潮興正宗打冷小廚

蠔餅（例$88）蠔餅👍🏽👍🏽，喜歡鬆脆口感的極力推介，蠔餅本身已有點咸味，原汁原味不用魚露也好味。鹵水雙併（例$120）鹵水大腸+墨魚，好香鹵水‘料’味道，好入味但不是死咸，底下墊的是芽菜和豆卜。白焯韮菜花（$73)韮菜花脆花沒有渣，姐姐比了豉油(就係普通豉油😅🙅‍♀️)，後自己用鹵水雙併汁撈勻👍🏽，下次下單要叫加鹵水汁😆。唯一可惜是吃不到清心丸（暫停😿)今次只有兩人，下次會再試其他菜品😋。食肆枱不多，大約10+張，如晚餐最好訂位或要預早一點到達啊！補充：有🐱店長招財仔😻…查看更多

元旦日在荔枝角睇完誤判好戲，朋友帶我來潮興，因已客滿，叔叔好有禮貌請我們等等，安排位置。中間兩次說唔意思，請我們稍等。有實等在唔駛5分鐘已有客人離開，迅速執好枱比我們入座。打冷去過幾間，第一次咁好招呼。朋友叫左鵝件，來到是花生豆腐墊底一大碟，都有好多件，最重要係食潮興才知這滷水鵝原來係咁香口。鵝唔肥，因買其他滷水店外賣，層皮太肥無乜肉食，朋友又試過有D食店，斬晒D下欄野比你。這碟送上來，會勻稱好多，不同部位都有！唔會死鹹，豆腐裡面仲好滑。我就點左蒜香蜆肉，少少香辣，無腥味，無沙，好好食送方魚肉碎粥一流，方魚肉碎粥一碗已些盛5-6小碗，夠晒熱同好香。另外蠔餅同我食開的唔同，食開的都係黑麻麻，好似用千年油炸過咁，油淋淋，潮興的是金黃色，入口不油膩，各款菜肴都係大大碟，好抵食，朋友還叫了花生豬手，好糯軟，仍然係香，味道也恰到好處，滿足的一頓飯！元氣滿滿！…查看更多

嗰日好夜先收工，先打電話去落定order。姐姐叫廚房整好曬先，我地到左之後成枱餸好正，好似翻屋企食飯咁！我地係衝住滷水鵝肝而嚟既，果然無失望！之後仲有好正水蟹粥，不過始終係街外食蟹有少少唔方便。豬紅好正宗，唔係雞紅。好入味好正。呢個反沙芋不得了，啲糖均勻咁黐喺個表面，粒粒砂糖嘅感覺，外脆內軟好正。。蝦棗都好經典好正，有2款夾雜無咁悶！好記得我哋去到已經好晏之後啲夥計已經收晒工。老闆冇催我哋之餘，仲叫我哋慢慢食。。好有愛…查看更多

上個月過年前同屋企人去左深水埗食打冷小菜1. 潮州滷水鵝片 $188- 每一片都好juicy，啖啖肉🪿2. 潮州滷水鮮鵝腸 $128- 夠爽好，好入味，完全冇異味👍🏽(都係一大堆芽菜鋪底😏)3. 椒鹽海蝦 $138- 海蝦就麻麻，唔太吸引，同埋啲蝦冇乜肉❌個人唔推薦❌4. 蒜蓉炒芥蘭- 正常嘅炒芥蘭，唔會苦，老人家都食到👍🏽5. 潮州酥炸芋泥卷 $108 - 幾鬆脆，又唔會太甜，係唔錯嘅甜品👍🏽6. 煎蠔餅 $105- 煎得夠脆，但係蠔嘅份量有啲少🤔7. 方魚肉碎粥 $118- 個粥係傳統嘅潮州粥啦，米同埋湯好分明🙈方面有啲硬，老人家完全食唔到🙈…查看更多

我公公好鍾意食乾炒牛河/濕炒牛河，但係我搵親嘅都唔啱佢胃口，今次調轉頭由公公帶路，公公推介嘅係係長沙灣熟食中心嘅餐廳。公公話要係依種嘅餐廳炒岀黎嘅先有鑊氣😋😋同公公一到餐廳，原來仲係早餐點心嘅時候，以為會要晏啲先有時菜手肉炒河，點知又咁好彩，公公問就有得食😆😆仲套餐有主食同湯，坦白講個湯就真係麻麻，得湯水，冇乜料嘅🙈而個時菜牛肉炒河又真係幾好味喎，望落好油，但係食落唔會話油淋淋，而牛肉都夠易咬，就算老人家食都咬到，夠淋。菜就基本野，冇乜特別😂…查看更多

