潮興魚蛋粉

營業中

休息中

簡簡單單的一碗魚蛋米反而更有驚喜，魚蛋和魚片的味道都不錯，魚肉和麵粉的份量組合也很理想，不會只吃到粉而吃不到魚的味道，魚片很彈牙很爽口。另外多點了一碟油菜，選了芥蘭，就是好吃簡單的一餐。

今日喺灣仔附近做嘢就嚟咗呢一間連鎖嘅潮州麵食，一如既往，我簡簡單單叫咗碗牛腩河，味道嚟講，我覺得都正正常常，河粉嘅份量，我覺得都喺中規中矩，整體湯底嘅味道唔會太咸，我覺得可以接受嘅，牛腩亦都唔會太肥，可惜就有少少柴，為一改善嘅地方係餐廳嘅衛生情況，地下有少少濕，大家不妨注意。$44，價錢都合理嘅！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟

✔️牛腩牛什米，呢個價錢嚟講都算係幾大份，未到我就覺得不過不失，牛雜有幾種唔同嘅嘢，包括有牛腸牛肚牛肺牛蒡，每一樣嘢都做得唔錯，不過係牛腸有少少腥味，整體嚟講我覺得都可以接受呢一個價錢嚟講都唔算太貴，牛腩嚟講都幾好食，今日啲牛腩唔算太肥，米粉嚟講就不過不失唔會太硬，買單就最後$54，呢個價錢如果食lunch嚟講都可以接受啦，下次會再返嚟幫襯其他唔同嘅嘢食，見到都有好多人外賣，下次都會考慮外賣，因為入邊有少少擠迫！

新年過後灣仔區唔少餐廳都加價！今日去到潮興諗住食碗簡單魚蛋麵，落單後驚覺加咗價，加幅達5%，慨嘆人工加幅果然追唔上通漲係香港地出街食確實咩都貴！普通一碗魚蛋魚片麵（$42），有三粒魚蛋，三片魚片, 份量夠女仔食，味道偏咸，魚蛋有少少腥味，店內大字標題魚蛋無添加，之不過食完時有啲口渴，需要飲大量水，出街食飯難以避免食到味精！總括黎講，對呢間鋪評分唔高，主要因為味道唔突出，稱唔上難食，就普普通通！同區嚟講，以呢個價錢，比較推介食兩餸飯！

中午時分，灣仔到到都好多人食嘢，見到呢間朝興魚蛋河，唔使排隊仲有位，所以就入去叫碗魚蛋粉嚟食。叫完好快5分鐘左右就已經上咗碗魚蛋可，本嘢係熱辣辣嘅 食咗兩粒魚蛋之後細心啲望下碗湯，飄着好多一點點小黑點撈起其中兩粒放喺相紙上，有腳的，百分百係昆蟲。我同阿姐講，佢一手立左我張紙巾，同我講話係菜黎，我即刻係個碗度，再喺佢面前撈多兩粒落張紙巾，即刻影埋相，我而家放大俾大家睇。個阿姐即刻發老脾，大大聲叫我：你走啦你走啦你！你同我走！我答佢一句，你注意下衛生。我諗食嘢衛生係基本，你碗嘢有咁多虫，一句對唔住都冇，仲大大聲叫人走間鋪地下超污糟，無論枱上面嘅將由樽，筷子，豉油，全部都有積，個地下黐立立，所以其實碗魚蛋可上枱，我理應先檢查才食。今次買個教訓，一定唔會再幫襯！呼籲各位都寧願行多兩步食第二間，千祈唔好食紹興魚蛋粉！

今日路過，純粹食個晏晝，食咗個牛腩飯，食物來得很快，味道還可以，價錢在這區都算合理。最大問題係衛生，枱面丶地下丶醬油樽很污糟，員工態度非常欠佳！冇乜嘢都唔會再去！

