炙・宴 (圍方)

這次在大圍圍方逛街，嘗試這個日式餐廳。因是星期日的關係，需要等位大約30分鐘。這間餐廳各方面整體來說不過不失。豬軟骨烏冬的軟骨燉至極致軟糯，入口即化，湯頭溫潤。煎餃外皮金黃酥脆，肉餡多汁。和牛拉麵更是不錯，大片和牛油花均勻，肉質柔嫩細膩，與濃厚湯底相得益彰。所以整體不錯，但價錢尚算中等，性價比沒有很高，另需加一收費。如果在附近閑逛，值得一試的。…Read More

上次吃了個牛丼，價錢貴、不合理，牛肉又少又韌，仲要唔飽，真係一肚氣！再吃一次，今次要叫了豬。已經是最推介menu，應該無問題啦。果然係好味好多，好過上次個牛丼多多聲。起碼是吃得飽！價錢合理！這次讓他平反。可以再去。但就唔會再試新嘢。見過鬼怕黑。…Read More

最近男朋友約咗中學Miss食飯Miss揀咗大圍葵芳呢一間日本餐廳一開頭對呢一間都冇乜期望睇咗幾次Menu最後揀咗壽喜燒點知出乎意料之外地好味😋百幾蚊一個set 啲牛有入口即溶嘅感覺呢個價錢呢個質素 真心值得一試！另外男朋友叫咗個鐵板牛都好好食完全冇韌嘅感覺 每一啖都好好食 好Soft價錢亦都係百零蚊💯總括嚟講 算係唔錯嘅 大家不妨去試吓！價格親民 有品質保證👍🏻第一次嚟到圍方呢個商場雖然人流唔係太多 但都幾多餐廳選擇…Read More

類似呢啲餐廳，裝修好少少，打正日本和牛，懶係高質，個價又「高質」，究竟得唔得？叫咗～鐵板美國牛板腱 白飯加$8 炸沖繩魷魚 宮崎和牛,鰻魚雙拼飯 加$15有味噌湯+迷你沙律1/4條鰻魚，4「塊」和牛，小量嘅菜同菇～$179，沙律同湯要另$15，咖啡又加$28，加嚟加去已超過$200。鰻魚～肯定唔會識飛，正常無驚喜，和牛～係有小小牛味，唔係入口化果隻，真係包裝靚啲，再「和牛」加持，承惠$179。鐵板美國牛板腱～$128,眼見咁多，薯條得幾條，汁又小得可憐，究竟係倒落去「炸炸」聲定係好似隔離果幾滴茄汁用嚟「點」？一樣無驚喜，正常口味，鐵板餐都係港式嘅好。埋單$466回頭度～5/10性價比底，環境又唔係好座過人，食物普通不過，懂得包裝就係一切。以上純粹個人食後分享，絶無收受任何利益或優惠，亦願意承擔所有責任。…Read More

星期六同老公去圍方食午飯。平日食過豚肉丼午餐，都幾好味。諗住今日又幫趁，同埋食下唔同嘅嘢，所以叫咗哩個食，一人一份。賣相似係唔錯，但啲肉勁少，兩啖就食完，而且有啲筋，唔夠腍，一句講晒，唔好味。因為啲肉太少，後尾碗飯基本上係就咁啃，所以淨咗半碗。點樣夾硬啃半碗白飯呀？大佬！成$148仲要加一！ 成三百幾蚊，早知去千両食好過！同樣價錢多好多嘢食！我老公食到勁嬲，返到屋企都仲一肚氣！性價比奇低！千祈千祈唔好叫！…Read More

睇完戲揾野食，因為中午食左西式，而男朋友話想食煎扒，原來唔想食呢間，但最後我地入去。坐低叫左一個肉眼扒連一口牛，我叫櫻花蝦拉麵。個麵好快到，一望碗野，兩個不約而同嘩左聲。塊叉燒令我諗起以前食一蘭，簡直高難度薄，同出要普通一塊日本拉麵叉燒係一塊變兩塊。跟住男朋友個扒到，已經燶左個面，完全係似以前旺角花園餐廳咁。但呢度加埋三百幾。小食叫左個醋汁嘅小食，全餐唯一好味，另一個係海帶炒豬肉，完全難食。真心無下次。…Read More

