥢太子鵝油撈麵($38) 都係用左粗麵，攣攣嘅麵極易掛汁，每條麵都充滿小小嘅鵝油香，同豬手撈麵果種嘅豉油皇撈麵比較，多左小小嘅油香味，食落都幾好口感。舖頭細細，但坐得幾舒服，座位同座位之間唔會太迫，都算坐得闊落加上淺色木係傢俬店面網絡幾整潔光猛。

遊逛深水埗批發街電腦商場一整個下午， 接迎黃昏兼且餓壞了的朋友想吃雞肉，便找了間有名的手撕雞鵝油麵餐廳進食。 門口已排滿數名等外賣的食客， 店內的食客亦接近半滿座。 餐牌包羅萬有， 有酸菜魚米線、 腸粉、 炸薯條、 西多士等等）我倆有選擇困難症， 後經侍應熱情推介下： 選了2人晚餐包括店著名的手撕雞、太子鵝油撈麵、醬皇豬手、盐焗雞腎、雲耳等 。 一陣間已送上熱辣辣甜甜嘅老火湯 （很甜兼冇口乾，應該冇味精👍）， 頭盤嘅酸辣蒜香雲耳，酸醋蒜味夠重、雲耳朵朵爽口蒜味濃。店面的招牌菜手撕雞，堆到成座山的白白滑滑的雞肉。一碟有4 大塊的厚厚豬手，含有超濃厚的醬汁加滿滿厚厚一層的骨膠原。再來滿滿一碗的鵝油麵賣相厚厚的油香、第一口滑潤潤及鵝油香在口久違不散， 美味可口。 這頓晚餐很滿足而且只是 每人一百元 滿意。

耐唔耐就會去深水埗購物，呢日都係，同朋友一齊👫，購物之前要先醫肚😅，大家都想簡單快趣食一餐然後 shopping，咁我都冇乜點諗啦，就決定帶朋友嚟呢度開餐，因為印象中平靚正😆曾經喺度食過二人套餐，今次就散叫😆，不過都係 share 嚟食😊：- $70嘅「炯記四寶撈麵」：「四寶」包括 牛腩、牛肚、豬手🐷🖐、手撕雞🐓😋，牛腩牛肚同豬手都炆煮得好腍😊；再加埋幾彈牙嘅「鵝油撈麵🍜」，食到朋友同我都好暢快😆；另加 $14 叫咗「鵝油生菜🥬」😋；再加 $7 要「鹹檸七🍋🥤」😆- $68 嘅「鹽焗手撕雞🐓（例牌）」：手撕雞🐓有鹹鮮味，仲加咗白芝麻同埋好似落咗麻油添，所以幾香😊；例牌份量都算幾多，啖啖肉🤩- $40 嘅「口水醬手撕雞🐓腸粉」：口水醬辣辣哋，撈埋手撕雞🐓，味道濃郁，又另一種食法😋；腸粉白雪雪滑脫脫😆，加埋甜辣醬，幾惹味😋；腸粉連口水醬手撕雞 一啖擺晒落口😆，感覺非常豐富😆朋友同我都食得飽飽😋，開心 shopping 去😆

一般港式燒味店通常都俾人環境污糟，快快趣食完就走嘅感覺，但呢一間炯記手撕雞，絕對令我改觀ε-(´∀｀; ).店入面以黑膠碟作裝飾，有20-30位置，廚房係餐廳入面，唔會同入店客人打晒交咁，餐堂冷氣好夠，亦都乾淨企理，第一印象已經好好！.必試⭐️手撕雞腸粉！叫左雙拼手撕雞，有鹽焗同麻辣，兩款都做得好出色，份量好多，雞絲都好滑，腸粉俾醬絕對更係無手軟，咩醬都有！.出色嘅清湯牛腩撈粗麵，份量好多，2個人都足夠，每條麵條都俾啲汁包裹住，調味做得好，唔會過於重口味！.另加左芝士焗西蘭花，又係大大份，多到好似成個西蘭花俾左我哋咁，可惜白汁做得麻麻，但菜好新鮮，就咁食都好味.小食叫左小吃三皇盤，有鳳爪、雲耳、雞腎，又係大大份，鳳爪酸酸地好開胃，雞腎煮得啱啱好，入味又唔會鞋

