炭烙

營業中

休息中

同朋友喺北角搵食搵到呢間日式小店，環境好有日式居酒屋嘅Feel。⭐️重點係$168嘅飲品放題❤️ 120分鐘任飲！啤酒、清酒、燒酎同威士忌，就連果味梳打可以加雪糕球，勁抵飲！今次點咗一堆小食同甜品，質素真係唔錯，值得支持🍻任飲放題🍹飲到個個都High晒🤣🤣 首先試咗6款冰串燒酌～ 創意爆棚！每杯都有串一串水果（菠蘿、檸檬、荔枝、蜜桃、提子、草莓），串起來浸喺果味酒入面，水果肉好Juicy，超爽！而另一款招牌！十勝紅豆牛乳冰⭐️ 又係甜品控嘅心頭好，3.6牛乳好濃郁，配上軟綿綿嘅紅豆，甜度啱啱好，好滿足！🥢廣島蠔野菜味噌鍋（二人份）主食揀咗白飯，但最正就係可以打隻生蛋上去❤️ 鍋入面有廣島蠔、豆腐等等～ 份量夠晒足！廣島蠔勁大隻又好鮮甜，入口嫩滑👍🏻🍢串燒- 手打免治雞肉棒：正常發揮～ 雞肉彈牙多汁，配上半熟蛋黃，超Juicy- 汁燒豆腐：真心外脆內軟，香口惹味- 六款精選燒鳥串燒組合：有雞頸肉、雞腎、京葱雞肉、雞翼、雞軟骨同鹽燒雞皮，全部可以揀汁燒定鹽燒～全部都燒得啱啱好，雞皮香脆、雞軟骨咬口勁脆，京葱雞肉好香口🥢味醂魚乾當然必點！佐酒神器，愈食愈過癮🍦焦糖芝士蛋糕口感軟滑～ 唔太甜膩，唔錯

北角錦屏街係一個臥虎藏龍嘅搵食好地方，有間新進駐嘅日本餐廳，係時候出動喇！嘩！一嚟到俾幅畫得好靚嘅牆吸引左！三隻貓貓🐱，卡嘩𠲖~~原來呢到有飲品放題，$168一位，120分鐘，除左Draught Beer🍻，Sake🍶， Shochu🍶，仲有Whisky🥃添呀！今次我地叫左🍢六款精選燒鳥串燒組合 $78- 雞頸肉，雞腎，京蔥雞肉，雞翼，雞軟骨，雞皮串燒雞系列真係冇得輸，CP抵好高，啲肉燒得好香，雞皮脆卜卜！🍢牛舌芯串燒 $38- 呢到整牛舌應該幾有把握，叫一份黎試下，果然係好嘢！牛舌燒得又香又juicy! 下次一定要食牛舌丼！！🍛滑蛋豬扒Pan丼 $78- 熱辣辣原pan上，超大塊豬扒。滑蛋加濃濃湯汁好好送飯~~🍔手打和牛漢堡 $88- 一放上檯已經好想快啲KO碗飯。篤穿隻蛋呢個儀式真係好重要，當啲蛋汁經過扒漢堡流落去啲飯到，令色香味都滿分！漢堡係偏軟身，混埋蛋汁加飯，口感好夾！🧆炸池魚 $38- 香脆嘅炸池魚，惹味啱晒送酒🥠海苔魷魚鬚 $45- 驚喜喎，炸完外脆內軟，唔覺唔覺就食晒🫘十勝紅豆牛乳冰- 3.6牛乳加埋棉棉嘅紅豆，好滿足！🍍菠蘿特飲- 清新嘅特飲，解膩一流，仲有一串冰菠蘿

