炙・宴 (時代廣場)

營業中

休息中

❣️ Time Square人氣日本炙燒丼飯專門店「炙‧宴ABURI-EN」❣️今次同哥哥嚟到銅鑼灣時代廣場嘅「炙‧宴ABURI-EN」😍呢度由日本人主理🇯🇵門口有好可愛嘅小豬燈籠裝飾非常吸睛🐷醬料、米飯、肉類都係日本當地食材，黎德呢度一定要食日本名物「一見鍾情米」🌟❇️特上日本豚肉飯宮崎豚肉眼部位，肉質嫩滑，油花均勻，加埋秘傳燒汁！微甜不膩，入口彈滑爽脆❇️沖繩豬肉腸使用一碟有四條用沖繩豬肉製成嘅豬肉腸！肉味濃郁、肉質豐富！爽口唔油膩❇️宮崎和牛拼日本豚鍋打邊爐就梗係配壽喜燒湯底😍同埋烏冬啦😆材料非常豐富有日本豚肉、和牛、芋絲、豆腐、冬菇、蔬菜等等❇️沖繩四季柑梳打四季桔係沖繩柑橘！含有比檸檬高維生素C，清爽酸味同海鮮相當搭配！❇️熱情果檸檬茶香甜嘅熱情果配搭檸檬！酸酸甜甜好開胃！

我哋係平日嘅12點去食，呢個時間完全唔使排隊，應該其他人都未放lunch。我哋4個人叫咗一個特上豚肉丼，普通嘅豚肉丼，豚肉鰻魚丼，櫻花蝦拉麵。特上同普通嘅豚肉當係有分別嘅，油脂比例同肉質真係特上好食啲，建議都係叫特上豚肉丼。櫻花蝦拉麵相對份量比較少，可能男仔會食唔飽。豚肉鰻魚丼亦都係正常。因為用times square coupon，所以平均一個人一百蚊都唔使，屬於Times Square抵食之選。不過我自己覺得其實冇coupon都可以去試下，以times square 黎講$100一個lunch 我都覺得合理。🙂

銅鑼灣新開既丼飯專門店！晚飯時間好多人呢！好彩等左陣就有位，叫左人氣No.1✨ABURI-EN豚肉丼✨選用宮崎豚肉眼部位，有5大塊厚切豚肉！肉質非常嫩滑，配特製醬汁超好食😋唔止豚肉，呢度和牛丼都相當出色！✨特選宮崎和牛飯✨同樣選用宮崎和牛🐂油脂分布平均，入口軟滑充滿油香🤤另外仲叫左✨宮崎和牛一人火鍋✨性價比極高！配上4大片宮崎和牛🥩另外仲有多款小食，水雲醋物、厚炸沖繩豆腐、沖繩豬肉腸等等，其中✨火炙牛舌✨超好食呢，厚切彈牙👍🏻飲品方面有沖繩名物✨四季柑汁✨同埋✨四季柑梳打✨味道清爽酸甜，有非常豐富既維生素C😚

在一個星期五晚上，由攞飛排隊到入席需要45分鐘的餐廳就係呢一間。入去之前都冇乜期望，從門口看來是一間日本專食肉嘅快餐店，最初還以為是一間豬肉專門店。坐低之後一看餐牌就發現餐廳主要推介就係宮崎和牛和沖繩豬肉。我叫了一個宮崎和牛壽喜燒煱，放低嗰下已經有驚喜，成個présentation 好靚，影相打卡已經贏晒，食落仲有驚喜，湯底好味，牛肉入口即溶，絕對超值。之後再叫了一個宮崎和牛Aburien豚肉雙拼飯，宮崎和牛已經冇得輸，豬肉亦都青出於籃，兩樣各有特色，加起來就係好味。另外order了沖繩豬肉餃子，這個OK啦！最後來多一杯檸檬碟豆花梳打，不過不失！餐廳入邊無論座位分布及設計都似係一間快餐店，上菜時間亦非常迅速。有點菜到上菜直至買單也只需50分鐘，極為知迅速。

