炙・宴 (荷里活廣場)

營業中

休息中

12 月25 日下午和友人往吃飯，只是點了南蠻炸雞，煎餃子及沙律，同朋友一邊聊天，一邊察覺有一位穿著白色製服的先生向我們台上的食物凝視⋯⋯過了幾分鐘，這位先生主動向我們介紹，是餐廳的總廚，他說看到我們的炸雞炸得太過燶了！要給我們換過新的一份！我和友人十分意外！因為已經吃了一半，炸雞的顏色雖然是有點過燶，但也可以，想不到總廚主動道歉及更換！非常感謝！這種高質的服務態度，非常值得表揚及嘉許！well done Chef! 👍🏻✌🏻

又係一個懶洋洋嘅中午，假期每日都可以瞓到自然醒真係好🥳 沖個涼、換件衫時間啱啱好😄朋友仔剛剛到。商場裡面嘅餐廳幾乎都已經幫襯過，醒起一樓嗰層開咗間新餐廳「炙・宴」，之前都有諗過去試，可惜飯市都排滿人龍👉🏻👈🏻 不過呢日個late lunch，剛好比機會我哋去試吓新嘢🤤 餐廳門口有好幾隻豬仔🐷放喺門口做裝飾，下面仲有個假火爐，感覺整個裝修都幾可愛🥰 餐牌上面嘅相影得好吸引，搞到我心大心細，最終我揀咗個 #月見豬腩肉丼 😄 就比自己假期放肆吓🥳丼飯大概喺落單後8-10分嚟到我面前，外貌都真係幾吸晴，加上金黃色嘅蛋黃，#小秘書 未食已經口水流🤤懷著期待嘅心情將 #豬腩肉 一口放入咀裡面，可惜腩肉嘅溫度不似預期，似係一早整起擺喺度備用，到我哋落單就馬上擺上飯面，風味確實令我有啲失望👉🏻👈🏻 本來想再加個 #小食 嘅我哋，都馬上煞停😅 希望呢次只係因為假期生意太忙，下次 #小秘書 有機會再幫襯嘅時候唔會再係咁啦😕

喺鑽石山荷里活廣場新開嘅日式丼飯店，除咗抹茶館同丼丼屋之外，終於有其他選擇！下午4點睇完戲去醫肚，唔使等位直接入得，其實之前都試過佢哋屯門同沙田分店，質素唔錯，睇吓鑽石山點先。我就點咗個月見豬腩肉丼($82)，而同行朋友叫咗宮崎和牛丼($149)。豬腩肉上枱時好香，食落充滿油香，不過食多幾塊就有啲油膩，而和牛食落軟淋，都有少少油香味。兩個丼飯量都唔算好多，女仔食就啱啱好，男仔可能就唔夠飽。飯上面食淋咗少少燒肉汁，整體味道適中。總結而言，味道唔算超好，但有誠意，食材唔係啲好Cheap嘅肉，而且保持到同其他分店水準相約，下次行街諗唔到食咩，見到食間餐廳絕對會再幫襯。

曾經喺屯門見過呢3隻虛火燒豬燈籠，當時緣慳。荷里活廣場新店開唔夠三個月，酷愛嚐鮮啱哂。午晚市限時75分鐘，上菜等十分鐘鬆啲，枱有啲迫夾，兩份餐要掹走托盤先放得落，尤其仲一時貪念再外加兩小食，枱細視覺上擠到小型滿漢咁嚇親隔離。丼飯走精緻小高檔路線。很久前忘記邊度食過黑咖哩，甚是歡喜，見有此配和牛，不假思索。黑咖哩被捧埋嚟，極吸引眼球，隔離枱都射匿眼望過嚟，顏值又確係幾高，汁多均勻鋪飯面，唔知佢係慢煮到黑還是加竹炭粉嘅咖哩，少咗一般咖哩時有嘅草腥，多咗煎香味，幾好送飯，和牛夠熟不靭，薯條外脆內軟，仲要放埋隻外加溫香軟玉嘅溏心蛋落去撈住吔，速度反映味道，廿分鐘成碟吔完！比較多人嗌嘅豬腩照燒雞雙併飯，汁控就咪嗌，基本冇乜餸汁，係啲肉好食，不過豬腩如果輕手啲唔好燒到有啲偏燶會更好。外加沖繩豆腐，灑咗啲蔥花鹽喺面，但就略嫌唔夠豆香，會比較寧願食多隻糖心蛋。沖繩柑汁有氣唔甜幾解渴。

