炎鳥羽

營業中

休息中

尖沙嘴返工嘅朋友帶路。佢知我幾鍾意去居酒屋食嘢，但奇怪我無嚟過呢間。😄其實香港有咁多食肆，我邊有可能都食過晒丫，不過多謝朋友帶路，又多一間鍾意嘅居酒屋。我同朋友都算係海膽控，所以第一樣點嘅就係海膽刺身($168)，此外仲叫左三文魚($58)同北寄貝刺身($38)。🥢海膽刺身會跟埋紫菜，但饞嘴嘅我就鍾意剩食海膽，嗯……甘甜、海水香都有齊，好好食。🥢三文魚一睇顏色就已覺得幾靚，擺入口就完全食到佢嘅新鮮肥美，偶爾仲會嚐到一陣嘅魚脂香。🥢北寄貝係朋友必食嘅刺身，佢話呢度嘅北寄貝唔會太厚身，入口爽軟、鮮甜。 🥢食完刺身食串燒，3款串燒: 雞軟骨($28)、厚切牛舌($58)、雞腎($28)，三款都燒得幾好，微焦香口；厚切牛舌最正，牛舌獨有嘅牛羶味好香，入口有口感，易嘴嚼。🥢食埋飽肚嘢有🍙燒飯團(三文魚)($38)、🍜牛肉稻庭烏冬($88)。飯團外層燒到脆卜卜、有飯焦，幾好食；飯團包裹著三文魚蓉，如果三文魚蓉再大塊d就更好。牛肉稻庭烏冬嘅牛肉有少少脂肪、軟腍；烏冬好正，有口感，小小煙韌。🍺話明居酒屋當然要叫返d酒水，朋友要左啤酒($42)，我就要菠蘿燒酎($58)，菠蘿味唔會好濃，能嚐到酒香。因為

之前都有朋友推薦過炎羽鳥，話串燒好正今次就嚟睇下佢咩料。好彩有book位，估唔到平日嘅晚上都full house，今次就有靚位坐底後每人先上一碟前菜，份量都唔少，最右邊嘅蒜頭最好味！唔腍，keep到爽口。另外叫咗杯白桃燒酌$58，放工飲下酒chill下，幾fresh, 易入口，但有後勁，唔太飲得嘅人要慢慢飲厚燒牛舌$58 肉質彈牙好juicy，一啲都唔鞋！超超超超正叫咗兩款刺身，各$58，八爪魚有驚喜，一啲都唔乾，有咬口。三文魚都唔錯，好肥美。紫菜魷魚天婦羅$68，超鍾意！第一次食到係咬得開嘅炸魷魚外層滿滿嘅紫菜！必必必叫！白鱔一向都唔平，因為真係好味，難得上到嚟就試吓$72外皮好脆，肉質彈牙keep到水份，調味一流蘆筍豬肉卷$38，一樣外面燒到脆卜卜，入邊蘆筍就好Juicy串燒點少得雞皮，呢間鋪嘅雞皮$28，有少少皮下脂肪～超香脆～日本芝士年糕$28，超正出邊脆脆地，中間煙煙韌韌，入邊就爆芝士想再食！最後叫咗個海膽海鮮炒飯，大大嚿海膽超正炒飯粒粒分明，唔油膩。入邊嘅蝦都好彈牙，絕對唔係籮底霉蝦。最後兩個人埋單$700左右，係食過較為高質嘅居酒屋之一，師傅都會同前面嘅客傾計，服務好好，

