火鍋撚 (雲明行) (已結業)

估唔到中環都有打邊爐好地方，火鍋撚，名字鬼馬，裝修以中國宮廷風格。我哋叫咗酸菜白肉鍋及媽媽滋補老火湯鍋，等湯滾起，先飲兩碗湯，老火湯果然清甜，有雞脾肉，粟米紅蘿蔔；另一酸菜白肉鍋，非常開胃，有大量椰菜同紅薯粉，索晒湯的精華。用QR CODE落單，好開心差不多每項都有半份叫，對於我地兩個人食，半份簡直係非常好，可以叫多啲款，先叫極品安格斯肥牛半份$114 ，雪花油脂分布均勻，另一款叫了牛脷托$63，肉味濃厚。海鮮叫了珊瑚蚌，桂花蚌，好爽口，淥3秒就得喇，魚都叫了兩款，有脆鯇魚片半份$46，脆身，肉夠薄。白鱔片，夠彈牙。菜叫了一份的皇帝菜。付款後，餐廳再送上用個古典水晶杯裝住的腐竹豆腐糖水沙冰！超解渴。

為咗慶祝頒發畢業證書，一早預約咗間叫-火鍋撚-出名食火鍋既餐廳同太太去打邊爐慶祝。餐廳位於雲咸街雲明行3樓，由於沒有大型招牌所以走過左都無留意，如果要嚟要認住雲明行這個入口。餐廳入口好特別，一出電梯發現站著一個兵馬俑的雕像知客。餐廳大門設計像古代城門，關還掛上中式大燈籠，室內亦用上中國風的設計風格，充滿東方特色坐下來時服務員便馬上奉上各式各樣的調味醬料，並告訴我們可以先選湯底，然後可用手機掃QR CODE 自點餐，服務十分有效率我們想嘗試不同湯底口味，所以選了要加$30的鴛鴦湯底$190，當中有蜂巢豆腐白湯和老火湯。2個湯底都好足料，如果要食晒d湯渣都飽左一大半。2個人其實唔算細食，又想試多幾樣野所以都叫半份咁，但原來食起來都唔算少，後尾要夾硬先食得晒。鴛鴦雙蚌$145珊瑚蚌味道偏淡，口感十分爽口彈牙桂花蚌味道鮮嫩，點這個好處又是可以一次過試2種不同口味的貝類。3秒響鈐卷（半）$35我就鐘意軟身d滾5秒，吸收足夠湯底再食更滋味。鮮蝦雲吞（半）$43我仲話老婆要場黎到點解要食咁普通既雲吞，但一入口發現極度爽口彈牙，豬肉和鮮蝦都十分新鮮，而且粒粒都夠乂粒。好彩無走寶🤭A4特級霜降和牛（小）

今日同朋友2人打邊爐， 中環雲咸街， 係蘭桂坊再上少少！ 好耐無打邊爐喇， 尼間食落樣樣都咁新鮮！蜂巢豆腐白湯鍋 配 媽媽滋補老火湯鍋 （$190）叫左鴛鴦湯底 媽媽滋補老湯 有媽媽煲湯水的味道 就咁當湯水飲都得 好健康 蜂巢豆腐白湯 仲有少少孜然味 夠哂香濃入味2個湯底都好足料 記得食埋湯入面的材料😋😋即炸三秒響鈴 好香口 當前菜咁食 好開胃骰子牛肉粒 $98 牛肉味道重 好香 又彈牙鮮雞子 $37 香香雞子夠鮮嫩彈牙 鮮蝦雲吞 $72 雲吞夠大粒 夠新鮮 正日本A4特級霜降和牛170g $389尼個一定要食 和牛肉粒不一樣的體驗 入口嫩口 牛味重 鐘意食牛一定要試鴛鴦雙蚌 $145勁彈牙 口感一流 最後送上腐竹雞蛋沙冰作甜品

最近天氣涼番少少，即刻約埋朋友去打下邊爐🤣我地就揀左近公司嘅中環火鍋燃，入到去裝修非常古色古香，門口仲有個兵馬俑企左係到有少少嚇親🤣湯底方面我地就揀左麻辣同老火，係未落野食前飲左一碗老火湯先。味道偏咸，但都幾甜。入面嘅雞肉同豬肉都幾好味。叫火鍋除左湯底外，各款配料都係重點。我地揀左平時必點嘅牛肉、魚皮、墨魚滑等等，樣樣都新鮮好味！特別推介個墨魚滑，食落有幾重嘅黑松露味。整體黎講味道、環境同服務都好唔錯，價錢少少貴，但都值得一試！