今次終於有機會試到主打北海道十勝名物「豚丼」➕ 「日本一」🥇A4至A5宮崎黑毛和牛嘅【炙•宴ABURI-EN】銅鑼灣分店裝潢充滿日式🎏風情 獨特別緻座位寬闊 排列整齊 感覺乾淨衛生🐖 《特上日本豚肉飯》（$112）用上日本🇯🇵直送優質宮崎豚肉，嚴選肉眼部位，所以油花分布均勻。整個豚丼鋪滿厚切豚肉，非常足料😍，咬落啖啖口感豐富。豚肉烤得恰到好處，外層微脆香口，肉質保持嫩滑，再配上獨門🍎🍌烹調秘製醬汁，微甜不油膩，搞到我連白飯都食到停唔到口🙈原來餐廳所用嘅米一樣咁有名氣，用上有質量保證嘅宮城縣「一見鍾情米」，唔怪得望落特別晶瑩剔透，粒粒飽滿，充滿飯香，仲有黏黏嘅口感😋🐂《宮崎和牛鍋配壽喜燒湯底》（$179）宮崎黑毛和牛當然係整個鍋嘅焦點，每片牛肉脂肪分布比例均勻，肉汁鮮嫩，有入口即溶嘅感覺，大大片和牛再加上豐富新鮮配菜，性價比超高🤩🐖《沖繩豬肉腸》（$48）呢個沖繩特色小食，屬新店限定，以沖繩豬肉製作，豬肉腸即叫即燒，熱辣辣♨️嘅外層香脆可口，咬落有濃郁嘅甜甜肉汁，而且唔會油膩，味道好有驚喜，屬私心推介💕🐂《火炙牛舌》（$58）每逢食燒肉我都必點牛舌，今次呢個牛舌大大片，價錢超值，仲好有水準

#回味無窮嘅炙燒丼飯呢排公司比較多嘢跟 東奔西走 午飯特別想食肉同大啖二啖食飯 補充元氣💪 同事帶我去新近開張嘅ABURI-EN食招牌丼飯-🐖豚肉丼 $78舖頭入口有好多個得意豬裝飾 豚肉應該係主打🧐 豚肉丼價錢親民 炙燒豬肉眼片🥓肉質柔軟 脂肪適量 有五大塊🥰 蘸上秘製醬汁 少少甜兼且香口滋味 拌珍珠飯葱絲食更加正 食晒成碗飯 飽肚又滿足-🐂特選宮崎和牛飯 $169🥚温泉蛋 +$12🥣🥗味噌湯+迷你沙律套餐 +$15同事係再次幫襯 今次跟餐再加溫泉蛋 追加價錢都算實惠 佢話宮崎和牛入口即溶 濃郁牛肉味再加豐腴甘香嘅油脂 食唔停口 難怪佢食到舔舔脷啦😋-🥠厚炸沖繩島豆腐 $38炸豆皮外層幾香脆 豆腐有質感 豆香濃郁 佢嘅質地唔係水嫩一夾即散嗰隻 較有咀嚼感 外脆內軟-📍ABURI-EN 炙•宴銅鑼灣時代廣場6樓627號舖#aburien #aburienhk #炙宴 #炙宴香港 #丼飯專門店 #宮崎和牛 #miyazakiwagyu

炙•宴ABURI-EN 進駐銅鑼灣時代廣場😍超鍾意佢哋嘅和牛壽喜燒🥰不過今次就試吓飯😚特選宮崎和牛飯 $168有無人同我一樣食日式飯一定要加溫泉蛋🤤佢哋嘅米係用日本直送「一見鍾情米」🍚入口濕潤煙韌❤️配合埋溫泉蛋真係Perfect🤩宮崎和牛油脂分布均勻 入口juicy 但呢個厚度屬於有少少咬口嗰種 未去到入口即溶😳相反好欣賞佢哋嘅鰻魚🤤口感軟滑 相當肥美😋如果雞扒將雞皮再燒脆啲就更好😎有齊雞扒同鰻魚😝一次過滿足晒兩個願望❤️水雲醋物係沖繩嘅名物😳酸酸maymay 食落開胃清爽 原來係低卡路里嘅海藻🥳作為錢財真係好適合🤤沖繩四季柑梳打 呢款都係一款清爽嘅酸味🤓