一講起去厚福街搵食，個個都識H8，但其實呢一座藍馬商業大廈都美食林立，呢日我哋就揀咗去炎鳥羽。餐廳唔算好大，環境就好有居酒屋嘅感覺。前菜總共有3款，我尤其喜歡牛蒡嘅爽脆。最近比較注重營養均衡，所以想食點菜做頭盤，木綿豆腐胡麻菠菜沙律就符合晒我嘅要求，菠菜沙律份量相當多，而且仲有車厘茄同豆腐，配合胡麻醬真係好味又開胃。另外仲叫咗明太子蛋卷，厚厚嘅蛋包住濃濃嘅明太子，雞蛋甜得嚟有蛋香，與明太子嘅辛香真係互相輝映。另外點咗一人前「炎」套餐($380)。刺身總共有三款，每款兩件，每日嘅款式都會有所不同，今日就分別有三文魚、油甘魚同八爪魚，全部都新鮮肥美。串燒雞肉總共有三款，分別係燒雞翼、雞軟骨同燒雞皮，另外仲有牛肉串。運用鹽燒嘅做法，薄薄嘅鹽提升咗食材原有嘅味道。天婦羅分別有炸蝦、茄子、南瓜同番薯。粉漿唔會過厚，新鮮熱辣就更加好味。最後食事揀咗烏冬，雖然只有紫菜同蔥花作配料，但配合鰹魚湯底，就已經令人感到滿足。甜品係柚子味雪葩，為呢個晚餐畫上完美句號。

最近聽朋友介紹去咗炎鳥羽呢間居酒屋，發現佢非常高質，價錢亦比平時居酒屋親民，值得推介！一坐底餐廳就送上前菜($20)，包括有茄子、青瓜同牛蒡，非常開胃～🍣火炙左口魚裙邊 $128一客有好多片，見住師傅即叫即切即炙，新鮮之餘充滿油香，某啲位仲有少少爽口！黎得居酒屋梗係要嗌串燒！西京銀雪魚($68)入味嫩滑，鱈魚香甜～雞肉棒($48)係自家製，帶有香菇味，喜歡！牛舌厚切($58)燒得好爽口，咬落牛舌汁四溢，油香豐盛🤤🧀日本芝士年糕 $28外層焦脆帶麵包香，內層流心☺️🍢關東煮 $58關東煮份量十足，有蒟蒻、蘿蔔、雞蛋、竹輪、魚餅同牛蒡捲，湯底非常清甜，整碗完全ko🤭😋🍜牛肉稻庭烏冬 $88湯底清甜，烏冬彈牙，呢個價錢真係好ok！野飲嗌咗白桃燒酎($58)，佢酒味都幾重，不過同時有清甜桃香所以都易入口，chill chill滴～

在尖沙咀和朋友食晚餐，去了炎鳥羽食日本燒物餐廳唔太大，但好多野食，我們先叫了啤酒share飲，Sapporo 330 ml $42，凍杯上，正。刺身要了北寄貝刺身，有4片，$38，別出心裁的剪開卷起來，北寄貝刺身新鮮爽口，另外，多要了份明太子蛋卷 $58，好美味😋😋黎得炎鳥羽食日本燒物，當然我地點左幾樣大家鐘意的燒物，有燒西京銀鱈魚柳 $68、牛舌厚切 $58、雞軟骨 $28、蘆筍豬肉卷 $38，即點即燒，燒出來非常出色，熱氣騰騰，香氣撲鼻。碳水化合物方面，我們要了三文魚飯糰 $38 & 和牛炒飯$148三文魚飯糰🍙 係有醬油在面，外皮焦成飯焦，食落好脆口，入要面有熟的三文魚，和牛粒炒飯粒粒炒飯分明，仲有和牛好正，食落就知係靚野，油脂分布平均，食落口感好軟身，今餐人均消費$300左右😆 餐廳有合適同朋友傾吓計既環境

