火箭餐廳

營業中

休息中

每次黎迪士尼都係呢間快餐最多人龍🤣因為價錢相對之中比較平民化🙊今日先發現原來有個火箭裡面既座位🚀 食物都係大路嘅快餐店質素😋⭐️ 火箭特選牛肉漢堡套餐 🍔調味比較港式 牛肉質素一般🐮 優點係醬料唔會太重口味👍🏻洋蔥增加了甜度🧅⭐️ 炸雞籃套餐 🍗炸雞份量夠大塊🐔 但係脂肪比較多偏肥🌝薯條唔會太鹹🍟⭐️ 香脆魚柳漢堡套餐 🐟比起一般魚柳包好似冇咁香脆🤡 但係至少無腥味😂⭐️ 火箭餐廳 (大嶼山)📍 大嶼山香港迪士尼樂園明日世界區

📍迪士尼火箭餐廳-#5🫶🏻係最高 環境：🫶🏻🫶🏻🫶🏻🫶🏻食物：🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻-炸雞籃套餐 -$125 （$93）佢包左一舊雞髀🍗同埋一舊雞胸肉 但有啲鞋🥲 但薯條每條比平時食嘅長同埋都脆卜卜如果有全年卡嘅朋友仔 可以比錢嘅時候show埋比佢地睇 咁就會有折架啦！！！！

🍴金卡生日禮遇 套餐買一送一 經歷了第五波疫情後，迪士尼樂園終於再次重開，趁着假日趕快入園跑一轉，好好玩樂一番。想把握時間遊玩，又想可以坐在餐廳內補給，必定是選迪士尼火箭餐廳了。餐廳出名優質快餐，趕快吃完，又可再次把握時間，繼續遊園，投入玩樂。擁有迪士尼會員卡的朋友可享一次生日禮遇，套餐買一送一優惠，平時筆者只會點炸雞餐，這次點了一個漢堡套餐來試試，味道也不錯。🍔 火箭特選牛肉漢堡套餐 $125由於店員說這是和牛漢堡，所以這次點了漢堡試試。目測漢堡排厚度大概1.2cm，富有肉汁。夾層有蘑菇片和芝士，加上千島醬，層次豐富美味。🍗 炸雞籃套餐 $125 一客有兩件炸雞，炸雞金黃香脆，皮脆肉嫩，雞件保留了肉汁，熱辣辣，美味可口。套餐配一客薯條和一杯中汽水，轉鮮橙汁加$15。茄汁是獨立包裝的地捫牌，方便衛生。套餐中的粗薯條的份量頗多，炸得香脆，吃了十分飽肚。🔸小總結：還記得去年套餐價格$119，現在又加價了。幸好金卡會員生日禮遇有套餐買一送一優惠。餐廳的食物去貨量快，所有食物都新鮮熱辣，深受遊客歡迎。👅 味道：4.5/5💰CP值：5/5🕴🏻服務：5/5🔰餐廳環境：4.5/5👀回頭率：5/5🍽

呢間係我喺迪士尼樂園入面最鍾意嘅餐廳之一因為佢款式比較大眾化，而且價錢相對比較平不過佢轉左Menu，所以啲嘢食都唔同咗以前佢有個雞扒飯好好食不過可惜而家冇咗試咗三個餐，分別係牛肉漢堡、炸魚寶、芝士素菜堡套餐個人覺得佢啲牛肉漢堡冇乜特別，味道普普通通，反而佢個素菜堡幾好食唔會覺得佢啲肉好假，而且調味唔錯炸魚寶都炸得好脆，加埋佢個醬一齊好食

每一次入迪士尼玩都想留耐啲，即使快餐可以喺出邊食到，為咗氣氛同埋留喺園內耐少少，每次都會選擇入園之後去火箭餐廳食快餐。呢度嘅炸雞係我覺得比起一般快餐店好食10倍嘅～每次一咬開啲肉汁都會漏出黎，而且係兩件每一啖肉都咁juicy！加好多分～炸皮同埋雞肉係行輕微皮肉分離嘅路線，不過炸皮嘅厚度適中、調味都唔會太重手，加埋雞肉一齊食都係完美嘅配搭！薯條亦都炸得脆身香口，加上喺迪士尼樂園入邊火箭餐廳都算係比較平價嘅選擇！

