潮盛館

營業中

休息中

新蒲崗人氣潮式打冷菜館，晚市要排隊等位，要預早少少來哦☺️小食雙拼（花雕鴨舌、麻辣海蜇）花雕鴨舌使用花雕酒浸泡入味，使每一口都充滿了濃郁的酒香，又不失鴨舌本身的嫩滑口感。麻辣海蜇保留了應有的脆爽口感，辣味層次豐富，但不至於喧賓奪主。和味菜紅棗蒸白鱔白鱔肉質鮮嫩，極其適合蒸的烹調方式，保持了魚肉的原汁原味。紅棗的甜味滲透到鱔魚中，為這道菜增添了細膩的甜香，使得整體口感更加圓潤。 米水仙菌淮山米水仙菌的香味濃郁，又有一絲清甜，非常適合搭配柔軟的淮山。淮山的口感細膩，且營養豐富，二者結合既滿足了味覺上的需求，也顧及了健康因素。鮑魚撈麵鮑魚鮮嫩多汁，與彈牙的撈麵相結合，每一口都是享受。醬汁的調味非常到位，濃郁卻不過鹹，完美地提升了鮑魚和撈麵的口感，吃到停不下來。凍奶茶奶茶醇厚的奶味與濃郁的茶香相互交融，口感絲滑，甜度適中。茶香與奶香非常濃郁，每一口都讓人回味無窮，既解渴又滿足。

今日去左Airside行街，想搵食但係無論係Mikki定Airside都係大型連鎖無乜特色，專登再行過少少去到越秀搵食，搵到間唔錯嘅推介下。天氣熱唔想食飯，一入去就叫左兩個麻辣嘅前菜同蠔仔粥麻辣魚皮🅰️🅰️🅰️🅰️🅰️魚皮凍凍地，好爽脆，辣度同譚仔麻辣小食一樣，餸酒一流，而且都係份量多，好快就畀我地夾哂😂麻辣雞翼尖🅰️🅰️🅰️🅰️微辣，肉厚唔係雪到硬，目測都差唔多10隻，幾抵玩蠔仔粥（碗）🅰️🅰️🅰️🅰️🅰️呢個粥蠔仔有鮮味，大大隻又飽滿，無沙，其餘粥同湯水正正常常已經足夠我去推薦畀大家。最後我地叫左個蝦乾排骨陳村粉🅰️🅰️🅰️🅰️開頭以為好似酒樓嘅份量，點知一上枱見到咁大兜都幾驚訝😂個樣同味道都好家庭式，陳村粉吸哂豉汁嘅味道，又唔會過咸，抵讚。不過排骨有少少雪味，呢度佢地要留意下。最後我地加左羊肚菌燉湯，足料又好飲，仲有幾粒羊肚菌食到，值得加。係新蒲崗愈來愈多大型商場嘅情況下，呢d小店更加值得支持，我覺得呢間小食吸引，如果我係住附近一定會成日外賣個魚皮返屋企睇住電視食😝推薦畀大家嚟試下#新蒲崗寧遠街3-23號越秀廣場地下G25-G27號舖#潮盛館#潮州菜#涼拌魚皮#蠔仔粥

自從 #啟德港鐵站 🚇通車之後，帶動成個 #新蒲崗 同 #啟德 一帶都活化起來😃 眾所周知，#新蒲崗 呢區特別多好嘢食，所以好多時 #小秘書 放假都會過嚟行吓，順路食埋飯先返屋企😏 呢晚 #媽咪 有節目，為咗唔想 #老竇 一個人 #宅在家，我一早安排好同佢去 AIRSIDE 兜一轉，到傍晚先返過嚟試吓新餐廳「潮盛館」嘅師傅手勢😉每次路過 潮盛館 我都見餐廳裡面坐滿客😅 要是遇著假期，仲好多時要企到餐廳門口等位，睇嚟應該唔錯喎😅 難得同老竇撐枱腳，梗係要食好啲啲，呢晚就嚟個三餸一翅，等老竇吃個飽😉紅燒翅雖然我哋嗌嘅只係例牌，不過碟上面嘅 #魚翅裙邊 數量都唔少，一口飯一啖魚翅，原來用 #魚翅 嚟撈飯 真係咁爽個喎🤤滷水鵝腎#鵝腎 做得好入味好脆口，配埋墊底嘅 #滷水豆腐 一齊食，非常有風味🤤薑蔥桶蠔煲肥美嘅 #桶蠔 做主角，未打開煲蓋離遠已經聞到陣陣香味🤤 再配埋啲 #薑蔥、#蒜子 一齊入口，鮮味十足🤤韭菜豬紅唔講唔知滑嘟嘟嘅 #豬紅 係老竇嘅至愛😁 熱辣辣嘅豬紅加少少湯汁一齊入口，有種啖啖藥材嘅味道，加上韭菜嘅獨特嘅味道，令呢度簡簡單單嘅菜式都變得特別好食🤤餐廳雖然唔算大，不過都裝飾