呢排好想食串燒，所以約咗好朋友嚟尖沙咀搵食🤭餐廳係厚福街樓上鋪，今次坐喺bar枱可以望住廚師煮嘢食😆另外上菜速度唔會太快唔會太慢，會就住客人進食速度，呢點抵讚👍🏻👍🏻前菜收費$20，賣相都精緻，牛蒡幾好食👍🏻飲品叫咗零系可樂同巨峰燒酌，推介食串燒配燒酌，有少少酒精先夾😆三文魚腩刺身($68)好肥美兼厚肉😍😍一食就滿口三文魚油脂香，好香好滿足🥹串燒類明太子雞翼($28)，塞滿明太子餡料，好juicy🥰雞骨豬肉腸($28)，外皮脆皮，啖啖肉雞頸($32)，嫩滑！有肉香～蘆筍豬肉卷($38)，調味適中，如果肉片厚啲更好😬燒三文魚飯團($38)就是三文魚飯團拎去燒，燒完後比較硬身有飯焦香味～ 脆脆的紫菜包住食幾正紫菜魷魚鬚天婦羅($68)用紫菜粉漿包裹住魷魚鬚製作而成，粉漿幾薄，食落香口明太子蛋卷($58)有滿滿嘅明太子餡😍😍，有蛋香夠嫩滑，好味～最後嚟碗牛肉稻庭烏冬($88)暖返個胃做結尾，牛肉都幾多片，湯底清清地，烏冬好彈牙

正宗日本風味串燒🥰尖沙咀不嬲都多野食 網上搵到依間隱世居酒屋座位方面有得簡bar枱/ 方枱餐牌方面又有啲set比大家簡 唔洗諗到咁頭痕 不過今日就自己簡住先一坐低已經可以有前菜食住先刺身都好多選擇 刺身拼盤 （6款）刺身全部都好新鮮 三文魚腩好正 油脂充足油甘魚有光澤 好有魚味 最鍾意拼盤唔使拗爆頭串燒方便雞肉棒48正宗既串燒鋪先會有，微脆嘅外皮配埋個日式照燒汁加蛋黃 一流既享受，呢個值得推薦，普遍嘅串燒舖都冇呢樣嘢荔枝豚肉卷32味道出色 估唔到2樣野幾夾豚肉包住粒荔枝 咬落去爆晒啲汁出黎 好鬼juicy，值得推介五花腩32火喉控制得好好 唔會太蕉 好香口肥瘦均勻 食落唔會太肥膩牛舌心厚切68牛舌鮮嫩 咬落好爽口 🌟推薦❗鰻魚48不過不失 燒完別有一番風味牛肉稻庭烏冬88牛肉都幾多 有5-6塊 稻庭烏冬爽滑 幾有咬口 絕對唔係軟林林既烏冬菠蘿燒酒58菠蘿味都好重，相對比較容易入口嘅燒酒整體感覺度，好適合姊妹傾心事，慶祝生日，或者聚會居酒屋，同埋都有私隱度嘅一個地方

朋友介紹最近厚福街有一家日式居酒屋很旺埸，食物水準相當不錯，於是放工後和老公一試，幸好我們比較早到，還有空位，但7點過後已全埸爆滿。我想除了食物好吃之外，其中一個原因是這裡的日本清酒是買一送一的，吸引了一眾嗜飲清酒的客人。甫坐下侍應先奉上一碟前菜給我倆開胃。我們先叫了兩款刺身作泠盤，分別是三文魚和活赤貝，我個人認為最傳統的三文魚好不好吃最能反映這家餐廳的食材，首先這兩款都能過關。居酒屋當然有串燒，於是連叫了三款，分別是牛肋骨、雞軟骨和黑白胡麻炸多春魚。牛肋骨和雞軟骨都燒得恰到好處，沒有過火燒焦、口感一流。值得一讚是那個黑白胡麻炸多春魚，外型討好之餘亦炸得十分出色，熱燙黑白芝麻把肥美的多春魚炸得脆卜卜，一試難忘。吃了這麽多串燒，怎少得一杯冰凍啤酒。看見餐牌有一菜色叫味噌煮大腸，因在日本餐廳很少吃到，所以也叫一份試試，很有特色。由於我俩都有點餓，所以分別叫了一碗稻庭烏冬和海膽海鮮炒飯，兩樣都非常足料好味，這頓晚餐祇花費六佰多元便足夠二人分享，十分扺吃。

