炑八韓烤 (荃新天地2)

營業中

休息中

寒風來襲，很想吃熱辣辣的韓燒暖身，店員為我們送上韓式小碟：酸蘿蔔、泡菜、芽菜及雜菜沙律等，還有爐邊的泡菜蛋和芝士粟米，可以無限refill，簡單滋味。特級牛肋骨 牛肋骨醃製過，色澤呈微褐色，放在熊熊烈火上燒，燒好剪至一口size，油花細膩。油脂被迫出，傳來誘人炭燒香，入口軟腍，香盈的肉汁散發口腔，沾上燒肉汁，令人迷醉。燒完牛肉，還有大蝦的誘惑，蝦肉爽口彈牙。韓牛前胸肉輕輕烤至兩邊金黃，邊沿位置焦脆，質感嫩滑，肉汁香甜美味。柔軟而帶嚼勁的口感，牛香濃郁，令人暖意窩心。厚切五花腩 喜歡五花腩肉，肥油令爐火更旺盛，肉質爽口，肥膏位置微微焦脆，油香四溢，肉汁香濃。包在生菜中吃，肉質肥厚軟腍，肥膏香糯綿密，加上蒜粒，十分惹味。蒜蓉牛油金針菇牛油令金針菇更濕潤，加上惹味蒜蓉，清新中帶陣陣蒜香，滋味過人。韓式豬皮配炒芝麻 豬皮外層透明，有蜜甜的汁燒調味，入口油潤、煙韌，帶有嚼勁，愈食愈過癮⋯⋯海鮮煎蔥餅煎蔥餅酥脆可口，內有彈牙蝦肉和鮮味的魷魚，加上香蔥及韭菜香味點綴，大啖咬下，鬆化而不油膩。

呢期瘋狂地愛上色韓國菜。今日做冬就係繼續食韓國菜 。今日就去咗荃灣荃新天地“”炑火韓“”烤 食。首先點咗個“”海鮮煎蔥餅“$ 92。” 呢一個性價比十分高， 因為佢唔係那種薄薄嘅海鮮蔥餅，而係有一個pizza嘅厚度，而且十分足料有蝦仁等等海鮮， 十分膨拜飽肚。再嚟就當然係食“厚切五花腩 “$138，肉同脂肪嘅比例十分完美。雖然邪惡 ，但係我都將佢全部消滅 ，哈哈。另一個令到我有驚艷嘅就係“”韓式豬皮配炒芝麻“”$78 。豬皮望落去好厚， 但係燒完出嚟用生菜包住， 能夠中和翻油膩感，絕對比想像中出色。 之後就到一個“” 蒜蓉牛油金菇“”$48 ，其實佢哋仲落咗芝士， 令到整體層次味道提升好多。 重點嚟啦，就係“”特級牛肋骨“”$288 。醃料非但係冇搶到牛肉本身嘅鮮味， 味道相得益彰仲。 最後再來一個“”韓牛前胸肉“”$158 。本身以為胸肉會比較鞋口一啲， 但係食落都係好嫩滑。 飲品就有薄荷荔枝梳打同埋柚子檸檬梳打$38 ，大大杯食燒肉飲佢就最適合不過。溫馨提示餐廳都好爆，最好就預先訂位啦。 最後祝咁多位食家們聖誕快樂，越食越瘦。

