火車頭越南餐室 (朗豪坊)

營業中

休息中

本人今晚22/8(星期二)到旺角朗豪坊火車頭越南餐室用膳，時間大约是18:40,當時店員問我朋友大约幾時到，我講大约5至10分鐘，我是2位最初話可安排入座，但後來又要人到齊我同意，但當時有位女士等位佢3位，只有她一人朋友也未到齊，但店長仍讓她入座，我問店長何解佢人未齊也可入座，店長只答女士可在7:15交枱，最後她們7:30和先埋單冇人叫她，是否只要講好幾點交枱，人數未齊也可入座?我埋單時問店長，她們也冇依時交枱，我更強調我是殘疾人土都冇用此身份，店長態虔很另我不快，佢懷疑態度問妳邊度殘疾，我很不想.俾造口傷口佢睇另我很難受，女士一佢話佢信，我話殘疾有傷口唔信，我有大腸癌剛做完手術要用造口在體外巳很唔開心，貴店店長似乎不明殘疾定義，政府常叫殘疾人士多外出，但很多人見不到人不是手脚有事就唔相信，我當時埋單後也不想雨商場行即返家。殘疾不是開玩笑也不好受，我當眾拉起衣服给店長睇很難受，我會向平等机會投訴貴店長是否殘疾歧視。

星期六經過朗豪坊，見裝修幾靚、OpenRice 食評又幾好，諗住入去食午餐。結果換來一肚氣😡。我哋兩個人叫咗兩碗河粉，香茅豬扒，同米紙卷。全部食物都非常一般，性價比低。辣椒要問兩次先攞。至於服務態度同質素，簡直垃圾。😡😡😡由落單到買單，其中兩位waitress全程黑面（特別其中一個有賓尼兔紋身嘅waitress )。而佢哋係對每台客塊面都咁黑。至於餐廳服務，一張紙巾都冇供應，需要問先有。我入咗時拎埋個杯外賣咖啡（已飲完），到我哋走嗰阿姐waitress 大嗌 “小姐，你漏咗嘢”, 俾返個紙杯我😥。我爭啲想問佢攞返我自己攞出嚟、佢揼咗嘅紙巾。Highly not recommend, awful services!!

今日晚上嚟到呢間位於朗豪坊4樓火車站餐廳，由於5人關係，安排一個4人卡位加上一張椅，位置相當之窄，被侍應踢了幾十腳椅，令到餐飯食得不舒服，而最基本既水都要叫先有。回歸食物，我點了南乳炸雞，不知越南是否這樣，南乳醬與雞是分開，用醬汁方式去點。雞肉沒有肉汁，沙爹是可以的，蒜蓉炒什菜炒既時間不夠好硬，越式金邊粉碟底還有很多油，蒜蓉牛油雞翼炸得不錯，而我最覺得差既就是美祿哥斯拉，美祿粉不夠做唔到哥斯拉既效果。

行商場後有點餓，來到此餐廳吃個下午茶。這餐廳有33款下午茶食品供選擇，真是花多眼亂。價格由48元至62元。心想越南餐廳吃河粉應該不錯，於是我們兩人就各選一份湯河吃。香茅牛肉湯河，用了一個大湯碗盛載，碗面見一大片綠油油的唐生菜，旁邊堆滿香茅牛肉片，幾片洋蔥圈內又放了幾粒蒜瓣與蔥花。食物鋪排豐富，用筷子把河粉取出，一條條白白的粉條呈現。河粉雖然掛滿湯液，可惜口感比較硬身，而且湯的熱度不夠，只是微溫。對於比較喜歡吃熱騰騰食物的我來說，就感到不夠滋味。湯底也偏鹹。幸好牛肉的質感還可以，不老可以輕易咀嚼。香茅豬扒湯河，碗內是幾件白雪雪的豬扒加上一些細碎的蒜瓣與蔥花，一片唐生菜。一看豬扒的色澤已估計味道不會太好。豬扒表面是有些焦黃的色調，肉層豐厚，不過咬一口就發覺沒有什麼味道。河粉同樣是偏厚身不夠軟滑。熱羅漢果蜜，有淡淡羅漢果味，甜度適中，夠熱。椰汁紅豆冰，椰汁香濃，紅豆清甜，夠凍。這餐下午茶，湯河填填肚子可以，但不是美食，反而最滿意是餐飲紅豆冰。

