潮豐潮洲牛肉店

營業中

休息中

話說琴晚收工餓到肚打鼓，近排又凍冰冰未行近已經聞到邪惡的沙嗲湯香味——就係呢間開到凌晨仲係咁旺的潮豐！ 個沙嗲湯真係好濃！完全唔洗加其他調味料已經夠哂味！重點係大大碟本地手切肥牛又甜又重牛味，加多個出前一丁食哂都唔過分。 #元朗夜貓食堂 #沙嗲湯#本地手切肥牛

好耐無打冷，早兩晚就同朋友揸車到元朗打冷，呢度真係抵食夾大件，蠔仔粥啲蠔仔全部大大粒，漲卜卜😋😋😋蠔仔餅煎炸得好香口，面脆入面又唔會太乾，豉椒炒蜆，好有鍋氣，好有風味，仲有韮菜豬紅💪🏽💪🏽炸大腸都好好味，但唔記得咗影相😅下次黎食再影過👍🏽👍🏽👍🏽

屋企人好鍾意食打冷，搵邊度有打冷好食，元朗都幾多，呢間都好多人食，門口有人喺度斬料，望落廚房都好有鑊氣。蠔餅，例有例有大，我哋四個人食個例牌嘅份量都夠食，唔會好油，仲係好脆，都幾多蠔，啲蠔都好甜乾炒牛河好有鑊氣，不過牛肉唔係好多唔會成個碟底都係油滷味拼盤，樣樣有啲，墨魚最好食，紅腸鵝腸都ok蜆芥鯪魚球平時食鯪魚球勁驚有好多骨好難食，好彩呢個完全冇骨，又或者係因為炸得好脆，脆卜卜好食，側邊真係有一碟蜆芥，入面有一粒蜆肉，不過個汁好鹹椒鹽鮮魷炸得好脆，唔會好多粉，魷魚都好大舊，夠乾身，唔油，但入面舊魷魚仲好嫩好彈牙

朋友話好想食潮州打冷，聽人講潮豐呢間喺元朗都好出名，所以就走去試吓。呢一間喺元朗都算係歷史悠久，好多元朗人都走去光顧。餐廳一貫潮州打冷風格，摺檯摺凳，餐廳侍應一貫豪邁性格，招呼左我哋坐低。我哋ordered 有骨鵝片，蠔仔粥，豬紅，通菜，啤酒。上菜速度都好快，唔使10分鐘，全部菜都想齊，真係好誇張，而且餸菜嘅質素都非常好！有骨鵝片，肉質鮮嫩有味蠔仔粥，足料美味豬紅同通菜都唔錯，所以有時間入元朗都可以試吓，應該都有一份唔錯體會，下次再想試下佢嘅打邊爐

來吃過好幾次了，已經是常客，打冷來講，我地都很喜歡吃這間的口味，今次兩個人去吃，叫左滷水鵝，滷水香濃入味，椒鹽九肚魚，烤得香脆可口，魚很滑入口即溶， 至於蠔仔粥就每次必點架啦！😋

《🍻宵夜記～大排檔風味》，今次試另一間講咗好耐會嚟「潮豐」，室內有冷氣，有幾張枱，室外就全部都係枱，好有風味，但天氣太熱🥵，室外一定受唔住，還是選擇坐室內嘆冷氣🥶打冷、小炒、火鍋🍲任君選擇🤗，種類繁多，我哋當然係揀小炒啤酒🍻 啦😍宵夜呢個環節，炒蜆少不了，必叫🤗馬拉盞炒豬頸肉 ～ 好野味，可以稱得上「濃味」，送酒一流，用西芹，冬菇，秀珍菇炒，好香，不過，我哋都唔食西芹😑豉油皇炒麵 ～ 都算大碟，麵質幼細，味道不錯😆

話說約咗一班舊同事喺元朗食飯咁原本以前呢班同事都係元朗認識所以就約咗喺元朗食飯啦諗來諗去諗唔到食咩就唯有食打冷咁呢一間潮豐已經開咗好多年，以前就成日食嘅，今次睇吓佢水準有冇跌咗咁其實啲嘢食水準都冇乜點變啦又未到好差又未到好好，唯獨嗰啲做嘢嘅人依然keep住都係態度正確，啱就食唔啱就走講番啲嘢食啦啲嘢食中規中矩啦，但係個蠔仔粥就腥左啲，個沙拉骨啲長集中埋一齊，吵得唔夠均勻，上菜同埋食得多比較趕急，所以都係快食快飲快走