奶油包舊Office樓下就係炯記以前成日會坎買外賣食但公司搬左大半年好耐冇食過結果今日去完做野而爸爸又唔係屋企食飯就叫左媽媽去深水埗食個飯先返屋企咁岩係深水埗就見到炯記就同媽媽入去食我哋首先試咗炯記四寶撈麵價錢公道一次過就食到炯記4種招牌菜有豬手、手撕雞、牛腩、牛肚好抵食豬手好香好入味醬汁十分惹味而且豬手好淋就算老人家慢慢食都可以亦都比起坊間豬手大舊手撕雞有淡淡鹹香味啖啖雞肉都好滿足跟住選擇困難症嘅奶油包叫咗個小食三皇盤貪佢又係樣樣都有啲有酸辣鳳爪，酸辣雲耳，同埋鹽焗雞腎樣樣有啲好高質而三樣小食都係涼拌菜惹味得嚟又唔會食到個人熱辣辣十分開胃搞到我地都愈食愈多嘢最後上枱嘅係銷魂腩叉叉燒色澤勻稱外層微脆表面甜甜地內裏肉質細嫩具咸香味食到我地都停唔到口今餐真係好滿足！！兩個人居然可以試到咁多炯記出色嘅招牌菜希望下次有機會再食到呢間餐廳其他美食

下午係汝洲街近西九行街見到「炯記手撕雞」當然要入去試吓。坐位空間大，桌與桌間距都大，唔似其他食店話分枱但其實肩貼肩。我叫咗叉燒蛋包飯配特飲凍茘技蘇打，賣相好靚飯有鑊味好香口，叉燒炯記用骨腩入味有咬口，一口叉燒一口蛋包飯混住食好正！茘技蘇打好夠凍，夏日炎炎飲一啖簡直涼到入心入肺，搭配餐廳主打辣味，可以解辣。另外仲叫咗越式香茅雞翼蕃茄米線，米線少碎但蕃茄洋蔥湯好濃好夠味。香茅雞翼有四隻，皮勁脆，香茅味好出，推薦一試。至於上湯津白，湯好清但帶鮮味，上面加了火腿絲增加了層次，津白新鮮好味。最後有海蜇手撕雞腸粉，涼拌加腸粉呢個組合好新奇，甜中帶辣，軟中帶脆，素中帶葷，一次過滿足晒三個願望！兩個人埋單唔洗$200，食到好飽好抵食，絕對推薦！可以一食再食。

是夜來到深水埗的炯記吃晚餐，服務親切而且CP值超高！二人滿足套餐食物放滿一整桌都只需 $198，吃到捧腹而回😋🔸酸辣蒜香雲耳很開胃的一道前菜，酸辣爽口💦🔹雞腎可選鹽焗或麻辣，點了麻辣口味🌶🌶 帶點嚼勁的雞腎口感一流，會越吃越辣🔥非常過癮🔸手撕雞同樣可選鹽焗或麻辣，雞腎點了麻辣所以手撕雞就選了鹽焗試試看～ 咸香惹味，雞肉蠻軟嫩的不會乾柴🔹秘制醬皇豬手或清湯牛魔王點了清湯牛魔王，炆得又淋又入味，而且份量大方～～ 看到蠻多客人都點了豬手，下次再來試試🔸郊外油菜有主食又有生菜🥬 均衡飲食🔹白飯或太子鵝油撈麵這裡的太子鵝油撈麵可説是招牌菜之一，將邪惡的鵝油精華配上秘制豉油再撈粗麵，油香豐富，吃完很滿足🔸是日老火湯還原家庭味道的老火湯🥣🔹冷熱飲品除了老火湯還附餐飲呢，點了一杯熱檸水和熱檸蜜🍋

今日想同朋友去西九龍中心度睇啲嘢 我喺度諗深水埗究竟有啲咩好食 就諗起朋友推介嘅炯記手撕雞我哋點咗一份鹽酥雞做小食 揸得刚刚好上面仲有啲辣辣地幾好食 😋仲點左一份泰式酸辣鳳爪 分量比我想像中多 我覺得小绿佢係偏酸的 但係因為我自己本身鍾意食酸嘢所以我會覺得剛剛好 亦都好爽脆 好好食🤘🏻🤘🏻我主食叫左佢地最出名既手撕雞飯 （加左個生菜同炸雞翼，炸雞翼同鹽酥雞一樣咁出色 都係好好食 好入味）而佢哋嘅手撕雞份量都唔少 雞肉好嫩滑入味😋 岩哂手撕雞控 小小芝麻香配上白飯 一啖雞一啖飯 真係好好食😍😍😍 佢地既木耳都係酸酸地 好開胃 我都幾鍾意食😗😉 佢地既生菜🥬都令人好有食欲佢地既特飲都令我驚喜， 我地叫左水蜜桃同荔枝味🤓 我個人比較推薦荔枝味， 整體冇水蜜桃咁甜，比較適合我🤩🤩兩個人食左咁多都唔洗$200 好抵食😳👍🏻👍🏻