🌟炭烙🌟係北角嘅🏮日式料理小店，設室外座位，夠晒Chill😌！小店嘅食物出品水準高👍🏻 價錢親民，仲有埋任飲放題🍶，的確值得推薦！🍻2小時任飲放題 $168清酒、梅酒、威士忌、燒酎、生啤均任嗌任飲，連特色生果冰串燒酎，同埋無酒精特飲都包埋，輕鬆回本！果味梳打同埋十勝紅豆冰仲可以加雪糕球，邪惡度up up up！👅爆蔥牛舌丼 - 並盛（M） $88滿瀉嘅牛舌同埋蔥花！牛舌燒得啱啱好，軟嫩美味！蔥花有撈到鹽醬，連埋飯同溫泉蛋一齊食，真係正到爆！午市仲要平10蚊，跟埋前菜、湯、甜品，真係大癲，性價比MAX！🔥6串精選串燒組合 $78包含6串燒鳥，雞頸肉、雞腎、雞軟骨、雞翼、京蔥雞肉、雞腿肉，火候控制very good！每串都可以自選鹽燒/汁燒，勁Flexible！🔥手打免治雞肉棒 $38｜雞皮餃子 $38大大條免治雞肉棒，同埋脂香滿滿雞皮餃子，配燒酎一流！🔥醬燒豆腐 $15｜牛筋 $20充滿醬香兼外脆內綿嘅豆腐，估唔到都幾正！🍢大根 $15｜芝士魚餅 $15｜厚燒玉子 $12日本芋絲 $12｜牛筋 $20小店供應多款關東煮，有拼盤Set，亦都可以一件件散叫！🫛枝豆 $28另一佐酒恩物！🍰焦糖

就朋友放工去咗佢公司附近北角呢間新開居酒屋🏮炭烙. 餐廳的環境雖小不過充滿日式風格，柔和的燈光營造出溫馨的氛圍，整體氣氛讓人愉悅，室外座位仲好有風味添. 除咗食物高質多選擇，而家做緊任飲放題 $168 任飲 120mins, 難怪平日夜晚都咁多人. ⭐️爆葱牛舌丼牛舌部分經炭燒處理，外焦內嫩，配上香脆的爆葱，增添了層次感。米飯粒粒分明，口感滑順。牛舌的肉質鮮美，與飯的搭配相得益彰. ⭐️廣島蠔野菜味噌鍋（二人份）廣島蠔鮮美多汁，與新鮮的野菜相互輝映，吃起來清爽不膩. 烏冬吸收了湯汁的精華，湯底濃郁，味增的香氣撲鼻而來. ⭐️6款精選串燒組合雞頸肉肉質鮮嫩，口感彈牙。雞腎很入味咬落好爽. 雞軟骨鹽調味突出軟骨的脆口感，咀嚼感十足。雞皮酥脆可口令人一口接一口。雞翼外脆內嫩，佐酒之選. 京葱雞肉有燒汁的香氣撲鼻，雞肉鮮嫩多汁，與京葱的甜味相得益彰。⭐️焦糖芝士蛋糕焦糖的甜度恰到好處，並不過於膩口，反而讓蛋糕的味道更加立體。整體口感綿密而不油膩，是餐後的完美甜品選擇。想約朋友去居酒屋吹水，推薦你哋試吓👯

呢晚喺北角返工嘅友人帶咗我嚟呢間隱世日式小店，雖然話係隱世，但係佢非常之近北角站，只係位置比較隱蔽啫🤤蔥爆牛舌丼呢個丼飯係餐廳嘅招牌菜，牛舌經慢煮後十分軟嫩，加上溫泉蛋、大量蔥花同少許黑椒調味，就已經非常之好食😝火炙熔岩三文魚丼呢個三文魚丼好惹味，三文魚有輕輕火炙過，上面放咗溫泉蛋、芝士同明太子醬，加埋飛魚籽真係非常有鮮味🤩飲品放題只係$168就可以120分鐘任飲生啤、燒酌、冰串燒酌、清酒、威士忌、梅酒、無酒精飲品等等，同友人chill吓就啱晒🍻我哋就叫咗幾round，即刻回晒本 。♦️菠蘿特飲♦️三得利威士忌梳打♦️麒麟生啤佐酒小食呢度有提供串燒、鍋物、炸物同關東煮等嘅小食，配埋酒一齊食就啱晒啦 。♦️味醂魚乾♦️手打免治雞肉棒附月見♦️五花豚肉串♦️雞胸軟骨串♦️手工雞皮串♦️雞腎串呢間小店都幾多放咗工嘅上班族過嚟食飯，尤其佢嘅飲品放題真係幾抵，啱晒放工嚟小酌幾杯啦🍶

