瀛鮮 (土瓜灣道)

營業中

休息中

由於即叫即做， 好處就是新鮮， 壞處就是要等好耐，既然今晚得閒， 我就等你啦。然後回家慢慢吃。虎蝦，28蚊六隻， 好爽， 加點豉油更鮮甜豆腐皮壽司， 只需三蚊， 好抵， 我喜歡佢有醋味， 飯仲有少少微暖。 火炙芝士蟹棒壽司， 18蚊兩件，蟹棒好爽口，由於經火灸燒過，咬落有炭燒味， 芝士、蟹柳、紫菜同一時間吃下，味道即時全部提升，好正。火炙辣味三文魚壽司， 面層有芝士， 唔知以為件三文魚梅梅地，其實入口即溶，三文魚好滑身，同剛吃完之蟹棒壽司的口感完全不一樣， 16蚊兩件。由於大甘蝦特價，買一送一， 而家36蚊有十隻，所以鼓起勇氣一試。唔知是不是因為特價， 大甘蝦質素參差不一，有些是沒有尾部😣，肉質較梅， 有腥味。蝦肚有好多卵，蝦腸是綠色的。下次應不會再吃大甘蝦了。全部共101蚊

其實之前吃過幾次，我對這類壽司要求要平，好味就更重要。多數光顧百佳、惠康、爭鮮、偶然也有元氣、板前。瀛鮮之前它的飯真的平平無奇，但昨晚的壽司飯好味，配三文魚、海膽一流，特別海膽，鮮甜，實正。有口感，很像之間去北海道吃的口感，雖無十足也有九成。飯軟棉棉，味道很像在日本吃過的飯。吃過瀛鮮，都不想在吃回百佳、惠康、爭鮮(他們的飯真的很平凡)。海膽必吃，之前元氣吃過都好多雪味，但昨晚的，正。看得出這家餐廳在不斷改善。收銀姐姐很好人，笑容很甜。昨晚還試了蛋糕，綠茶味，正，口感實正，完全有別於其它咖啡店賣的芝士蛋糕，今天在試另兩款味。

今天中午食飯去試一試土瓜灣的壽司店,店內環境較細.都算光猛,不過佢地主要做外賣,無坐位,只可以企係到食,不過都唔緊啦,因為我今日既目的都係想試一試呢間壽司鋪,,,先來點一份三文魚刺身約8片37蚊....食落好肥美 肉質鮮甜,而且三文魚味濃郁,,正..食完一份..唔夠喉...就點佢地D壽司試下..點左十件壽司餐+散叫2件火炙芝士帶子壽司..等左大約5分鐘左右,眼見制做壽司過程的師傅都有帶手套..衛生方面有做足,,非常好 壽司出到黎,外表都算吸引..食落去飯粒軟熟帶出壽司本身的魚味和鮮味, 效果相當好可能這間壽司店的壽司是...即叫即做..所以飯粒比較軟身...而火炙芝士帶子壽司價格是18元2件算中等價格...帶子都算大粒..面頭的芝士醬非常濃厚加上燒過更帶出帶子本身的鮮味和口感...都算值的今天食完他們的刺身和壽司都合格,下次試下佢地D拉麵先 ,不過係無坐位提供,如果可以開返間有堂食的會更好

平時見到門口咁多人，今次少有D就走去試，叫左三文魚$4 件，好細又簿 ，飯散開,無魚味,食左唔覚，帶子半件，幅相就一件.好淋,，𩶘魚比較腥，有雪味.赤貝$6超薄，食左好似冇食咁，手卷一定叫兩件，紫菜淋，完全咬晤開，晤好食， 掉左了，火炱三文魚，又係咁細件，二件要$15 ，我不如叫二件三文魚$8、火炱花之戀二件、$28除了有沙律之外無味！又係咁細，同一般壽司一樣，別的一定大過一般壽司，搵笨，收銀員態度不友善，只顧住傾計 ，叫幾件等超耐，又冇筷子，大佬買得外賣就唔想洗嘢，唔係咁慳皮呀？

本人係勁鐘意食壽司，係open rice搵到有呢間野，睇到第一個食評話咁好就同同學試下啦，去到見到鋪比較細啲，三個人已感爆棚，不過問題不大，講番重點先，就係質素同價錢，價錢係平，但一分價錢一分質量囉真係，見到帶子6蚊件覺得好抵，我叫左6件，但原來一件帶子壽司得半粒帶子，姐係話要食原粒帶子壽司要叫2件先得，姐係12蚊😏😏三文魚4蚊件價錢很正路，叫了6件但師傅太好技術，三文魚又薄又細，最最最重要的事係壽司既靈魂-壽司飯。係就係即叫即整，飯係幾軟身，但無味，同一夾起就散😓😓😓同埋佢整十件壽司等左成三個字，有咁多個師傅都要咁耐😓😓😓三文魚刺身都算平，但味道唔太新鮮，同有骨😭😭同埋收銀姐姐態度唔係咁好囉，問多句等幾耐好似嫌我煩咁😱😱😱最後總結平野無好，一分價錢一分質量，諗住即叫即做會幾好，結果我同同學都覺得如果食爭鮮同呢間質素一樣咁爭鮮反而價錢仲平，可能我對食野有要求，所以我同呢間野都係無緣了

日前聽同學介紹，便抱着一試的心態陪他吃了一頓壽司拼盤。拼盤有九件，三件三文魚壽司、二件比目魚壽司、二件魷魚壽司和一件海膽壽司，全部也是即叫即做，合共三十七元，價錢不算太貴。首先是三文魚壽司，司傅的刀功甚佳，厚度和囗感都很好。而且都十分新鮮（當時見到司傅們正在劏三文魚）值得一讚！其次是比目魚和魷魚壽司，比目魚十分鮮甜可口，令人食不住口，惟稍嫌偏薄。而魷魚則厚度適中、刀工精巧，而口感也十分豐富。而最後的海膽壽司也令人滿意，海贍味和潤十足。配合魷魚爪在口味上更是錦上添花。總括來説，這間壽司店可謂難得，食品新鮮之餘且價錢合理，而店主亦十分好客大方。這間店就在我家附近，前往也十分方便。下次有機會也一定會再度光臨～