厚福街藍馬大廈真係好多好嘢食，最近開始轉涼，想食熱辣辣既串燒，就去咗炎鳥羽試下！一出lift就見到醒目既招牌，一定唔會搵錯。餐廳都算寬敞，仲有包廂位置，私隱度不錯，今日六點半嚟到，七點鐘就爆場，大家都要預返時間喇！一坐低就上咗餐前前菜，有三款小食，各有特色，特別鍾意佢碟菜係用自家製胡麻汁調味，芝麻味香，認真開胃。一開始我地就試咗「油甘魚腩刺身」（$98），刺身有四塊，厚切平均，新鮮不在話下，油脂味都十分香！任何醬汁都唔洗加已經夠曬鮮甜。之後食咗一客「吞拿魚他他配牛油果」（$78），份量比想象中多，共有六塊，吞拿魚牛油果配上脆餅同紫菜，包住嚟食，有鬆脆，有軟糯，口感十分豐富，係我好推介既菜色！下一客係「生蠔」四隻（$58一隻），餐廳做緊買三送一優惠，我地就叫咗兩生兩熟。我自己會鍾意生既多啲，生蠔大大隻，鮮甜到不得了，好似去咗日本食蠔咁既感覺！當然熟蠔就係另一番風味，多啲食佢既炸蒜同配料，同樣咁惹味。跟住係「燒明太子」（$88），明太子係福岡產，新鮮就緊架喇，燒完魚香更加出，調味啱啱好，配埋青瓜蘿白茸就唔會太膩！跟住就係最期待既炸物！先有「雞肉棒」（$48），雞肉棒內含軟骨，食落既鬆軟亦有

黎過厚福街好多次，而家先知原來呢棟藍馬上面咁多野食🙈聽人介紹，今次試下呢間居酒屋先。前菜 （$20）雖然有種去酒樓收前菜價既大鄉里感覺，不過三款食材都係用心製作，鮮味十足。再加自家製醬汁醃製，將簡單食材的鮮味帶番出黎😋吞拿魚他他牛油果 （$78）🤩非常驚艷同推介！係好豐富又夾的味道：一啖海苔包住香蔥吞拿魚蓉，中層有好fresh & 挺身的牛油果，底層用燒鱈魚乾而唔係普通魚乾🫶🏻盛讚燒明太子 （$88）用料係福岡特產明太子，燒得好香。配合爽口的青瓜一齊食，感覺非常清新油甘魚腩 （$98）都算新鮮，保留到魚刺身不同位置的厚實質感同魚味燒蠔 （買三送一 $147）生同熟蠔各款兩隻，各有各滋味👍🏻係好新鮮、爽口、海水味重的Creamy口感啊。可能比某啲專食生蠔的鋪頭更新鮮&用的的處理😀芝士年糕 （$28）必點之餘亦有驚喜😳係燒得好香的米氣，軟糯滑身，自己整一定整唔到咁香，係度食得過雞肉棒 （$48）又係另一推介~ 雞肉棒燒得香脆，內有雞肉同雞軟骨兩種口感，配上香濃醬汁同冇得輸的日本卵😂好想encore...荔枝豚肉卷（$28）荔枝非常juicy, 燒豚肉好香口，仲有脆邊👍🏻巨峰燒酎 （$58）

同老公兩個人撐檯腳，試下fd介紹呢間居酒屋，係尖沙咀厚福街，夠晒方便，細細間但座位都幾闊落。一上到去侍應好有禮貌安排坐位，服務質素幾好，一坐低就送上前菜同熱茶。前菜有牛蒡、青瓜、紅蘿蔔食起來爽口真係好開胃。 老公最鍾意食佢既刺身同天婦羅，油甘魚腩新鮮肥美，北寄貝口感爽滑，食得好過癮，可惜今日冇三文魚，就食唔到啦。叫咗個雜錦天婦羅，真係好大份，有蝦、南瓜、甜薯、茄子、香菇、青椒。炸粉薄得來好有味，新鮮熱辣，鬆脆香口，食到停唔到口！串燒方面，明太子雞翼好惹味，咬落啖啖肉；雞腎亦好有咬口。再來兩串秋葵同蘆筍，滋味無窮。最後嗌咗份海膽海鮮炒飯，日式珍珠米軟滑好味，加埋帶子同蝦，海膽仲好新鮮，食得飽飽好滿足！

