火車頭越南餐室 (朗豪坊)

營業中

休息中

同朋友得一個鐘時間, 想食過快lunch, 見到火車頭有位就入咗去, 估唔到食物都上得好快🤣牛油果素菜米紙卷 （$58）由雜錦素菜同牛油果包成的嘅米紙卷好夾, 好清新😝裡面仲有韭菜花, 少少辣口😋 個人覺得個甜甜地嘅汁唔係太夾, 就咁食仲好味!雖然係小食, 但可能比較麻煩, 呢碟竟然係最遲上😂咖喱軟殼蟹（$78）尼碟有3件軟殼蟹, 多人可能要叫兩碟, 咖喱汁香濃但唔辣, 小朋友都食到😆因為兩個人食唔多咁野, 所以冇叫法包, 個咖喱汁配法包應該幾好味✌️大蝦金不換炒金邊粉 （$98）正常金邊粉的味道, 酸酸甜甜, 幾開胃, 如果多啲花生就好啦😆椰子雪咖啡（$38）椰子味較淡, 聞到椰子香, 但飲不到🙃飲品會配一塊幸運曲奇, 幾特別😘

兩公婆拍拖，行吓朗豪坊，間間都好鬼多人，最後去咗試間越南菜，地方唔大，但都係滿座，勝在當時唔使等位，就入去啦！枱與枱之間非常之近，坐得唔太舒服，隔籬枱講嘢大聲少少都覺得好嘈，所以會想快快食完快快走。叫咗個香茅豬扒湯檬、生牛肉湯河、蒜蓉炒雜菜、同埋小食（有越式春卷、雞翼、泰式鳳爪）💛香茅豬扒湯檬$79如果豬扒可以同個粉分開，我相信會好食啲，嚟到嘅時候已經淋晒，見到個樣都唔係太開胃，味道就真係一般。💛生牛肉湯河$79 牛肉質素同味道都麻麻地，湯底重味精💛蒜蓉炒雜菜$78 啲菜好多都好硬💛小食（唔記得幾錢😂）越式春卷香脆好味泰式鳳爪味道正常雞翼就比較重雪藏味整體嚟講：試一次就夠喇😂！+10%服務費

跟家人去旺角朗豪坊購物，見到一列火車頭，原來是「火車頭越南餐室」，未曾試過到這店用餐，今日就在這裏吃晚餐吧。❣️ 小食拼盤越南炸春捲：用越南米紙卷着以碎豬肉、紅蘿蔔、沙葛、木耳和米粉做的餡料。 口感清爽不油膩，蘸點魚露來吃更滋味 。扎肉：爽口彈牙質感。沙爹雞肉串：沙爹雞肉味道濃郁， 香濃可口。蒸粉包：粉皮裹着碎豬肉、紅蘿蔔、沙葛、木耳等餡料，外加炸蒜蓉、炸乾葱和葱粒， 口感豐富。青木瓜乾牛肉沙律：爽口清新。豐富的小食拼盤，小食味道和口感均有不同，性價比甚高。❣️ 烤羊架伴黃咖哩店員把裝着烤羊架的鐵板送過來，接着把黃咖哩醬汁淋在烤羊架上，頓時滋滋作響，香氣飄飄。烤羊架羊肉厚身多肉，肉質香，味濃而不會太羶。黃咖哩口味温和，偏甜帶微辣，着重香氣濃厚，不會蓋過烤羊架羊肉味道。 ❣️ 大蝦金不換炒金邊粉大蝦爽口鮮味。帶嚼勁口感的金邊粉炒得乾身，不油膩。配料還有芽菜、豆干、蛋絲、金不換和葱段，口感豐富，味道多層次。

最近很努力工作， 想爭取年前把之前項目作結。我有個怪習慣， 就是在家不能好好工作， 所以今日又去了咖啡店， 從早上一直工作再兩點， 是時候吃午餐了。每天要決定吃什麼對我真的有點難度， 事關我有點選擇困難症且又貪吃。幸好附近選擇超多。今日想吃粉， 於是去了火車頭吃越南菜。我點了份春捲扎肉撈檬， 配小食一份酸辣去骨鳳爪， 再加杯薄荷檸檬梳打。鍾意食撈檬除了是喜歡吃米粉檬粉類之外， 更喜歡是用來撈檬粉的Nuoc Cham汁。我可以落很多， 酸酸甜甜辣辣的味道很開胃。這家的Nuoc Cham較清爽，不是強烈的味道。越南春卷很好吃， 現炸，外脆內軟，非常香口。酸辣鳳爪也很合我的味道，但如果再辣一點更好。反而是那杯薄荷檸檬梳打偏甜了，美中不足呢。