正宗香港潮州菜非呢一間莫屬啦！今次食嘅菜單有餘下， 蠔仔肉碎粥 潮興手打蝦棗楊氏元朗烏頭王 潮州螄蚶 糯米大腸 菠蘿咕嚕肉 小炒皇 芥蘭炒臘味 黃金手打牛丸潮州糖醋麵每一道小炒都非常好味，而且炒得好香，咁大個女第一次試啲咁正宗嘅潮州菜！真係好回味啊！其中最好味嘅就是我最喜歡的蠔仔肉碎粥啦，啲粥好絲滑啊！而且暖笠笠，好適合冬天的時候吃哦！而且呢間舖頭有自製嘅腰果，啲腰果真係好香甜呀！而且很脆脆最重要是沒有增加任何添加劑和防腐劑，一開風就要即刻吃晒啦，真係好有心呀，現在很少食物會沒有添加防腐劑的呢！…查看更多

因為『糖醋麵』，所以近近地係長沙灣嚟個打冷。時日夜晚爆晒場，唯有坐係街邊慢慢嘆，門口就可以停車，勁方便。望下餐牌先今晚嘅主食，糖醋麵仲整緊！潮洲滷水什拼💲148▪️紅腸、豬頭肉、墨魚、鵝腸、豬耳、生腸頭、雞腎，仲多咗隻雞蛋，少有噃。滷水味唔重，所以少咸人仕啱。但中意食潮州滷水者可能未必能滿足，因為滷得唔夠入味。蠔餅例牌💲75▪️呢個完全唔掂，勁多粉又少蠔，蠔仔又細粒。所以話好食嘅蠔餅，真係唔易揾！韭菜豬紅💲65▪️正正常常，份糧足。呢間嘅豬紅好食過嗰間『潮味苑』多多聲，嗰間潮味苑嘅韭菜豬紅得嗰幾舊，呃錢。糖醋麵💲108▪️雖然要等20分鐘，但都值得，因為呢個情懷好多地方都冇。如再煎多陣，再脆卜卜啲就更好。唔講味道，因為已經完全忘記咗細嗰個種味。。要一讚係呢間打冷鋪個廁所好好好乾淨之外，味道仲好清新。呢間菜館斜對面都係打冷鋪，其實都幾好食，但環境就爭啲喇！…查看更多

去長沙灣食潮州打冷，呢間潮興平時都多人去食，今次去到不用等位，門前有一個大廚窗掛滿潮式打冷食品🦤🐟🦑，一目了然。除咗潮州打冷仲有其他小菜可供選擇，但我們想食打冷，所以叫了潮州鹵水雜拼、韭菜豬紅、煎蠔餅🦪和潮州蠔仔粥🦪，兩個人食全部叫例牌。韭菜豬紅例牌$65韭菜豬紅有微微辣味，但唔吃辣的都可以接受嘅程度，韭菜非常嫩冇渣煎蠔餅例牌$75煎蠔餅其實似炸蠔餅多啲，蠔都算多麵粉炸到脆卜卜，不過比較油潮州鹵水雜拼例牌$148材料有芽菜鋪底，鹵水蛋、腎、大腸、生腸、鵝腸、豬頸肉、腩仔、豬耳、紅腸和掌翼，鹵水都幾入味潮州蠔仔粥例牌$72蠔仔都多，加入冬菜好入味，味道很鮮甜，就算是例牌都足夠兩個人吃。…查看更多

同屋企人出街晚飯，就去咗阿爸推薦嘅呢間，平時佢就鍾意同frd係度飲酒吹水，今次就帶咗我過嚟試下。啱坐好就落咗佢哋最出名嘅「烏頭魚」🐟是用鹽🧂研製，係冷食由於食的好快冇影到相估唔到我會係打冷店叫水煮牛肉🐮🌶️不過係有驚喜的！味道夠重，似足四川味牛肉好多，配菜就有芽菜、木耳、香菜餸飯一流🍚另外覺得好有驚喜的就係呢碗韭菜豬紅有微微辣味，但唔食辣嘅都可以接受的程度😝除咗有韭菜，都有少少芽菜好快就被我哋食嗮，睇張相就知道…查看更多

