澳洲牛奶公司

營業中

休息中

加價後第一食 😎 收工一個人去到，冇人排隊，直入，哥仔安排去四人枱搭位，有士啤凳放手袋，讚！都係叫返個茶餐（$58）：多士 🍞、炒蛋 🍳、牛肉通。味道依舊，炒蛋一樣咁香滑，食咗幾十年都唔厭，當日係通粉淋咗些少，但啲湯差唔多俾我飲晒。😝 最後order茶走作結。

話到明係天花板，就當然係好受歡迎啦😲我個日正直lunch hour 1 點去到🕐條人龍長到已經橫跨幾個舖位，目測都有幾十人係我前面等緊，真係好堅抽👀雖然條龍好長，不過我等咗15 分鐘就入到去了，可見餐廳出餐速度真係好快💨😎餐廳雖然加咗價，但都依然無阻客人嚟食嘅心，我就叫返我嘅最愛，茶餐 $58：牛油多士，火腿炒蛋，叉燒通粉😍茶餐 - 叉燒通粉上枱嘅速度真係光速咁，嗌完之後唔洗30 秒就已經嚟咗碟通粉，電話都未拎到出嚟撳🤣🤣唔好睇佢個樣好似冇咩特別，佢個湯底好鮮甜，而且通粉好彈牙，唔會煮得過淋同過硬，同出面平時食開個啲硬掘掘嘅即食通心粉差天共地，叉燒係薄切但每一舊都好淋，雖然簡單但好出色🥰茶餐  -  多士、火腿、炒蛋平時出面食茶餐廳嘅炒蛋，通常都會加奶一齊炒，但個滑度都唔及澳牛，唔知道佢哋有咩秘方，可以炒到啲蛋咁香咁滑🤫多士係厚切，而且即使我放耐咗佢冇咁暖，塊包都係好鬆軟唔會硬哂，我個人就鍾意將火腿同炒蛋放係多士上面食，好豐富🤩茶餐  -  牛油多士教多大家一個我好鍾意嘅食法，就係加啲糖落去塊多士上面，一秒變甜品，味道就好似奶油多咁，如果有多幾塊就好🤣🫣.總括嚟講，澳牛我可用3 隻字嚟

疫情之後，終於有機會再次朝聖澳洲牛奶公司， 今日係平日冇咁多人，排咗一陣隊就有位， 但係裏面都係熱熱鬧鬧人來人往， 侍應阿叔都係保持咁嘅態度。 照舊都係叫咗個包片火腿通，配炒滑蛋牛油多士， 熱奶茶。 呢個光速餐等咗2分鐘就已經到達， 首先講嘅係包片火腿通， 雞湯味濃郁，火腿就正正常常，食落口感也不錯。不過另外想讚一讚嘅係個多士配炒滑蛋， 個多士依然保持熱熱辣辣而且脆口， 個滑蛋就正常依舊。 奶茶中規中矩沒有太大驚喜，食咗10分鐘已經有壓力，自己自動離開了。 下次有緣再見。

首先對呢間餐廳出名會有興趣去想嘗試，亦都明白一間有名既公司一定多人但去過咁多出名既餐廳呢間真係會俾你一個極大體驗待應既態度真係唔知可以用咩形容詞可以形容到一個極差既質素嗌完個餐之後你唔洗指意可以嗌野飲，佢地係唔會幫你落單，要等你食到咁上下你先要再幾經辛苦搵個人寫野飲俾你食食下到一半 你一停左手 ，就會有人問都唔問就收左碗野。呢d經歷一次就夠如果想體驗下咩叫食完一肚氣可推介呢間餐廳其實食物方面真係唔差，但我諗唔好因為呢樣野而可以代表可以對客人既態度係咁樣理所當然既話，我諗就算幾好食都唔想俾錢受氣

今日出開佐敦，見有少少時間，急腳行去澳洲牛奶公司，我一個人，唔使等位，直入，兩個以上要等位。坐抵，急口令咁叫茶餐：炒蛋多士叉燒通粉。職員接住講，餐飲轉頭叫。人和食物一樣無變，喜歡～