世界盃熱潮席捲全球，今次又相約朋友到荃新天地二期炑八食燒肉，見到廣場中庭大屏幕直播緊賽事，而炑八都換咗佈置主題，門口有勁大個龍門backdrop俾人影相打卡，真係緊貼熱潮！一如以往，一坐低侍應就送上沙律、幾款前菜，生菜、蒜片、辣椒用嚟包住燒肉食，仲倒上蛋漿，係我最愛嘅粟米芝士爐邊蛋！想掃QR code點食物嘅時候，見到有張韓牛毛巾禮盒宣傳單張，買嚟聖誕節同朋友交換禮物，應該幾搞笑！➺➺特級牛肋骨$288今次叫嘅幾款肉入面最好食嘅一隻肉！原來成條牛肋骨用上韓國秘製醬油醃製超過10個鐘，難怪咁入味！油脂分布均勻，燒嘅時候油花出晒嚟，食落口又柔嫩又Juicy! 原條過擺放造型成條布條咁，幾有心思！➺➺炑八厚切五花朒$138油脂同肉相間，層次分明，油感較濃厚，跟住餐單上嘅食法介紹，用醃過嘅蘿蔔片或者用生菜配蒜片、辣椒，再加埋韓式辣醬一齊食，口感好豐富！➺➺韓式豬皮配炒芝麻（6件) $78豬皮厚度有成1cm，幾有韌性，因為幾有口感，唔覺特別肥膩，加上用醬油醃製過，味道更易入口！➺➺韓牛前胸肉$158牛肉同脂肪比例均勻，爽而不膩，牛肉味較為香濃，所以唔需要醃製，燒完之後，點少少醬汁就可以入口！➺➺

#meloin @meokbangbbq適逢世界盃🏆⚽️，見到炑八有興祝世界盃活動，即刻去打卡，仲見到好特別嘅牛肉毛巾，加錢就可以換購啦！🥩特級牛肋骨 調味濃郁，包在生菜入面，加入泡菜，極具韓式風味🐮韓牛前胸肉 記得等佢溶下雪先食啊，基本上都屬於瘦，配上岩鹽就一流🐽厚切五花腩 餐廳特別預備了平面鐵板香烤，可以烤至金黃香脆，非常好味🧈蒜蓉牛油金針菇用錫紙兜勝在，蒜蓉牛油味香韓式🐷豬皮配炒芝麻豬皮大大塊，油脂流出，烤得香口🐙海鮮煎蔥餅煎餅份量大，特別的調製醬料非常配合，煎得香脆可口。🍋青檸梳打🍋檸檬柚子梳打2款都非常清新，甜甜酸酸很開胃。

話說近排個個都追世界盃，出街食嘢好多餐廳都有播，早幾日去到荃灣買完嘢，順便搵地方食飯，見到呢間炑八搞緊個世界盃campaign，有個backdrop倒轉擺都幾搞笑，即管試吓。咁就叫咗一個燒烤套餐，跟兩杯嘢飲同埋人蔘雞湯。現場環境唔錯，都好熱鬧，啲嘢食好快到，見到都幾正，即刻退燒，啲豬同牛肉算唔錯，比較特別係有燒墨魚食，成隻都見到，就知道足唔足料。另外嗰個人蔘雞湯到幾好，啱晒去燒烤咁熱氣。另外韓式來講都常見嘅配菜，就唔會咁易食滯。

炑八韓烤(荃灣店)| 高質韓燒 🔥每張檯都會送前菜: 沙律 泡菜、大豆芽、海帶、蘿蔔 芝士粟米、泡菜蛋🔶特級牛肋骨牛肋骨係超級大條 除左牛肋骨 仲有一隻大蝦🍤 同一隻冬菇牛肋骨本身有調到味 令到燒出黎更加香大蝦超級大隻 燒完出黎食落甜甜地🔶韓牛前胸肉🔶厚切五花腩厚切五花腩真係厚切 五花腩肥瘦適中 肉味濃郁有 肥中有瘦有肉汁肉質彈牙🔶蒜蓉牛油金針菇金針菇配牛油真係絕現 用錫紙燒就唔會燒燶🔶韓式豬皮配炒芝麻豬皮口感層次好豐富 厚實既口感 食完都想再食🔶海鮮煎蔥餅煎到卜卜脆 海鮮份量好多 每咬一啖都有海鮮蔥餅唔會太厚 調味調到只食份蔥餅都好好味🔶青檸梳打青檸梳打可以清一清口腔既口味 青檸好清新 梳打解滯🍴整體評價：抽氣系統好好 入到餐廳都唔會覺得好重油煙味座位闊 坐得好舒服 岩曬同一班朋友黎食食材新鮮好味 份量充足 絕得再黎食推介指數: ⭐️⭐️⭐️⭐️——————————————————————————————📌 荃灣楊屋道1號荃新天地二期1樓125號舖付款方式Visa Master AlipayHK 支付寶 現金 AE 銀聯

