澳門咖喱王新鮮腩

營業中

休息中

入座撞正下午茶特價時段，不過份量相對都會縮小🤓，我女仔黎講就岩岩好夠食，男仔就未必夠飽喇😛！大家可以睇睇相👆🏻～————————————————————必食獲獎川醬干炒牛河 $49本身想食咖哩牛腩飯，但見到必食獲獎🏆四隻字又忍唔住想試下😝。牛肉厚身唔鬆散；河粉腍滑，煙韌有米香🍚。炒得亦夠均勻，啖啖都都食到濃厚既川醬香😋，再帶少少微辣，真係幾惹味🌶，但略嫌唔夠鑊氣同埋太油膩，成個碟底都係油🙈🙊。————————————————————澳門肉醬牛坑腩飯 $55雖然賣相麻麻，但食落一啲都唔麻麻🤩！牛坑腩軟腍清甜，牛味香濃🐮，肥瘦分明，啖啖都充滿肉汁🥳，配微辣既肉燥一齊食好夾✨！不過牛坑腩既清湯令到個飯偏濕，分開碟上會更好😛。

有時真係要對自己好啲，搵嘢食都搵啲ok好食或者特別啲先。（唔知大家搵嘢食嘅心路歷程係點，定係食開個間就個間呢）今次行左過黎佐敦，專登行到黎呢邊，睇下呢間有咩食，見到有下午茶不如試下啦。都多嘢揀，下午茶算多款式，價錢算中上。食客係疫情下算多人，每兩張枱有一台客。係等緊餐時周圍睇下，呢樹都幾自由，亦似乎有食慣嘅熟客。下午茶有佢招牌牛河，即叫即整，45元（有外賣自取折扣），我要左小辣，都唔算對我嚟講，但就好香。而且好多肉，又夠味。最鍾意芝麻，再香啲。咖啡又夠香，家人最愛。（真係真係真圖好嗎openrice!!）

要係佐敦上堂，臨急就揾左間黃店，呢間係 一間普普通通ge茶餐廳，但係比想像中好食同乾淨。今次叫左佢推介ge咖喱牛腩飯(10 分滿分ge話，我會比: 味道: 8.5/10 擺盤: 7/10.真係幾唔錯，啲咖喱汁偏辣，係黃咖喱，有啲胡椒啲牛腩好稔，佢將牛腩切到一塊塊咁，所以每塊都好濃、又稔又入味咖喱入面有2-3舊薯仔，正正常常無咩特別都抵食又飽肚，都係$65。最緊要係等得好快

是日想到佐敦一間充滿玩味的咖啡店一看究竟，可惜下午二時多全場滿座，四圍閒逛下見到這黃店，之前公司在附近都未有機會一嚐，擇日不如撞日內進。              蕃茄牛脷米 $39蕃茄湯底濃郁，足料入味，感覺無添加，牛脷份量適中，大部份都軟稔有肉香，惟有一兩件羶得過份，要立即喝水辟味。跟餐有飲品，整體味道不錯，瞥見其他人的餐點也頗吸引，難怪下午茶時間人流絡繹不絕。未試其招牌咖喱和牛腩，下次在附近想食茶記也會再臨。

