炙・宴 (利東街)

營業中

休息中

『和牛入口即溶食得過癮』⁡主打日本料理的ABURI-EN 係沙田元朗屯門將軍澳都有店舖，而最就腳嘅當屬位於灣仔利東街的分店。餐廳相當闊落坐得幾舒服，卡位私隱度足夠高。⁡餐牌選擇甚多，除左招牌丼飯仲有拉麵同鍋物等等的主食，定價親民好啱打工仔lunch食。⁡推介🥢月見豬腩肉丼 🥢特選宮崎和牛飯————————————————————►月見豬腩肉丼(HKD82) ▻▻使用宮城縣產「一見鍾情」米，飯粒飽滿同蛋汁拌勻微微黏口的感覺實在太幸福。豚肉薄切肥瘦適中，配以秘傳醬汁和獨門烤法，表面香脆而肉質幾柔軟。⁡►特選宮崎和牛飯(HKD169) ▻▻性價比超高！宮崎和牛霜降均勻脂味芳香，肥美柔嫩，不過如果可以有埋醬汁撈飯就好啦⁡►火炙牛舌(HKD58)▻▻牛舌爽彈焦香，味道都唔錯⁡►威士忌梳打-沖繩四季柑(HKD48)▻►瑞穗梅美人(HKD38)▻兩款酒精飲品都偏向清新解渴，酒味唔會過重

炙・宴 主打日本菜，由其係火炙嘅菜式，更出眾！月見豬腩肉丼 $82豚肉肉質鮮嫩，炙燒後油香充分發揮，而且好香口！再配上秘傳醬汁，好滋味！刺破橙色又大隻嘅雞蛋黃後，將蛋汁撈飯食，真係一流！推介！炙燒北海道帶子海鮮丼$138北海道帶子，大粒厚身又軟嫩！三文魚及三文魚籽夠鮮味！唔錯！宮崎和牛炸薯餅 $28/件外層脆到香脆，內部薯蓉夠滑，仲有少許和牛粒粒，好滋味！香桃雪葩$48好香甜，又夠冰凍，夏天食就最岩！芒果熱情果梳打$38既甜美又解渴！沖繩四季柑威士忌梳打$48濃烈嘅威士忌中帶有少許柑桔味！

前排同朋友黎開灣仔，經過利東街見到呢間主打日本燒肉丼飯嘅日本餐廳🍴佢哋以「豚丼」作為賣點，嚴選豐富食材，食物選擇都唔少💜另外今次去嘅利東街分店仲特設多款日本酒/啤酒/紅白酒/梅酒餐牌，仲有多款佐酒小食可供選擇，等大家邊食邊Chill_🍲宮崎和牛壽喜燒 $179餐廳都有提供一人火鍋😆湯底有豬骨湯同壽喜燒湯選擇☺️今次小編就揀咗壽喜燒湯底，另外仲加咗$10轉配烏冬！日本第一名牌「宮崎和牛」 霜降均勻、脂味芳香，牛肉嫩滑軟腍，好正好滿足，仲可以點埋蛋液一齊食😆另外配上各款蔬菜夠滋味🥬_🍎炙燒蘋果吉列豬扒芝麻黑咖喱飯 $98咖喱食得多，唔知大家有冇食過芝麻黑咖喱呢？配埋芝士幾特別，如果咖喱味可以更香濃會更好，吉列豬扒香脆可口，炙燒蘋果清甜有助解膩🦑炸沖繩魷魚鬚 $68份量都幾充足，配上檸檬和沙律醬一齊食好香口，炸粉不會過多，餸酒一流

/炙•宴🇭🇰/#sa灣仔篇➖➖➖之前都見過有人食呢間嘅鰻魚、宮崎牛飯但嗰陣得沙田、元朗同屯門有早排見原來灣仔都有分店 位於利東街大街嗰邊 都有少少難揾🤣🤣一入門口最記得就係有幾隻飛天豬🐽～而環境方面 有室外室內😝 灣仔分店仲有酒同佐酒小食食物有多種唔同嘅丼飯 無論係豬肉、牛肉定刺身都有唔鍾意食飯都可以食拉麵/壽喜燒鍋🍜我地揀左其中兩款signature 嘅➖➖➖1️⃣月見豬腩肉丼 $82 🌟平時其實好少食豬肉 但見都係佢signature 而且睇圖都幾吸引😛而實物都一樣～豬肉好肥美、薄切 份量十足 足夠送飯味道都幾濃 但唔會有豬肉嗰種羶味肥瘦比例不錯～用上秘製燒汁 食落甜甜地 加埋日本雞蛋 蛋黃呈深橙黃色 更開胃☺️米飯就用左一見鍾情米 黏度適中吸收晒豬腩肉嘅油脂🤤 不過米香相對無咁重食完唔算好膩～➖➖➖2️⃣特選宮崎和牛飯 $169 🌟用長方形盒盛放 好有日本旅行嘅感覺！和牛都有幾多片 肉味濃郁 唔會話好韌而且都一樣滿口油脂 入口即溶🤤🤤對某啲人黎講可能會覺得有啲油～但呢個價錢食到咁嘅質素算不錯✨想豐富啲嘅話仲可以揀雙拼飯!! 有豚肉/鰻魚揀 試多啲唔同食材😎➖➖➖3️⃣厚炸沖繩島豆腐 $38 豆