D幾日太熱, 約朋友食飯都只想係係商場今次朋友想食越南野, 比我發現到原來之前係大坑食過幾好味果間火車頭係朗豪坊都有所以今次就試係D間旺角分店D間火車頭係位於最多野食果層, 所以都好易搵下, 位置好方便蒜香牛油雞中翼-$65個蒜香牛油勁香勁惹味, 個外皮炸得好香脆, 但仲可以KEEP到入面既肉係好多肉汁, 真正做到外脆內軟沙嗲雞肉串-$65雞肉串燒得幾好, 雞肉香口得黎仲係好嫩滑, 配埋個美味沙嗲汁真係冇得輸火車頭招牌湯湯-$108D個真係可以做到招牌, 淨係個濃濃牛味既湯頭已經令人回味無窮, 而且入面好足料, 生熟牛, 牛柏葉, 牛肋同埋牛丸, 而我最鐘意就係生熟牛, 牛味重且嫩口, 食完係大滿足香茅豬扒湯河-$79另外我地都好鐘意食越南既香茅豬扒, D度既香茅豬扒都惹味, 唔會太靭, 加少少芽菜, 青檸, 辣椒落去個河粉度之後, 好味度會再提升薄荷青檸梳打-$36最後飲埋個薄荷青檸梳打, 唔會過甜, 但夠晒透心涼, 好爽呀總結火車頭既旺角分店都唔錯, 位置又好方便, 好適合約朋友黎食

好難食！叫咗個小吃拼盤，無樣新鲜，連炸物都凍冰冰。唯一可取是原個椰青。真係唔会再幫襯。侍應態度及服務正常發揮。下午12：30 到1：30之間不用等位，無人排隊。浪費咗卡路哩。

朗豪坊近排多左好多新餐廳，今日就揀食越南野。✨越式法包法包好脆身，中間嘅餡料好足料，有豬扒、扎肉、生菜、青瓜絲、蘿蔔絲同蕃茄，加埋魚露，酸酸甜甜，有咬口之餘又清新juicy，推薦🙌🏻✨牛肉酸窩牛肉片配生菜同檬粉，湯底確實幾夠酸，裡面嘅白蘿蔔好入味，檬粉加酸湯超正。食越菜都要火鍋，到底我有幾愛火鍋😆✨酸辣去骨鳳爪食鳳爪識食一定揀去朋，夠滋味😎仲要夠酸夠辣，呢碟認可✅🙌🏻✨美祿哥斯拉✨黑糖薑茶

一碗麵，一杯熱檸水，埋單$122　。。埋單時，發現唔係下午茶價（張單食完埋單先攞俾我），驚嚇杯熱檸水要$32！如果早啲俾張單我，我一定唔點 😤😤利潤高成咁，希望呢間野交足稅啦

暫時食過最差既越南河粉服務差：叫了一個生牛河，可以淨係俾你生牛河，但係唔俾香葉你 🤷🏻‍♀️問佢拎香葉，冇俾。 問第二個服務員，終於肯拎上嚟 🤦🏻‍♀️河粉到咗，我只係停咗手1分鐘，就想將我碗麵收走 (食了一半而已），仲要三個人黎收我叫你提供服務時就唔做，趕我走就甘殷勤？ 甘既服務態度真係第一次見食物質素普通偏差：個牛肉都算不錯，湯底正常味精味，河粉偏淋，冇口感，辣椒唔辣佢係我係旺角朗豪坊，食物質素最差，服務質素最差既餐廳絕無下次 😅

