火箭餐廳

營業中

休息中

去得主題樂園都知道冇啖好食，一係啲嘢食就好貴！可能係依家出邊餐廳求其食飽肚嘅餐，都已經好貴？依間餐廳價錢我覺得同出邊差唔多啊。漢堡包勁多芝士，漢堡肉質鮮嫩！一啲都唔會dry! 份量都足夠！薯條超級香脆，雖然好熱氣不過就超級滿足。另外叫咗個兒童餐，諗住同麥記個兒童餐應該差唔多，都係分量足夠。誰不知原來迪士尼樂園嘅兒童真係比超級小嘅兒童食，份量超級少啊！我覺得只係適合幼稚園生食，個包係平時嘅三份一份量，薯條會變咗粟米。下次叫兒童餐之前真係要睇吓入面係乜嘢😹😹

火箭餐廳 starliner Diner 🚀🍗炸雞籃套餐 $135 （海水加大 +$5）每次入park玩全日都會食火箭餐廳，其實真係由細食到大🥰貪佢夠快靚正！ 炸雞薯條🍟又最少機會中伏～每次食都覺得炸雞🍗熱辣辣同好香脆，雞脾會滑啲juicy 啲～雞胸就啖啖肉！不過，今次調味就略略鹹咗少少。薯條係粗切，而且都幾長，份量都幾多，金黃香脆，幾好味架！ 食完之後完全幫我地叉返電，超讚🫶🏻👍🏻細食人士share 都夠～我們大概6:30左右到餐廳用膳，見到好多都係一家大細食緊飯，以百幾蚊喺park 嚟講，其實唔算太貴，係園內性價比較高既餐廳，亦係其中一個最方便快捷之選！

火箭餐廳尊食炸雞同漢堡包、趁今次有生日優惠、可以買一送一、再試吓食物有冇保持水準。星期六日、餐廳都系人頭湧湧、極之擠迫、好好彩今天系平日、人不多、極易找位。室內一般快餐店裝修、光潔明亮。由於買一送一、所以選了特選牛肉漢堡套餐同炸雞籃套餐、配可樂及凍檬茶。現價$135一个套餐、有買一送一真係好抵。炸雞咬落去極之juicy 、可惜有些咸、食完有D口渴、真係要改善吓、不過薯條份量都唔少、都幾好食。特選牛肉漢堡套餐、牛肉都好有牛肉味、不过不失、這個套餐薯條分量比炸雞少。總括來說、在迪士尼樂園食嘢、一向偏贵、質素重唔可以要求太高、不過若有生日優惠、就抵食好多。

Vivian入迪士尼好少會食野（因為貴），但有時玩得耐頂唔順搵餐廳醫肚都係食呢間（以Vivian多次入迪士尼觀察所得，呢間最多人排隊）Menu每次入黎都係食呢個餐～炸雞籃套餐 （$125）（因為有金卡食野有折）$125一個餐（炸雞，薯條&可樂）係貴，但佢真係好食，每次食嘅水準都一樣，快餐黎講算係咁，佢個炸雞皮夠脆唔洗講，仲要大大件，啱哂Vivian又有少少肚餓食🤣🤣，咬開雞肉嫩滑多汁，好食，薯條係正常水平，但成個餐配埋可樂，一個字：正，不過入園間唔中食一餐其實都好開心，呢個價錢都算值嘅～Overall好唔好食？好食會唔會再幫襯？唔會次次入園都食野，但如果食都會揀呢間

🍽 火箭餐廳 📍地址: 大嶼山香港迪士尼樂園明日世界區💰只供參考💰人均$100-$200😋👉🏻火箭特選牛肉漢堡套餐 $125上次試咗魚柳包，今次就試牛肉漢堡套餐，估唔到去呢個漢堡好食過魚柳包 雖然魚柳包係大塊啲，但係都冇得比 呢個牛肉漢堡 因為佢牛肉漢堡其實係超級多汁 塊芝士係溶嘅 跟住仲要有少少碎洋蔥係汁入面 同埋牛肉係好正 幾嫩口題外話： 園區仲有萬聖節嘅活動係俾你去拎糖嘅仲有個紙盒俾你接着裝糖 👻 trick or treat好味指數: 4/5性價比: 3.5/5 環境: 3.5/5

