影片
一開始俾$12雞蛋仔吸引到，冇諗過依家仲有咁平嘅雞蛋仔，所以就是一底雞蛋仔同格仔餅！下午時間去都幾多人買，但店員得一個，所以都需要時間等待，姐姐落勁多醬俾我🤣格仔餅超滿足另外隔離原來都係同一間店，主要買煎餃子，分別有粟米餃和韭菜餃，價錢都係好平， $5竟然有三隻，以為返左內地，我就試左韭菜餃，都唔錯，餡料幾好食😋最後買埋甜品就係糯米糍，口味超級多，有開心果、芝士、朱古力、榴槤、芒果等等，最平都係$12一粒，我就買咗芒果，好重手，唔酸不過皮就厚左少少
繼續閱讀
今日去灣仔行街，見到對面街有間順記，雞蛋仔同格仔餅都好吸引，即叫即整，親民價錢又抵食[ 雞蛋仔 $12 ] 外脆內軟，外層口感酥脆，好香濃嘅蛋香味，一口接一口好好食[ 格仔餅 $15 ] 口感鬆軟，外表金黃酥脆，配上牛油、煉奶、花生醬、白砂糖，口感豐富有層次[ 幸福煎餃 $10/6隻 ] 粟米豬肉餃 及 韭菜豬肉餃 各3隻，煎到金黃香脆，皮薄餡多，餡料滿滿，豬肉鮮嫩多汁，另外韭菜同豬肉都好夾，兩款都好味道[ 長洲糯米糍 - 開心果 $12 ] 外皮軟糯煙韌，內裡包住開心果碎及開心果漿餡，味道唔甜
繼續閱讀
3:15pm下午茶時間，過馬路時，比呢間小店吸引咗~唔係一啲好貴好精緻嘅食物，而係香港名物，又平又食的地道美食。雞蛋仔金黃原味，蛋香十足，咬落有空氣感。冇乜其他新奇的口味，只有最原始的口味，忠於傳統格仔餅🧇即叫即整，熱辣辣，塗咗好多層花生醬、奶油、煉奶，十分邪惡，難以抗拒，口感鬆軟。韮菜餃子🥟煎餃皮薄，餡料爆滿，入面有少少肉汁。仲有不少小食，例如撈麵、芝士腸、燒賣，嚟到灣仔想掃街食香港地道，都可以考慮呢間～
繼續閱讀
灣仔順記秘製魚蛋(香港)地址: 香港灣仔灣仔道93號地舖上完堂，第一件事唔係返屋企，係去醫肚！行到路口過馬路，見到有人手上拿著雞蛋仔，都好耐無食，腦中即轉signal 叫我搵，望兩望即見到啦$12 一底呀 ，絕對係平絕港島區，而家有一底原味最平我食過都要$20！味道同食開架雞蛋仔差別唔大，而質地就脆身，見住姐姐即製，拿上手熱辣辣，中間蛋糕質地鬆軟可跟，唔太甜$15 夾餅都係超抵，大量煉奶花生醬，香噴噴😆行過都要食！呢個喜歡多醬同姐姐講，好好人抹左好多比我睇問我夠唔夠添$10 5隻餃子，要了韭菜豬肉，都多餡，即$2 隻平到笑
繼續閱讀
灣仔港式小食店，主打平價又地道的香港🇭🇰風味。招牌 $12雞蛋仔，即叫即做，熱辣辣🔥，外脆內軟，有蛋香，比較似蛋糕仔；$15格仔餅塗滿花生醬、煉奶和牛油，香甜酥脆；而 $10/5隻的煎餃（粟米豬肉/韭菜豬肉）餡料飽滿，煎得金黃香口，配辣醬更惹味。 長洲糯米糍則以風味聞名，$12起提供超過15款創意口味，如 特大芒果🥭糯米糍、貓山王榴槤、珍珠奶茶🧋、芝士🧀 及 楊枝甘露等，外皮薄且煙韌，內餡豐富，甜品控必試。
繼續閱讀
您可能會有興趣的...