今日朋友介紹嚟到尖沙咀呢一間食日本菜嘅居酒屋 喺尖沙咀站行過嚟大約3分鐘🙈🙈前菜 40.00一坐低職員首先上咗前菜先 有三種潰物😄😄油甘魚刺身 78.00油甘魚好新鮮 好香油甘味😍😍三文魚腩刺身 68.00我最鍾意食三文魚 特登叫咗三文魚腩 油脂好重 好香三文魚味🐟🐟白桃燒酎 58.00好濃嘅酒味配上白桃嘅甜味🍑🍑雞肉棒 48.00雞肉免治棒好爽脆 配埋日本生雞蛋同醬油 好好食😆😆荔忮豚肉卷 32.00白切豚肉片夾住鮮甜嘅荔枝好特別❤️❤️牛舌厚切 58.00牛舌好厚 口感柔軟 好入味☺️☺️明太子飯團 38.00三角飯團燒得微微焦香 明太子好濃烈😁😁雜錦天婦羅 120.00有蝦 冬菇 茄子等炸天婦羅 好香口🥹🥹

厚福街一帶向來都係食飯必到嘅地方今日就試左藍馬中心嘅居酒屋小店6點未到去到，不用排隊！仲可以坐長枱睇住廚師燒串燒一坐低，待應先送上前菜（每位$20）食串燒當然要啤啤佢，Sapporo($42/330ml)淡口，好易入口劍魚腩刺身($88/4切)蘆筍豬肉卷($38)鹽燒雞翼（$32）明太子雞翼（$28）牛肋骨（$48）火喉控制得幾好，每樣燒到出嚟都好juicy，呢度無每一種串燒都配返唔同嘅醬汁，以鹽燒為主，所以無咩驚喜，但都好穩陣，食返食材嘅原汁原味牛舌厚切（$58）幾好食，好juicy，好腍得黎又有咬口燒飯糰(明太子、三文魚）（$38/件）外皮燒到脆卜卜𩶘魚湯稻庭（$98）奶白魚湯，烏冬彈牙，全碗清晒食左個半鐘，7點開始多人，所以都係早d食穩陣d又寧靜d

黎到日本居酒屋，當然要叫返一客刺身，三文魚一客四塊，切得都幾厚，食落肥美新鮮。作為串燒必點的牛舌相當出色，爽口得來又不失軟嫩，食落亦十分有牛味。西京銀鱈魚帶點幼骨，進食要比較小心，肉質幾滑但$68定價性價比唔算太高。雞腎嘅外皮香脆有咬口，不過略嫌有少少燶口。反而明太子蛋卷做得相當唔錯，有驚喜！卷蛋都算實淨，裏面有多到滿瀉嘅明太子醬，蛋汁爆棚，入口好滑！最後叫咗一杯蘋果汁俾女朋友，我就梗係配啤酒啦。

難得聽日放假，今晚chill返下先👌🏻前菜津白蝦米乾、青瓜紅蘿蔔麵豉、香辣蒜頭🧄全部都較為清新嘅選擇，可以作開胃一用。👍🏻串燒雞肉棒點上蛋汁，面頭的醬汁食落香甜，肉質Juicy更帶點軟骨口感；白鱔厚肉至極，魚油超香，油份滿怖口腔，魚質爽彈；日式茄子好有水份，放上木魚絲，淋上燒汁味道好夾。👍🏻紫菜魷魚酥天婦羅超級推薦的一道小食，天婦羅做得酥脆不油膩，滿滿嘅海苔粉為炸物提供適當的調味。👍🏻海膽海鮮炒飯炒飯炒得粒粒金黃，粒粒分明，食落口已經感覺到鑊氣。炒上蝦仁和帶子粒，配以蔥花、甘筍粒、洋蔥份外香口，兩大片海膽帶點甘苦，入口軟綿。💡 餐廳屬於開放式廚房，用餐環境唔算好大，少量油煙味屬可以接受。