濃姐茶餐廳

營業中

休息中

近排係新蒲崗返工，約埋朋友一齊食宵夜，多多意見最後求其搵間茶記，點知又幾出色，有小菜，有滾湯，快餐，估唔到連早餐出前一丁都有得食，7個人食300蚊有找 ，啱我呢d窮人😂 好抵食，值得一提牛柳煲超好食。是頭婆口水多過茶，個個客都鍾意搵佢傾計，，入得黎大部分都係熟客，有幾個坐低都話：「照舊」諗唔到食咩可以問佢意見 啱曬選擇困難症嘅人士不過地方就有點細 無圓檯 最後我地要分開兩張檯坐 人多要有心理準備分檯坐。要多d懲罰呢人情味小店

係新蒲崗番工都有兩年，但總係無試過濃姐，上星期卒之去試左，竟然有驚喜，早餐大份，雙腸也有奄列，沙嗲牛通也非常惹味，連凍飲都係$35 元正！好食過附近個幾間好多，仲有個新鮮方包，有d茶餐廳d方包係臭加淋，濃姐茶餐廳係新蒲崗我唯一會讚既餐廳！現在經常去添！

店內環境整潔， 無得挨住背部的圓凳比較多。等一會， 店員送上每人一碗例湯。菜牌上有濃姐招牌滾湯:芥菜鹹蛋肉片湯~湯中多菜，放芥菜的比例多👍有瘦肉片、含鈣質豐富的豆腐 、鹹蛋加添滋味， 湯含油量少，吃到簡簡單單原味口感👍調味不太重口味的家常菜👍 食後不覺得口乾，份量十足。煎封黃立倉~煎至兩邊魚皮微微焦脆,再灑上爆香的蔥花，美味！ 加$2熱奶茶👍👍 好好飲加$2熱檸茶街坊價錢， 十分大眾化濃姐招牌滾湯， 一炮而紅(泡飯)精選小菜鮮味河.海鮮特式炒飯中西碟頭飯。中式扒餐

呢間新蒲崗小店，大約6點左右，已經好多人黎食晚餐。佢全日都有麵餐可以食，價錢都幾相宜，大部分餐都係 $30 左右。今日6點前到，可以用下午茶餐優惠叫個麵餐，仲要有辛辣麵可以選擇，只係加 $2，真係少有！辛辣麵真係煮得好「淋」，唔似一般茶餐廳放落水浸兩浸麵都未煮熟就收工。但整個環境睇落就麻麻地，食個麵大約二十分鐘，有個呀姐不斷處理冷氣機滴水問題，仲要唔係間中幾滴，係好似落雨咁⋯⋯然後到埋單時更有趣，收銀用 honest system 問你食左乜野，然後就叫你比幾多錢。不過大家小店街坊，講個信字，大家都無走數！

這間是我早餐必到的茶餐廳,27元有個早餐, 兩餸麵可選擇 福麵或出前一丁麵或其他, 一般茶餐廳需要另加錢但這裏不用, 但也有其他麵餐,是有餐包的餐,但轉出前一丁或福麵都要另加錢, 只有27蚊這個兩餸麵餐, 包一杯熱飲褔面和出前一丁麵都不用另加錢, 你可以落餐前 同佢講自己落味粉, 麵會和味粉跟在一起送到,還有個ok餐是這裏多人點的餐 ,ok餐內有五香肉丁麵雙蛋雙腸 牛油包, 茶餐廳的午餐和晚餐也味道也可以 我點了個魚香茄子飯味道冇問題茄子,38元一個午餐

濃姐菜牌乜嘢都有，有湯飯，有泡飯，有冬蔭功湯底嘅麵，又有蒸魚套餐同煲。至於價錢真係幾抵，$38一碟飯都有，所以店內都有D街坊。係唔知食乜嘅情況吓咪試吓。一坐低，一人一碗例湯，都幾大碗，味道都幾好又有料。叫了碟技竹羊腩飯及勝瓜咸蛋肉片飯。碟羊腩同期望有差距，羊腩少，口感一般，同埋係腐竹，唔係技竹，呢碟嘢$57。不值。再嚟碗湯飯。碗湯無之前碗例湯好飲，好淡，咸蛋同肉片唔出味。飯後感：唔係真係抵同冇味！

佢呢度個位置係喺新蒲崗越秀廣場隔離 朝頭早8點15分左右 要泊咪錶位應該都搵到嘅。 佢嘅唔好處係自己個洗手間喺外面 仲要好逼 所以如果需要去洗手嘅就要去隔離公園嘅公廁。 另外呢佢啲玻璃 窗門 有窿位 外面的人食煙啲煙入嚟 所以唔好咁 坐得近窗口。 佢啲早餐係抵食嘅 30蚊個另外加三蚊凍飲， 腸蛋係兩條腸加兩隻蛋 火腿蛋又係兩塊火腿加兩隻蛋，，，， 份量無敵。 佢啲麵同米粉個湯都好清， 個凍奶茶沖得好正 滿分。 我幾鍾意食佢嗰個叉燒麵早餐 啲叉燒都算係份量多。