炙・宴 (MOKO新世紀廣場)

營業中

休息中

最近炙・宴做緊一個「沖繩祭」😎將沖繩特色美食帶咗嚟香港😝等未飛得嘅朋友都可以置身於沖繩一樣🇯🇵沖繩豬軟骨湯麵套餐🐷$118呢個套餐十分豐富同抵食😝可以一次過試晒三款特色食品😚沖繩豬軟骨湯麵，豬軟骨煮得好軟腍😛原來係用咗黑糖燉煮製作而成😋配合爽滑彈牙嘅沖繩麵，確實滋味無窮👌套餐亦會跟沖繩四季柑汁同雜炊飯團🍙四季柑汁清涼解渴，鮮甜清新😀雜炊飯團加入羊棲菜同豬肉，口感煙韌😚沖繩豬肉煎餃(5件)🥟$48 餃子即叫即煎，外皮煎到金黃色😄豬肉味濃厚，味道都唔錯👌炸沖繩魷魚鬚🦑$68香脆可口，外脆內軟😚配上獨特嘅醬汁同蛋黃醬👍真係食到停唔到口🤤沖繩風椒鹽炸蔥頭🧅$38第一次咁樣食炸蔥頭😬呢款小食都幾特別🤓用嚟送啤酒一流🍺Aburi-En豚肉丼🐽$88豚肉丼賣相十分吸引🤩肉質嫩滑，香而不膩😜融合埋秘製嘅醬汁，味道更加豐富香甜😛完全帶出豚肉嘅鮮香味🥰果然係店內嘅招牌丼飯🥳火炙豬腩肉辣味噌豬骨湯拉麵🍜$88豬骨湯湯底味道濃郁，拉麵口感啱啱好👌腩肉肥瘦適中，軟腍入味，入口即溶😚炙・宴 (MOKO新世紀廣場) (旺角)旺角太子道西193號MOKO新世紀廣場1樓156號舖

呢間連鎖日式丼飯，成日經過啲分店都見好多人排隊，咁啱嗰日經過見人少少，就入去試吓佢啦🥰特上日本豚肉飯🐷 $112一共有五大塊豚肉，都燒得幾靚仔，每塊肉片都大大塊，一啖真係會食唔哂🤣 醬汁就偏咸，比較適合重口味人士😆月見豬腩肉丼(拌生蛋黃) $82呢款就肉質軟熟，唔會燒到好乾😋 豬味都有嘅，醬汁偏甜，蛋味就唔算好食到啦😗火炙牛舌👅 $58牛舌偏薄身，但燒得唔錯，調味都適中，爽口，牛味都幾濃，值得一叫👍🏻厚炸沖繩島豆腐 $42炸到脆卜卜，外層炸到好乾身，一啲都唔油膩，豆腐軟滑，豆味又唔算好重，鍾意食豆腐嘅可以一試😋食物質素同價錢成正比，行開商場想食日本菜但又唔想成日食啲生勾勾嘅，佢都係另一個選擇嚟😗5粒為滿分味道 ⭐️⭐️⭐️性價比 ⭐️⭐️⭐️餐廳地點 ⭐️⭐️⭐️餐廳舒適度 ⭐️⭐️⭐️翻喫指數⭐️⭐️⭐️