講起澳牛想信香港人一定聽過佢個朵，例如點餐要一早諗定，所有野d好快，澳牛哥哥既霸氣態度等等，今次我地都黎親身體驗下首先澳牛條龍長到癲，但係如果你係單數人數，例如1，3個既話，就有機會快人一步，比澳牛哥哥由隊尾叫入去食啦食物基本上人人都係叫茶餐（$52），你只需要諗湯意粉定通粉，炒蛋定煎蛋就得，佢都有其他野食既，但就冇乜見過人嗌，除左甜品既蛋香燉鮮奶或者杏汁燉雞蛋之外，呢個甜品都係佢地既出名食物佢地既枱係比較細，所以會先送上野食，後點餐茶，澳牛哥哥問完我地食咩就好快送上而精彩一刻就係我面前出現😂😂😂 我地搭枱既對面食客話要有野飲邊飲邊食先得，澳牛哥哥幫佢地點餐既時候已經講過一次會之後先幫佢點餐茶，個食客黎左野食又叫多次話要叫野飲，澳牛哥哥當場爆發，都話左冇位擺唔好叫住，食完先叫，個客話唔緊要，照落左先，澳牛哥哥就話，冇位擺呀！你要飲一係你一隻手拎住杯奶茶黎食我即刻沖比你，個客即刻聲都唔敢出，我忍笑忍得幾辛苦🤭講完故仔就講食物啦，佢個牛油方包係多士黎既，鐘意可以叫佢唔好烘，但烘成多士我覺得好食d火腿煎雙蛋我地就轉成炒滑蛋，炒蛋係呢度最好食既野，黎食既話記得改成炒滑蛋，真係夠滑又好味叉燒通粉

最近一次去食澳牛的「光速餐」係十幾年前陀仔時，那次是最無高壓感的一次，因為早知澳牛對陀B的都有特別看待， 卸貨之後都沒再去了；剛巧要到TST，就帶同阿仔去感受吓嗰高壓情況吃下「光速餐」的環境氣氛，我又真係早一晚List好入座後的選擇， 避免有選擇困難徵狀出現；門外等了30分鐘，安排未有坐過嘅卡座包廂，進座後即時把現場高壓感減半，人家來就是要感受它哦🤪；入座後近2分鐘，竟然還未有侍應衝過來施壓，呼叫3次終於有侍應衝著過來，而下單後效率依然，不足10秒已經上菜，「光速餐」 果然名不虛傳；澳牛只有3個餐選擇，早餐過後只剩特餐及快餐，以化萛角度一定係選特餐，方包免費改烘底是少不了，食物質素保持，厚多士烘後不會過乾，招牌炒蛋依舊蛋香濃口感滑嫩，意粉通粉一貫茶記標準林身不帶彈牙感，但湯底比一般茶記來得濃郁，值得清碟，最後來杯招牌奶茶，依舊茶香奶滑😋，現場不時聽到侍應禮貌地多謝熟客派發的"利事"，證明還真的有不少港人來幫襯，當然也少不了“社交媒體網站‘’遊客。

常餐澳牛既炒蛋唔洗講真係一流🥺又滑又好味到底點做到😭將啲蛋放係有牛油既多士上面 哇我就嚟幸福到暈低🥺點解可以咁好食 10分比9.9分！如果多士記得叫埋烘底就10分比100分🤩另外唔好以為個火腿通好普通 無諗過佢都幾掛湯 一啲都唔求其~熱蛋白燉鮮奶 呢個真係世一🥺但建議唔好一路食一路飲啲好濃味既跟餐茶 要試真佢個奶味🥲對於我呢個平時勁中意蛋又勁中意飲奶既人嚟講 呢個真係好食到不能形容😭❤️佢一啲都唔甜 但勁濃牛奶味 口感又厚厚地有啲似greek yoghurt咁 好滿足啊🥺.杏汁燉雞蛋 嗌同食個時都唔知原來有杏汁🙊睇返餐牌先知 個人覺得呢個無燉奶咁好食~不過都好有雞蛋味 覺得有啲食梗甜既蒸蛋咁樣🙊.凍奶茶+凍咖啡我就飲凍奶茶 因為聽人講去茶餐廳一定要試下佢啲奶茶先會知佢質素點樣😗我仲專登叫左走甜試真啲個味👻飲落去真係feel到好濃既茶味 唔係普通連鎖快餐店個啲hea茶包味🙊咖啡嚟講因為無嗌走甜 收到反映係甜到漏🤣.雖然節奏係快啲啲咁 我食完正餐再食甜品 對面搭枱既已經轉左兩枱🤣但叔叔們都無催我走😌嚟到呢道要學識一句:「只要我唔尷尬，就係人地尷尬。」勇敢啲唔洗太温柔咁叫多一次叔叔們過嚟就ok

澳洲牛奶公司😋招牌蛋治 - $22出名上菜速度快的澳牛，冇令我哋失望，等咗1分鐘就出咗個新鮮滾熱辣的蛋治，真係啱晒趕時間的香港人😆。新鮮出爐的炒滑蛋超級厚，食落好有口感，有好明顯的牛奶香氣，炒滑蛋來講係世一😋。服務上，澳牛哥哥對客人的態度又冇傳說中咁可怕，收碟速度雖然都係快，但由於我哋去的時候唔係繁忙時段，所以都冇趕我哋走😀。順帶一提，澳牛唔係賣澳洲的牛奶，佢牛奶係同維記拎貨，只係老闆為紀念之前係澳洲行船先改餐廳叫作『澳洲牛奶公司』🤣。