諗諗吓上次可能係最後一次去迪士尼啦😞，睇返相發現未介紹「火箭餐廳」，應該係迪迪尼入邊嘅快靚正之選😏，慳返啲時間又可以去玩啦！話時話火箭餐廳好似冇變過，同細細個去嗰陣一模一樣————————————————👅炸雞籃套餐（$125）👉🏻肉質唔乾唔嚡🍗，以主題樂園質素算係咁，當然比唔上專門嘅炸雞店啦👅火箭特選牛肉漢堡套餐（$125）👉🏻食完無乜印象😆，不過不失啦⋯喺迪士尼食嘢都係為咗填飽肚啫———————————————— 🚩總結：由細食到大🤪———————————————— 🌟注意：坐戶外位小心有雀仔偷食啊🦜————————————————📍 火箭餐廳地址：大嶼山香港迪士尼樂園明日世界區.🗺地區：#bem離島📥分類：#bem快餐💰人均消費：#bem_101至200蚊

每次嚟Disney 都唔知點解會想食d 邪惡d 嘅野，所以lunch 會食火箭餐廳🤩burger 個底係有烘過嘅，會有小小脆好正😍每次有餐廳甘做我都好欣賞佢對細節嘅執著芝士加埋漢堡扒係最完美嘅combination🤪其實成個餐最好食係佢嘅粗薯條，整得決不馬虎～ d 薯條好熱，熱到一開始要攤凍先食到🤤跟餐包一杯野飲，記得係樂園玩都要補充足夠水分呀😝~120 pp (lunch)味道：3/5環境：3/5性價比：3/5回頭：⭕️

我哋三個人share兩個餐其實都夠食，薯條都係金黃色！炸雞好脆！同埋超級熱！佢熱到拎上手揸住食都好難🤣🤣真係要擺係度攤一陣先得😂😂炸雞既肉質都幾滑～幾好味😍反而burger 個包會覺得有d乾😂其他野都ok~仲有叫左個salad😂但係因事個樽打直就好難食到😂😂

香港迪士尼樂園-明日世界-火箭餐廳😋😋黎親多數食呢間，平日會好d, 假日有排排隊要等勁耐🥲先到俾錢買野食。食物: 兩份香脆魚柳漢堡套餐😋炸雞翼😋雜果啫喱香脆魚柳漢堡套餐: 個包唔錯，塊魚柳勁大塊👍🏻👍🏻，鐘意呢度啲薯條，好好味。炸雞翼: 呢個幾好味，值得試下雜果啫喱: 麻麻地，唔太好味，個人覺得唔值得買呢個食，冇乜味。飲品:汽水總結: 比出面貴，但好味，不過如果撞正假日去食，要排好耐隊先買到仲要搵位。分數 食物: 6/10環環: 5/10服務: 6/10推介: 6/10上菜速度: 5/10地址: 香港迪士尼樂園

聖誕節黎迪士尼都預計到會多人，所以一入園就去左餐廳食咗嘢先，之後慢慢玩。之前上網買左餐飲套票，有好多園內的餐廳都可以用到，呢間就係其中一間。有幾個套餐可以揀，我同朋友都揀左魚柳漢堡套餐，跟埋薯條和飲品。因為人太多，所以我先搵位，朋友就去排隊買餐，問番朋友話今次開多咗收銀，同埋執餐都快咗，所以唔算等得耐。環境就配合餐廳的主題，有少少科幻元素，但座位基本上就是普通商場的food court。魚柳包比想像中好吃，包軟熟，魚柳不是廉價魚。薯條是厚身個種。總體來說，以樂園餐廳黎講，正正常常，價錢用網上套票不算貴，建議早點吃，離開時1點半已經開始好多人。

買咗$699嘅套票入足2次入迪士尼玩返一日去迪士尼玩足全日唔少得一定要食返餐今次揀咗我其中之一最鍾意食嘅餐廳仔火箭餐廳位於明日世界，上網訂咗一個二合一$130喺樂園可以揀一間餐廳如果高過$130就補差價就可以了，除咗咁仲可以揀一款小食係送，炮谷或雪條！咁樣就其實賺咗小食，所以呢一個係比起現場買系超值價….喺火箭餐廳叫咗炸雞薯條揀咗一個食物肉嘅漢堡包薯條，兩個套餐都分量十足價錢相對於其他餐廳呢一間係比較加持相對於較低，加上種類都比較大眾化