同班姊妹打完麻雀之後覺得肚餓，嗰晚戰況慘烈，幾經辛苦先回到本，即刻割禾青走人，即刻走去食碗麵。可能係個店有番咁上下歷史嘅關，係連個餐單都有少少黐立立。叫咗碗 "牛丸拼魚皮餃魚麵"，啲魚麵好淋又冇乜魚味，真係有少少睇下差人意，牛丸大大粒夠爽口，但係冇乜牛肉味，牛丸沒有牛肉味，呢個又係咩玩法呢 ; 魚皮餃就似番啲樣，又大粒又結實又香口，裏面嘅餡料肥肥哋好夠口味 ; 個湯就唔係好好好油好似好肥膩咁，我最唔滿意就係有幾條菜，我個人向來都唔係好鍾意食菜。唔啱我口味。

放工嘅時候又落雨，又冇帶傘，實在太大雨唔想係街等咁耐，咁啱隔離有間麵店叫做，就行咗入去食番碗麵先，都有好多人好似我咁入去 避雨又可以醫肚，見到個餐牌介紹牛腩，就叫咗一碗牛腩撈粗加一罐可樂，牛腩都冧，但麵就一般，但好大碗，食完啱啱好停雨，走得。

no good unless no seats in round the corner sister shop and u insist otherwise try something else or u may regret

買完曲奇, 都要搵嘢醫吓肚, 就近有間潮興, 太耐冇食了, 簡單食碗麵吧 自覺潮興唔算平, 但佢既食品都有一定水準, 最鍾意就係佢哋既牛什河, 牛什較林身, 這是我比較喜歡的, 牛味亦較濃, 除了大腸內的肥羔比較多了點之外, 其他都好好食, 湯底鹹了丁點, 因我較喜歡濃味, 都覺不覺, 而且唔會覺油。

在公司跟同事想吃得清境些, 於是二人買來了一碗牛丸米及一碗淨魚蛋$67分享。牛丸米有五粒牛丸, 葱菜小人略嫌少一點, 牛丸實一些, 米粉不算很滑。淨魚蛋嘛, 好像有四粒魚蛋, 三數片魚片, 都是一般囉。以這樣的價錢, 夫復何求。好正嗎, 談不上, 不過也不錯。同事說買的時候見到店前一大隻蟑螂屍體, 別以為旮旯位就看不到, 勞煩留意番囉。以上為真實事件, 開食肆講求的不是衛生嗎? 寫出來都是想貴店留意番啫, 這就說不是小人親身經歷不被刊登? 做到咁, 不如唔好開食店啦! 有無搞錯! 本來俾OK, 都要俾喊面囉!

今日喺灣仔搵下午茶，經過《潮興魚蛋粉》，入去試試。魚蛋牛腩麵，魚蛋爽口彈牙，牛腩都好腍好入味，麵質好爽口。另一碗牛腩牛肚米，入口覺得牛肚偏咸。價錢方面都幾貴，唔飲嘢都$38一碗。

7月14日, 夜晚10點鐘睇完show, 出番灣仔搵個宵夜食, 行到出修頓附近, 一帶都係粉麵店, 竟然潮興都有2間, 就求其入咗間食d野~::: 牛什麵 ::: $25牛什麵上枱滾熱辣, 湯底聞落都幾香, 飲一啖有濃濃嘅牛骨味, 唔錯~ 牛什有齊下什基本, 牛肚、牛腸、牛肺同牛膀, 味道同平時食開嗰d一樣, 入味十足~ 唯獨生麵唔夠彈牙, 鹼味重咗d…潮興有好多分店, 我都食過幾間, 水準都係一樣, 同一隻湯底, 所以味道唔會差~ 不過衛生程度都係要改善下, 廿幾蚊一碗麵唔叫平, 都要計埋食環境價錢呢~

本來我都唔想咁衰比負評, 但係自從上次下午既冇咩人時段食緊面既時候, 個呀姐係牆邊打開個好似電表位既地方, 一掃就聽到"啪啪"聲, 一堆甲甴屍体掃晒落係d"登"同地下度...呀姐仲講笑話好耐冇打開過, 佢仲唔即時掃走佢, 係度吹水, 講真, 個刻我真係想反胃, 以後都唔敢黎食啦.我比差評, 係希望該店可以作出改善~雖然幾好食, 但都要注意下環境衛生囉.