有水準👍🏻👍🏻👍🏻佐敦美食林立，餐廳多不勝數，行過幾次見門外poster幾吸引，終於入去試試鋪面唔算大，疫情下可以坐嘅位更加少，但裝修好有風情貴氣，有唐卡更加襯托出韻味，比普通茶餐廳感覺更加有風味雖然有唔少招牌美食poster都好吸引下好想嗌，但啱啱星期日起身，食唔到好多，無謂曬野，order左兩份作為早午餐<必食獲獎川醬乾炒牛河>一早起身嗌牛河好似有D過分，但睇poster好好味，而且食落又真係幾正，今次嗌左中辣，佢嘅辣勁係後來，入口唔覺得好辣，但慢慢起後面浮現出來，幾過癮，我自己覺得唔算好辣，幾好味，牛肉分量都多，係我覺得油量多左少少，唔知有無得嗌少油，就正啦，食緊嘅時候有熟客客特登外賣同款牛河，真係好似幾受歡迎<清湯牛腩雲吞河>嗌左個濃味嘅，就搭個清淡少少balance番，雖然好似係普普通通嘅一碗粉，但真係幾好食，先係個分量，來到一D都唔覺得孤寒，雖然價錢唔係超平民，但雙拼來講都真心大碗，最後係食唔曬，牛腩都好多舊，配埋蘿蔔已經佔好大一部分，牛腩淋同入味，仲帶有一陣牛油味，蘿蔔一樣淋加甜，甜到個湯底都嘗到蘿蔔味，最後掛住食牛腩都唔記得食雲吞😂😂最後

聽朋友講此店用新鮮牛腩高成本整俾客食， 特登搵個下晝黎試試，叫左一個牛坑腩河及咖哩崩沙腩飯。先食河粉，牛腩超班，同雪藏牛分別在於鮮牛腩有好濃既牛肉味，肥美牛坑腩份量十足，蘿蔔甜而冇渣，整體超讚。咖哩亦出色，薯仔粉冧，崩沙腩長長的橫膜超軟冧又彈牙，如喜歡鮮牛味感覺建議食返清湯麵或飯，咁就唔會俾咖哩味蓋過鮮牛味。 店員好好禮貌，十分推介。

我同媽咪都系超級牛控😆🙈平時出街如果唸唔到食咩 牛既餐廳都會優先選擇💖😂澳門肉醬牛坑腩飯$78牛腩層次、肥瘦分明 牛味超出超濃郁🤤以為配肉醬會怪怪的點知味道又幾好😍😆肉醬偏咸，但牛腩系清湯底煮，所以岩好中和了。招牌清湯牛腩小麵$55湯底清淡明顯沒有味精👏但真的超足料😚飲多幾啖都得! ♥幼麵都系唔錯既～幾彈牙，份量適中，一個人食岩岩好。整體黎講，系一個高質之選！下次會再encore！鍾意食牛既你真系唔好錯過啦😝

今日同老公由太子開始行街，行到6點左右剛到食飯時間，選了呢間餐廳。老公之前食過一次午飯，覺得味道不錯，佢話呢間出名干炒牛河，但一直未有機會試，今晚就試下啦！今晚點左干炒牛河同咖哩牛腩伊麵，原來呢度啲咖哩有幾款，我點左普通的咖哩，下次想試蔬菜咖哩！咖哩牛腩伊麵，咖哩汁香濃，牛腩好淋好好味，伊麵軟硬度剛好干炒牛河夠鑊氣而且不會太油，牛肉亦不會好韌，整體非常滿意，一定有下次再幫襯仲有幾款咖哩希望可以再試！

經過佐敦見到呢間牛腩好似幾正就入去試吓，見到好多人食咖喱牛腩不過我就叫咗紅酒牛腩飯同花雕醉雞泡飯，牛腩好腍肥瘦啱啱好，但個汁就冇乜特別，反而醉雞泡飯有驚喜，泡飯湯啲雞湯有少少酒味撈飯食好開胃，雞肉都算滑加上花雕酒汁浸住杞子同菜好入味正呀，咁嘅價錢我覺得好抵食。

澳門咖哩王新鮮腩閨密介紹佐敦澳門咖哩王新鮮腩，今晚就一齊去試試。這店主打牛有紅酒、清湯、麻辣、咖哩、沙嗲就連川味都有，牛控朋友不妨一試。😋仲有牛坑腩、牛爽腩同牛崩沙腩利害。😂疫情問題見到都做足要求，座位方面都留有空間。🥢花雕醉雞 $55我點了花雕醉雞，雖然是冰鮮雞但都軟嫩，雞胸都不會鞋口且非常入味，鹹香有序不錯👍。🥢酒槽肉餅 $55酒槽肉餅有點住家感覺，肉餅肥瘦恰好餸飯一流。👍整體不錯價錢絕對低食，就是洗手間比較不便。