今日去開Moko行街，一行5人正煩惱在那裏lunch好，阿女🙍‍♀️突然話見到前面嗰火焰🔥好吸引，原來係之前我一直好想試嘅炙·宴😋，剛剛好又無人排隊😳，好就咁決定。12點15分入到去，原來好彩只剩返一張大枱😙，一坐下，大家馬上急不及待拿起menu，最後各自選擇了不同嘅食物。ABURI-EN䐁肉丼 $88被譽為人氣no.1之一👍嘅招牌食物，果然不負眾望，豚肉🐖炙燒後非常香口😋，好食，另外豬肉非常大塊，竟然有6塊之多😳，十分飽肚🤤。月見豬腩肉丼(伴生蛋黄) $98豬腩肉🐖炙燒後一樣非常可口😋，嫩滑唔乾柴，桔穿生蛋黄🥚，蛋汁流入豬肉和白飯之中，不但可以中和油膩而且可以增加食慾，正👍。宮崎和牛·ABURI-EN豚肉雙併飯 $169基本上同ABURI-EN䐁肉丼一樣，只不過是將3塊豚肉🐖變成了宮崎和牛🐂，價錢貴了80蚊😅，值唔值？我就覺得超值，炙燒後嘅和牛，滲透着一陣陣油脂香味，加上入口即溶🤤，超級好食😋。櫻花蝦叉燒拉麵 $98店長推薦果然無錯，櫻花蝦🦐毫不吝嗇，放得非常之多，令到湯底味道非常濃郁😋，半隻糖心蛋，又夠流心，又夠蛋香，叉燒就普通咗啲😶，有少少乾柴，拉麵🍜就軟硬適中👍。宫崎和牛拼特上日

呢到簡直就係食肉獸嘅天堂 啲肉真係好高質🥹最近仲新出左一系列嘅沖繩美食添😍.📌特上日本豚肉鍋 $149店員介紹呢到提供三款豚肉 分別係呢款鍋嘅日本肉眼豚肉🇯🇵美國肉眼豚肉🇺🇸丹麥嘅豬腩肉🇩🇰湯底有壽喜燒/豬骨湯底 最鍾意就係清甜嘅壽喜燒湯底❤️豚肉份量都唔少 肉質勁軟嫩又Juicy 仲好有豬肉香味🐷再沾埋日本生雞蛋 食落更加滑溜🥚野菜都幾豐富 有金菇, 冬菇, 芋絲, 娃娃菜, 豆腐, 唐蒿 全部吸收晒湯底嘅精華🥬🍄🥕忍唔住再嗌多一份時令野菜嚟食 +$48🥰個飯係宮城縣嘅一見鍾情米🌾外表飽滿 入口軟糯煙韌 味道甘甜香味濃郁 好正呀🍚.📌宮崎和牛·鰻魚 $179嚟到當然要試埋個牛同鰻魚😝炙燒鰻魚好厚肉 肥美嫩滑 索晒香甜惹味嘅鰻魚醬汁 一啖鰻魚一啖飯 超正🐟和牛用左九州宮崎出品 喺日本和牛比賽拎到冠軍架🥇和牛油脂豐厚 入口即融🐮牛肉同牛脂比例啱啱好 充滿牛脂香味 肉味都好濃郁🤤另外可以+$15要套餐組合 會配一個味噌湯同迷你沙律🥗.📌厚炸沖繩島豆腐 $42呢個好推介💕島豆腐直接放入油鑊 用高溫油炸 食完餐飯再食都仲係好香脆🤩sls食食吓覺得個味好熟悉 終於比我諗到 食落好似厚版小老闆紫菜🤣

今日下午去moko行街，大約4點左右，我同朋友都肚餓，想搵間好味既餐廳，就上openrice 睇下邊間食評好，我選擇左櫻花蝦叉燒拉麵，而朋友就擇左宮崎和牛芝士黑咖哩飯，仲有3樣小食（水雲醋物，沖繩豬肉煎餃子，和牛炸薯餅）水雲醋物-好小，但同係日本食差不多味道沖繩豬肉煎餃-來到即食係凍又淋哂，肯定我屋企自己煎仲好味和牛炸薯餅-好一段來到重點:櫻花蝦叉燒拉麵-係店舖推介，唸住唔會難食得去邊，點知麵質好似食緊蝦子麵，完全唔似拉麵，叉燒有7成係肥膏，難食宮崎和牛芝士黑咖哩飯-都係店鋪推介，牛肉食落去十足似茶餐廳牛肉，無咩咖哩味，難食難食唔緊要，但服務差係一個問題我地食完唔夠2分鐘，就即刻過來執枱，一位女店員唔小心倒瀉杯水，我朋友就有禮貌叫佢唔駛急，可以慢慢執，跟住佢態度超差話:我都係唔小心ja,對唔住lo,係發脾氣語氣，我聽到就好嬲，點解可以態度差到咁，我地又無話佢到比錢,收銀個個係著西裝男人，我估係經理，我地比信用卡，do唔到佢就搶左我將卡大大力拍係卡機到，超無禮貌，點解我想搵間舒服既餐廳食野，可以有咁既態度一句講哂食物難食，服務態度超差我會叫身邊所有朋友都唔會再幫襯e間

