炙・宴 (MOKO新世紀廣場)

一直好喜歡來這間炙燒丼飯專門店今次專程為了熊本熊 而來整間店都化身為可愛的熊本熊的主題門口仲有搶眼的熊本熊打卡位期間限定Menu 選用 熊本黑毛和牛！仲有可愛的熊本熊部長 配搭拉麵和丼飯 ！熊本黑毛和牛麵豉蝦拉麵-果啖湯真係不得了 呈橙色的蝦湯再加上油脂豐富的黑毛和牛半熟蛋 蛋味好香 半流心狀態整個配搭 非常滿足拉麵都係掛湯 一大碗好滿足仲有另一款熊本和牛鹽味拉麵清爽的函館鹽味湯頭 完美平衡和牛的口感如果比較喜歡清新的湯頭就會選這款-熊本黑毛和牛月見丼好鍾意食和牛撈飯 加埋佢哋特製的醬汁和牛輕炙 更加香熊本和牛兒童餐，非常豐富，一次過可以食齊熊本和牛、玉子燒、章魚燒香腸、酥脆吉列炸蝦、還有沙律菜和泡芙，其實就算大人都可以食 印象中係加$20，仲包埋一杯可以和一個扭蛋玩具！非常豐富今次我哋揀咗套餐 b仲有埋熊本熊鎖匙扣+收藏咭 +特色飲品個鎖匙扣真係幾可愛🩷我哋四個人食 就啱啱好-飲品 夏日清新的感覺 梳打加上雪糕就算呢排唔去日本，一樣可以食到日式美食…查看更多

旺角MOKO嘅Aburi-EN，主打日本炙燒丼同宮崎和牛，店內裝修乾淨企理，木色系枱凳配日系吊燈。一本鰻魚三吃上，賣相好有氣勢，一整條鰻魚鋪滿白飯，鰻魚燒到外皮微脆、內裡好冧又Juicy，蒲燒醬帶住淡淡甜味，同飯一齊食好惹味。 第一吃就係原味鰻魚飯，感受鰻魚本身嘅鮮甜同炭香；第二吃加蔥花、山葵同紫菜撈勻，加日式味粉，味道層次好豐富；第三吃再淋上清爽出汁，變成茶漬飯，鰻魚同米飯吸滿湯汁，好暖胃又好好味。輕燒宮崎和牛三吃用上連續攞獎嘅宮崎牛，油脂分佈均勻，炙燒到面頭略帶焦香，入口即溶，嫩滑又啖啖肉。 用溫泉蛋撈飯，更凸顯到和牛肉嘅香濃。輕燒宮崎和牛鰻魚三吃，係和牛同鰻魚一次過上場，牛肉嫩滑、鰻魚鮮甜，一啖牛一啖魚，味道層次更加豐富。 可以先試純牛純鰻，再將兩樣夾埋加配料一齊食，最後加湯做成茶漬飯，整碗飯由頭到尾都好惹味。小食厚炸沖繩島豆腐外脆內嫩，咬開仲保持到豆香，同海鹽一齊食幾惹味。 沖繩風炸豬肉芋蓉餅外層香脆，內裡綿密帶豬肉香，口感由脆轉軟。凍熱情果檸檬茶酸甜清爽，解膩解渴。香檸蝶豆花梳打，顏色由深藍慢慢變成帶紫色，好夢幻又好啱影相打卡。…查看更多

屋企人去左旅行，我自己放工後去旺角行下，去左MOKO新世紀廣場「炙・宴」食個晚餐。見到這份月見豬腩肉丼配炸雞芝士黑咖哩的雙拼組合，連凍烏龍茶及加一後$141的定價，所以就想試吓佢。月見豬腩肉丼上演著油脂與蛋液的圓舞曲——厚切豬腩肉經直火炙燒，肥脂層透出琥珀光澤，邊緣微卷的焦脆與中心軟糯形成絕妙對比。劃破溫泉蛋那瞬，橙黃蛋液如岩漿傾瀉，與特調醬油共織成綿密網幕，將日本珍珠米包裹得熠熠生輝。若說遺憾，是豬腩肉切得稍厚，對忌膩者或許構成挑戰。炸雞芝士黑咖哩則展現廚房的叛逆精神：無骨雞腿肉炸衣薄脆，肉汁鎖得完好，但真正靈魂在於那灘墨色咖哩。以熔化的馬蘇里拉芝士融入黑咖哩，創造出既熟悉又陌生的滋味，辛香中帶著乳香纏綿，顛覆傳統日式咖哩的溫和形象。可惜芝士與咖哩稍嫌涇渭分明，若能更充分融合當更完美。凍烏龍茶茶韻清冽，恰好洗去雙主食的濃重。環境是標準商場店的摩登和風，卡座間距得宜，晚市獨食也不覺尷尬。服務生添茶換碟勤快，值得那額外10%服務費。…查看更多