偶然都會食下炙.宴，印象中3年前第一次食，係俾餐廳嘅米飯吸引，今次再食，見佢多左鐵板燒，都唔錯！一行二人點左兩個餐：鐵板美國牛板腱 $128 + 零糖可樂 $8，雖然望落細塊少少，但味道又唔錯，唔會太熟，又唔會韌，都夠牛味！😋薯菜如果多少少更好！👍再點左套餐：月見豬腩肉丼配炸雞芝士黑咖哩飯 + 凍檸檬水 $128，相比下呢個餐明顯抵食好多，有兩碗飯，仲有麵鼓湯、餃子、少量沙律菜及厥餅 。米飯仍然係喜歡嘅煙韌口感😋，炸雞外層鬆脆，豬腩肉入味！👍但個人覺得黑咖哩唔夠平時嘅黃咖哩好味，如果有黃咖哩揀更好！😌唯一奇怪係我地二人同時掃app, 其中一方揀完冇確認，而我自己手機嘅app 冇出現對方所揀食物，我唯有幫佢再揀並送出，但估唔到送餐時變左3個餐....🙄..好彩送飲品時發現多左一罐可樂先知，侍應話如果已預備食物就取消唔到....我地都唔冇確認另一個餐，但竟然由另一部手機確認左，真係奇怪，如果取消唔到就冤枉，大家要留意！…Read More

星期六下午周圍都要排隊，我食飯時間唔多咁啱呢度有位就入去食坐低先叫左個宮崎和牛·豚肉飯(加隻溫泉蛋)配菜有本菇同京蔥絲本菇用燒汁煮過 味道偏重 要撈飯食和牛方面應該係用A3-4左右既和牛肩脊食落有些少油香 有D咬口 都算唔錯 但得4塊仔就少左D要慳住食豚肉方面食落軟淋，肥瘦適中有碳香都唔錯，但個人覺得雙拼先好如果全個飯都係豚肉會有D膩同悶因為味道比較單一另外小食方面叫左個炸西太公魚簡單講就係炸多春魚少左D春味道完全一樣而且椒鹽太重手 好Q咸最後就係 沖繩豬肉煎餃煎得麻麻地 又淋又軟 一D都唔香脆但係餃子味道唔錯 味道係傳統日式餃子味道重點係每一隻入面都有肉汁 有豬肉既油香 蒜香同椰菜清甜如果煎返靚仔D 呢個餃子有90分總結︰性價比一般 食材用料其實唔差 但成品一般 建議廚房多注重食材同味道既配搭…Read More

❌特上日本豚肉飯 豚肉質感麻麻，太柔軟太腍身，冇質感。醬油味道好濃郁，但係食唔到咩肉香味。唔推介唔使嗌。❌宮崎和牛芝士黑咖哩飯貪得意試下黑咖喱，其實味道同普通咖喱冇咩分別，就係正常日式咖喱嘅味道，甜甜地，不過變咗黑色，再加啲芝士。質地整得太杰身一pat 嘢咁。而入邊嘅"和牛"亦都唔係預期一片片嘅牛肉，而係一舊舊牛腱肉，食落好似係水煮厚身牛舌嗰種嘅質感同味道。宮崎和牛丼 $159三個餐呢個最好食。和牛厚厚地又質感，食落柔軟，有質感又有牛味。唔錯，呢個係好味嘅。…Read More

今日嚟到圍方搵食，見到呢間餐廳個「一本鰻魚三吃」好吸引就試吓先！.我哋叫咗2個餐share食。.月見豬腩肉丼配炸雞芝士黑咖哩飯 —呢個餐好豐富！除了有一碗豬腩肉、一碗炸雞黑咖哩飯外，更有麵豉湯、柚子醋沙律、煎餃子、生蛋及甜品蕨餅。.麵豉湯 — 我覺得鹹咗少少柚子醋沙律 — 沙律菜都幾新鮮，係食得底時啲柚子醋略嫌酸咗少少煎餃子 — 有2隻，口感已唔脆，需味道就一般生蛋 — 將生蛋黃放落豬腩飯飯一齊食好正甜品 — 無蕨餅 2粒 ，好軟糯好好味！.月見豬腩肉丼 —月見豬腩肉用醬汁醃過，好入味、好嫩滑；呢碗飯加埋蛋黃汁撈勻一齊食更加正👍🏻.炸雞芝士黑咖哩飯 —黑咖哩加埋溶咗嘅芝士，好香，而且愈食愈辣，夠惹味炸雞都算嫩滑、香脆好食。..一本鰻魚三吃 —淨係賣相已好吸引！鰻魚好大條！😍伴碟有醃蘿蔔絲，酸酸甜甜，好食。.鰻魚三個食法：原味吃法 — 本身有鰻魚汁，已經好好食。鰻魚無骨、好滑！😋.第二個吃法 — 將紫菜、山葵、芝麻碎、蔥粒撈埋啲飯+ 鰻魚一齊食紫菜、芝麻及蔥的香味+ 山葵獨特風味，令口感更提升，更好味！.第三個吃法 — 茶漬飯，個湯有鮮味；將紫菜、山葵、芝麻碎、蔥粒、飯、鰻魚加埋湯一齊食，啲配料令個湯更香，有另一種美味！.整體來說，呢2個餐都好食、份量好多，食到好飽！當中「一本鰻魚三吃」更好味更出色！…Read More

