炙・宴 (荷里活廣場)

營業中

休息中

炙・宴位於鑽石山龍蟠街3號荷里活廣場1樓131-133號舖， 餐廳主打日式丼飯， 今次就試下豚肉鰻魚雙拼飯$148、 宮崎和牛鍋(壽喜燒湯底) $189、 轉烏冬$10、晚市升級組合( 沖繩豬肉煎餃 & 凍熱情果檸檬茶) $50。 🔹豚肉鰻魚雙拼飯 ～ 餐廳以豚丼作為賣點， 一於試下雙拼飯，有豚肉又有鰻魚， 上檯的時候微暖唔夠熱， 幸好豚肉入口鮮嫩， 鰻魚肉質有彈性又肥美。   🔹宮崎和牛鍋(壽喜燒湯底) ～ 有四片和牛， 口感軟腍，但肉味唔算濃，加$10轉烏冬， 配壽喜燒特別好味。 🔹沖繩豬肉煎餃 ～ 皮薄肉嫩，勁多肉汁。 🔹凍熱情果檸檬茶 ～ 味道普通。 整體味道都幾好，但性價比不算高。 🏷️溫馨提示～ 整個用餐體驗均屬個人分享意見， 只作參考😊。

對日本丼飯總是有一種情意結特別係如果餐廳選用高質日本米的話絕對保證可以滿意飽足🍚炙・宴有幾家分店.🇯🇵 ABURI-EN豚肉 x 鰻魚飯 $148叫得做人氣No.1 招牌喎當然要一試分量十足豚肉和鰻魚蓋滿盒飯中間加上日本菇賣相相當不俗鰻魚正常發揮都香口既相對炙燒烤香後的豚肉更顯出色厚度適中連香口油脂連同醬汁配埋「一見鐘情日本米」一齊食的確係最佳配搭💯.🇯🇵 特上鰻魚飯 $148叫得做特上鰻魚飯的確比一般嘅鰻魚更正！特上鰻魚油香更濃郁一啖鰻魚一啖白飯輕輕鬆鬆可以食哂🥹.🇯🇵火炙三文魚沙律 $98呢道前菜相對清新必點呀！火炙三文魚超～厚～切～五大件都啖啖肉之餘底層沙律菜、粟米粒加入沙律醬食好滋味🥗.🇯🇵酥炸宮崎青眼魚 $48🇯🇵南蠻炸雞 $58另外仲order了兩款炸物小食青眼魚第一次聽～雖然都係細細條但比平時食嘅炸魚仔更加肉厚南蠻炸雞都有好多件！好岩中意食香口野既我.🇯🇵熱情果檸檬茶 $38 🇯🇵菠蘿梳打 $38又豚肉 、又鰻魚、又炸雞咁豐富飲品當然要襯番大大杯冰凍酸甜既檸檬茶同菠蘿梳打清清個胃又或者可以飲啤酒仲爽🍻

天氣再度寒冷，都係入商場食翻啲燒，火炙嘅嘢感覺舒服啲😬🔥Aburi-en豚肉丼$88🥓作為炙·宴嘅名物，點可以唔試下。食落先知名不虛傳🫢豚肉大大塊，有翻咁上下厚度，咬落有肉感，好嫩好濃味，火炙過後，肉味同醬汁鎖曬係入面，性價比極高🉐🉐🉐火炙宮崎和牛拉麵$138🥩見佢攞左「內閣總理大臣賞4連霸」好勁咁，火炙和牛口感一樣咁正，但未如豚肉丼咁驚艷🙈火炙牛舌$68🍖初初見到唔係牛舌芯諗住唔叫😂點知食落真係幾高質🙈牛舌好厚切，燒得恰到好處，外層好香，內裡依然juicy有咬口

啲牛可以連一個年輕人都咬唔到。。啲飯又少，好意思收人哋百幾蚊！啲餃子出邊油淋淋，同冇煎過無分別都算，兒童餐嗰塊漢堡扒難食到有臭味，啲魚仲要勁細條 但張相好大條，貨不對辦！