見同事話呢間唔錯想去試下去買個下午茶牛腩麵 等左一段時間拎到個麵番到公司發現得D麵冇牛腩牛腩係碎肉上？呢次真係國王的牛腩下次不了 怕又係牛腩麵冇牛腩系列第一次都係最後一次

我一向對香港嘅「澳門字頭」嘅餐廳又愛又恨, 原因係澳門菜色風味獨特又好味, 但可惜「經營者」有啲係「賭博集團」有關係, 所以心態上我自己唔係咁鍾意幫襯。依間餐廳, 我一直都唔想幫襯, 直至有好朋友同我講: 你一定要試下, 你會對佢另眼相看。由於我唔食牛肉, 只能試試「咖哩薯仔豬扒飯」- 咖哩嘅香氣獨特, 有椰子絲, 複雜嘅香料味道, 比較似嗰兩間所謂 正宗巴基斯坦咖哩, 「龍」字派嗰兩間佐敦咖哩店, 用料及味道, 有過之餘無不及。豬扒唔錯, 肉嫩味鮮; 薯仔出色, 全屬上等新鮮食材。 整體令人回味無窮, 一試難忘。我可以估計到, 喜歡食牛嘅人應該會更高興。另外點選了常餐, 同樣好味, 但整後悔冇食招牌咖哩出品菜色.... 勁7, 所以無言了。

見疫情冇咁嚴重放lunch就同同事行去佐敦睇吓有咩食，見到有間澳門咖喱王睇嚟好似好正宗咁又唔洗排隊就入去試吓。咖喱味道非常惹味辣到適中，牛腩唔會煮得太un,非常有口感。加杯凍檸茶解辣。啲飯唔會整得太硬或太淋，下次想食咖喱一定黎依到。環境方面入邊座位都幾多雖然間舖好細。上菜速度方面唔使等5分鐘就嚟到個飯又唔會太凍夠晒熱。👍👍價錢$65加多$4包凍飲，雖然價錢算貴，但平野無好，但食物質素係最重要。

入座個陣時間尚做所以都唔算好多人似乎好多都係熟客一坐低已經知食乜又會同伙記傾計好有街坊茶記feel今次叫咗咖喱肉醬牛腩飯同埋咖喱雜菜飯先講講佢個雜菜飯好－辣勁－辣平時都鍾意食咖哩雜菜飯通常都係甜甜地但今次呢個係好辣食咗一半就流哂鼻水雖然好好味，但調理緊身體所以最後都冇食哂咖喱汁份量好多但如果佢嘅菜可以再多D就好了至於個肉醬飯相對上冇咁辣帶D甜甜地男朋友話幾開胃，肉質亦剛好D牛腩唔會話好un食食下見到越來越多人又有人等緊所以都快快手食完就走下次再發掘下附近有咩食！

有一晚放工9:00左右，打算搵間茶餐廳外賣食，俾我行過佐敦見到呢間餐廳，個名都好特別，聽講呢度嘅川醬干炒牛河好好食，呢啲咁麻甩嘅嘢啱晒我，即管試吓。呢間餐廳個裝修，好似懷舊茶餐廳咁，好多色彩，不過晚市就唔係太多人食。我最後叫咗一個川醬乾炒牛河(bb辣)，佢都幾貼心，有唔同嘅辣度揀，仲可以揀唔辣添！由於係即叫即炒嘅關係，我都等左15分鐘，用發泡膠盒裝住嘅牛河，搭巴士都聞到好香！成碟好夠鑊氣，同出面其他茶餐廳唔同嘅係，呢一碟牛河係真係有好多牛肉，蔥、椰菜、洋蔥、紅蘿蔔都好重料，對得起個價錢👍🏻👍🏻會再返去食