天氣凍就好想食燒肉架啦❄️🤤要食無限refill芝士暖下個肚仔🧀炑八韓烤🔥－特級牛肋骨最中意呢個甜甜既醃料，非常入味又唔會蓋過牛本人既味道~韓牛前胸肉 牛味濃濃，口感彈牙有嚼勁~厚切五花腩 肥瘦均勻既花腩，燒到兩邊金黃，入口油脂係咀裡跳躍，滿足~蒜蓉牛油金針菇 份量很大，蒜泥牛油同金菇最夾，入口香濃惹味~韓式豬皮配炒芝麻口感軟糯qq，配搭著香口既芝麻同甜甜既醃汁，絕對會一塊接一塊咁食~海鮮煎蔥餅外脆內綿既煎薄餅上鋪滿了海鮮，又鮮又香，口感太豐富了~然後發現了新既吃法，放涼了既煎餅放上爐上，兩邊都燒一燒翻熱一下，然後在上面放上很多芝士再燒一會，絕了！當然不少得每人一杯梳打，大杯又好喝~又係大滿足既一晚~－走果陣見到韓牛毛巾好攪笑，好岩做聖誕禮物咁😝世界杯關係，餐門入口有勁大個backdrop可以行埋去影倒掛金勾相，幾得意😆

朋友仔趁住世界盃期間 成日都想出街食完飯就睇波 今次我哋就去咗試韓燒 食咗個神級射手燒烤$498嘅set😀😀估唔到有好多款前菜可以無限refill 泡菜、海帶、豆芽、醃蘿蔔、芝士粟米、泡菜蛋等藍天使梳打 荔枝梳打我幾鐘意藍天使梳打 顏色又靚 可以打卡😂😂😂飲落又有啲檸檬清新味 推薦👍🏻👍🏻前菜生律瘋狂食肉之前 梗係要搵啲沙律墊吓底😏😏 菜類新鮮 醬汁不錯 八爪魚豬梅花肉、雞肉、五花肉、牛翼板肉秘製豬皮豬皮爽口彈牙 十分驚喜🥰 我第一次食燒豬皮 因為咁我開始明白韓劇嘅人點解成日都食燒豬皮😹😹人蔘雞湯超足料😻😻😻 雞肉燉完仲好滑🥳🥳 湯頭清澈濃郁 食完暖笠笠 飽飽 抱住肚腩返屋企☺️☺️#炑八足球狂熱 #Koreanbbq #football #打卡點

最近大家忙啲乜嘢？梗係忙住夜晚睇 世界盃餐😂我又要參加一份！呢度咁得意嘅就係炑八韓烤年度 世界盃餐•炑八韓烤年度 世界盃餐，出咗幾款唔同嘅套餐，套戲由四百幾至八百幾都有，我就點咗全能進攻燒烤套餐，我呢款套餐就HK$698，入邊勁多嘢食好豐富！🥩和牛翼板肉🥩和牛牛肉粒🥩彥陽牛肉🥩蔥花牛五花🥩韓牛前胸肉🐠新鮮鰻魚以上嘅肉係一大分咁樣上一見到超開心，新鮮鰻魚肉質爽彈，以上嘅牛肉款款都好好味，我自己呢就特別推介蔥花牛五花，因為用蔥花配搭味道香濃，而我覺得油香最勁嘅就係彥陽牛肉同和牛翼板肉！ •🐙芝士帶子八爪魚🐔人蔘雞湯分開上嘅就係錫紙兜嘅芝士帶子八爪魚，上面配有綠色嘅相就係羅勒醬，服務員建議我哋呢將錫紙兜放喺燒烤爐嘅中間，咁就可以燒得平均d，未食燒肉之前，我哋仲加咗個人蔘雞湯，全份先 HK$79，好抵！依家天氣咁凍飲返個人蔘雞湯即刻暖返晒，仲要佢哋好足料，人蔘雞湯湯濃，雞肉又夠滑💖•🍹荔枝梳打🍹葡萄梳打仲叫咗兩杯飲品邊韓燒嘅時候邊飲，好開心💜同埋最鍾意喺炑八韓烤 燒烤嘅其中一個原因就係佢哋嘅配菜好好味，最緊要係可以refill，而我自己除咗鍾意食燒肉之外，最鍾意就係食佢哋嘅芝士粟米同埋泡菜雞蛋