同朋友到北角嘅一間日式居酒屋度食飯，環境好有日本居酒屋嘅感覺，餐廳最近做緊任飲放題 $168 任飲120mins！廣島蠔野菜味噌鍋(二人份) $188味噌鍋可以揀飯或者烏冬，最後揀咗白飯，本身味噌鍋已經係兩人份量，入面除咗廣島蠔之外，仲有豆腐、娃娃菜、竹輪等配料，廣島蠔鮮味十足、口感嫩滑火灸溶岩三文魚丼 $128另外叫咗個三文魚丼飯，份量有中size同埋大size，最後揀咗並盛，即係中size。三文魚外表微微炙燒，表面淋上香甜嘅醬汁同埋沙律醬關東煮烏冬定食 $68年糕福袋 (1件) $13厚燒玉子 (1件) $12關東煮烏冬定食，另外加錢叫多咗個年糕福袋同埋厚燒玉子，除咗呢兩樣之外關東煮入面仲有芋絲、牛腩等配料，本身湯底清甜，關東煮既年糕福袋、厚燒玉子、芋絲都吸飽咗湯汁，加埋牛腩就更添一明顯肉香。檸檬梳打 $58荔枝梳打 $60蜜桃梳打 $58任飲放題當然喺試下唔同飲品！蘇打類飲品加咗酒調味，並且加入各種唔同嘅水果作點綴，入口清爽～十勝紅豆牛奶乳冰 $38紅豆甜加上牛奶香，推介丫

北角錦屏街出名多嘢食，最啱放咗工去chill吓，我地今次去「炭烙」食日本料理，呢度環境好有日本風，而且佢哋嘅食品性比價比高，無論串燒、鍋物、丼飯、炸物、甜品、飲品、時令日式料理，除好味道外，仲看得出廚師放了很多心思在食物中，呢間係一間回頭率好高嘅餐廳。💿炸池魚（$38）池魚細細條，但係好肥美，而且炸得好乾身，連軟骨都食埋，惹味🔥💿明太子雞翼（$48/2 件）一向都好鍾意食明太子雞翼，炸得剛剛好，連皮都食埋，美味😋💿蟹肉忌廉薯餅（$38/2 件）忌廉味濃，薯蓉幼滑，如果再多番啲蟹肉就更加好味😋💿手打和牛漢堡（$88）飯量🍚我地揀左小盛，和牛漢堡質感不會厚實，仍食到小肉碎、洋葱等，口感豐富,充滿牛香，配理蛋汁食，好滿足。💿燒鳥套餐 （$78/6 串）大家都知我係串燒控，有雞頸肉、京蔥雞肉、鹽燒燒雞翼、雞軟骨、雞腎及雞皮6 款串燒，$78 真係性價比高，抵食。💿滑蛋豬扒pan丼（$78）這個賣相已經好吸引，同之前D滑蛋豬扒飯有啲唔同，係分開上，味道濃郁，配飯食一流。💿醬燒豆腐（$15）腐皮甜甜地，豆腐好嫰滑，好食。💿鯛魚燒雪糕（$38）份量比我想像中大😍，鯛魚燒得外皮有啲脆口，正😋，紅豆🫘有

好耐冇去北角，發現咗呢間隱藏小店！餐廳氣氛輕鬆自在，嘢食價錢性價比都唔錯👍🏻特別推介呢碗色香味俱全嘅牛舌丼。牛舌厚度同口感都啱啱好，鮮汁瞬間在口中迸發，搭配香濃醬油加埋葱嘅香氣，真係絕配。份量都好足，重點係先78蚊！原來而家仲有任飲放題，$168 就可以暢飲兩個鐘！飲品選擇多樣，仲有各種果味梳打都可加上雪糕球，夏天嚟嘆返杯就啱哂！仲有十勝紅豆冰🫘，食日本嘢襯紅豆冰都幾爽！臨走再食多件焦糖芝士蛋糕，非常滿足😋愛好牛舌一定要試下