下午茶時段大約2:00，見到餐廳開始冇乜人就打算搵間餐廳食，之前都聽過朋友講話迪士尼入邊嘅炸雞好好食咁就一定要親身去試吓試過之後包你返唔到轉頭我個人覺得係全香港最好味嘅炸雞下次入到香港迪士尼樂園去都一定要食炸雞藍套餐$119 價錢合理鬆脆Juice嫩滑每次入到去都會食一份輪候時間都好快出餐大概等10至15分鐘環境衛生都好好員工服務態度一流唯一係冇乜冷氣，人手不足，好多啲枱都無人執同埋好多雀仔飛來飛去

廸士尼樂園內的餐廳味道質素一般，而且價格貴，所以自從買了年票後，都是食完午餐後才入園。不過，今日小公主竟然話肚餓，唯有再次幫襯樂園餐廳。根據以往經驗，【火箭餐廳】因為地方大，比較容易揾到位，又有室內及室外，所以今次再到這裏來食個快餐。 首先睇下Menu，都係漢堡包、薯條、炸雞這類美式快餐食物。非常簡單的五款套餐：牛、魚、炸雞、兒童餐，最特別係加入個植物肉漢堡，配合迪士尼這類大型集團認同環保及持續發展的概念。甫進內立即兵分兩路，小編排隊買野食，其他人搵位。排隊時發現有些新菜式，雖然沒有大驚喜，總好過原本平淡的menu。雖然排隊買食物人龍長，但是效率高，所以只是約十分鐘就可以領取食物。沒有什麼期待，只求不太難食又飽肚就 ok。【炸雞籃套餐 $125】只有兩件美式炸雞及一小份薯條。炸雞算大件，味道就真的非常一般了。有肉汁，但醃料唔好味；表面的炸粉亦唔夠香脆；「KFC」雖然已經唔算好食，但都要比這兩件炸雞好味。【火箭特選牛肉漢堡套餐 $125】賣相唔吸引，尤其是麵包，似澳門豬扒包。牛肉漢堡味道正常，只是稍欠肉汁。

雖然主題樂園嘅嘢食一定唔會平 但貪方便嘅我一定揀火箭餐廳作為我嘅首選 因為通常唔太需要等位 食物又有質素 炸雞永遠熱辣辣 超！級！脆！坐隔離都真係會聽到有幾脆😂雖然油炸 但佢唔會油到成張底紙都油笠笠 咬到入面啲肉質仲好juicy好嫩滑 仲有啲薯條都唔會有油膱味 唔會淋晒 反正佢條條都好粗身 仲脆口 To my surprise 非常優秀！朋友叫咗個漢堡包 望落都厚身嘅 但反正就無太特別嘅感覺 呢個價錢既話 的確出面更多更好嘅選擇呢個小食拼盤反而幾得意 竟然有中式嘅蘿蔔絲酥餅 最正嘅係佢個雞翼真係好好食😋同樣有啲脆皮 肉質好嫩 同調味嘅芝士半溶狀態好正！好開胃好想encore!有啲搞笑嘅係 因為太多雞碎有機會跌落去 去襯都總有雀仔🦤喺附近盤旋等嘢食🙈

明日世界嘅火箭餐廳相對幾就腳，主要係食快餐，外面連鎖店未賣炸雞個陣，好難搵到好味嘅炸雞，所以第一次係呢度食到皮脆肉嫩嘅炸雞個陣覺得好驚艷，幾乎變咗我必食嘅迪士尼食堂。夜晚想食少少野，心掛掛食返炸雞籃套餐，兩件雞都keep到一如既往嘅皮脆肉嫩，做得比外面嘅炸雞有過之而無不及。可惜唔知係咪就閂門又冇咩人，薯條同雞都好似放咗陣咁，冇咁熱辣辣嘅感覺，少少退步了。另外叫咗炸芝士條，都似乎放凍咗，本身諗住就算冇拉絲，起碼都有少少流心，不過期望越大失望越大。如果價錢唔貴都仲可以當小食，可惜都唔平。加錢轉咗柚子梳打，非常普通嘅柚子蜜加梳打嘅味道，唔值得特登加廿蚊轉，飲返跟餐嘅汽水會開心啲。不過整體而言炸雞籃套餐都幾好食，穩打穩陣咁。