黎到深水埗，好似成日黎黎去去都係食出名個幾間，今日經過呢間炯記手撕雞，覺得好似好熟，即刻上網睇睇👀就決定係你啦🐥。只係$200就嗌到成枱都係野，果然係平民良品😍麻甩系就緊係要試試佢遠近馳名嘅大子鵝油撈麵，一定要趁熱食，咁先食到鵝油同撈麵既完美融合🤤。🐒午市套餐-海蜇燻蹄鵝油撈麵💰$52+$10水蜜桃梳打午市套餐可以加$6轉撈麵，海蜇燻蹄份量都多，而燻蹄仲會另外有包甜酸醬🌶今次加埋杯梳打refresh一下🤣呢到係中西合璧，我見佢連All day breakfast都有🍳。🐒海蜇手撕雞(麻辣)腸粉💰$52+$7檸樂 本日MVP莫過於此🤩因為食腸粉最緊要啲醬😂佢係好夠醬，仲要熱辣辣手撕雞都好入味。🐒鴛鴦手撕雞鵝油撈麵💰$58+$16醬皇冬菇扒生菜呢款就除咗有麻辣味手撕雞之外仲有原味兩隻味，撈麵份量真係好多，兩個人share一碟再加幾個小食其實都可以😌。睇嚟呢度之後又要變成我嘅食堂🤣因為真係又平又抵食

早幾日黎咗呢度位於深水埗既炯記手撕雞專門店，入面嘅座位好闊落，仲有一啲好懷舊嘅唱片裝飾響牆上面，呢度既食物款式選擇好多，我叫咗一碟手撕雞腸粉雙拼，分別有辣同唔辣嘅手撕雞，雞肉好淋同埋都幾好味，手撕雞同腸粉一齊食個口感都幾特別，之後我叫咗一碟呢度最出名嘅半肥半瘦叉燒，分量都好多，叉燒晶瑩剔透，口感有d似食緊五花腩，但係肉既層次就分佈得好平均，再之後我就叫咗一碟，清湯牛腩淨食，除左有牛腩之外，仲有好有咬口既牛肚 ，好煙韌，呢度既，飯同麵價錢都好平好抵，而且份量都好多，對於深水埗嘅人黎講，黎呢度買外賣返屋企食係一個唔錯嘅選擇。

餐廳：炯記手撕雞 (汝州街) (深水埗)地址：深水埗汝州街257號地舖好耐冇過嚟下午茶，原來佢哋嘅餐牌更新咗，款式多元化咗，但依舊抵食。1️⃣ 鴛鴦手撕雞撈麵 $44 (下午茶)鴛鴦有鹽焗同麻辣，雞肉嫩滑，麻辣都真係幾辣，整體份量都唔算少，加上香濃嘅鵝油撈麵，呢個撈麵次次嚟到都一定會食，真係必食首選。2️⃣ 腩叉牛角包 $39 (下午茶)上次嚟到都唔見有呢個牛角包食，今次見到即刻叫嚟試下。即叫即整，所以都要預啲時間，牛角包牛油味度都幾重，入口鬆化，上面仲有四片厚厚嘅叉燒，肥瘦適中，仲有沙律作伴，加上胡麻醬汁，味道又真係幾夾。3️⃣ 芫茜手撕雞腸粉 $40超多芫茜，啱晒我呢啲芫茜愛好者，啖啖都食到芫茜嘅獨特味道，配上混醬腸粉，呢個配搭都真係幾特別。4️⃣ 叉燒蛋包飯 $55蛋夠滑溜，叉燒就放響表面，而且件件半肥瘦，入口嫩滑軟腍有咬口，食落絕對唔嚡口，真係好好食。5️⃣ 老火湯 跟餐附送清甜可口，冇味精。6️⃣ 是日開胃菜 跟餐附送原來係雲耳，酸酸甜甜又真係幾開胃。7️⃣ 荔枝梳打 特飲跟餐加$108️⃣ 水蜜桃梳打 特飲跟餐加$10