又發現一間高質居酒屋！呢間係北角，勁近地鐵站😙夜晚呢條街都幾有氣氛，所以有啲人都選擇坐户外🤭$168任飲放題真係好吸引！居酒屋就係需要一路飲一路食😀廣島蠔野菜味噌鍋$168二人份，好多料！蠔每隻都好飽滿，而且好鮮味😍鍋仲有豆腐、野菜、竹輪等，可以揀飯或加錢食烏冬😙好抵食！汁燒豆腐睇落平平無奇，但好好食！炸完再汁燒，入味！內嫩外脆～encore 多次雞皮餃子，雞皮好香，咬落好彈牙，啖啖肉😙真係招牌菜之一味醂魚乾，我哋次次都會食！真係整得好過好多地方～夠味唔乾，越食越香，佐酒一流😀串燒真心高質！一路食一路講有日本地道感覺！特別係汁燒雞皮，好好食😍牛舌都係岩岩熟，好爽口👍🏼所有串燒仲要有得揀汁燒定鹽燒，好正😀我見拼盤都只係$78/6串，好抵食！

作為港島人嘅我表示 北角一向都有好多美食適逢今日lunch 過開黎哩頭，一定要拜訪最近紅爆既牛舌🤭大概1點15分過到黎我地兩個人 等第二張 Keep 住有人係我地後面排隊 等左大約15分鐘到就可以入座 我同朋友都叫咗爆蔥牛舌丼 $78 我揀咗麵豉湯，跟一個沙律同埋小甜品牛舌肉質實淨有咬每一啖飯跟一塊牛舌同蛋汁一齊食真係好正。。。🥹🫶🏻佢夜晚仲會有串燒，又有清酒飲鍾意飲返兩杯嘅朋友一定要過嚟試。💚😋👍🏻

舖頭有啲細，燈光偏暗，裝修有啲古舊感覺。每位客人都有一份甜品同沙拉菜，味道正常👌🏻今次揀左咖喱吉列豬扒飯🍛賣相好日式家庭料理感覺。咖喱香料味唔重，微辣，容易入口。好適合撈飯🍚至於吉列豬扒口感酥脆，不過肉質有啲柴，無乜肉汁。整體感覺一般，餐點味道正常，唔會難食，但都唔係好味😆

呢間日料店朋友早就推介咗好耐，今日終於有機會試下，真係冇令我失望！食材夠新鮮，口感層次分明，仲好平添。每道菜都好用心，味道細膩又充滿驚喜，尤其係炭烤牛舌同炸豬排真係絕！牛舌烤得啱啱好，口感煙韌又充滿炭香，味道非常突出。炸豬排外脆內嫩，啲脆皮酥到連聲音都聽得見，豬肉仲保留住肉汁，份量適中，食完唔會太飽又滿足。環境又舒服，整體體驗超出預期，性價比高，絕對值得再嚟試其他菜式！下次再試下sake同埋其他酒

Lunchtime去咗炭烙，呢間日式餐廳主打昭和風！🍚🍖🥩 爆葱牛舌丼呢個牛舌丼真係超正！牛舌燒得啱啱好，食落去有嚼勁。上面鋪滿咗爆香嘅葱花，葱香味好突出，配埋少少黑椒，味道層次豐富，但每一啖都好滿足！🥩🧅🍗🥚 親子pan丼定食呢個親子丼用咗鐵鍋上，蛋液煮到啱啱半凝固嘅狀態，食落去creamy。醬汁味道唔會太鹹，配埋香噴噴嘅白飯，食得滿足。呢個親子丼係comfort food嘅不二之選！🍳🍗定食仲有沙律同湯，份量十足。

环境：室内装潢温馨日系，整体为上下两层的分布，昏橙色的灯光搭配酒瓶、海报，氛围感十足。薯蓉咖哩烏東和之前在日本吃到的豬油渣咖哩烏東可以一決高下！美味這個牛舌真的是最好吃了😋

嗌咗個爆蔥牛脷飯，成個set都幾美觀，有齊前菜同湯，牛脷份量足夠，蔥亦都好澎湃，米飯算香軟，蛋係用新紀元曉，蛋香味夠。牛脷算係彈牙無根。成碗飯整體感覺不錯，唯一美中不足嘅係呢間主打炭燒，但牛脷沒有炭香味應該沒有用炭火燒，同我期望食到嘅有啲出入。希望老細下次可以考慮先用炭燒，咁樣會有焦香味。如果咁整成碗飯就會100分，可以入選牛脷關注組。另外嗌咗個炸蠔同埋雞皮餃子，味道叫中規中矩。冇乜特別，唔難食，亦都唔係特別好食。