睇完戲到下午3點，就近係荷李活廣場食埋野，估唔到揀左呢間食到燥底嘅餐廳。佢多數餐普普通通都要150$以上，咁我地都對佢有返小小呢個價位嘅餐廳應有嘅期望啦，點知換來嘅只得失望，事因叫左一個豬+牛壽喜燒煱（$179），只得2舊牛同4舊豬，而且都係切到好薄好薄，豬呢就係肥肉占7成。千祈唔好俾佢一開頭舖開曬啲肉嘅樣呃到，實際上食完個幾舊肉，成個鍋就係塞滿娃娃菜，仲有零零星星嘅一舊豆腐，切半嘅金針菇，一粒蘑菇仔同幾條蘿蔔絲（係！係絲，唔係片！仲要係肉眼countable）。食完真係食左個寂寞！呢個鍋我最多俾$110，你收人$178就唔好全部都係娃娃菜咁肉酸啦。

星期日夜晚係荷里活廣場搵野食，俾門前三隻燒豬仔吸引左。內裡裝修同空間都幾舒適，六點入座唔洗等位。價錢唔算平但幾好食😋特上日本豚肉飯 $123豬肉燒過都唔會太乾身，食得出豬肉口感唔會似豬肉乾。肉片切得唔厚但多塊。個人覺得好味在於燒製方法同燒汁，所以食平d嘅普通豚肉丼可能一樣好味🙊火炙宮崎和牛拉麵 $138和牛油脂感重，薄片入口軟滑唔韌，但未到入口即溶。拉麵湯底濃厚，而且保持係熱但唔燙口嘅溫度。湯面有層牛油脂，既可保溫，又提升到味道嘅層次🤤🤤柚子雪葩 $28雪葩本身口感清爽，同柚子口味好夾，帶有果肉顆粒，同時有微澀餘韻

試過豚肉丼外賣味道不錯今次再來堂食可惜二人枱較為擠逼而且桌子小的放不下所有食物Aburi-en豚肉丼$88No.1人氣豚肉丼飯豚肉厚度適中而且炭燒味道剛剛好加上微甜的醬汁非常開胃宮崎和牛併特上日本豚鍋$179份量十足三至四塊宮崎牛和三塊豚肉大量配料娃娃菜、芋絲、金菇、豆腐和冬菇壽喜燒湯底很甜很入味加上一隻生蛋令整個鍋更圓滿沖繩四季柑梳打$38稍為酸了點門外三隻豬極具標誌性最好笑的是人人行過也會伸手摸一摸假的火光

我覺得喺荷里活嚟講呢間算幾好食食過幾次丼飯都唔錯，於是試下拉麵櫻花蝦叉燒拉麵｜$98佢寫湯底係蝦湯，但唔係好食得出，飲落係普通豬骨湯，不過唔會太鹹，都ok麵體係幼身嘅，我自己就麻麻幼身拉麵隻溏心蛋就好好食，生熟啱啱好👍火炙牛舌｜$68呢個燒牛舌好好食，調味啱啱好，啲黑椒好香，牛舌夠爽口，唔會太熟和牛飯唔記得影相，啲牛肉燒得啱啱好，油香好夠，加埋牛肉表面嘅焦香，整成丼飯真係好夾，不過份量偏少，男仔食可能唔夠飽～埋單兩個人連加一$487，下次會外賣自取平啲😂😂

其實見到好多個商場都有呢一間日本🇯🇵炙燒定食嘅餐廳🍴，發現原來係尖沙咀開業多年嘅 #和宴 燒肉同一個集團，相信食物方面唔係太過擔心，有炙燒丼飯🍱、拉麵🍜同埋刺身🍣，迎合各喜好嘅顧客🥩———————————————————————————🇯🇵ABURI-EN豚肉丼🐽💬人氣No.1嘅招牌丼飯，果然賣相吸引，醬汁炙燒嘅豚肉鋪滿碗面上，豚油脂可以滲入米飯🍚內，其實都算係滿足☺️.🇯🇵火炙豬腩肉豬骨湯拉麵🍜💬人氣No.3嘅食品，見到豬骨湯非常咁濃郁，炙燒腩肉有香烤味道，配有筍同蒜片🧄，整體來講非常不錯；而拉麵係使用極幼麵條，要留意👀.🇯🇵炸沖繩魷魚鬚🦑💬膽固醇首選，香脆魷魚鬚🦑真係好難抗拒，丘比醬係絕配