呢餐真係大癲！真係好耐無食過咁好味嘅中菜！自從開咗啟德站，要過來新蒲崗絕對非常容易，係Airside行完街，就可以過來捐窿捐罅搵嘢食，過嚟幫襯呢間無得彈的「潮盛館」！花膠雞煲翅（$108/位）一道經典廣東風味的湯品！雞肉鮮嫩多汁，與花膠的滑嫩質地完美融合。湯頭清澈透亮，雞湯的鮮香與花膠的滋補香味交織，口感濃郁而不膩。翅中帶有適量的肉質，煨至軟爛入味，清新健康。整道菜式營養豐富，適合作為秋冬養生佳餚。生啫白鱔（$198）食材的選擇很講究！白鱔肥美飽滿、皮質細嫩的，經過仔細挑選入料。白鱔慢慢地煨煮，令鱔肉完全入味軟嫩，肉質滑嫩鮮甜，與濃郁的湯調味完美融合在一起，食用時別有一番滋味。砵酒桶蠔（$198）新鮮多汁的生蠔，被安置在小小的砵酒桶中，蒸煮至入味。蠔肉飽滿鮮甜，帶有砵酒的濃郁醇厚香氣。桶內的汁液更是鮮美可口，桶蠔別具匠心的呈現，讓人驚喜連連。海鮮什菜煲（$118）一道豐富多彩的煲仔菜！煲內裝滿各式新鮮海鮮，如大蝦、魷魚等，以及各種時令蔬菜。濃郁的湯汁煨煮所有食材至融合，鮮甜可口。海鮮入味，蔬菜保留應有的脆嫩，口感豐富層次分明。整道菜式色彩艷麗，營養均衡，湯底味道清甜一絕！脆炸牛奶卷 （

放假唔知食乜好，之前見佢晚市坐滿曬，仲要好多人等位，應該唔差嘅，近近地就試下佢la一坐低就見枱面放左午市餐牌喺度，喺門口都冇留意到原來有lunch set，佢d款式都好多，差唔多有10個餐，同埋lunch黎講好少見有二人set嗌左兩個lunch set，蠔仔粥同招牌3寶飯，見個lunch話加38蚊可以有燉湯，就想揾人問下係咩湯，個店員好厲害，我未嗌到佢，佢已經留意到我想揾人，真係好少可遇到，抵讚！個湯係羊肚菌燉螺頭，未試過又好吸引咁就加埋，又加左個油菜，佢d小食又好吸引咁，又嗌埋川味皮蛋同炸牛奶卷⭐️羊肚菌燉螺頭個湯好好飲，平時喺湯入面d瘦肉會好硬，但係佢唔會，係食到嘅，個湯入面當然仲羊肚菌同螺頭la⭐️蠔仔粥li個好抵食，只係50幾蚊，一落檯比佢嚇親，佢隻碗大過隻拉麵碗，d蠔仲要好大隻，仲要有好多，食極都仲有，個粥好鮮味，食食下發現咬到d硬嘅野，個樣有d似魚乾，咬落去好鮮味，仲豐富左個口感，正！⭐️招牌3寶飯三寶飯有鵝腸，鵝肝，鵝肉，蛋，仲有酸菜，因為比鵝肝吸引左先嗌佢，未試過食凍嘅鵝肝凍嘅鵝肝口感幾特別，又有我鐘意嘅鵝腸，d飯唔會太多，反而d餸就好多，迫爆左隻碗，成個飯最有驚喜嘅係隻蛋，