今次再踏進澳牛，呢間食堂喺大家心目中嘅地位真係毋庸置疑。人流如織嘅情況下，職員嘅效率都無忍，手腳麻利到不得了，令人印象深刻。先講講呢個炒蛋多士，賣相簡簡單單，但味道絕對令人回味。炒蛋出奇嘅滑溜，伴隨住金黃香脆嘅多士，真係一絕；光係諗返起來都令人垅口水。再黎就係叉燒意粉，每條粉都掛住恰到好處嘅醬汁，叉燒又夠火喉，啖啖肉感，食落香味飄香，令人食指大動。至於杏汁燉蛋，香氣十足，係個人甜品嘅好選擇。份量上手，每一啖都感受到燉蛋嘅細滑與杏汁嘅甜蜜交織，甜而不膩，真心不錯。服務嘅話，可能會有人覺得佢哋太快捷導致有啲「口硬」，但其實成日踩單車食飯嘅香港人都習慣左呢種節奏，講求效率又點會介意呢？總括嚟講，係個幾正嘅食體驗會心推介！🍽️😊👍

哇！好腻好爽好好吃厚多士又爽又腻，🥞一端上桌店员就挤上了超多的蜂蜜，混合着蛋液和黄油🧈，让松软的面包吸饱了脂肪，还在咀嚼中爆汁杏汁炖蛋像小baby的小脸蛋一样又滑又嫩，坐着滑滑梯就顺着喉咙直接滑进了咱的肚子💃，在唇齿间留下无尽的蛋香虽然都甜，但我觉得好吃🕶️

作為土生土長嘅港人成日都聽好多人介紹呢間有頗長歷史嘅澳牛但我係一次都未食過嘅今日終於起到身去排隊一試早餐就得兩個選擇一個配樽仔奶 一個配火腿通咁我就叫咗火腿通粉 炒蛋 多士+茶走多奶(奶茶+煉奶) $432分鐘都冇餐就送到啦 真係快到呢而且溫度係啱啱好 可以直接送入口味道就正常嘅雞湯通蛋就真係名副其實炒得好滑好creamy 但似乎落多咗少少鹽但配埋多士真係好好食茶走我都覺得係必叫茶味幾香濃 就算叫咗多奶 茶味都冇淡咗 非常唔錯不過佢煉奶都落得好重手所以非螞蟻人嘅朋友 記住嗌少甜！！！另外 凍雙皮奶 $33聽講呢個都係出名然後就一言難盡我只係食到甜味同滑滑嘅口感 成個雙皮奶只有冰糖味 咩奶味都冇了完全唔知今日係咪太重手整體快同效率係名不虛傳 不論係排隊 落單  出餐餐廳都好有年代感  伙計都係好有人情味但講到食物質素 確實大份好夠飽但又去唔到一定要排隊食嘅地步可能都係以感受果種香港人急急腳嘅特色啦所以遊客係可以試下但作為香港人嘅我 經過又冇咩人先會再一戰

每次經過旺角至佐敦一帶，都會用Google Maps search吓行去澳洲牛奶公司要幾耐，如果近嘅話一定會去幫襯唔知點解佢啲炒蛋就係特別咁好食，尤其是而家唔使戴口罩，咁啱經過嗰陣時就可以去買一份雞蛋三文治唔烘底即食，好似好健康咁食咗一個下午茶，如果有一間澳洲牛奶公司喺我公司附近，我就可以每朝早都食到咁好味嘅雞蛋三文治就好好啦😄😄

孭住個背囊，去找童年回憶，今趟真的要為澳牛平反，狹窄的地方仍給我摺凳放背囊🥰夥計嘅態度我不嬲都唔覺得係問題，入得去食就係享受埋佢地嘅速度。講返個早餐先，可以在早餐時段食到又慳咗$9，咁就叫埋個凍黃色#燉蛋，必食～由細食到大嘅澳牛有一定程度的萬有引力～滑滑流～佢地嘅炒蛋可以話係茶餐廳界的始祖，通粉嘅湯底真係無得輸！#澳牛

📋 Revisit : Yes味道(6.5/10) 環境(6.5/10) 服務(6.5/10) 抵食(6.5/10)****************澳牛，出名嘅懷舊冰室，都係遊客寵兒，當日keep住有長長嘅人龍排隊。食嘢當然最重要係味道，澳牛嘅常餐味道唔錯，但未至於好impressive，唔再有一種令人好想再食嘅衝動。環境格局係懷舊路線，不過無一般懷舊小店嘅慢活🤡網絡上有人話，澳牛最吸引嘅係侍應嘅服務態度😂。當日所見其實服務唔太差，不過的確成個節奏好急促。侍應好似打仗咁，拿臨臨安排人入座/點餐，想悠閑享受lunch，千祈唔好嚟😂咁點解會想再嚟，因為想再試吓佢嘅燉鮮奶，但應該會揀無咁多人嘅時間先嚟。📜🍴🍴茶餐 $52