好耐冇黎朗豪坊食飯，突然想食越南河🤤醒起朗豪坊有間火車頭，成日行過都冇機會食😬今日就黎試一試，2點左右人流唔多，即刻有位🤭平日要3點先有下午茶，我就冇等到喇🥱Lunch Set 都有好多選擇，仲有得揀小食同野飲😎好豐富😝🍜香茅豬扒湯河（$82）湯河好大碗，豬扒份量好多😍豬扒都有驚喜，好厚肉，咬落去一啲都唔鞋，仲好juicy🥳河粉好滑身，不過湯底偏咸左啲😆🐣小食：蒜香牛油雞中翼雞翼就一早整定左唔係新鮮炸起🙊外皮有層炸皮，唔係新鮮炸起變到有啲林身🙈雞翼啲肉都算滑身，大大隻🤣☕️飲品：黑糖薑茶（熱）薑茶既薑味好濃郁，天氣涼涼地飲就岩岩好🥰加埋黑糖甜甜地幾好飲，夠晒養生🙂/📌火車頭越南餐室 (朗豪坊) (旺角)旺角亞皆老街8號朗豪坊4樓12號舖/😋食物質素：7.5/10🍽️用餐環境：8/10💰性價比：7/10👣回頭率：7/10

儘管過去 3 年發生了種種危機，但香港還是湧現出許多新餐館。 好久沒來這家越南餐廳了。許多越南餐館將他們的招牌牛肉湯和生牛肉麵放在一起。 我必須說，很高興回到清澈的肉湯中，減少一些可能添加的所有花哨的東西，使它變得更豐富，最終向你收取更多的費用及失去原本越南色彩的味道。There have been so many new restaurants popping up in Hong Kong despite of all the crisis over the past 3 years. It’s been a long time since I’ve visited this Vietnamese restaurant. Many Vietnamese restaurants make their signature beef broth go the raw beef noodles. I must say that it was nice to return having a broth that’s clear and less all the fancy stuff som

去朗豪坊行Disney pop-up store 火車頭就隔離，超就腳方便環境唔錯，樓底超高，空間感大，坐得幾舒服食飯聽住大螢幕當紅mv嘅歌 不過鍾意靜啲環境嘅可能會唔適合雞絲扎肉湯河湯底清甜，河粉彈牙，雞絲唔會太乾太柴馬拉盞通菜滿滿炸蒜片，唔係好辣，比起平時泰式清淡啲無咁油膩蒜香牛油雞中翼雞翼超大隻！閒落已經好香牛油味，外皮脆口椒鹽軟殼蟹配上粟米脆片同生菜，要趁熱食，凍咗會有少少油薄荷青檸梳打青檸梳打加咗薄荷更有層次係我杯茶😍😍😍美祿哥斯拉超多美祿粉，香濃但唔甜宜家唔多餐廳有美祿🥹

又到星期五係時間約朋友出街吃飯啦！好耐沒有吃過越南菜所以搵了這間越南餐廳。餐廳外面火車頭裝飾很特別，配合餐廳名字「火車頭」好像遠離市區的感覺。「小食拼盤」越南炸春卷×2 。沙嗲雞肉串x2蒸粉包x2。 扎肉x4。青木瓜乾牛肉沙律我們二人點了小食拼盤，用了層架剩載着很適合打卡，而春卷、雞肉串、蒸粉包等係必食的，所以點小食拼盤就最好，每樣兩件剛剛好。春卷即叫即炸非常鬆脆，餡料也很豐富有蘿蔔絲木耳絲米粉等，雞肉串配合沙嗲醬一起吃夠惹味，蒸粉包放在小蒸籠內好精緻，軟軟粉皮很軟糯又幼滑，還有青木瓜乾牛肉沙律，酸酸甜甜很醒胃。「火車頭招牌湯河」生牛肉片、牛腩片、牛筋、牛丸、牛栢葉材料非常之豐富，吃湯麵首先喝一口湯底就知道是否用心製作，熱辣辣湯底味道香濃而厚實，生牛肉片放湯內輕輕幾秒已熟透，牛肉嫩滑軟腍有牛味，牛腩非常之入味，牛筋口感煙韌骨膠原很重，牛丸爽口夠彈牙，蘿蔔吸收湯精華很多汁。「燒豬頸肉撈檬」很久沒有吃過撈檬啦！喜歡自製酸辣醬汁好醒胃，燒豬頸肉份量頗多每塊外層燒得香脆，肉質鬆軟有嚼勁。「鹹檸檬七喜 」這裡的鹹檸七很特別，是會磨碎鹹檸檬變成蓉，令喝起來味道提升。「龍眼冰」龍眼肉大大粒夠鮮甜，

