潮薈館

九龍城呢間潮薈館裝修得古色古香🏮，充滿濃厚中式風情⛩️，木系深啡色調配搭柔和燈光💡，營造出傳統潮州會館嘅懷舊氛圍🎋。坐低就會有正宗潮州風味嘅開胃🥬醃菜，清淡解膩又開胃👅，每口都充滿潮汕地道🇨🇳風味。佢哋嘅滷水係👍招牌必食，三寶包括鵝片🍖、鵝腸同鵝肝！鵝片肉質軟腍，滷水香味滲透每一絲肉纖維🌟，鵝皮油香豐富而不膩💫。鵝腸爽脆彈牙，完全無內臟嘅臊味😋，滷水浸透時間夠足，啖啖都係精華💧。鵝肝口感軟綿，入口即化，帶有淡淡肝香😍，配埋滷水汁送白飯一流🍚！椒鹽鮮魷魚🦑十分之惹味，新鮮魷魚炸至金黃酥脆🔥，外層掛住薄薄生粉衣，一咬即發出卡嚓聲響！配搭🧄香爆蒜蓉同理辣椒粉，椒鹽味濃郁惹味🧂，魷魚肉質彈牙爽滑，炸功十足冇油膩感✨，係經典大牌檔風味嘅完美呈現👍！香煎九肚魚洛🐟係潮州菜入面比較特別嘅做法，一大片好似意式🍕薄餅咁上枱，食落去就有啲似🫓薄撐咁，外邊煎到好鬆脆🔥，入邊充滿鮮味嘅九肚魚🐟，點少少魚露一齊食，充滿潮州🥢鹹香鮮嘅風味。…查看更多

夏日炎炎，其實食潮州菜都是一個不錯的選擇，潮州菜之中，有冰鎮海鮮、凍魚、滷水美食和生醃海鮮，如蟹和蝦。此外，香口美食，如蠔洛、椒鹽九肚魚、芋泥鴨都一樣吸引。還有普寧醬鮮味、砂鍋粥、沙茶醬香和甜品，美味菜式多不勝數，確實不能抗拒。潮薈館位置九龍城區，由潮州人做主廚，以正宗潮州地道菜式供應，所以餐牌菜式選擇甚多，難怪如此多人來吃飯。餐廳地方以小菜館來講也算大，還有2樓，裝潢以中式水墨畫和中式花燈配上木枱櫈，帶著中國文化氣息。入座每位收茶介 HKD15/人，就送咸菜一碟，酸酸甜甜挺開胃。韭菜豬紅 HKD78，加入沙茶醬煮成，豬紅口感算滑，無論豬紅或韭菜，都吃上口都帶點沙茶醬香。汕頭蠔仔洛 HKD128，蠔仔洛都大碟，吃上口邊脆，帶點蠔仔鮮味，又有蛋香味，加少少魚露，鮮味更加突出。沙茶牛肉炒芥爛 HKD138，牛肉又嫰滑再加上沙茶醬香，送飯一流。芥蘭鮮嫩，拌上沙茶醬一樣好吃。潮州糖醋麵 HKD158，煎到2邊麵香脆，內裏麵軟口感，口感一流之外，最重要香醋配上砂糖，味道更加多層次，醋香香味十足，還有鑊氣滿滿，絕對是必吃之選。…查看更多

九龍城除了多泰菜館外，潮州菜亦有不少，潮薈館較一般打冷舖光鮮整潔。韭菜豬紅 豬紅切成正方形的不易散開，豬紅入味爽脆，配上同樣入味的韭菜下粥最佳。凍黃花魚魚飯多用肉質較結實的魚，煮熟後攤涼。是夜選擇黃花魚，貪其肉質細嫩，口感滑嫩無細刺，配上普寧豆醬鹹中帶甜。金銀蛋浸時菜 此菜材料豐富，皮蛋鹹蛋肉碎炸蒜佈滿菜面，芥蘭斜切，入口爽脆幼嫩。 蠔仔砂鍋粥 潮州粥不似廣州粥的煮到開米花，反而近似湯飯，飯粒一粒粒完整的。蠔仔份量下得不少，細細粒脹卜卜的。…查看更多

🪿九龍城潮州菜館林立，唯獨是呢間幾乎晚晚都爆滿，價錢合理，份量十足，值得推介！成晚食飯客人絡繹不絕，雖然都有Walk in客，建議上嚟食飯最好訂枱，咁就萬無一失啦😌🌱🍵先睇吓餐廳牆壁佈置同餐牌設計都股息故鄉，好似去咗武俠小說入邊嘅茶樓食飯咁！1️⃣汕頭蠔仔烙 $128推介指數：🌟🌟🌟🌟🌟蠔仔餅間間潮州菜都會有，但能夠做到足料之餘，厚薄同乾脆程度係恰到好處，呢間係做得非常出色香口！2️⃣滷水鵝拼盤 $188推介指數：🌟🌟🌟🌟🌟拼盤內除咗有鵝肉，仲有紅腸豆腐同埋滷水蛋，鵝肉非常入味3️⃣荔蓉香酥鴨 $138推介指數：🌟🌟🌟🌟🌟將鴨肉片連皮墊底，上面就係滿滿香糯荔芋蓉，酥脆嘅wrapping，食多舊都係淡淡好滋味！4️⃣油鹽水花甲$138 推介指數：🌟🌟🌟🌟胡椒香十足，新鮮花甲配上洋蔥絲，仲有吸收晒湯底精華嘅粉絲，海鮮迷一定不要錯過！5️⃣招牌方魚炒芥蘭 $118推介指數：🌟🌟🌟🌟看似普通嘅一個菜式，但能夠炒到本來口感就較硬嘅芥蘭軟硬適中，又唔能夠炒到啲菜太老，非常考驗師傅嘅功夫，加埋潮州地區嘅大地魚「方魚」，為呢碟素菜加添蛋白質、DHA同鹹香！…查看更多

自從港鐵開通後，放工去九龍城食飯都方便好多。今晚友人約咗去呢間食潮州菜，地下爆滿，要上二樓。菜式選擇經典傳統如滷水類，炸蠔餅，胡椒豬肚湯當然唔少得，仲有D比較唔常見如炒薄殼，蘿蔔灌章，生醃螄蚶/蟹(需預訂)。食潮州菜又點少得韮菜豬紅 ($78)?!韮菜墊底，豬紅變成一口過，入口幾滑得黎帶點煙韌。湯汁唔會過濃，令人一口接一口。想惹味好送飯，夏天日子最岩食通菜，咁就叫碟椒絲腐乳炒通菜 ($98)。條條爽口，份量對眼，腐乳份量岩岩好，就咁單食都唔會過咸。友人想食鷄，呢客家鄉咸鷄 ($168/半隻)係佢為今餐選擇嘅菜式，附上薑蓉兩碟。佢嘅咸香味滲晒落鷄皮入面，而鷄肉係幾滑嘅，點埋薑蓉係幾唔錯，亦係送飯好拍擋。鍾意食芋蓉嘅，就絶對不能錯過呢客芋蓉香酥鴨 ($138)。外面炸至金黃香脆，中間係芋蓉，底層就係無骨鴨肉。已切好一件件，要小心夾，因為實在太酥脆。入口熱辣辣，芋蓉綿滑，薄薄一片鴨肉入口唔乾，點埋個甜甜醬汁食，減低膩感，好好食。呢度嘅菜式份量足，全部出品都有熱度，價錢合理，下次想食多D其他菜式，就要叫多D朋友先得啦。…查看更多