因為有timesqaure d 消費劵，見呢間野新開就去試下，雖然門口掛左好多白色嘅豬豬燈籠，但太想食牛嘅關係，無試到豚肉嘅菜式～我地叫左一個宮崎和牛飯 同 「特選」宮崎和牛飯⬇️宮崎和牛飯加左隻溫泉蛋⬇️「特選」宮崎和牛飯，加左$15要個沙律同麵豉湯，個麵豉湯好鹹😵兩個飯最大嘅分別係d 牛肉嘅大小同埋油花特選個款肉明顯大片d 同油花多d，正所謂無比較無傷害，仲要特選個款只貴$20，所以唔洗諗，大家可以直接揀特選😂總體黎講食物係ok 的，係上菜時間太耐，等左成30分鐘先有野食，不過店員見我地好耐無野食有主動幫我地催廚房嘅

因為有時代廣場coupon食100減50所以到這食店一試， 點了一個特選宮崎牛肉飯 同埋一個宮崎牛肉 一人火鍋， 這個定價有此質素值得一試， 用埋時代廣場coupon絕對係冇得輸

假日在時代廣場逛街，午市時間人流極旺，一個人要找個地方午餐都不容易。在這家新開張不久的日式餐廳拿張票等候，人客非常多。等待的時間，看看餐廳門面小豬造型的燈籠，煞是有趣。等了大約半小時，終於可以入座。店員邊來個港式發音的「一三一些」（正確是日語 いらっしゃいませ，即歡迎光臨），邊引領我入座。即使我獨兒，也給我這麼大的一張枱，在這個租值昂貴的銅鑼灣來說，感到十分奢侈。看了圖文並茂的餐牌後，我決定點生薑燒豚肉丼（$85）加$15配味噌湯及迷你沙律。足足等了20分鐘，食物終於送上。先喝一口味噌湯，材料有豆腐和昆布，濃濃的味噌有點過鹹。沙律是半顆車厘茄和一些生菜，算是清新。生薑燒豚肉的甜味薑汁醒神開胃，超好下飯。豚肉不算軟腍，帶點肥膏和「渣」，個人不太喜歡太肥的肉類。暖暖的米飯軟熟，味道微甜。不消15分鐘已經吃光了，整體來說食物只能稱得上是不過不失。這裡服務員們說話和動作很快，工作忙碌，只能提供像茶餐廳質素的服務，而環境有點嘈雜。對於是否值得等待50分鐘（入座以及下單計）吃這種料理，見仁見智。飽餐一頓後，繼續我的購物之旅。

有日去times square shopping見到新開左一間日本野，店面裝修得幾靚，就試下佢。🌟火炙三文魚親子丼 $108三文魚及三文魚子都幾新鮮，還有一些配菜，份量尚算可以。下次會想試吓佢個和牛壽喜燒😋

見有時代廣場的coupon, 專登黎試下新野😋為食的我一早research左其他分店既食評同menu, 睇完又幾吸引所以來一戰😎叫了宮崎和牛拼+豚肉鍋，同埋鰻魚+豚肉飯，仲有加餃子，時令野菜，溏心蛋（其他野顧住食冇影😆）。不得不說，依到d和牛好好食呀～～！叫左豚肉反而覺得可惜，對比之下和牛好食好多，但價錢差好少，所以下次黎會專攻牛🐮火鍋不錯，叫了壽喜燒湯底，跟餐有一隻生蛋，半熟好味道。餃子🥟就正正常常，好似係雞肉餃？總結，趁有coupon我會再黎的，總共食了$460（連加一），用了4張coupon補$260好抵🤩

見新開張就諗住入去試下有lunch menuOrder 咗火炙宫崎和牛拉麵櫻花蝦叉燒拉麵（轉咗烏冬）夠味得嚟唔算太溜飲埋杯熱咖啡（蒸溜咖啡❤️）就啱啱好高質🥰唯一美中不足係餐廳冷氣太大😆會再encore😋