去左呢間炙燒餐廳叫左個特上日本豚肉飯，豬肉標榜係日本入口。單品加$15就可以有湯有沙津。overall ok ge, 唔會un,同埋重點個燒汁係好塔既。d飯都係日本米粒粒分明。日本野一灌本色，味道口感無得輸，但只係分量剛剛好，唔好期望食飽。

平日中午灣仔搵食艱難，好多食肆都要排隊等位，等咗15 分鐘先有位，都算快。月見豬腩肉丼，燒焦了的豬腩肉，肉質好淋好香口，好像是半肥瘦豬腩肉，但又吃不都肥豬肉，可能已經將肥膏燒焦咗。他們的燒汁味道極好，加上生雞蛋，撈飯食一流。大愛❤️這個一般這個芝麻黑咖喱再加芝士，味道特別，但咖喱味道唔重，唔夠辣，吉列豬扒香脆可口，有水準。總結：這間食肆主打食豚肉，食物特別，餐牌選擇多，地方簡潔，侍應服務態度良好。有機會會再幫襯。

同朋友嚟利東待見到呢間新開嘅餐廳，主打炙燒，不論燒肉，拉麵叉燒，魚生，通通都炙燒午餐餐牌同散叫其實一樣，只係多咗個沙律同湯，所以我就散叫咗櫻花蝦叉燒拉麵($88)整體味道正常，但櫻花蝦只是額外加上的裝飾品，湯底無櫻花蝦味道，即使櫻花蝦本身味道亦唔突出，叉燒值得一讚，調味適中，肉質嫩且有肉味濃郁朋友叫嘅火炙三文魚定食($78)，朋友覺得份量都幾大，三文魚亦都厚切，不錯，但炙燒部分唔明顯，表面仍然係冰凍，如果可以燒耐少少會更好

大細眼行過此處，有happy hr ，所有酒買一送一，約星期五歡輰，無得訂枱，要walk in. 我例牌遲，到達時大家已開始，红白酒只有一種@98,，果香，dry，已正在溶解雞軟骨$58，咯咯聲，咸香，脆骨，好正雞除味；枝豆$38，外皮咸咸地，咇出玉豆，飽滿，清甜；再來烤宫崎豬腩片$38，8小片，烤香焦甜，酒肉交纏！ 我揀威士忌，高大南亞男侍應（廣東話正）推介果味，但無酒味，好似飲西柚汁,第二杯揀回三得利梳打威士忌，有翻酒意趣。 來到要主餐宫崎牛肉鍋$179,點解牛肉的甜，不是肉甜，係日本豉油咸甜，因湯都係這樣味，令牛肉，無牛味，也令到其他蔬菜配料一樣味。 另一道就是炙燒北海道帶子海鲜丼$138,好正，魚子咸鮮，帶子及三文魚鲜，賣相跟相片差不多，炙燒味有但感覺不是即燒上枱，凍咗，焦香氣揮發咗些！ 炸蓮藕片，廚師送，叫試菜比評語，將會推出，香脆及薄過薯片，不咸，如加南乳，會否更惹味？要杯黑啤陪陪佢，Suntory draft black，甘香甜，啤酒苦澀味，無波打酒濃，奶滑，咁就完美這裡比銅鑼灣好多日本餐廳寬敞，潔亮。

今日在灣仔開餐，行來行去吾知食乜好，見到喜帖街一角有行日式丼飯店，一於試試。店內環境整潔舒適，枱面有冷水瓶。打開餐牌，主推丼飯，但也有冷麵、拉麵、烏冬和一些小食。餐牌第一牌的豚丼，標示為名物，當然要試吓。叫了套餐，除了飯外，還有味噌湯和沙律。豚丼來到，樣子與餐牌上圖片一樣。一直擔心豚肉乾「鞋」，怎料拿起一咬，完全沒難度，好「林」。薄薄五塊，配合個飯也剛好。肉和飯上有汁，味道剛好，不會太咸，不過如果下多些會更好味。飯相信是珍珠米，但個人覺得如果再「林」少許更好。整體來說，這豚丼是值得推介。價錢合理，$78，套餐+$15，另加一。如果男士食，份量可能略小。