今日同朋友出去食咗兩款好特別嘅日本料理，真係要認真同大家分享下我嘅食評啦！首先講下「鰻魚豬腩肉丼飯」。一打開蓋，已經聞到個香噴噴嘅燒烤味。鰻魚鋪得滿滿，表面有芝麻點綴，金黃色超吸引，一望就知好有誠意。食落去，鰻魚肉厚實又滑，醬汁好濃郁，鹹甜適中，飯吸曬啲汁一啖一啖都好滿足。豬腩肉烤得啱啱好，有少少焦香，肉質嫩滑唔韌，餸埋啲菇一齊食口感層次真係好豐富。加咗啲青蔥同白蘿蔔絲，成件事冇咁膩，多咗幾分清新。跟埋味噌湯同沙律，食完覺得好飽肚又舒服。然後就係「和牛拉麵」。碗拉麵一上枱已經見到幾大片靚靚嘅和牛鋪面，牛肉粉嫩，油花分布靚到不得了。湯底充滿牛香，飲落有牛骨嘅鮮甜同微微胡椒味，唔太鹹，飲到底都唔會燥。和牛切得薄薄地，入口即溶，帶有自然嘅油香，真係有食A5和牛壽司嘅感覺。拉麵條彈牙，唔會太淋，吸咗啲湯仲好滑。溏心蛋半熟，味道天然又入味。仲有啲配菜例如蔥花增添香味同口感。總結：兩款餐點都好有水準。如果想要滿足感爆棚又想食豐富啲可以揀鰻魚豬腩肉丼飯；如果想試高級牛肉拉麵感受和牛嘅細膩，和牛拉麵就一定要試。兩個都超推介，下次一定會再食！…查看更多

今日去咗旺角嗰邊做嘢，lunch 就系moko解決埋同事話想食日本嘢，search 完覺得呢間炙宴幾啱食Lunch 時段moko 普遍嘅餐廳都唔算好多人，唔使等位就入咗去，四個人卡位有啲窄望吓個Menu主要都係平時日式餐廳嘅菜式，不過好多都可以雙拼都可以食晒飯同烏冬，都叫幾多配搭豚肉鰻魚雙併飯$118豚肉配照燒汁煎完香噴噴，鰻魚軟腍無骨跟餐配咗個味噌湯同埋蕨餅做甜品，食完都好飽照燒雞肉配烏冬$98呢個餐更加豐富，包咗一碗細嘅照燒雞肉飯同埋烏冬前菜有沙律同味噌湯，小食有兩隻豚肉餃子，甜品亦都配咗蕨餅雖然係細嘅照燒雞肉飯，但係都有四塊雞肉，味道同平時食嘅照燒雞飯都好相似，不過成長咩都有啲，食得開心啲…查看更多

行經moko, 比個宣傳牌吸引左，想食三食鰻魚飯。所以就搵時間去試下。午餐時間去，由於唔多人，二人坐四人枱，坐得舒服😌午餐：1）一本鰻魚三食，$168，鰻魚長長一條可分配食三食。wasabi 令我難忘，加芝麻亦不錯。茶湯反而令我失望，因為唔熱又冇味。總體來說，只能說是普普通通，可能期望太高。2）宮崎和牛.鰻魚雙拼飯，$179，正👍🏼👍🏼👍🏼和牛好味😋又想食和牛，又想食鰻魚，order 呢個啦。比起三食，呢個正D。小食：套餐加既a) 沖繩豬肉腸，$18，冇乜特別，想食腸都可以order既b) 厚炸沖繩島豆腐，$18， 我就覺得幾好食，特別加埋側面既鹽👍🏼👍🏼👍🏼唔係滑頭腐。c) 吉烈薯餅，$16，好多薯蓉，好食既，但好有罪惡感，而且又食飯，覺得澱粉質太多🤣🤣🤣…查看更多

