潮螺螺真香螺蛳粉

營業中

休息中

在尖沙咀見到一間新開張的螺螄粉店，光猛整潔。開張第一天光顧。未食前只常聽螺螄粉的氣味很臭，入到店是有一點點特別氣味但不是臭吧。叫了一碗海鮮螺螄粉微微辣。湯夠熱，粉夠滑，味道足，沒有坊間所講的臭味😊。老闆說酸荀是用山水製作，所以沒有坊間臭味。份量足夠，對於我來說已很飽肚。叫了一個酸梅湯。用膠袋盛載再放入一個小鋁桶內，有特色。可能第一天開業，冰凍程度稍為不足，和甜了少許。老闆問了意見，應會改進吧 （不過人人口味不同。）絕對會光顧。

呢間開咗喺赫德道嘅小店主打螺絲粉,舖頭好光猛而且睇落乾淨企理,所以入去食咗個lunch 菜單嘅選擇唔多,主要係唔同配搭嘅螺絲粉,因為係第一次食,所以就叫咗招牌螺絲粉,亦都冇加任何額外配料,試一試水溫問咗店員小辣係咪最低㗎辣度，佢話bb辣先係，但係小辣唔會好辣，因為佢唔食得辣都可以食到小辣，咁我就要咗個小辣啦，點知辣到飛起，我下次一定會叫bb辣，而我亦都唔知佢所謂嘅'唔食得辣都食到小辣'係咩意思🥴但撇除個辣度唔講，整體嚟講係好味嘅，因為用料好足，有大量酸筍同埋酸豆角，而且剝咗殼嘅螺肉亦都有好多，湯底飲落去有鮮味嘅螺味，另外佢亦都畀埋有殼嘅螺，佢話係煲湯底嘅，如果想食，舖頭有提供牙籤畀你撩啲肉嚟食，但係我就冇咁嘅雅興個粉其實我覺得似或者直頭係米線，煮得好煙韌唔會過淋雖然售價唔算平要成50蚊一碗，但係係好味嘅，個人覺得好食過佐敦嗰間辣螺友，因為佢個湯底先甜啲，可以翻兜