去開荃新天地中庭位置大電視睇波，勁有氣氛！睇波前同朋友去樓上炑八食韓燒，叫左個SET$895夢幼組合燒烤套餐，超大份，足夠4個人食，其實計落都唔算好貴。分別有前菜，沙律，任食爐邊芝士+雞蛋，好大盆肉+大蝦，人蔘雞湯，海鮮煎餅，好多野呀!!!全部都好大份添~~前菜沙律任食爐邊芝士+雞蛋雞蛋就係正常雞蛋囉最驚喜係個爐邊栗米芝士可以REFILL，勁正，煎香左真係好好食好惹味！撈埋D肉黎食真係好正！無限添加係賣點！不過我地只係REFILL左一轉，因為食太多都好漏~~人蔘雞湯 (跟餐另加HK$75)原隻雞煮嘅人蔘雞湯，份量真係超大，睇相好似好細，但真心我食左兩啖已經有少少飽，真係好大隻雞。海鮮煎餅又係超大份，成個PIZZA咁，不過味道淡左少少，雖然佢有醬點，但我都覺得唔夠濃味，不過海鮮就好多好足料，我用海鮮煎餅撈芝士加泡菜就夠哂濃味啦！同時仲有燒肉，真係好多野食。成隻牛咁嘅盆上，賣相好靚！好多牛肉都有豬扒牛肉味道不過不失，正常豬肉燒出黎香口D仲有菇，好易燒燶，唔好擺中間燒整體都幾滿足，味道因為佢肉類無調味係比較清淡類型嘅韓燒黎，鍾意食原味都OK，鍾意食醃製口味就比較少跟餐另加左兩杯飲品HK$20

好耐無食過韓燒，原來炑八近期做緊世界盃主題揀咗呢個$895套餐，起抵食，3個人食都夠食呀首先上沙律同埋前菜，所有前菜都可以加添主角黎了，燒肉拼盤，入面有和牛肉、豬五花肉、和牛牛肉粒、醬油LA骨、大蝦、鰻魚同豬扒最好味嘅係和牛翼皮板肉，最濃肉味，又有牛油香氣醬油豬扒都好好味😋，佢屬於薄豬扒，好快就燒熟，又keep到有肉油，好入味，好香醬油味道燒鰻魚都好正，魚皮可以燒到好香脆，又好香魚油，正呀熟食仲有海鮮煎餅同埋人蔘雞湯，食到超飽

世界盃黎啦！炑八而家推出左世界盃套餐！門口仲有打卡位比大家影出倒掛金勾既效果！世界盃仲有好多優惠，叫燒烤套餐+$1可以換領指定肉類一份！叫足球狂熱套餐同follow IG page仲會有贈品送呀！我今日就食左全能進攻燒烤套餐！ 包括左和牛翼板肉、和牛牛肉粒、彥陽牛肉、蔥蒜牛五花、新鮮鰻魚、韓牛前胸肉、芝士帶子ハ爪魚！份量十足呀！一開始就緊係要食住前菜醫下肚先，前菜都係可以無限refill , 蛋同埋粟米芝士都係呀，正呀！而家天氣涼涼地，仲可以用優惠價加購人蔘雞鍋，熱辣辣飲完好暖胃，人蔘味岩岩好，裡面仲有切條既人蔘，甘甘甜甜再加上雞湯精華，好好味！