平日我都幾鍾意食越南野🇻🇳因為本身都好鍾意食麵😆今晚同朋友又想食越南野🤣行經旺角商場 便一試這家 火車頭越南餐室📍-這間以越南菜為主，小食、主食、飲品都多選擇📝我點了經典香茅牛肉檬粉🥩🥢經典之選 而且牛肉份量都好多 好足夠✅湯滿滿牛味 麵既份量又足夠!😁經典之選-朋友點了金不換大蝦炒金邊粉🍴真係足料大蝦，啖啖食到🍤金邊粉整個相對偏乾身，如果濕少少更好‼️-我地再點了馬拉盞通菜🥬惹味之選 最鍾意食食通菜呀!💚不過味道偏咸，要留意❗️-飲品方面，我地點了荔枝梳打同鮮椰青🥥兩杯都好好飲，份量夠又唔會甜😋飲品幾有驚喜 好岩同朋友邊飲邊傾👯‍♀️-地點方便的餐廳💡不過可能繁忙時間，服務相對普通，改善一下更好⚠️

朗豪坊4樓平台有間越南美食，一直都想試吓，今日早收工，約咗朋友黎食好嘢。餐廳座位都幾好坐，悠閑舒適有空間感。勁多款越南風味可以揀！令人花多眼亂！番茄蟹肉蝦湯檬有新鮮的蝦仁、蟹肉和番茄，味道十分鮮甜，加入檸檬汁和香料調味，口感微酸，非常開胃。檬粉爽滑，份量足夠，另外配有豆卜同軟殼蟹，軟殼蟹外脆內軟十分香口，口感亦相當豐富。法包🥖外層酥脆，內裡柔軟，口感非常好，份量滿足，用嚟沾番茄湯食，好有滋味。越式蒸粉包拼扎肉（各四件）呢道越南傳統美食好吸引，米粉軟綿，口感爽滑，搭配上豬肉和蝦米的鮮味，以及蔬菜的清爽口感，沾上特製醬汁，非常好味。街頭碎米飯碎稻米煮熟的米飯很有越南特色，口感特別！配有香茅豬扒、肉餅、煎蛋，賣相吸引，配菜豐富！豬扒煎到十分香口，肉餅鬆軟充滿香料味，混合碎米飯真係好滿足。沙哆雞肉串•3串雞肉串肉質鮮嫩，沾沙爹醬食用口感一流。配以新鮮菠蘿肉，口感清新甜密。

昔日香港，小時候坐船入長洲，一定會叫一個餐蛋麵，不知道你又有沒有試過呢？而昔日的越南，在火車上亦會提供的麵食，越南在火車上提供的麵食，比泰式船河大碗，最傳統的做法是用牛骨、洋蔥、薑以及10多種香料熬成湯底，淥熟河粉後配生牛肉，再加大量芽菜、蔥花、青檸、魚露進食，就成就了火車頭最特色的越来越南菜提起越南菜，我就會想起來自旺角的越南餐廳裝修修以火車為設計主題！食物方面，經典越南菜！令你好似走左一轉越南咁！1）小食拼盤將最經典越南小食匯聚，無論打咭還是食物質素都很好2）越南烤乳豬伴薑黄飯份量夠大，又好抵食！乳豬皮薄又脆，而厚厚的肉，嫩滑多肉汁！伴埋底部的薑黃飯，絕配中絕配！3）燒豬頸肉 / 馬拉盞通菜食越南菜這2道菜必食燒豬頸肉 - 外焦內爽馬拉盞通菜 - 通菜吸收了馬拉盞的味道，令到通菜昇華到最高層次4）牛油果軟殼蟹米紙卷用薄薄嘅米紙，包住牛油果軟殼蟹！食起上嚟，唔會覺得好膠，軟殼蟹還脆的，加上新鮮蔬果，結合出完美菜式5）咖喱軟殼蟹食完咁好味嘅牛油果軟殼蟹米紙卷，再「安歌」食咖喱軟殼蟹，同樣美味6）椰汁綠豆冰紅豆冰大家飲好多，椰汁綠豆冰應該唔常飲，但這裡的椰汁綠豆冰絕對值得大家來飲！綠豆份

