炑八韓烤 (已結業)

同男友喺荃新天地睇完戲，聞到好香韓燒味就被吸引咗過去啦。 餐廳門口位仲有小王子場景可以影相打卡📸。小王子🤴粉絲絕對唔可以錯過。 咁啱我哋被安排坐喺卡位，牆身仲有位可以叉電添，相當貼心嘅安排。🥰 一坐低，店員先上前菜小碟，有泡菜、芽菜、辣青瓜🥒、生菜、沙律🥗。之後仲幫我哋喺個爐邊加上芝士🧀同蛋漿，好似平時去韓國食韓燒都係咁，仲可以無限量添加。亦都可以揀加埋啲泡菜落蛋漿兩溝，又或者可以淨蛋漿都得。啲蛋整出嚟好香，好好味。 個menu 好靚呀😍，成張聖誕卡咁，我哋揀咗個小王子獨一無二套餐，有特級牛肋骨、貝身肉、韓式秘製醬油豬五花、黑毛豬背肉、梨汁雞肉、炑八特製護心肉、大紅蝦。🦐 個特級牛肋骨超長呀，肉質鮮嫩。其他每款肉都有其獨特味道，最欣賞就係炑八特製護心肉，牛味濃郁，肉質超滑。如果唔想就咁食肉，仲可以包生菜食，有另一食法，而且無咁熱氣。 可以揀迷你泡菜煎餅或者飲品，我哋揀咗飲品荔枝梳打同夏恩菠蘿梳打🍹。兩杯都好好飲，又可以解渴，正呀！ 惠顧任何一個小王子套餐加＄98就可以限量換購小王子座檯無線充電器。…查看更多

今次真係一次過滿足兩個願望！有見到我最愛嘅小王子又食到我最鍾意食嘅韓國燒烤！我細細個就係小王子嘅忠實擁躉！懂得看小王子的都知道，保持童心在大人世界絕對不容易！今日我就用一顆童心嚟品嚐食物帶來簡單而快樂的滿足！一個人只有用心去吃才吃到美食！冬日限定小王子聯乘荃灣炑八韓烤套餐！前菜燒肉板旁邊的蛋漿係無限添加的！韓牛西冷、蔥蒜牛五花 、大蔥牛舌 、韓牛煎前胸肉 、醬油霜降牛小排 、厚切黑毛和牛 、辣炒年糕 ！每一款牛都有唔同嘅口感！但一食落口就知全部都係靚牛！個人就最鍾意食韓牛西冷！基本上咩嘢醬汁都唔使點！每面煎10至15秒，就有入口即溶嘅口感又有香濃嘅牛味！第二鍾意食就係厚切黑毛和牛就肉質偏瘦，但牛味係最濃郁又有口感！最後食埋個年糕兩個人真係食到超級飽同滿足！埋單時店員只要惠顧小王子的任何一款套餐，即可加$98 加配限量版 - 「小王子座枱無線充電器一個」！仲話數量有限，先到先得！之後我就要咗一個！真係好靚呀！好想快啲再嚟食大滿足的燒肉套餐！#荃灣美食#食好西#燒肉必點#燒牛舌#一個人只有用心去看才看到真實#一個人只有用心去吃才吃到美味#MEOKBANG #BBQ #LEPETITPRINCE #炑八 #炑八韓烤 #小王子 # 香港美食 #韓國美食 #韓國 #優惠 #韓燒 #燒肉…查看更多

最近 旅行彷似變得像遙不可及的事不過香港找不同國家的完美食 相當容易想食韓國烤肉的話 炑八燒烤 小王子 聯乘 是次推出的小王子套餐FriendTastic．燒肉套餐-$698 滿足曬到韓國既願望 還有鍾意小王子的朋友仔 只要加多$98 便有小王子座枱無線充電器數量有限 前菜有沙律 泡菜 醃羅白 芽菜等相當豐富 爐邊還有泡菜蛋及栗米芝士主角 小王子 套餐包括頂級韓牛西冷 本身自己對西冷情有獨鍾 除咗啖啖肉之餘 牛肉味濃 、黑毛和牛 口感豐富、牛舌 好大塊 自己至愛 ❤️霜降牛小排 肉質都是上等的 😍另外還有蔥蒜牛五花。韓牛前胸肉，脂肪均勻分佈，入口即溶 食到唔停口 呢度牛肉好新鮮之餘 顏色鮮紅色 配以牛形木盆載住 特別吸引 非常高質 絕對係牛戰士之選🐮韓式炒年糕 份量十足 好似置身於韓國一樣 口味不會偏辣 充滿韓式地道風味環境方面相當舒適 服務員態度亦非常之好 值得一去再去…查看更多