今日去搵女朋友食lunch之前都食過呢間幾次 我覺得選擇都幾多有拉麵烏冬不同類型嘅丼其實每次都好想食下唔同嘅嘢但係每次都忍唔住淨係叫返同一款拉麵！😂今次女朋友特登都叫咗一款我一直好想試嘅飯😈食評如下：火炙宮崎和牛拉麵$138 👍🏻👍🏻👍🏻👍🏻通常對於一般連鎖嘅日式餐廳，我都唔會對拉麵抱有好大期望，不過自從我第一次食過呢碗拉麵之後，佢就成為咗我每次必點食物拉麵一上枱已經好香，牛肉嘅肉質係非常之好，好嫩滑，牛味亦好重，湯底好味好濃郁，佢用嘅係幼拉麵，而且隻蛋都整得唔錯唔錯😋炸雞芝士黑咖喱飯$98之前睇餐牌上嘅相俾呢個黑咖喱吸引到，對佢十分之好奇🤓因為我真係未食過黑色嘅咖喱，不過其實係冇乜特別😅味道上唔覺得同平時食嘅咖喱有咩唔同，本身仲諗住會唔會特別辣，所以我會形容佢都係一個普通嘅咖喱飯，反而其實汁嘅份量我覺得唔夠多，如果多啲就好啦👍🏻但係值得一提嘅係佢嘅炸雞都做得幾Juicy👍🏻😋 所以我覺得大家都可以一試無妨

丟低 #兄弟姊妹 和👽爸爸食個快麵真的純粹亂入 進入#荷李活商場 眼見第一間 就決定🐂火炙宮廷和牛拉麵🍜和牛肉質軟嫩，吃起來口感更加滑潤但男士食就細碗d老公讚湯底及麵質都不錯下次可以再光顧🌶火炙豬腩肉辣味噌豬骨湯拉麵🍜日本拉麵永遠都不辣是定律吧但香氣四溢 炙過的肉質 口感也爽口#有無人好似我甘食拉麵 #湯撈麵飲品叫左🍹完全無糖飲品（忘記落？特色？）🍊沖繩四季柑梳打-好飲👍🍋香檸蝶豆花梳打-可以吾洗試😂因為本身唔肚餓 所以叫咗拉麵佢主打係丼 下次一定會再次光顧

食過d間幾次 次次黎都會叫火鍋要食壽喜燒火鍋 配烏冬 份量唔多 價錢都偏貴 但好食 個壽喜燒湯底相當入味 甜甜地烏冬彈牙 係靚野強烈建議愛壽喜燒湯底人士可以一試另外叫左三文魚帶子刺身飯 d個就一般般當然佢唔係正式食壽司 正式食刺食飯既餐廳唔好對刺身飯有太大期望is ok 平時少食刺食飯既 可能覺得都接受到 預左就一定冇果d餐廳甘新鮮嫁啦飲品 梳打一般 淡口冇咩味唔錯呀 連鎖店黎講 收銀員態度一般其他店員有禮貌 有待客之道餐廳裝修都幾特別 溫暖坐卡位就唔逼其他位有少少逼

上星期到荷里活廣場有點事情要辦，要速速吃午餐，見到呢間日式連鎖店好像不錯，就簡單的入去叫了一碗火炙豬腩肉辣味噌豬骨湯拉麵，湯底好味，拉麵煙靭度適中，豬腩肉夠淋夠滑，相當不錯啊！

星期日都知多人，於是我叫我老公1:19拿飛等吃但是到我來到時，見到經常入3-4位我們等了40分鐘，差不多2時，都仍然未入到位因為太肚餓關係，轉咗另一間餐廳真心覺得失望！

炙．宴係日式炙燒丼飯專門店，有各式炙燒丼飯，仲會因應季節推出限定Menu！今次嘅限定Menu係「沖繩祭」，食材由日本沖繩直送！沖繩水雲醋物 $38酸酸地嘅水雲，配日本山藥蓉，係開胃嘅良品！沖繩豬肉煎餃 $48皮夠薄，餡多汁，水準之作！特選宮崎和牛飯 $179味噌湯 & 迷你沙律 ＋$15半熟蛋 ＋$12黑毛和牛燒得好靚，入口軟滑近乎入口即溶，和牛嘅油脂甘香，仲有醬汁滲晒落啲優質嘅日本珍珠米度，極級美味可口！月見豬腩肉丼 $98炙．宴嘅Signature丼飯之一，肥美嘅豬腩片配搭濃香嘅醬汁，仲有新鮮嘅生蛋黃，滋味無窮！火炙三文魚沙律 $98麻醬夠香，三文魚份量亦足，唔錯！沖繩四季柑汁 $32食完肥美嘅炙燒丼飯，飲返杯四季柑汁，又酸又爽，解膩一流！藍莓黑加侖子梳打 $38甜甜地又爽爽地！