在這九龍油尖旺區有名的潮商埸内有這一個頗久歷史的越南食店，高高樓底及好趣緻的火車頭作門面裝飾，正如其名😁恰好是晚飯時候，便坐下幫襯， 選了幾款越式經典菜:馬拉盞通菜, 上桌時温度仍足, 汁香辣菜爽脆, 好合心意😋越式蒸粉包拼扎肉 , 傳統越式小食, 蒸粉包包皮厚薄恰當, 軟硬到位, 好有嚼感, 餡料清爽, 我更伴上鮮茄炆牛腩的茄腩汁, 又是另一種味感, 扎肉爽滑味偏淡口, 頗合心意😋鮮茄炆牛腩亦是越南名菜, 牛腩炆得好火候, 有口感之餘又入味, 茄腩汁蕃茄味濃香但不搶牛肉鮮味😋烤羊架伴黃咖哩, 羊架汁醬分開上枱, 我捨黃咖厘汁單嘗羊架鮮味, 羊肉質感足夠😋一次滿足的越南式晚飯👏👏

諗住朗豪坊見到，入去試吓啦嗌咗個香茅雞扒湯河，個湯底好鹹，重味精，越南正宗嘅湯底應該係用牛骨熬湯，本身見佢個餐$83有一款小食同埋一個嘢飲。個小食春卷都係唔好食，所謂嘅越南春卷裏面就係芋頭蓉，同埋好似返炸。鹹檸七梳打都難飲到飲唔落（冇咸檸嘅味道）同埋無氣😅買單原來嘢飲要加$8 另外再計加一買單$99，真係好唔抵食食完之後都覺得勁頸渴，只可以講性價比真係好低。我寧願食個魚蛋河好過。大家冇乜要求都可以試吓嘅不過真係唔抵食！

去旺角朗豪坊食越南菜，成日行朗豪坊經過呢間餐廳都未入過嚟食嘢，今日終於有朋友話想食越南菜就黎左試下。餐廳裝飾都好有越南風味，大把太陽傘，掛住竹帽，仲有枱花。越南炸春卷 $65切細絲既紅蘿蔔 ，黑木耳及杏鮑菇加上粉絲，食落口感好豐富，餐廳仲有提供手套，比客人卷住生菜食，卷起來食份外爽脆。南乳燒雞半隻 $138南乳醬汁另上，可以按照自己既口味去沾醬，鹹香味好濃厚，燒雞外皮十分香脆，皮夠薄乾身唔油膩，脂肪比例唔多，雞肉肉質嫩滑，有肉汁，十分滋味！金不換大蝦炒金邊粉 $98金邊粉既份量好充足，大蝦口感彈牙，味道甜甜酸酸，好開胃。美祿哥斯拉 $36好足料既美祿粉，夠哂濃味，好滿意。芝士蛋糕芝士蛋糕都好香滑，用左薑餅做餅底，餅底味道偏甜，稍為有少少蓋過芝士味。但係整體都唔錯。

又到旺角食個快既時間，今次去左朗豪坊，驚左上次moko間日本野，點知今次既火車頭越南餐室，比起我之前喺大坑食差好遠。生熟牛肉湯河先講左好食既先，我叫左生熟牛肉湯河。一黎到我先飲一啖湯頭，牛味重有層次；生牛肉好嫩，湯底夠熱所以好快整熟，唔錯。不過熟牛肉就係牛腩，好鞋同埋咬唔開，失望。而且炸蒜有少少醙味，唔知原因。燒豬頸肉湯檬朋友叫左個燒豬頸肉湯檬，你睇相就見到個湯底好淡，唔合格。蒜香牛油雞中翼＆清湯生菜小食叫左蒜香牛油雞中翼同清湯生菜，兩樣野賣相就好好啦，但雞中翼唔juicy，生菜有濃草青味，搞唔掂。最後兩杯野飲就叫左咸檸7同埋薄荷青檸梳打，薄荷同咸檸青檸都打碎上，好符合而家好多連鎖餐廳為左慳成本既做法，但我就係唔鍾意哩種限左自己控制酸味既做法囉。重有想講多句服務，哩度有1，2個侍應真係十問九唔應，叫餐都等左10分鐘。總結如題，唔通成間鋪只有生牛河入到口？咁就要留返俾大家去試下了。餐廳：火車頭越南餐室 (朗豪坊) Cafe Locomotive Contemporary Vietnamese Cuisine (Langham Place)地址：旺角亞皆老街8號朗豪坊4樓12號舖Addre