假日晚周圍都要等位，見呢間冇人排，貪快決定一試，點知就中伏了。首先叫咗個菠蘿炒飯，飯係濕嘅，不能稱之為炒飯。入面仲有啲生菜絲，我見識少，真係從未見過菠蘿炒飯有菜絲，可能都係啲菜令到個飯濕⋯⋯其次係馬拉盞通菜，menu標明係辣，但連我呢個譚仔十小都食唔到嘅人，都覺得佢冇味⋯⋯佢似係蝦醬溝水煮通菜⋯⋯完全食唔到味道，同馬拉盞嘅香。最後係香茅椰香浸蜆⋯⋯冇椰香味，只係普通水煮。食完，唔夠飽，都唔敢叫其他餸。呢個價錢，出面一定食到起碼有味道嘅越南菜。

我一向鐘情越南菜，今日剛巧行朗豪坊；順道找了間食越南嘢餐廳晚饍。食肆門面以懷舊火車和經典的摩托車櫬托著，很有越南風味。這間食肆一向都很多人幫襯，味道如何🤔真期待？大蝦柚子沙律   $88首先來個沙律清清腸胃。蝦有三隻肉質彈牙，柚子肉和沙律菜份量一般；混合埋柚子醋酸甜開胃。牛油果軟殼蟹米紙卷   $73米紙卷買相精緻而清爽，毫無油膩感；女仕减肥食它都冇問題。先是米纸很薄帶半透明，口感煙韌。雖然內裹有炸得鬆脆的軟殼蟹，但伴以生菜、牛油果、紅籮蔔絲和檬粉，可舒缓油膩和食得有營。🦀🥬🥑金不換大蝦炒金邊粉    $98我喜愛食金邊粉多過廣東式河粉，貪佢冇咁油膩和幼細；就算用來炒亦不會黐埋一齊。味道甜甜酸酸炒得均勻，非常開胃。大蝦新鮮又爽口，再加入些金不換和腰果豐富口感。芒果糯米飯    $58芒果糯米飯不是只有泰國菜才有，原來越南菜皆可品嘗。糯米飯食時還有微熱，所以軟綿中帶有煙韌。芒果香甜多汁，配合椰奶和芒果醬非常匹配；最重要的係整個甜品不會大甜。👍冷香甘檸草本茶 (壺)  $55透明茶壼盛載著草本茶，隨著微弱的燭光來保持温度。茶味清香而甘甜，好好飲。👍

今晚到旺角朗豪4樓的「火車頭越南餐室」晚膳。天幕之下，有一輛火車卡模樣的廚房，別具特色。從前越南某地的火車站月台有賣牛肉粉的小販，因為味道太好了，顧客由車頭排到車尾，於是「火車頭」的名字便產生了。餐廳半開放式，餐枱上撐著太陽傘，有街頭美食的風味。餐牌上特色越南菜的選擇很多，前菜、主菜、甜品等一應俱全。「大蝦柚子沙律」大蝦肉爽味鮮，柚子肉酸酸甜甜，配上越式沙律汁，特別開胃。「香茅豬扒撈檬」，豬扒炸得香脆，但仍保持肉汁，加上香茅的香味，更可口。檬粉爽滑彈牙，口感非常好，淋上酸甜汁更惹味。「椰汁香茅咖喱牛腩」，椰汁咖喱，香而不辣，牛腩分量多，肉質腍軟入味。「街頭碎米飯」材料有煎蛋、豬扒、越式肉餅、碎米飯。其中最富特色的是越式肉餅，味道調校得相當好。碎米飯口感細膩，是有味飯。這裏的菜式有水準，選擇也多，價格亦甚親民，晚餐時間座無虛席。