✨月見豚肉丼呢間餐廳就係出名做火炙嘅便當，呢一份豬腩肉火炙丼真係整得非常出色。不愧係呢間鋪其中一個招牌。每一件豬腩肉都係比火槍燒過，每每一件都係沾上左秘製醬汁甜甜地，份量都唔錯，對得住佢嘅價錢😋😋

今次去咗moko 開會，冇食早餐又overrun...餓到儍咗。 比我揾到呢間店。 今次點咗食呢度排介嘅 宮崎和牛飯，飯粒分明，和牛質地ok, ，冇醬汁跟的，味道一般。整體其實都ok. 下次會再黎試食豬。

呢間嘢完全啱我哋呢啲健身人食，夠哂足料，啲肉大大塊，飯量又啱啱好，對我嚟講牛同豬肉都算滑，無覺得un，至於照燒雞肉，皮係脆脆既。以個價錢嚟講，算係性價比高，我覺得算抵食。

前段時間去Moko行街, 見到呢間新開嘅炙•燒好吸引但係嗰時實在大排長龍, 就冇入去食呢日朋友提早攞位順便同大食妹慶祝生日<月見豬腩肉丼>晏晝有午市套餐, 朋友力推月見豬腩肉丼豬腩肉炙燒之後油脂噴發, 超級好食吉開上面嘅雞蛋黃, 蛋汁流係豬腩肉同日本米飯度, 望落就好有食慾另外, 份量亦好足, 絕對夠飽套餐仲有沙律、麵豉湯同野飲, 好豐盛<炸和牛薯餅>唔夠喉仲可以以優惠價加配小食, 炸和牛薯餅認真用和牛碎做嘅, 油脂感十足

無諗過office附近呢間日式餐廳都幾好喎月見豬腩肉丼(拌生蛋黃) $82雖然好heavy 但係幾好食🤭燶邊豬腩肉片 配上和風醬油 生蛋黃 葱花 珍珠米 呢個組合冇得輸👌🏻 如果有啲酸酸地嘅配菜就更好😌櫻花蝦叉燒拉麵 $88朋友嘅拉麵 佢覺得好食但偏咸 整體望落都幾吸引Any肥。Lunch連加一服務費$100內都算係咁👌🏻完。#飲食係一種享受唔淨係為左生存#無論平定貴都一定要花費得明明白白#eat_withbina #eat_japanese_withbina #eat_旺角_withbina

14.6.2022 一點鐘去了moko新餐廳，一去到已見到receptionist係以前岩鹽嗰個receptionist ，可能係同一個集團的餐廳。我同同事都叫了南蠻炸雞飯，雞好食，但檸茶冇味令人失望。食完飯俾錢，嘟完俾錢我哋先話未俾moko卡有九折，receptionist 黑哂面，怒吼「下次早啲呀下」，之後大力搣單同拍打個mon幫我哋改單，我地再俾錢嗰陣佢又鬧多次話「下次早啲呀」，其實呢位小姐之前喺岩鹽的態度已差差地，佢唔想做服務業可以轉行，唔好搞臭哂啲餐廳個朵，幾好食都趕哂d客走。之後計返條數，我哋尊嚴每人只值$8.5(因為九折每人平左$8.5)