🔥 炙。宴拉麵🔥 火炙沖繩琉香豚豬骨湯拉麵*🍜（人氣No.1️⃣） 乳白濃郁的豚骨湯，帶有膠質的醇厚口感，入口溫潤不膩。 嚴選沖繩「琉香豚」厚切叉燒，以直火炙燒至表面焦脆，釋放油脂香氣，肉質軟嫩多汁，炭香與豚香完美交織。 溏心蛋、木耳絲、蔥花，搭配細直麵吸附湯汁，層次豐富！ 經典不敗的豚骨湯拉麵，火炙叉燒是靈魂，必試火炙宮崎和牛拉麵🐂（人氣No.2️⃣） 湯底鹹香中帶高雅的鮮甜，襯托和牛不搶戲。 頂級宮崎A5和牛薄切，輕炙逼出油花香氣，入口即化，脂香在舌尖綻放。 奢華感滿分！ 和牛控首選，火炙香氣與醬油湯底絕配，每一口都是享受！ 北海道蝦麵豉琉香豚拉麵🦐（新產品‼️） 北海道紅蝦熬煮的「蝦味噌湯」，濃郁海味與麵豉發酵香氣碰撞，鮮甜！ 炙燒琉香豚叉燒，雙重滿足。 麵吸附濃厚蝦湯，口感彈牙有嚼勁。 蝦湯與味噌的日式混搭，海鮮愛好者必嚐！ 橫濱醬油拉麵配南蠻炸雞🍗（新產品‼️） 橫濱風醬油香氣清亮，尾韻回甘。 日式南蠻炸雞（唐揚げ）外酥內嫩。 清淡醬油湯與炸雞的濃郁形成對比，適合喜歡「一碗雙享受」的食客。 新派日式組合，拉麵＋炸雞CP值爆表！ 同步登場品牌吉祥物「飯豚」限量矽膠杯蓋連$50餐飲券，只需加$35，粉絲們千萬不要錯過！…查看更多

《炙‧宴》以日式丼飯聞名，原來拉麵一樣咁出色，招牌產品「火炙沖繩琉香豚豬骨湯拉麵」及「火炙宮崎和牛拉麵」一直人氣高企，現推出兩款全新拉麵「北海道蝦麵豉琉香豚拉麵」及「橫濱醬油拉麵配南蠻炸雞」，嚴選日本直送湯頭為基底，搭配獨家配方研製出濃郁鮮香的湯底，可以品嚐到最地道的日本風味👍🐷同步登場+$35換購品牌吉祥物「飯豚」限量矽膠杯蓋連$50餐飲券！🍜火炙沖繩琉香豚豬骨湯拉麵 (人氣No.1)豚肉夠晒軟腍，而且半肥瘦好滋味，湯底味道濃郁，濃厚的豬骨味道，拉麵更加是爽口又彈牙，而且配料仲有炸蒜片、香筍木耳絲，口感豐富👍🍜火炙宮崎和牛拉麵 (人氣No.2)我是牛魔王所以特別偏這碗拉麵，和牛肉有四大塊，充滿油香入口即溶，仲有美味嘅溏心蛋，湯頭滲咗牛嘅油脂，真係超正😋🍜北海道蝦麵豉琉香豚拉麵 (新產品👍)喜歡蝦鮮香味道嘅朋友絕對不能錯過這碗，湯底真係超濃郁嘅蝦味，除了香甜豬肉好味之外之，配料更有蝦皮、香筍、木耳和京蔥絲，夠晒惹味🍜橫濱醬油拉麵配南蠻炸雞 (新產品👍）呢碗就真係大人、小朋友和老人家都啱食，醬油湯底好清新，而且有大量粟米配合拉麵更加清甜，南蠻炸雞更加係必食推介，炸得香口雞肉勁Juicy，而且醬汁微微甜香，能夠中和油膩感，好味道🍹菠蘿梳打｜香桃檸檬茶兩杯特飲味道清新，而且唔太甜夠晒解渴，一邊食拉麵一邊飲，非常滋味…查看更多

點了宮崎和牛芝士黑咖喱飯（$88），餐廳午市幾乎滿座，不過餐廳座位闊落，所以都坐得舒服，雖然滿座但服務依然周到，員工態度友善，值得一讚。咖喱的味道與一般日式咖喱有點不同，屬於黑咖喱，係BB辣，幾香。和牛也不錯，肉質軟腍，容易咬開，有牛味。不過，芝士的分量比宣傳圖片上少，有點可惜，感覺份量略嫌過少。以商場內的餐廳來說，這價錢算是合理，性價比不錯。如果想在Moko找個地方吃午餐，這家日式餐廳是個不錯的選擇。…查看更多