今日去咗灣仔利東街一間日式叫「炙·宴」嘅舖頭，舖頭環境舒適。我同朋友被安排坐喺廣告牌旁邊嘅座位，廣告牌上面嗰個女仔面上有一個好親切嘅笑容奉上美味食物，感覺良好。但係唔知點解個廣告牌又唔擺出門口吸引客人，係要擺喺舖頭裏面，只有好小客人可以睇到。之後，見到餐牌有好多選擇，唔知食乜好。最後，比我見到一個寫住「当店名物豚丼」。見到佢寫住名物就揀佢試吓!「当店名物豚丼」一片片薄薄嘅豚肉鋪滿咗整碗飯，散發出燒烤嘅焦香，而且賣相吸引。配上鹹中帶甜醬汁特別惹味。同埋沙律一齊食一啲都唔膩。如果可以多啲醬汁，淋上飯面更加好味。套餐包括有麵豉湯同埋沙律，份量啱啱好。豚丼果然係名物嘅質素！

行過利東街 ABURI-EN 炙・宴 ，見餐廳做緊「北海道海鮮推廣2021」😍，所以就入咗去食晚餐，順便懷念一下日本嘅味道。.炙燒北海道帶子海鮮丼💲138帶子由北海道直送，味道鮮甜濃郁，帶子刺身都好厚身肥美，經炙燒過後的焦香更帶出味道層次😋。海鮮丼相當豐富，還有三炙燒三文魚 和 三文魚籽 享受.炸北海道八爪魚💲58八爪魚粒炸皮薄身，外皮炸得香脆可口，粒粒肉質都爽口彈牙，口感豐富👍🏼。特上日本豚鍋💲 138

好明顯呢間嘅名過於實！見到個和牛拉麵個樣好吸引同埋嗰店員都推介，話呢個係招牌菜個啲。好啦個拉麵一黎真係完全失望！首先個湯底簡直係味千拉麵嘅湯底！味精濃到傻！完全係唔值呢個價錢！跟住個拉麵底食落去好似蝦子麵咁樣。。。都算啦！個和牛完全係薄切到張紙咁。。同吉野家啲肥牛一樣咁薄！食材成本使唔使去到咁慳呀？你收成140幾蚊仲要有+1服務費！你俾啲咁嘅垃圾我？我就覺得完全唔值得囉！不過我冇試其他嘢，不過我都覺得佢都係比垃圾你食㗎啦！希望大家睇完我篇食評千祈唔好中伏！多謝！

天花板掛左3隻燈籠小豬咁搶眼嘅🐷？原來係一間日式炙燒丼飯專門店，主打北海道十勝名物「豚丼」同和牛丼物。不得不讚下店員超親切態度👨🏾‍🦱👩🏽，而且見到小朋友喊會氹下佢，親和感令人好深刻。————————————————👅生薑燒豚肉丼 ($85)👍🏻 餐牌寫明「當店自慢の味」，代表餐廳對餐點有相當大嘅自信喎😯！鮮嫩豚肉同洋蔥絲吸滿又甜又香嘅生薑燒汁醬，又無左嗆辣嘅薑味，撈飯一流！伴以紅薑同蔥絲降低肥膩感，KO一碗飯都唔係問題~👅日式秘製炸雞拉麵 ($88)👍🏻4塊外脆內軟炸雞件，炸皮薄脆，肉質結實多汁，的確幾好味😋~雞白湯拉麵伴以粟米粒同生菜更清爽，中和返啲啲食炸雞嘅邪惡感————————————————🚩總結：日本簡約風裝潢，用餐舒適，價格合理————————————————🌟注意： 設加一服務費————————————————為食大眼妹💛自家製及黃店日常🐷

住喺灣仔嘅我，成日都會開openrice睇吓附近有咩新餐廳有晚瞓唔著，就碌吓openrice🍚見到利東街開咗呢間主打食和牛嘅拉麵🍜同丼二話不說，第二日即刻去搵食原來就係之前嘅越南餐廳位置成日都覺得邊間餐廳開喺呢個凹位都好慘無人會睇到😔門口個menu都唔睇就入咗去當日都唔算好滿我見到有客人坐outdoor😎下次都可以試吓睇完menu 決定叫佢個主打😅🍜火炙宮崎和牛拉麵 $118價錢可接受和牛燒得好香，都有7,8塊，有入口即溶嘅感覺拉麵幼身彈牙湯底好濃好香溏心蛋都好好食雖然唔係好大碗，但好快已經好飽唯一缺點係太多油，可能因為和牛關係但我接受到我仲不停飲個湯😋😋😋下次會再嚟試埋個丼

There was a small queue when I arrived for lunch, but I was quickly seated. I ordered their most popular dish - the butadon (pork rice bowl). The lunch set included a bowl of miso soup and side salad. It came after 15 minutes - the observant waiter noticed that I was starting to get impatient and proactively reassured me that my food was being prepared. There were 5 huge pieces of grilled pork coated with a sweet umami sauce, making the tender meat extra juicy. The refreshing salad had just the