我把今個「星期三」晚餐裡面的「雞肉飯」食品，選擇光顧在「鑽石山」商場「荷里活廣場」，「荷里活廣場」一樓裡面的新日本菜餐廳「灸 · 宴」，因為位置方便我光顧「灸 · 宴」後，還有時間步行前往「新蒲崗」享用「牛腩飯」。「灸 · 宴」店舖的樓面面積看似頗大的樣子，單是食店店舖寫上英文店名「ABURI - EN」的外牆，已經佔據了「灸 · 宴」店舖外表的大部分位置。由於我等不及正式晚餐時間「七時正」的到來，加上我還未完全了解「灸 · 宴」廚房的實際製作食品、飲品所需要的總時間，結果我比原本預期早光顧食店，換來食店太早製作完成食品，導致我的「灸 · 宴」晚餐很快就已經享用完畢。結果我光顧「灸 ·宴」，「灸 · 宴」雖然看似沒有中場休息，但是食店還未正式進入晚餐堂食時間，結果食店很快就製作完成我的雞肉丼飯晚餐食品「照燒雞肉丼」。「灸 · 宴」的晚餐丼飯食品「照燒雞肉丼」實際製成品份量不算非常多，餐前的沙律菜式被「灸 · 宴」廚房裡面的師傅，擺放在丼碗一旁的位置，剩下丼碗表面位置都留下給已經切好備用的「照燒雞扒」。「照燒雞扒」的雞肉表面，已經被「灸 · 宴」廚房師傅塗抹濃厚甜味的「照燒」醬汁，所以「

已經差唔多兩年冇去過旅行😢 最近嘅我真係特別想食日本丼飯!!! 咁啱經過鑽石山廣場，發現呢間日本餐廳超多人排隊🤩 即興同朋友去試吓佢～ 你間餐廳係主打食燒肉丼飯燒鰻魚飯，仲有好吸引嘅一人鍋物🥰 ✨日月豬腩肉丼 $82呢個丼飯賣相十分之吸引!!! 最吸精嘅就係佢嘅生蛋黃🍳 靚到唔捨得食佢🥺 生蛋黃拌飯簡直一流!! 加埋佢本身帶有嘅燒肉汁，真係令到人食極唔停!! 佢嘅腩肉片都十分之驚喜🤩 唔會太肥膩又會有油脂嘅香味❤️ 雖然細細碗但係食落都幾飽～-✨宮崎和牛芝士黑咖喱飯🍛 $118對比下呢個飯比較普通～ 個人覺得唔太值呢個價錢🥲 咖喱唔夠香🥲 不過不失啦～

1️⃣月見豬腩肉丼(拌生蛋黃)HKD82加配 和牛炸薯餅一件 HKD182️⃣生薑燒豚肉丼HKD85加配 南蠻炸雞三件 HKD25.味道 ★ ★ ★ ★ ☆月見豬腩肉丼：豬腩肉片燒得好香，即叫即整，肥瘦適中，好入味，有埋蛋黃拌飯的確好好味，份量都好多，食到好飽。和牛炸薯餅又係即叫即炸，食落去係辣咀、又脆🤣味道剛剛好，牛肉同薯仔比例適中。生薑燒豚肉丼：薑絲、蘿蔔絲舖係面，燒豚肉份量好多，有腩片有豚肉，全部都燒得好入味。不過愈食愈咸，可能d汁比較多，但整體唔錯的。南蠻雞炸得好食，炸粉唔厚，每舊都好大粒，啖啖肉，配上沙律醬一流！.服務 ★ ★ ★ ★ ☆有個女侍應好細心，主動比左細碟我地分食物👍🏼 其他侍應態度都好好，好有禮貌。.環境 ★ ★ ★ ★ ☆地方都算大，枱又夠大，坐得舒服既，凳下仲有個位放袋。每枱都有支水，可自助。.價錢 ★ ★ ★ ★ ☆性價比高既日式丼飯，真係份量足，食到飽😋

最近樓下荷李活開左間新既食肆，門口有幾隻豬仔幾得意。咁我地入到去就叫左宮崎和牛鍋，因為怕食唔夠再加了一碟特上日本豚肉。（本人非常大食）但係呢個鍋份量都幾多，而且肉每塊都好靚，層次十分分明，雪花都分佈得好平均。估唔到店員咁有心思，連蔬菜盆都擺得好有藝術感，值得比讚👍我試下之前網上其他人教，將微微煮熟既和牛點落日本雞蛋汁入面，大家果然冇介紹錯！好正！！和牛非常芬香，而且真係大大舊，唔會縮水得好勁，好掂。

呢排因為有要事所以到荷李活廣場一趟，做完之後就想搵餐好嘅食吓，咁啱就見到呢間幾多人排隊，原來係新開張，啲嘢食又幾對我口味😍😍忙完當然要食啲好嘢獎勵自己啦～～我叫咗：月見豬腩肉丼 $82 一上到嚟，又真係好似圖中所見嘅，大大塊豬腩肉同蛋黃，真係超級無敵之邪惡呀😍一戳破蛋黃，啲蛋汁就湧曬出嚟，打卡真係滿分👍🏻而且，啲豬腩肉都燒得好均勻，配上甜甜地嘅汁都非常夾～～講翻味道啦，都係好味嘅，豬腩肉塊塊都肥而不膩，不過就有啲唔脆，其他都幾好。蛋汁都好濃郁嘅蛋味，食得出係日本嘅靚蛋～湯係麵噌湯，冇咩特別。沙律就拌有麻醬，份量OK，麻醬都足。可能因為啱啱開張，店員都比較忙，但係招呼都唔錯，食得好滿足！而且環境都佈置不錯，下次有機會想試吓佢最出名嘅丼飯～