日式丼飯專門店「ABURI-EN 炙・宴」聯乘《進擊の巨人》，將全線八間分店化身為主題店，除了設1.8米高《進擊の巨人》佈景板及多個角色Q版造型牌供fans們打卡，更推出一系列主題美食和贈送限定版周邊精品！.主題丼飯有「瑪利亞之墻壁の丼」及「調查兵團の丼」，客人可+$20加配角色立牌，同時亦可+$20將餐飲升級至進擊の巨人特飲「阿爾敏‧亞魯雷特藍海梳打」及「瑪雷特產葡萄汁」，每款食品及飲品更附送角色收藏卡乙張😍 特別聯乘商品有環保袋($48)及T-shirt($94)，可惜到訪當天T-shirt已經售罄了😭 聯乘做到二月底，巨人fans們快衝啊！！…查看更多

今日同阿仔係旺角MOKO 睇完《進擊の巨人》完結篇，完場後意猶未盡，行行下見到日式丼飯專門店《宴炙ABURI-EN》期間限定聯乘《進擊の巨人》，唔單止聯乘食物吸引，仲有好多打卡位同埋限定版周邊精品😍。先講下打卡位📸，日式丼飯專門店《宴炙ABURI-EN》，全線八間分店將化身主題店，店面設1.8米高《進擊の巨人》佈景板供fans們打卡外，店舖各處亦可見人氣角色Q版造型的蹤影，真係打卡度十足😍。2️⃣款聯乘主題丼飯賣相非常吸引👇瑪利亞之墻壁の丼 $118豚肉🐖又多又大塊，炙燒後🔥更能帶出豚肉嘅脂香。豚肉代表高聳城牆，至於香姑和葱花代表城市廢墟和被毁的樹林，好神似啊🫢。調查兵團の丼代表調查兵團挑戰城牆之外嘅世界。一次過試哂南蠻炸雞及照燒炸雞，兩款各有特色，都十分惹味😋。大家記得唔好錯過兩款主題特飲，只需 +$20就可以升級至原價 $45嘅特飲。🟣瑪雷特產葡萄汁🔵阿爾敏‧亞魯雷特藍海梳打火炙牛舌 $68牛舌表面燒至焦香🔥，質感爽口彈牙，一口咬下油脂香味滲出🤤。照燒雞翼 $48雞翼燒得皮脆肉嫩又juicy，十分惹味😋。限定版周邊精品🔥人氣角色立牌一套 (共四款)🔥人氣角色收藏卡一套(共四款)🍃聯乘環保袋 今次聯乘活動做到2月尾，大家唔好錯過啦😆。…查看更多

全城熱爆既進擊の巨人上個月就上左完結篇喇當初追動畫動到好緊湊 晚晚唔願訓🤣而家發現原來炙•宴 聯乘 進擊の巨人推出期間限定主題餐點 去到4月6號咋即刻約左同為FANS既朋友去打卡😎日本炙燒丼飯專門店 炙·宴ABURI-EN 將全線8間分店化身成主題店無論係店內裝修定食物都貫徹主題好多人氣角色Q 版造型 仲有1.8米高佈景周圍都係打卡位🥳💥瑪利亞之墻壁の丼 灸燒豚肉丼飯豚肉好大片 肥瘦岩岩好 仲燒得香口伴有香菇 蔥花撈埋一齊配埋個汁 好香好入味☺️💥調查兵團の丼 照燒雞X南蠻炸雞丼飯照燒雞肉質細膩 有肉汁南蠻炸雞香脆肉嫩撈埋個汁勁惹味😋💥瑪雷特產葡萄汁 升級主題特飲 清香葡萄味內裡仲有水果同啫喱 好有口感😆💥阿爾敏‧亞魯雷特藍海梳打 升級主題特飲 係係乳酸梳打添架清爽消膩 仲有D啫喱添😀💥炸沖繩魷魚另叫小食 即叫即炸魷魚外脆咬落爽口彈牙😏💥灸燒牛舌牛舌燒得焦香 加D檸檬汁同黑椒會更加惹味架😊…查看更多