潮興我從青少年黎到而家中佬間唔時，一個人黎食下叫個粥配潮州三寶今人有三個人梗係叫多幾樣鵝片，鵝腸，豬頭肉少不免滷水入味，鵝香唔柴，冇死鹹韮菜豬红整碟凍蝦整幾支大啤搞掂價錢ok la…查看更多

今晚同兩位朋友去左長沙灣食潮州打冷，依間潮興平時都多人去食，今次去到等位等左一陣，約15分鐘左右，我地叫左鹵水鵝片併盤，煎蠔餅，糖醋黃金煎麵，炸墨魚餅。首先介紹下鵝片併盤，除左有鵝片外，有生腸，腎片，墨魚及鵝腸， 鹵水咸味剛剛好，略嫌墨魚的比例較少。糖醋黃金煎麵，外脆內軟，麵質彈牙。煎蠔餅，其實係似炸蠔餅多d，蠔都算幾多，不過比較油。炸墨魚餅就有8件，炸到金黃色，配上酸甜汁，非常好味！總結，四碟都好大碟，我地三個人都食唔晒😂😂😂…查看更多

7月18日/星期日，一行四人試街坊小菜，之前俾個同事老點，食完失望。韭菜豬紅$58入味嘅，正常嘢。三杯雞$99垃圾，我叫嘅喺煲仔菜唔係小菜，個煲熱都唔熱，用手摸都得，有影相，個煲底黑都唔黑，煲仔正常用咗一次個煲底都會黑色嘅，佢喺新嘅一樣，只係一個炒完嘅小菜倒落個凍煲度，然後上枱咁樣，咁我不如唔好叫煲仔菜。。。滷水拼盤/例牌$139芽菜底，滷水蛋，腎，大腸，生腸，鵝腸，掌翼，豬頭肉，腩仔肉。豬耳，紅腸。腎太乾太硬，滷水蛋好似台灣啲鐵蛋咁，有牙先好食。糖醋麵$99呢一個糖醋麵。。。叫嗰時真係滿心歡喜滿心期待，但係嚟到之後。。。好似我塊面咁，又燶又散修修，本來諗住叫佢退貨，但係如果退貨我又點會有嘢寫，自己評價呢個糖醋麵有幾好食。炸蠔餅$73上枱熱辣辣，脆卜卜有蠔嘅，賣相好似蠔仔天婦羅咁。結論：冇下次。…查看更多

上星期同同事去食打冷嘢，搵左好耐都唔知食邊間好，最終決定食呢間「潮興正宗打冷小廚」，因為早排聽朋友講話呢間既打冷都幾出色，所以今次同同事試一試佢！我地4個人唔算大食，所以叫左5餸1粥，最好味既就係果個東風螺，加埋秘製辣椒油，令到我食過不停，其他嘢食都係水準之作，冇乜特別！呢度令我最回味既係可以搵返昔日既街坊生意情懷，比到我一個熟悉嘅感覺，雖然唔係住係該區，但熱情既職員令我感覺到好似去左一間幫襯過好多次既飯店，有一個回家既感覺😂…查看更多

呢間野不嬲出名，食客好多，今日同朋友黎打冷，叫咗最愛既兩樣潮州菜：潮州凍烏頭呢條烏頭好新鮮，魚肉上仲有最緊要既黃油😍 食落鮮味，肉質又嫩，唔會雪到硬晒軚，好食黃油卤水鵝肶卤水鵝不嬲鍾意食，呢度仲可以揀要鵝片定鵝肶； 啲卤水汁夠入味，連墊係鵝件底既蜂巢豆腐都入晒卤水汁味，讚仲叫咗個蠔仔粥，蠔仔幾新鮮，不過唔算特別，所以無影相，都算好食既總結：食物質素好唔錯，價錢又合理，難怪客似雲來；裝修係比較舊式，服務員亦多上了年紀，但都算係一種風味…查看更多

正宗潮式食物，潮式滷水雜拼鵝片，一次可以試勻多款滷水食品，鵝片嫩唔鞋口，滷水蛋、紅腸入味，魷魚夠彈牙，腩肉夠肥美，其他都好出色，款款滋味。花蛤蠔仔粥很鮮味，材料豐富，十分足料，花蛤新鮮大隻。煎蠔餅，蠔味十足，脆口而不油膩。韭菜豬紅軟硬適中，有咬口，韭菜入味。價錢合理。…查看更多