今日難得出嚟荃灣做嘢見到炑八出左小王子套餐, 外面個冬日小王子佈置好有冬天氣氛, 🥰🥰 俾佢吸引咗入去食返一個暖暖冬日燒烤今日我哋試咗👭FRIEND TASTIC MEAT SET 小王子fans絕對唔可以錯過 #超級牛肋骨獨一無二套餐 牛肋骨一嚟到我哋已經嘩嘩聲，估唔到咁大條仲要脂肪分佈均勻肉質鮮甜🥰🥰另外仲有好多唔同嘅肉類, 可以一次過滿足好多個願望先來泡菜同拌菜是免費任加🤭🤭超級開胃，之後就已經係喺爐邊加芝士嘅環節，芝士都係任加💗啱曬我另外其他肉類嘅醬汁分佈啱啱好, 燒完好香完全唔使另外再加醬油, 大紅蝦都係非常優質, 食落好彈牙呢個套餐性價比都算幾高好多唔同肉類都可以一次過試曬, 仲有小王子陪住你食🥰🥰 我仲加咗加$98加配限量版 - 「小王子座枱無線充電器一個」yeahhhh…查看更多

堂食已試過，外賣都好ok。但雞肉內有骨。kimchi 好好未，不過有䓤係中間，唔夠正宗。蜜糖唔夠，多啲就好。甜辣都好好味，不是太辣，但野味。薯條好多，有口感。粉絲值得推介，條條都夠味，豬肉量夠，是五花腩。韓式的很漂亮，有很多菜，十分健康。而且唔多飯，反而好多餸。但不習慣冇汁「點」。…查看更多

又去左食烤肉🤤秋天又係bbq季節呢個set前菜有沙律，泡菜，醃製白蘿蔔，生菜等開胃食物！爐邊有芝士粟米，泡菜水蛋圍邊 (免費任追加)而家仲推出左個套餐優惠-深秋燒肉套餐($488)包括有特級牛肋骨 醬油牛小排韓風墨魚韓式秘製醬油五花腩葱醬豬背肉梨汁雞翼秘製豬皮大紅蝦依個餐特別之處，就係豬牛雞海鮮都有，尤其是牛肋骨大大塊，肉質鮮嫩，一啲都唔韌，餐廳大部份座位都係卡位，坐得好舒適。總括來講食物質素尚算高質新鮮，肉類全部醃製得好入味，兩個人食個份量啱啱好味道👅：7/10服務💁🏻‍♀️：8/10環境🌾：9/10地址🧭：炑八燒烤(荃灣)荃灣楊屋道1號荃新天地二期1樓125號舖 @meokbangbbq …查看更多

因為疫情，所以已經有一段時間沒來呢晶餐廳食嘢。荃灣有兩間炑八，我一答都偏愛呢間。因為離地鐵站近，而且lunch 時段唔多人，好易搵位。今日我地就叫左一個$98嘅bbq set, $78嘅人參雞湯，$86牛肋骨煲。每人再加左$8特飲。超推介佢嘅爐邊蛋，特別好味。前菜同爐邊蛋係可以無限refill. 我地refill 左兩次haha 牛肋骨好入味，而且舊舊都好大舊參雞湯清清地，參味唔算太重，對於我來講就岩岩好Bbq set 肉就有d少，男仔可能會唔夠飽…查看更多

同朋友慶祝生日,沒想到只做放題，但early dinner有八五折， 既來之則安之， 員工很有禮貌，對我們的要求也樂意幫忙，送餐及收拾也恰當合時，還主動送上口罩folder給我們擺口罩，三兩知己坐卡位也是錯的選擇，食物款色選擇也足夠，性價比不俗，大路選擇齊全，飲料也包在內，也有少量熟食及前菜任選如單骨炸雞翼，大醬湯....等等。但如喜好燒肉放題的，最好選附近荃新天地另一家炑八。整體而言感覺不錯，三五知己聚會之選，有機會再光顧。…查看更多

炑八荃灣店, 地方好大, 大把位放野放食物, 坐得十分舒服, 油煙控制都好好,唔會覺得好焗!我地叫既係"深秋燒肉套餐" , 上次食左豬, 今次就食返d牛! 份量上唔算大, 2人食都係岩岩好.但係肉始終比較濃味同濟如果有d白飯食下會更好.開胃菜其實整得唔錯, 至少唔hea, 味道有認真整好, 樣式外觀都排好.服務上其實都唔錯, 會有圍裙仔, 另外都有provide工具比客人裝口罩!特級牛肋骨 & 大紅蝦牛助骨份量足, 係主食之一, 味道已經調好, 比較濃, 呢條牛助骨比起出面餐廳係比較厚身小小, 由於本身味道岩岩好加上肉質都靚, 肉汁都多, 加小小鹽點去食反而會帶到小小甜既味道會唔錯.推薦點鹽食.大紅蝦, 比較上有小小難燒, 但係肉身係新鮮, 因為食到鮮甜味蝦燒熱小小先好食, 最好放係爐邊位, 文中間好易燒焦+內身唔熟!呢到份量我會覺我少左dd 因為2人餐黎講唔算多.醬油牛小排, 薄切大火燒數秒可以食, 肉汁多易鎖, 可配鹽/大菜醬韓式秘製醬油豬五花, 呢個唔算太肥得黎,但又入口溶感比較高, 算係唔錯.蔥醬豬背肉, 呢個比較爽口小小, 偏彈牙, 但本身味唔重, 我係覺得點醬食會好食d.秘製豬皮呢到整我唔錯,本身調左d味, 加上比較彈牙, 口感同味道上都係好食.特飲藍天使梳打, 本身藍梅味好重, 加左條雪條, 雪條同味.我覺得成杯野最好飲係等雪條溶左之後再撈均飲, 味道重好多, 仲有小小奶香味!整體黎講味道環境都唔錯, 價錢正常, 主要係份量上有點少~其他都十分滿意!…查看更多