[ 炙・宴 ]係1月16號上映嘅《進擊の巨人》完結篇一直係話題之一，除咗欣賞精彩劇情，嚟灸宴仲可以食到主題美食同埋打卡，推薦粉絲必到🤩🤩。✿ 瑪利亞之墻壁の丼 $118以灸燒豚肉鋪面，仿效高聳城牆🪦，豚肉烤得好香口，油脂感滿滿🐷🐷。✿ 調查兵團の丼 $108一大片紫菜有如城牆，照燒雞同南蠻炸雞代表交叉翅膀🪽挑戰城牆外嘅世界。一個丼試到2款不同口味嘅雞肉🐓🐓。✿ 瑪雷特產葡萄汁 +$20✿ 阿爾敏‧亞魯雷特藍海梳打 +$20葡萄汁酸酸甜甜好開胃，而梳打夠爽口，仲有唔少寒天晶球，好有口感👍🏻👍🏻。✿ 火炙牛舌 $68✿ 水雲醋物 $38 總結🫦凡惠顧《進擊の巨人》餐目，即送收藏卡一張/主題枱墊。另外仲可以+$20換購精美角色立牌一個或+$94聯乘T恤/+$48環保袋，數量有限！聯乘T恤只在屯門Vcity、圍坊及荷里活廣場分店有售。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿炙・宴地址: 旺角太子道西193號MOKO新世紀廣場1樓156號舖電話: 28877626✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

連鎖日式餐廳吃鰻魚飯一本鰻魚三吃 $168原條鰻魚好足料好大份，CP值好高！鰻魚色澤烤得好均勻口感充滿油脂彈性醬汁惹味送飯一流3種食法：1️⃣直接食！原味都好好味2️⃣加入wasabi、芝麻、紫菜和香蔥一同進食，味道更提升3️⃣倒入玄米茶昆布湯，當成茶泡飯享用3款食法各有不同風味鰻魚二重丼 $142一次有齊烤鰻魚和炸鰻魚兩款口味鰻魚充滿焦香味炸鰻魚口感好特別，外脆內滑配搭特製南蠻汁很清新，不會有油膩感…查看更多

🎬《進擊の巨人》(完結篇)🎬對好多人黎講係，睇左未呀？👀但對我黎講，係食左未呀！😋最近日本炙燒丼飯專門店🥢炙•宴 聯乘 進擊の巨人，推出期間限定主題餐點❣️除左主題野食 • 店內都加左唔少佈置，仲有個1.8米高佈景打卡📸另外又有唔少限定周邊商品🛒(T恤 • 環保袋...)其中收藏卡，仲係惠顧《進擊の巨人》餐目(野食 / 野飲)就會免費贈送🆓🎞影迷fans們，要快d出動啦💨~•~•~•~•~•~•~•~•~•~•~•~•~•~•~•~•~•~•~• 🎬進擊の巨人主題美食🎬(📅由即日起至4月6日供應)Menu上📖每款野食都有寫埋靈感來自邊到.▪瑪利亞之墻壁の丼灸燒豚肉片🐷 • 蔥花菇菇🍄。豚肉片燒得夠焦香，夾出黎都幾大片嫁。飯有汁撈埋好容易清碗🥄.▪調查兵團の丼一次過滿足2個口味，連皮燒雞扒肉嫰 • 脆脆南蠻炸雞🐔唔知點解，成日覺得炸野加塔塔醬 • 檸檬汁，夾得黎仲會冇咁熱氣🤣仲有3大片紫菜代作城牆。.推廣丼飯 (配汽水 / 檸檬茶 / 檸檬水/ 烏龍茶 / 奶茶 / 咖啡)或可(加+$20)升級至進擊の巨人特飲 (會額外贈送角色收藏卡1張)▪瑪雷特產葡萄汁 (跟餐加+$20)水果版紅酒🍷加左生果粒粒▪阿爾敏 • 亞魯雷特藍海梳打 (跟餐加+$20).▪灸燒牛舌 ($68)牛舌邊邊位帶點焦香，加左少少黑椒調味🧂，唧少少檸檬汁吊吊味，更清新🍋▪灸燒火焰三文魚沙律 ($98)沙律通常都係配煙三文魚，不過依個就用三文魚灸燒，滲出魚油。而且份量都唔少，更有誠意🧡沙律菜🥗仲加左蕃茄仔🍅 • 彩椒 • 紫洋蔥。.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~• …查看更多