情人節，懶係要慶祝吓﹗老公收夜晚，就搵間嘢食宵夜﹗睇到元朗話「打冷別無他選」、「元朗打冷第一選擇」.....點知就中左伏﹗夜媽媽，其實食左飯，去到飲吓啤酒，叫兩樣嘢食吓﹗老公要食小炒王，叫左﹗都OK.....收得你$138，有梅梅地嘅帶子......粒，有雪藏蝦，有舊魚，有幾塊魷魚....咁上下，再有九菜花，蝦乾.......其實都OK.....再叫多個滷水什併.....就出事了；半碟肥腩肉、半打粉腸……點食呀；我唔知一般什併有什麼？但印象之中，無可能係半碟肥肉啩？可能我少打冷，但如果比人捧到上天，話「元朗打冷第一選擇」，我真係莫名其妙可能我又係太麻煩嘅，唯有唔再去啦﹗完﹗

妹妹住左元朗，變左我地成日係到搵好野食🤣有晚想打冷就試左潮豐一行4人嗌左小炒王，沙拉骨，韮菜豬紅，蠔仔粥，炸三寶（豆腐，九肚魚，魷魚），鹵水雜拼一黎就黎左小炒王，大家都知每間既小炒王都唔同，但呢間係超多料，而且有好多蝦乾同魚乾，炸到好酥，勁鍾意食呢個，不過佢就油左D,但每次呢個都係最快比人食晒既一碟餸😃😃韮菜豬紅量都幾多，豬紅冇腥味冇渣幾好食。呢間既沙拉骨係用豬扒唔係排骨，我地個個都覺得呢個一般，唔會再反兜既菜🤣🤣蠔仔粥一如既往咁多蠔，仲要大大粒好新鮮冇腥味，正！！炸三寶我最鍾意食豆腐🤣🤣外脆內家，炸鮮魷岩岩好，唔會韌！雜拼每次d款都有少少唔同，今次就多左肺,花生同埋腎，係今次我唔好彩食左一舊有味道既腎。。。。。🙈🙈🙈其他都好食！幾乎係元朗打冷既話我地都係食呢間多！下次再試下元朗唔同餐廳去同大家分享喇🥰🥰

好耐冇食過大排檔🌝依間潮風之前都食過幾次，佢嘅小炒王同潮州嘢都OK的。今天因為得兩個人，冇叫到太多嘢食只叫咗兩個小菜🕺🏻🕺🏻但可能因為真是太多人了🥹而且佢哋店舖人手唔夠。今次水準好似一般😯😯。其實見到佢哋打邊爐嗰碟牛肉都真係幾吸引，同埋有大排檔嗰種風味同感覺，下次如果多幾個人既話真的想試吓打邊爐🍲🤓🤓⭐️椒鹽炸豬扒⭐️味道是夠的而且重味👍🏻💕但豬扒就好像乾咗DD🤭⭐️馬拉盞炒通菜⭐️個通菜味道都OK既但就好像多水了一點😅⭐️白飯2碗⭐️

我這個人不喜歡浪費食物,但這間餐廳的菜式,令我寧願捱餓都不想吃…有人吃過十份推薦,說打冷很好吃,而且椒鹽鮮魷比我推薦的更好~被形容到那麼厲害,當然要去試一試~去到餐廳,桌子已經佔了大半條行人路~還好當天不算冷,坐外面還可以~不得不讚他們的滷水汁味道不錯,有很香的八角跟五香粉味~不過因為多款食品都是預先煮好切好,所以只會放入鍋裏再浸一下熱的滷水汁就會上桌...所以我們點的墨魚拼紅腸上桌時亂亂的...連最基本分開兩邊都沒有,就一堆的…(忘記拍照了)肉碎蠔仔粥的問題一部份可以歸咎於同行的人~因為我不吃芫茜的,而同行的人非常堅持這裏沒有,所以不用通知侍應...結果…就如大家看見的...同行的人應該一輩子都會記得這個粥芫茜…而且,媽媽是潮州人,我又怎會不知道蠔仔粥會有芫茜?但通常粉麵放面的芫茜只要極速夾起,我都可以接受,所以影響不算大~不過...那個粥水真的極腥極臭…自問算是一個喜歡吃蠔仔粥,也會生蠔的人,但這個粥真的是腥到一吃上腦…如果同行的人沒有推薦過椒鹽鮮魷,我也會覺得算是中規中矩~但其實光看賣相已經不太討好…炸粉不算厚,不過炸粉不是濕掉軟掉,就是硬而不是香脆…金蒜的確幾香,而且不只有魷魚