早兩天星期六一行四人入迪士尼樂園玩，下午才踏進樂園，當然第一時間食個快午餐才慢慢玩，火箭餐廳當然是我們的首選😋入到快餐店我們先搵位，然後再購買食物，遊客眾多但排隊仍是井井有條，店員友善地提供二維碼掃描，以手機查閱餐牌😋我們點了三個火箭特選牛肉漢堡套餐及一個炸雞籃套餐😋四杯無糖可樂😋 我們不用很久便已取餐，因工作人員效率很快😋牛肉漢堡唔厚但幾多汁，再拌洋蔥幾豐富😋炸雞表面唔係咁脆，但內裏雞肉很嫩，炸雞同薯條都一樣唔會多油😋我們補充完體力後再大玩特玩😋

嚟迪迪尼玩到咁上下要揾啲嘢醫肚，見生日有買一送一於是嚟咗呢間，同埋諗住薯條應該冇咁易中伏嘛🙊🔸炸雞籃套餐 $125有兩件炸雞，同一大堆薯條炸雞熱辣辣同埋幾脆，調味略略鹹咗啲，唔算好食但都唔算好伏嘅～薯條算係粗身，份量都幾多～🔸朱古力麥芽飲品（凍） $33美祿嚟～又出乎意料地沖得幾濃幾好飲！🔸炸芝士條 $48叫炸芝士味麵筋貼切啲🤣🤣 完全唔係拉絲芝士，不過迪迪尼嘅餐廳都預咗🙊總結係朱古力麥芽飲品幾好飲，其他只係用嚟醫肚🤣

迪士尼食嘢選擇唔算多，既然買咗餐飲套票就嚟食吓魚柳漢堡套餐做午餐人流好多，排隊都一段時間，分頭行事，霸位加買嘢同步進行套餐如圖，魚柳個樣係ok嘅但成個包一咬落口，嘩😰咩事，啲魚點解可以有浸霉味（唔新鮮加腥腥哋）未去到難食到嘔，但真心唔好味，淨返一大半食唔落我可以大膽講，麥當勞啲魚柳包仲好食過佢，呢嚿魚加啲茄汁都救佢唔到薯條，ok嘅，冇出事，脆度合格的😂😂😂汽水我要七喜，冇嘢可以講，普通汽水味

一家人黎迪士尼參加女女幼稚園畢業禮，之後玩足一日，午餐係火箭餐廳解決。兒童套餐 ＄90 有細蘑菇雞扒包、粟米、一枝礦泉水。炸雞籃套餐＄125有兩大件炸雞、薯條、汽水，炸雞好脆卜卜，中間仲好Juicy，比相像中好喎。香脆魚柳漢堡套餐 ＄130魚柳好大塊，突晒出黎，都炸得幾脆，啖啖肉，配埋沙律醬同菜，味道不錯。黎得主題樂園預左餐飲價錢係樂園價，同市區無得比，但求野食好味少少就算。呢幾個餐味道都可以呀。