放工去咗朗豪坊行街,行到攰又肚餓,索性係朗豪坊揾嘢食,記得之前食過lunch 都唔錯,同朋友決定食呢間。餐廳以火車装潢為主,頗有特色見到餐牌都好多款式可以選,小食、河粉、撈檬、飯類都好多,仲有好抵食嘅二人餐或四人餐,但我同朋友都想試多啲嘢,所以散叫沙嗲雞肉串沙嗲醬甜而不辣,內有碎花生增添口感,配埋微焦和香口雞肉串,食落好惹味芒果大蝦米紙卷米紙夠煙韌,入面饀料好多,塞到滿晒,鮮蝦大隻爽口,配合甜酸汁,清新開胃生牛肉湯河牛肉上枱時係生嘅,將生牛肉浸到熱騰騰湯河內,令生牛肉變熟,熟嘅程度啱啱好,牛肉嫩滑,牛骨湯味濃另配有芽菜、金不换同辣椒粒和青檸作調味香茅豬扒撈檬🍜檬粉質感彈牙孜香軟,配上自家製酸辣醬汁,開胃又惹味。配有健康紅蘿蔔絲、爽脆青瓜絲、醃製白蘿蔔絲等拌勻一齊食配搭得好有口感。香茅豬扒好大塊、厚身又煎得外脆內juicy,十分美味椰汁涼粉珍多冰-色澤鮮艷,甜度剛好,咬落煙韌爽脆的口感檸檬紅茶-甜度適中,茶味香濃

好耐無食越南野啦😍 今次就去左朗豪坊食! 食越南野當然要食招牌既Pho啦~ 不過除左傳統既pho例如生熟牛肉粉呀雞絲粉扎肉粉之類，其實有樣唔係熱門既Pho我勁鍾意!! 就係蕃茄蟹肉蝦湯檬!! 唔係度度有得食，今次即刻再叫佢!!..🦀鮮茄蟹肉蝦湯檬有大大隻軟殼蟹、大蝦、豆卜、春卷同大量蟹肉，湯底好鮮好惹味! 酸酸鹹鹹咁好開胃! 春卷好彈牙好食! 軟殼蟹好多肉! 蝦夠爽，豆卜好入味!! 呢個真係我次次都會叫來食🤤..🦀牛油果軟殼蟹米紙卷繼續食蟹唔好停🤣 大大件米紙卷有4件! 好驚喜，米紙卷包住好多新鮮生菜，夾住香脆既軟殼蟹係中間，口感好豐富!..🥘椰汁香茅咖哩雞唔少得叫下咖哩食😋 椰汁好香，咖喱就辣既，雞肉好大件好滑，好夾! 咖哩醬汁比較多份量，唔係稠身，可以另外叫飯或包撈來食，我地就當然叫左包食啦🤣..🥖法包法包比較脆，點咖哩好正，吸收哂醬汁食，好好味!..🥥椰青來呢度食緊係叫個椰青飲先過癮😆 好清甜，好啱食完辣野來解渴! 裡面都多椰肉可以食!..呢度都多客架幾受歡迎，價錢唔貴，性價比高! 位置又方便，係唔錯既選擇!

依排天氣好熱，所以喺朗豪坊行完街就想食啲light food。成日喺4樓搭長電梯都會見到依間餐廳，又唔洗等位就決定試試佢。餐廳裝修簡潔，卡位位置上頭都設有一個帳篷仔，加上暖和嘅燈光增加了一份舒適感。美祿哥斯拉 ($36)(⭐⭐⭐⭐💢)我同朋友都好鍾意飲美祿恐龍，每次食東南亞菜都會嗌，杯飲品落足美祿粉，好濃郁又大杯，真係好滿足。越式法包 ($63)(⭐⭐⭐⭐⭐)法包好大份，完全可以當佢係一個正餐。個餡用料豐富，有燒豬肉，扎肉，酸菜同沙律菜。每樣材料都份量適中，新鮮番茄令個包食落都fresh啲。咖喱軟殼蟹 ($78)(⭐⭐⭐⭐⭐)心郁郁想食炸野就嗌左個咖哩軟殼蟹。依個真係性價比之王，$78有1.5隻蟹喺入面，大大份之餘仲炸得好脆，就算浸住咖哩都保留到香脆嘅口感，完全保留到食軟殼蟹嘅精髓，就係脆！咖哩可以落多少少香料令個味更濃郁。香茅豬扒撈檬 ($79)(⭐⭐⭐⭐⭐)豬扒同檬粉都不過不失，檬粉份量十足。豬扒算厚身，夠juicy。酸甜汁都OK，酸同甜味適中，相信係餐廳自行調製。香茅豬頸肉湯河 ($79)(⭐⭐⭐⭐💢)湯河亦不過不失，河粉軟硬度適中。豬頸肉好有香茅味，爽口彈牙好味！配合埋魚露就1