行行下Moko 經過呢間，望落幾吸引，而且價錢合理，就入左去醫下肚仔😋- 宮崎和牛拼特上日本豚鍋🍲 💰$169包一碗飯🍚賣相都唔錯！壽喜燒湯底比平時食開嗰啲甜少少🤏🏻不過都好好味！撈飯食好正☺️和牛睇啲紋路都知好靚😍肉質軟嫩👍🏻份量都幾大，建議可以share食🤣- 櫻花蝦叉燒拉麵🍜 💰$88👍🏻叉燒大大片，仲好厚身添😍肉質軟滑 鬆綿😋湯底好特別，啲櫻花蝦乾非常香！好鍾意個湯底😍- 火炙牛舌🔥 💰$58大推！好好食！比起軟綿綿既牛舌，我更加鐘意口感軟嫩多汁而有嚼勁，比較Q彈既牛舌！佢就做到呢點喇！加上調味，真係食過返尋味😋-碟豆花特飲💙🦋唔錯既午餐之選！呢個價錢食到呢個質素，掋！

一個人想食日本野，唔想太頹，又想環境好啲，就可以選擇呢間餐廳！之前疫情好勁時無咩人，而家 resume normal多左好多人，所以都要等一等先有得坐。餐廳選擇唔係好多，但樣樣都令人好想食🤣 之前揀過拉麵，但份量細，所以今次叫左個月見豚肉飯。可以加$15轉套餐 (I.e. 加沙律同麵豉湯），但因為中女唔想食生冷菜，所以另加炸豆腐🤣。豚肉燒得好香，啲日本珍珠米加埋隻蛋黃，😆yummy! 炸豆腐外脆內軟，新鮮好熱，有驚喜！

今日gathering約咗朋友喺呢度食飯，lunch～ 想食日本嘢又見佢新開所以入去試吓啦！我哋個個都嗌火鍋，天氣凍吖嘛！之後再加啲小食一齊share食 $38嘅芥辣八爪魚好細份！不過好好味，比平時食開嘅夠Wasabi味食正我個飯 $88嘅燒三文魚沙律，都有成八至10片三文魚都正正常常～不過我而家唔係咁好三文魚姐～ 沙律菜正常質素，都fresh ge佢嘅火鍋選擇只有三種，日本和牛，日本豚肉、或者牛同埋豚肉雙拼 ～我覺得選擇太少，因為我其實想食啲瘦啲嘅肉，如果有普通牛肉或者雞肉揀就好啲啦！因為得兩種肉係少啲選擇嘅不過佢啲牛肉好重牛肉味喎！店員話肉嘅份量係磅嘅， 所以會係四至五片好多菜㗎 ！我好鍾意呢一點！不過其實一人火鍋全部都係咁，唔通佢俾晒肉你咩🤣🤣全部食物都不過不失～我哋加$10轉烏冬好好味但係$25.1隻嘅炸蠔好似唔係好值！因為好非常之細粒，粉亦都好厚～好似蠔仔粥嗰啲豪咁大少少🤏啦！不過想提一年嘅就係，呢度所有服務員嘅服務態度都非常之好同埋快所以要讚一讚佢哋

2021年最後一日路過Moko，見有間新開餐廳就試下！之前其他商場都見過呢間餐廳，但次次都見好多人，好彩商場有app 可以預早攞飛，一去到等一陣就有位！👍見到餐牌及餐廳佈置都好吸引，兩個人點左兩個飯！點左炙燒北海道帶子海鮮丼 $138， 加$15 轉套餐，有味噌湯及迷你沙律！可惜冇得加配飲品，要正價買！海鮮丼賣相好吸引，食第一口飯時登左一下！本身個人對米飯有d 要求，呢個飯第一啖，已經好有喺日本當地食飯既感覺，有少少壽司醋味，口感煙韌，真係好好味！魚生又唔會得個凍字，👍口感有少少火炙但又好似冇...食到尾先記得影個飯...😅再點左宮崎和牛鰻魚雙拼飯 $169，加$12 可配温泉蛋！宮崎和牛肉質未至於一入口即溶，但有好香既牛肉味！😌條鰻魚燒得好滑好好味，推介！👍