呢間平時晚餐時段都好多人喺門口排隊等位所以就心郁郁睇吓個餐牌原來是套餐都好抵食唔怪得咁多人排隊啦最平唔使$100已經有湯有甜品有飲品單睇餐牌幅相都已經覺得好吸引份量都唔少，而且係一個套餐所以決定叫咗個豚肉飯套餐食$88，另需加一服務費完全同餐牌一樣份量十足，而且勁熱辣辣未食已經流晒口水啦豚肉係條狀都切得非常厚 唔係薄肉嚟醬汁好濃味，仲有好多洋蔥做配菜撈飯食係一流 ！係日本的味道同食平嗰種豚肉飯係冇得比 食得出一分錢一分貨蕃茄牛油果野菜沙律$72食返個沙律解解油膩份量都足夠 如果牛油果再多少少就更加好最後食埋套餐個甜品餡餅 裏面係豆沙蓉黎成個餐都好滿足啊😌…Read More

嚟呢間日本菜食個lunch🥰🥰雞扒豚肉丼飯是一道美味的日式丼飯，裡面有嫩滑的雞扒和多汁的豚肉，搭配香噴噴的米飯，淋上特製的醬汁，吃起來特別滿足，鰻魚豚肉丼飯則是另一種享受，鮮嫩的鰻魚和豚肉一起放在米飯上，鰻魚的香味和豚肉的豐富口感完美結合…Read More

🍛 宮崎和牛・ABURI-EN豚肉雙併飯 HK$169・味道：和牛脂肪比例都幾高，豚肉一樣非常軟腍，兩者入口油脂爆晒出嚟🐷。脂香滿滿！燒到燶邊非常香口，邪惡㗎喇，但好食嘅！啲菇吸晒啲牛同豬嘅油👅，是幾正的XD・口感：外焦內嫩，冇得輸啦！係份量細咗啲，性價比低啲啫～・・・・・・・・・・・・・・・・・・・・🤰性價比：中～🤰9衝度：可試～🤰結論：好食的，係定價太進取～・・・・・・・・・・・・・・・・・・・・IG：daitouball…Read More

上星期三，因工作去到車公廟站的香港文化博物館，午飯時參觀了金庸展覽，睇見展品非常優秀便即時分享比家人們，收工後家人們仍在睇展覽中，便相約到附近嘅圍方行吓兼食餐飯🥰初初圍方剛開幕時人潮滿滿，今次終於有機會嚟行行逛逛，「新士坑」個商場又好大喎，大圍站B出口一秒到圍方，超級方便❣️不過大多數餐廳價格都偏貴，唯有行前少少🤏🏻見到有間相對較平嘅《炙·宴》，是晚主角就係佢啦😎小妹一行四人都選擇了🩷幸せの二重丼🩷：以下均配味噌湯、沙律、沖繩豬肉煎餃（2件）、是日甜品及飲品▪️月見豬腩肉丼配炸雞芝士黑咖喱飯兩碗迷你飯，份量都唔迷你㗎，仲附送咁多前菜小吃，小妹父食左1碗半就飽飽了😆▫️角切魚生丼配烏冬（冷）小妹與媽媽都偏愛食魚生丼，魚生新鮮、冷烏冬口感有咬口得來但唔會太硬，好抵食❣️▪️宮崎和牛丼配烏冬（熱）原以為和牛會好難咬，點知又煮得好軟腍吖，雖然未到入口即化，但係都好好食😋；熱烏冬口感無冷烏冬咁好，不過都唔錯👍🏻四個人每人一份餐，平均每人都係$150左右，超級抵丫❣️食飽晚餐，去附近間Market Place 散步買水果後，再落下一層另一間餐廳食飯後甜品🍮⋯⋯…Read More

被呢間餐廳既裝修所吸引到，門口有一個會動的火焰一直燃燒著，而且咁啱呢期同蠟筆小新聯名合作緊，覺得幾可愛。月見豬腩肉丼（拌生蛋黃，$98）豬腩肉超大塊，豬肉口感不錯，擺盤讓人感覺很滿足，個人認為喜歡拌生蛋黃撈飯的話，可以點呢個飯試下。豚肉丼（$88）呢個係招牌丼，對比月見豬腩肉丼就係少咗一個生蛋黃，豬肉吃起來很香，好味！沖繩豬肉腸（$48）香腸口感脆脆地幾過癮，點埋QB醬，幾好食。總括嚟講，呢間店不錯的，期待下次再去既時候，試埋其他菜式。…Read More