真系想食火鍋撚好耐，系一路都冇機會試😵同一大班人黎試會相對划算，同三個同樣喺港島區番工嘅朋友仔放工黎咗試😍大家本身都好中意食打邊爐。喺中環雲咸街，食完仲可以同朋友去酒吧chill chill🍻場內環境好有古典氣息，裝潢方面素有心思～依家啲火鍋店越黎越多湯底選擇，呢度有蜂巢豆腐白湯鍋，蜂巢豆腐本身喺出面就好少見，豆腐好滑溜同埋索曬啲湯好夠水份☺️多數散叫火鍋店貴啲嘅湯底款式都可以飲埋啲湯，湯底都ok la，豆腐好味過湯底。食打邊爐點可以冇牛肉？極品安格斯肥牛脂肪分佈均勻，有入口即溶嘅感覺🤩牛肉味道香濃。下面玫瑰花型牛肉亦好靚✨鴛鴦雙蚌即系珊瑚蚌同埋桂花蚌，兩樣都好新鮮爽口，原來淥3秒就得😆淥耐咗都好味。五色丸丸個名咁得意😁有蝦丸、芝心丸、流心咸蛋豬肉丸、龍蝦湯爆漿牛丸、香菇貢丸，比較特別的咸蛋豬肉丸咸蛋黃好邪惡💛芝心丸芝士都系💛其餘幾款都好彈牙。即炸三秒響鈴卷，三秒即刻可以食😆即食吾淥都得㗎，系好脆卜卜口感～欣賞餐廳有好特別嘅心思，有把扇仔會提醒客人💕瑤柱干貝滑真系好少食到，好高級嘅食材😍食到一粒粒干貝好爽脆，瑤柱都系，好好味。呢度嘅其中一樣名物相信一定系腐竹豆腐糖水沙冰！食落又真系好似😂

呢期小編經朋友介紹發掘到一間喺中環雲咸街嘅火鍋店，小編一嚟到就order左菊花薏米茶，同一杯腐竹糖水沙冰。食物方面，小編order左朋友熱烈推介嘅安格斯牛肉，珊瑚蚌及貴妃蚌拼盤，亦都order左店員推介嘅五色丸拼盤，同時亦order咗響鈴，湯底方面，我哋揀咗蜂巢豆腐白湯鍋，湯滾起嘅時候，可以先飲湯同埋食豆腐，飲第一啖湯嘅時候，就已經有一種好正嘅感覺，再加上食物新鮮，店員服務親切，絕對值得大家試一試。

火鍋撚 Hot Pot Land中環雲咸街46-48號雲明行3樓滾呀滾, 兩個人去滾下打邊爐。中環唔多地方有打邊爐, 難得見到雲咸街原來有火鍋撚, 食完行返屋企都好近!混下醬,佢有好多醬比你溝, 個XO 醬好香!湯底可有鴛鴦湯, 以價高者加$30,  $160 媽媽滋補老火湯鍋 + 另satay媽媽滋補老火湯鍋有成大塊豬肉, 真係食佢都飽啦。火湯鍋加熱忍唔住飲了幾碗, 真係好老火湯沒味精, 又有紅蘿蔔粟米架甜味都出曬湯度。豬肉$120 極品黑豚肉 , 豚肉入口即化，而且肉味香濃。$128五色丸丸拼盤 有流心鹹蛋黃豬肉丸、蟹籽手打蝦丸、雙重芝心丸、香菇貢丸、花枝丸，每粒都大大粒又彈牙，調味又剛剛好, 真的幾有水準。$97四寶餃餃拼盆 魚皮餃、韭菜餃、雲吞、水餃 食過肉就是要到蔬菜拼盤。$49皇帝菜欣賞呢度加湯唔係加白開水, 真係依返你湯底加返相應架湯, 就唔會滾到尾段湯都淡了味。有腐竹糖水做甜品, 佢係雪凍再打成沙冰,第一口飲真係FEEL到股涼意由喉嚨滑到入胃, 用了古代酒杯, 連個賣相都過癮過人。

火鍋撚 中環雲咸街46-48號雲明行3樓湯底NO 1, 出街打邊爐, 一個好湯底難求。火鍋撚湯底落足心機同料, 食完一之已經征服了我個胃同心了。媽媽滋補老火湯鍋, 堅料又好飲, 撈到入面有一大塊豬肉, 仲有好多有紅蘿蔔粟米, 煮到腍一腍出曬甜味, 未開始打邊爐已飲了幾碗。飲到得返一半湯, 示意加水, SURPRISE 佢唔係加清水, 堅係加返個老火湯, 唔會稀釋令到個湯淡。點了份$120 極品黑豚肉 ,下面有椰菜, 我也不放過倒埋入鍋煮來食。 豚肉入口即化，而且肉味香濃。$128五色丸丸拼盤 有流心鹹蛋黃豬肉丸、蟹籽手打蝦丸、雙重芝心丸、香菇貢丸、花枝丸，每粒都大大粒又彈牙，調味又剛剛好, 真的幾有水準。蔬菜皇帝菜, 個湯唔油膩又正氣, 用來滾菜唔怕吸曬油脂,健康美味。有甜品送, 腐竹糖水同坷華田沙冰, 用了古代酒杯插了支飲管,賣相有趣兼有心思,幾呃LIKE。飲一啖FEEL到沙冰涼意由喉嚨滑入胃。湯底水準高, 多料到等於多點了一個餸。