好耐冇黎食炑八啦，唯一去過一間炑八分店我係會比好評🤣🙈其他去過既尖沙咀/太子果點分店真係去一次就冇好氣，次次都受氣，總之就黎blacklist，除左銅鑼灣果間好點點之除，荃灣呢間真係每次都好滿意，可能隔左段時間，食番又覺幾好食，仲要好好服務👍🏻👍🏻👍🏻真心！今日去都係，仲會幫人燒埋，一位高職位女同事好心幫我燒野食，不時有同事問佢工作上事宜，佢都好堅持幫我整埋先離開處理，真係好好！唔俾好評你地分店真係唔得！👏🏻其次入座時又有消毒桌面同提供口罩袋，衛生做足👍🏻🥰食左個午市$200幾既牛腹肉套餐？唔記得左哈哈，但認真好食！好滿足，感謝你們！…查看更多

食韓牛燒烤這間？牛肉硬到咬唔開 要剪碎粒先勉強食得到 豬腩肉片 燒完 好似硬嘅豬肉乾 侍應話 晚餐一定要食放題 唔可以点其他食品 食90分鐘，晚上8點40分 入座 9點20 就埋嚟叫我last order 仲要即刻埋單先 218蚊一個人星期六要加30蚊一位再加一 兩個人埋單546 燒都未燒熟兩舊 就要last order …查看更多

於端午節前夕哪星期訂數，從訂位到入座期間，都沒有提及需加$30每位的假日收費，直至座低先通知。到點餐時竟然不可按各人喜好分開點餐，必須依照價錢去點，即使一個想點平餐，或一個想點貴餐，.也絕不可以，只能全部人點同一價位、款式套餐，過程實在太僵化，一點都不靈活。…查看更多

今日去開荃灣千色店行街，原先想去隔離沙嗲王食下午茶，去到樓下見到除咗沙嗲王之外仲有間炑八食韓國嘢，之前好似因疫情停咗業，而家開返，一開返就整個好勁嘅優惠，就係$26下午茶定食，咁就自己一個即管想去試吓，先俾大家睇吓Menu先，之前有食過一次印象中好貴，估唔到今次咁平，咁我就選擇左一個雞扒蛋包飯，一開頭嚟咗碗湯及兩碟前菜，碗湯就好麻麻，比較鹹，芽菜正常，泡菜幾好味，有少少甜，我就係鍾意甜，個飯到啦，係呀仲有杯奶茶係送嘅，賣相都唔錯，份量都幾多，味道我覺得唔錯，但是沒有驚喜，正常嘢，但係價錢好有驚喜，下次會試吓韓式定食，值得一試…查看更多

在荃灣找一個能坐得舒服和吃得好的地方有困難。炑八是荃灣可以坐得好的地方。我們光顧是星期日中午，以前吃過炑八幾次都是在荃新天地，知道它的午餐抵食而又沒加一，上網看餐牌以為飲品另計，但當我們到達時職員說所有午餐包飲品，很化算啊！我們點了蛋包飯和石頭飯，連湯和飲品都只是百多元。朋友在另一分店吃過蛋包飯，他說荃灣這間的份量比那兒多。湯很普通有味精；石頭飯很熱，份量很大配菜也多。泡菜有芽菜和泡菜，略厭大少。環境舒適，可是抽風系統有問題，衣服有陣燒烤味。而且光線不足，光猛點會更好…查看更多

這是跟我家比較近的韓燒餐廳，當晚除了韓燒的牛肉外，我們也嚐了炸雞，原來它的韓式炸雞也做得不錯唷，配上「柑橘蜜」，十分可口，加上韓國啤酒，一流！但牛肉套餐裡的蝦，「麻麻地」，牛肉還好，不錯。如果大家未來過的，溫馨提示，它跟韓國的韓國餐廳一樣，蔬菜、前菜是任點的，所以菜其實不用點很多，記住不要做食肉獸喔！最值得推薦的其實是它的前菜，它的泡菜不算特別，但酸蘿蔔、海帶及芽菜，都十分可口，味道很適合香港人，每人可以食幾碟，記住，是任點的，不要跟它客氣！…查看更多