世界盃期間，炑八好有心思整左塊佈景板比大家扮下倒掛金鉤打下卡，幾得意。去到坐低叫左個$698全能進攻燒烤套餐之後，例牌奉上五款前菜，包括沙律泡菜芽菜青瓜海帶等等，特別鍾意佢嘅泡菜，爽口味濃。除咗沙律之外，全部都可以無限refill。侍應開爐之後，幫我哋喺爐邊整芝士粟米同泡菜蛋，仲要係無限添加㗎，我哋加咗三次咁多，芝士拉晒絲😍和牛牛肉粒牛肉粒唔靚會好韌，但炑八既牛肉粒脂肪分布平均又夠肉汁，唔會太肥膩之餘又少少咬口。蔥蒜牛五花鍾意重口味人士唔好錯過，蔥蒜好似免費咁， 鋪到成份肉都係，醃得非常入味，用大火燒香，聞到都流晒口水，加上牛五花本身油脂比較多，邪惡之選彥陽牛肉同韓牛前胸肉都唔錯，前者薄切香口，非常易入口，後者較厚有咬口仲有點牛既油脂新鮮鰻魚蒲燒鰻魚就食得多，新鮮鰻魚就無咩點食過。店員非常細心，上菜就同我地講去到最尾燒鰻魚可以搵佢幫手燒。原來燒鰻魚要換塊鐵板，好彩有店員一開始溫馨提示🤣店員問我地使唔使燒得香口啲，我哋當然答好。佢將鰻魚剪成十多塊，反覆將兩邊煎到金黃，睇住佢煎既過程都係一種享受。最後佢提我地最好加小小鹽。食落外皮酥脆且肉質柔嫩，魚油在口中四濺。芝士帶子八爪魚帶子鮮甜多汁，

又到四年一度既盛事!係世界盃呀!⚽️⚽️🥓咁好既氣氛,點可以唔食住韓燒睇波呀!而家Citywalk現場仲會直播世界盃..再配合埋炑八門口既擺設..⚽️⚽️簡直就好似置身係現場睇波一樣呀!慶祝得世界盃,緊係要豪一豪佢啦!我就叫咗..夢幻組合燒烤套餐$895加全份人蔘雞湯$75🥓🥩💁🏻‍♀️套餐有和牛翼板肉、豬梅花肉、和牛牛肉粒、醬油LA骨、醬油五花肉、大蝦、韓國鰻魚、韓牛前胸肉、大王豬扒、海鮮煎蔥餅🥚🧀特別介紹一下,圍住燒肉PAN既蛋同芝士係可以無限添加架🥩和牛翼板肉 - 高級既牛肉，唔需要任何調味料已經好好食🐷豬梅花肉 – 肉質爽口得黎又Juicy🐮和牛牛肉粒 – 濃郁既牛味🥩醬油LA骨 – 自製醬油配上LA骨,個個都爭住食🐖醬油五花肉 – 五花肉一定係韓燒必備，燒到脆卜卜🦐大蝦 – 爆膏既蝦頭，爽口既蝦肉，燒出黎特別有風味🐟韓國鰻魚 – 鰻魚又大條又肥美，沾上特製鰻魚醬汁，有燒焦香味🐄韓牛前胸肉 —　高級韓牛，滿滿既肉汁，肉質緊致🐖大王豬扒 — 肉質淋，配上特製調味，夾生菜食一流🍕海鮮煎蔥餅 — 佈滿海鮮，而薄餅煎得又薄又脆，唔可以錯過🐔人蔘雞湯 — 人蔘雞湯，全雞獻上，裏面釀有糯米、紅棗、人

今天和好友一起去荃灣吃下午茶，看到這間餐廳的優惠就被大大吸引了，款式很多樣，看似也很美味，然後價格也不貴，所以我們就毫不猶豫地點了滑蛋煎雞飯和紫菜牛肉飯。我們下單後不到5分鐘就上菜了，也配上一些小食，感覺實在太豐富了🤤👍滑蛋煎雞飯的炒蛋真的很香滑，也很香蛋味，而烤雞也很嫩口，外皮很香脆，份量也很多，所以真的很滿足！再配上一些沙律菜吃，整件事也變得很健康😝 紫菜牛肉飯也挺豐富的，牛肉很香滑多汁，再配上紫菜吃便很有滋味😋整體而言，整個用餐過程也很好，環境食物也不錯，價格也很抵，所以真的很適合和三五知己在下午茶的時間過來吃🥰❣️