最近真係好想打邊爐居然比我發現到我公司附近開左呢間!!佢哋走宮廷風成間火鍋店嘅感覺都好古典🤣首先我哋要做祖傳秘製麻辣鍋嘅小辣同埋蜂巢豆腐白湯鍋好欣賞佢哋嘅湯底落得好多料所以食落去嘅味道都有啲藥材味👍首先要左個梅花豬肉肉味濃厚 賣相好精美用黎襯麻辣鍋好正 因為湯底夠richh❤️第二個梗係唔少得要手切牛肉❤️❤️大大碟 夠晒兩個人食 雜錦丸拼盤對於我哋兩個有選擇困難症嘅人來講真係best choice 全部都係手打丸 食落去啖啖肉 又多汁 任君選擇最搞笑嘅係仲有個牌提醒我哋會爆汁🤣厚切午餐肉預先落油鑊炸過嘅佢哋梗係放落麻辣到醒醒佢又辣又香既佢地令人愛不釋手狂食😂見到隔籬枱叫咗個滷水拼盤我哋都忍唔住要咗佢🤣點知比想像中更加有驚喜有齊晒唔同種類嘅😂落去碌碌就食得 梗係唔少得響鈴卷啦❤️超級好食吸晒湯既精華 🥺就算邪惡d 都ok我哋做嗌咗紅薯粉同埋烏冬💕火鍋飽肚既膽腳❤️ 特別紅薯粉落麻辣真係好有風味而且最開心嘅係佢哋呢一度order方便😍我哋兩個人飲咗一查竹蔗茅根 都好足夠林尾仲要有腐竹雞蛋糖水沙冰❤️❤️❤️❤️❤️❤️超級好味👍👍👍

老蘭過多一條街 嚟個火鍋夜蒲都唔錯! 重點!? 傾計都唔需要用極高分貝大叫出聲。 環境: 樓上鋪, 地方寬敞, 整個環境都極具中國風特色, 木色桌椅加紅色吊旗, 紅木顏色十分醒神。食物:打邊爐除咗講求食材嘅多元化, 新鮮同品質外, 湯底都至為重要! 而麻辣湯底係每次火鍋都必選的, 再多加一個蜂巢豆腐白湯鍋雙拼, 按自己喜歡嘅口味點選想要嘅湯底拾下拾下, 正!  🥘祖傳秘製麻辣鍋 - 對於受唔到太辣的人嚟講, 呢個小小麻辣程度嘅湯底就岩晒你, 小小辛麻又唔會愈滾愈辣, 用嚟拾一拾啲肉入口係岩岩好!🥘蜂巢豆腐白湯鍋 - 養生嘅人士不得不選呢款多個中藥材熬製而成嘅湯, 少少嘅參香味加香濃奶白嘅豆腐味, 真心不錯!  不得不提, 兩款湯底本身都有鴨血同自家制嘅蜂巢豆腐做湯料 (當然仲有其他湯料), 尤其鴨血經過花椒辣椒等煮過, 吸入晒所有湯底嘅精華, 完全冇血腥味, 仲有小小麻辣味㖭。 對於兩款食物都中意食嘅小妹嚟講,  係食唔停口!而其他可點選食材方面, 種類亦都好多的, 由手打丸, 不同口味的醬爆丸, 手切牛, 安格斯肥牛,  黑豚肉, 梅花豬肉,羊肉片,  鮮雞件, 雞子, 海鮮, 餃子

見網上評論ok就去試下，一個字"伏"牛肉3xx碟，又瘦又薄，得幾塊完全揾笨，其他食材都吾太新鮮，完全吾值lee個價錢，最重要返去肚疴左3次，係吾新鮮先會甘，沒有下次😡