兩小口落去食個晚餐，叫左個韭菜豬紅，生炒骨，春菜腩肉煲。韭菜豬紅7/10先火速上左個韭菜豬紅，友人極力推介，亦係今次專程黎食試既一個菜，豬血有咬口，唔會一夾就爛，但無乜特別話真係一定要試，人多可以嗌，人小就食返自己想食既野好d。生炒骨8/10生炒骨係今日次既意外驚喜，醬汁甜酸度適中，骨都炸到好脆口，炒唔會話太厚，但骨比肉多，有好多舊都係8成骨2成肉，上枱時碟野個溫度唔夠熱，總括黎講有8分。春菜腩肉煲2/10今次比較失望既一個菜，春菜腩肉煲，成個煲既感覺係勁油，菜，腩肉都係油，入口成口油，最重要係，第一次上枱，煲出微煙，但食落口係凍，再叫拎入去整返熱，今次水都滾埋，但入面都係凍，得個底既餸係熱。翻食程度7/10

好耐未試過一齊出街食晚飯🥣今次元朗好朋友地膽帶路一齊去打冷今次我哋叫咗滷水雜錦，椒絲腐乳通菜，炸蠔餅，韭菜豬紅同埋豉椒炒蜆不得不提個炸蠔餅 即叫即炸上到枱仲係熱辣辣超級趣卜卜！大家一致認為個炸蠔餅係最驚喜然後椒絲腐乳通菜都好有鑊氣好好食 😋係個炒蜆感覺唔夠熱，韭菜豬紅非常之入味，但係韭菜可以再多啲就好啦😂😂😂😂為食ge我哋仲想叫多兩個餸😂😂😂仲叫咗個肥牛粉絲煲同埋一個油麥菜炒豆豉鯪魚🙂🙂 肥牛粉絲煲好好食，我哋即刻嗌多個飯😂😂😂😂油麥菜就真係好多油，不過味道係可以😌 非常之飽嘅一餐🙂

熱辣辣嘅天氣之下❤️‍🔥去咗坐室外打冷仲要打埋邊爐🤣我諗熟悉元朗嘅人都唔會唔識呢間打冷㗎啦🤣滷水鵝💭其實本身嗌鵝片不過落咗單所以就算啦照食🥲反正都是鵝💭佢比起滷水拼盤更加入味〰️份量合理〰️墊底個豆腐點咗醋好好食🤣(唔好意思其實我專係去點醋食😆) 滷水拼盤💭有魷魚，肥豬肉(定似係豬頭肉?)，紅腸，豬耳，大豆，應該仲有其他嘢食但我唔記得咗🥲好食嘅亦都夠味〰️不過因為我最鍾意係點個白醋所以都唔太記得原本個味🥲🤣肥牛醉雞鍋💭推介推介〰️係真係非常直接咁俾碟手切肥牛同醉雞🤣然後再加一個應該算係藥材嘅清湯湯底俾你🤣不過肥牛真係又靚又抵食👍🏻雞嘅份量同味道都好足夠〰️今次兩個人食所以另外淨係嗌咗生菜淥落去〰️唔知係唔係坐出面又好熱🤣個生菜淥落去食好好食😋

呢間係我地屋企御食既潮洲打冷次次黎都一定會叫金牌鹵鵝或者雜拼 份量亦多D蒜泥醋好正,  一定要浸晒落去 酸酸地仲有一定叫既炒蜆 同埋炒白菜仔 韮菜豬紅豬紅唔會有怪味都幾新鮮係呢度食野唔會好貴 多人4-5個人 都係100蚊多少少一位 CP都好高