話說樂園內大部分餐廳也關閉，這裡就是其中一個選擇，而一家人去遊玩的好處，就是什麼食物也可以試一遍ꉂ(´꒳` ) 𝗂𝗀: 𝗄𝖺𝗋𝗄𝖺𝗋.𝗋𝖾𝖼𝗈𝗋𝖽𝖾𝗋^香脆魚柳漢堡套餐 ($130)香脆魚柳漢堡絕對是必點的～魚柳塊也很有份量‪‪.ᐟ.ᐟ^炸雞籃套餐 ($125)相對炸雞籃的份量就不算多，就兩塊炸雞塊而已，不過外皮也炸得夠脆ᵒᵏ^火箭特選牛肉漢堡套餐 ($125)^兒童蘑菇雞扒包 ($90)今次因為家人是「奇妙處處通」金卡會員，所以園內消費包括餐飲也有折扣優惠，所以我也決定之後買一張年票再入園遊玩，希望能夠去其他特色餐廳試試看⸜(๑⃙⃘ˊᗜˋ๑⃙⃘)⸝➪ 𝗦𝘁𝗮𝗿𝗹𝗶𝗻𝗲𝗿 𝗗𝗶𝗻𝗲𝗿, 𝗗𝗶𝘀𝗻𝗲𝘆𝗹𝗮𝗻𝗱, 𝗛𝗼𝗻𝗴 𝗞𝗼𝗻𝗴

今日阿女生日, 專登 入去迪士尼樂園火箭餐廳食一個下午茶,叫咗一個套餐125蚊一個雞髀一個雞胸一個薯條加杯汽水。野食一般,但好難有位,可能天氣熱,個個都入有冷氣地方。二個人一個餐留肚今晚自助餐。

黎到迪士尼，有時食都係其次最緊要玩但玩左成日點都要醫肚，呢間我就覺得係迪士尼最抵食我地叫左3個餐，呢度既餐都一律過$100，都係漢堡/炸雞+野飲+薯條牛肉漢堡：牛肉勁厚，有肉質，配勁大塊芝士魚柳漢堡：塊魚柳打橫伸出黎勁大塊，配沙律醬，魚柳咬落都多肉，皮薄炸雞：乾身，香口，如果配埋薯條真係勁邪惡薯條勁多，完全唔洗擔心份量，一定食得飽漢堡普遍賣相都係比較扁食，始終係快餐店，又係樂園區，就腳、好食、飽肚就足夠

因為買左年票，所以一有時間就帶小朋友入迪士尼樂園玩下好推介呢間餐廳，因為快靚正樂園的消費一般較高，火箭餐廳價錢較合理，而且大件又好食。小朋友都中意煎炸食物，平時好少俾佢地食，所以佢地特別開心。

迪士尼樂園裏面嘅餐廳選擇多，但講到最快依飽肚嘅就係呢間火箭餐廳，佢哋都係burger為主嘅快餐店，款式唔算好多，總共都係得四款，呢四款都係經典套餐嚟，有牛肉漢堡，魚柳漢堡，炸雞套餐，兒童餐同埋素肉漢堡等我哋分別嗌咗個牛肉漢堡同埋魚柳漢堡，另外配薯條同埋嘢飲，佢仲有小食選擇，例如係小食拼盤，雞翼等，雖然係快餐但味道都唔錯，佢嘅魚柳同牛肉都係好大塊，薯條都炸得唔錯，快餐黎計佢都算OK，紙盤都係以近呢幾年彈出嘅蟻俠為題，充滿住樂園嘅氣氛，餐廳面積都幾大，另外仲有室外座位，所以基本上都唔使等位就可以食到，不過喺買嘢食方面雖然佢都有七至八個櫃位，但可能都要等大概15分鐘先買到嘢食😂😂

我平時初一十五都食素，咁岩今日入樂園玩係十五，好彩樂園既餐廳都有素菜食者。我買左餐券，可以揀$140蚊以下既套餐，我叫左植物肉扒漢堡套餐 $135，其實可以加$5加大汽水，但忘記左😢咁咪岩岩好$140🤣。叫餐個陣個收銀阿姨都幾好，有同我講漢堡有洋蔥，可能有啲食素既人唔食洋蔥？anyway我覺得餐廳員工都好有禮貌👍🏼呢個漢堡都幾大個，包軟熟，味道都唔錯，塊扒都幾厚。薯條雖然係粗薯，但淋哂😢😢