雲咸街係蘭貴坊後面，估唔到會有間咁高質嘅火鍋店！餐廳裝修走中國風，古色古香紅燈籠、大木枱，空間闊落~揀完火鍋湯底，之後就可以用QR Code 落單啦~ 火鍋配料選擇唔少，而且好多都可以選擇半份，好貼心！啱晒我哋人少少，可以每樣都試啲！🌟祖傳秘製麻辣鍋🥘秘製麻辣鍋梗係要試吓，一上枱就聞到香辣味，令人食指大動🥘入面有蜂巢豆腐、鴨血、各種辣椒等，配料份量都唔少🥘湯底濃郁，但個人覺得可以再麻啲🤣🌟蜂巢豆腐白湯鍋 (鴛鴦鍋只需+$30)🥘一個麻辣湯底當然要配一個養生湯底😂🥘入面同樣有蜂巢豆腐、鴨血、再加上人蔘等各種滋補材料🥘湯底入口香甜，除牛乳香味，仲有雞湯同藥材味，充滿層次🌟火鍋撚御用手切肥牛（小）🥩牛肉片一片片放係架，得意又方便夾🥩手切肥牛每片都有一定厚度，脂肪分佈均勻🥩肉質甜，煮完一啲都唔會韌🌟鮮牛黃喉🐄牛黃喉又稱牛心管，係牛心室的大動脈血管🐄淥1分鐘左右就食得，入口非常脆，一啲腥臊味都冇🌟五色丸丸拼盆 (半)🍢每款一粒：手打蟹籽蝦丸、貢丸、手打芝士丸、花枝丸和手打豬肉丸🍢咬落十分爽口彈牙，唔會好麵粉🍢有啲有爆漿餡料，好驚喜🌟 法式龍蝦湯漿爆牛丸 🍢咬嘅時候一定要小心！真係會爆醬！🍢好少見

第一次去火鍋撚中環分店打邊爐 呢度裝修幾闊落 帶有懷舊感覺叫咗個鴛鴦鍋，祖傳秘制麻辣鍋同埋媽媽滋補老火湯鍋，麻辣揀咗小辣，而滋補老火湯就似住家湯，好滋潤。推介大家揀嘅食物👉🏻極品安格斯肥牛，賣相幾特別，將牛肉掛起，味道亦濃郁。極品黑豚肉夠嫩。鮮雞件份量多，好滑。涮羊肉片羶味啱啱好。法式龍蝦湯爆漿牛丸，龍蝦湯同牛丸。打完邊路之後，舖頭送咗兩個甜品俾我哋，係腐竹蛋糖水味沙冰，以為好奇怪，實際上都係好好味，真係好似腐竹蛋糖水嘅味，同埋食完熱嘢再食凍嘢，感覺特別正。

打風有咩做？梗係打邊爐啦🤣🤣火鍋撚一直都真係好火下, 長期多人食, 今晚終於試到, 比預期好味既🍲火鍋店👍🏻一上到去就見到極有中國古風既環境, 地方寬敞舒適！我哋點左<一品酸菜白肉鍋> （$148）湯底, 酸酸味味超開胃, 酸菜和白肉的份量都好充足, 白肉半肥瘦, 咬口一流！本身呢個湯底都幾重味道, 所以都唔洗再點醬汁！<極品安格斯肥牛> (大size) （$268）賣相又靚又精緻, 睇得又食得. 加埋 <特級牛脷托>（$63）一片片牛肉牛脷都幾有口感, 而且都幾鮮嫩！<五色丸丸拼盤> （$76） 鹹蛋黃豬肉丸幾特別, 雙重芝心丸. 爽口彈牙.小心爆醬🤣<四寶餃餃拼盆>（$58）綜合丸類及餃子款式都好多選擇, 味道都唔錯！<香蒜粒炸魚皮>（$ 59）香脆可口👍🏻<竹蔗芧根紅蘿蔔馬蹄水>（渣）（$78）又夠冰凍解渴！最後仲送兩杯<腐竹糖水沙冰>😍 夠晒特別, 冰凉入心！

<中環高質火鍋店>😍火鍋撚一直都係我既To eat list, 不過之前一直未有機會食. 今晚一試, 果然同預期中一樣咁好味咁高質.湯底方面必推介食 <一品酸菜白肉鍋> {$148}😋 酸酸的超好味又開胃, 酸菜和白肉的份量超多, 白肉薄薄的一片, 易咬口入口.<極品安格斯肥牛> (大size) {$268)😋 賣相排位好靚又精緻, 一排牛掛吊在book架上. 肉質有口感, 入口有即溶既感覺. <五色丸丸拼盤> {76}😋 有好特別既鹹蛋黃豬肉丸, 雙重芝心丸. 爽口彈牙. 丸類及餃子都款式口味選擇多. 正.最後店員會送兩杯<腐竹糖水沙冰>😍 好解渴又解飲. .好似真正飲緊腐竹雞蛋糖水咁.🍲餐廳 : 火鍋撚 (雲咸街)🫕地址 : 中環雲咸街