【黃大仙區】【潮盛館】同春哥做嘢之後搵地方食飯，佢比較少嚟新蒲崗呢頭食嘢，冇乜諗頭之下是但揀咗呢間路口位嘅潮州嘢嚟試。佢試 $68 嘅「潮盛招牌三寶飯」，由於我哋係兩點半後入座，所以減咗十蚊。有鵝肉、鵝肝、鵝腸嘅配搭，仲有鹵蛋，咁嘅價錢食到呢個味道幾抵。我就試 $118 嘅「醉香三寶飯」，都係減咗十蚊嘅價錢嚟，我呢份就有鵝肝、墨魚、雞髀，好正呀，加 $5 轉「米粉」先驚喜，湯底係雞湯底嚟，好好飲，估佢唔到。跟住我哋都試咗啲小食，先試 $53 嘅「砂薑豬手」，幾大碟，沙薑味又夠香，係唔錯嘅。之後試埋 $47 嘅「藤椒魚皮」，佢哋切得比較細塊，一啖一件，好食，一件駁一件咁食，相當邪惡。我哋都加 $3 要凍飲，佢哋嘅「凍檸茶」同「凍奶茶」都係正常茶餐廳水準，唔錯。咁食法埋單先 $297，抵，原來佢哋啲下午茶都勁平，用嚟做飯堂一流呀。。。（地址：新蒲崗寧遠街3-23號越秀廣場地下G25-G27號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

這間位於新蒲崗的【潮盛館】，主打潮州菜及中式小菜，款式甚多，而且不需加一，價錢相宜。全日外賣自取88折，而且有滷味客飯，幾十蚊起有交易。有一間細房，私隱度高。酥炸百花油條油條釀了彈牙蝦膠，炸至金黃香脆。蠔餅蠔仔每粒都脹卜卜，鮮味十足，蛋漿炸至香脆。冰梅骨醬汁剛好掛在肉排上，酸酸甜甜，十分開胃，而且肉質嫩腍。鵝件、元蹄、大腸三拼份量十足，滷得入味，鵝件帶肉香，而且嫩滑；元蹄皮帶爽口；大腸乾淨炆得夠腍。方魚肉碎粥方魚香味突出，肉碎粥鮮甜。

超驚喜午餐之選［土魷蒸肉餅飯］身為新蒲崗嘅打工仔，每日午餐都要出去覓食。昨日經過＜潮盛館＞，見到佢嘅餐牌好抵食，已經打算今日要試一試佢。]打電話去叫外賣［土魷蒸肉餅飯］，點知待應話要等20分鐘，雖然覺得好耐但另一方面又覺得原來係即叫即蒸，唔係蒸好擺到風乾既千年飯😆😆 最後等左15分鐘已經有得攞。番到office一打開，好有驚喜。個肉餅比我想像大好多，起碼係平時盅頭飯既兩倍咁大，而且係超！級！厚！咬落口感鬆化，有肉味，無咩肥肉，完全唔會覺得油。佢既豉油唔會太咸，加上香噴噴既土魷同蔥花，配上熱辣辣既白飯，真係令人一啖接一啖。呢個午餐係超抵，超值，十分有驚喜。臨走既時候待應仲同我講，佢地每日都有唔同既午餐menu，可以上佢地FB睇，等我遲下逐一試下佢唔同既午餐超級厚，而且無咩肥肉

王朝潮盛館，環境雅緻，櫥窗的特色鹽香沙姜雞及鹵水鵝，還有鹵水鵝掌翼……等，非常吸引。餐牌有特色的潮州鹵水、及中式小炒、小菜……等，頗多款式。蠔仔粥，米粒綿軟，蠔仔鮮嫩，湯汁濃鬱。鹵水鵝件拼鵝翼，鵝肉細膩夠腍，而且鹵得夠入味，鹵香滲透肉纖。鵝翼也一樣，入味之餘，特別滑的鵝翼皮肉，非常喜愛食。潮式凍烏頭，是特色的潮洲打冷菜式，魚肉點沾上豆瓣醬，帶出魚的鮮味，凍烏頭食落更有另一番魚的香味。生菜豆腐鯪魚球煲，豆腐嫩滑，鯪魚球彈牙，生菜清脆。豐料燉湯，裏面有螺頭、雞肉，衛生淮山……等，湯汁醇厚，湯頭清甜。餐廳內氛圍優雅，裝潢別具一格，每道菜都展現出廣東菜的精緻與細膩，令人回味。

食肆的內部裝修新，環境清潔，店員有笑容。豐料燉湯每碗68元，淮山杞子燉雞脾，大大碗，材料還有豬肉，湯味清甜，有益美味。蝦干魚滑浸時蔬88元，份量多，蝦干味濃，白菜新鮮，魚滑爽口味道正常。特色鹽香沙薑雞半隻88元，雞皮肥美，雞肉味濃，沙薑一小碟，很有特色。煎馬友228元，重量為14兩至16兩，熱辣辣，馬友魚皮香魚肉嫩，帶咸味。蠔仔粥每碗58元，蠔仔漲卜卜味道鮮甜，方魚香脆惹味，粥味沒有過咸。不收加一服務費，性價比高。