潮盛館

營業中

休息中

我睇IG 見到foodie 介紹，即帶老人家去食啦，廢事佢地日日飲來飲去都係戈間2024年10月13日下午一點泊好車係越秀廣場地庫B3行上去一睇，吾對路，茶記甘樣老人家見到吾對路，我講：可能啲野好好食呢😅老人家：睇個格局會吾會吾好叫foodie 介紹既醉鵝肝，醉乳鴿，鯪魚球，鵝片先呢，求其叫下啲韮菜豬紅先，好食先繼續嗌啦甘我叫姐姐嚟點菜啦原來醉鵝肝醉乳鴿鯪魚球鵝片鵝件炸鮮奶鹵水拼盤蠔仔粥係咩都無！！之後即刻開車番東港城家上海食！！曬我時間依加兩點鐘飯都未開！！你無就吾好做無就吾好打廣告！！亂嚟！！你執笠啦，改名叫茶記未算學咩人開潮洲菜館浪費我泊車費！！講幾多句吾好意思都無用

好耐冇食過潮州菜喇，難得附近有呢間潮州嘢又肚餓，即刻入去醫肚先，呢個下午茶滷水鵝片飯我哋轉咗跟米粉，滷水鵝片碟上，份量比想像中多，而且鵝片肉質滑嫰，滷水汁調味剛剛好，香得嚟又不會太咸，藤椒魚皮，好抵食，好大碟，魚皮爽口，藤椒調味好香，不是一味死辣，煎釀虎皮尖椒有4大件，調味不會很辣，大大隻好飽肚，脆炸牛奶卷，呢個小食做得好出色，必點必試，外脆內軟又不會太甜，好好食，花膠雞煲翅，貨真價實，好抵，有兩大嚿花膠，裡面亦有一梳梳的魚翅，實在驚喜，翅湯是雞的精華，而且又不會過咸或過於濃味，正！餐廳裝修得幾靚，餐具同餐枱都乾淨，招呼亦主動親切，可以做飯堂

潮盛館新蒲崗寧遠街3-23號越秀廣場地下G25-G27號舖經開新蒲崗，老友推介地道潮州菜，食材新鮮有驚喜。😽醉香三寶飯鵝肝香味濃郁，口感鬆軟，處理得恰到好處。墨魚煙韌彈牙，鮮味十足。雞髀又香又滑，肉汁豐富，吃到中段可加醬汁，效果更佳，必食！🤤潮盛招牌三寶飯鵝肉、鵝肝和鵝腸好入味，鵝肉味香濃，鵝腸爽口煙韌，老友唔夠喉，追加一隻雞髀， 酸菜和醬汁好惹味，飯底夠香，推薦！😻麻辣豬手麻辣醬汁調配得好出色，酸酸甜甜，少麻少辣好開胃，豬手口感煙韌，豬皮彈牙，豐富骨膠原，面層加了芫茜、香蒜、芝麻和辣椒 提升層次，好味道！😍鹹檸七七喜中和了鹹味，檸檬新鮮，冰底夠凍，好爽！😁熱檸茶檸檬新鮮，茶味香濃。🐱潮盛館 環境舒適，食材新鮮，菜式地道，侍應服務態度好，還會再來。😎🤘🏻

潮盛館我真係食過好多次！由佢剩係得大角咀分店開始，去到我屋企附近都有，跟住觀塘、新蒲崗，見到佢蒸蒸日上，我都替佢高興嘅😝同埋喺美國嘅朋友每次返嚟都要食，另外有真正潮州朋友食過都話唔錯，質素有返咁上下！⭐️ 醉乳鴿一上枱個氣勢就好勁！乳鴿已經起晒骨，啖啖肉，入口好香嘅花雕酒香，未食過乳鴿咁有氣派！⭐️酒香鵝肝呢個係我香港食過最好食嘅潮式鵝肝，佢係軟腍腍咁樣，軟綿綿，潮式鵝肝整得唔好嘅話就好硬掘掘，我嗰時第一次食，真係哇一聲，好驚喜🥰🥰🥰⭐️蜜汁燒鱔燒鱔厚肉，有啲似日本嘅鰻魚，但係我覺得呢隻仲好食，因為比較爽口，鱔個皮又脆，今晚第二mpv 😝⭐️蜆蚧鯪魚球粒粒肥嘟嘟，好飽滿，用咗新鮮鯪魚肉剁成，唔會腥，蜆蚧鹹香味十足~

📍 王朝潮盛館🌍新蒲崗寧遠街3-23號越秀廣場地下G25-G27號舖Shop G25-G27, G/F, Yue Xiu Plaza, 3-23 Ning Yuen Street, San Po Kong📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝新蒲崗好多平靚正小店，比我同Ｄａｄｄｙ搵到一家潮州菜，啲野食超級足料又好食又抵食！▸薑蔥桶蠔 ◂＄２２８✿ 一打開就散發薑蔥香味，桶蠔上左層衣油炸過都仲係咁肥美肉嫩脹卜卜，大大隻又多件，好抵！▸蜜汁燒鱔 ◂＄１６８✿ 皮脆焦香，鱔肉肥美爽彈，塊塊都厚肉！！▸蠔仔粥 ◂＄１０８／窩✿ 蠔仔、肉碎、魷魚干、菜甫，用左雞湯去暫，鮮甜到爆，上次Ｄａｄｄｙ食完念念不忘，今次再黎食。▸滷水豆腐 ◂ ＄２０✿ 上次鵝肉拼盤，滷水味好正，今日唔想食肉就只係叫咗豆，勁嫩滑，特別係個豆腐皮有啲咬口。

近來新蒲崗多左d新商場，而佢哋周邊都好多食肆，我同老公就去左間新開嘅潮州餐館食晚飯。餐館好乾淨，非常光猛，餐牌種類又多，價錢合理，老公發辦叫左幾樣嘢。蠔仔粥 (窩)：食潮州嘢必叫主食，蠔仔新鮮，大隻，鮮味十足。最驚喜就係蠔仔多過粥，真材實料，正！生炸BB乳鴿：剛炸起，熱辣辣。皮薄咬落脆，香口。話就話BB乳鴿，但size都唔算太細，啖啖肉。乳鴿已調味，淮鹽都唔駛點，送粥之選。生啫白鱔煲：白鱔已爆香，配料有薑、蔥、小洋蔥同蒜頭等，唔腥。整體惹味，肥美，夠入味。用砂煲上，食都最後果件都仲係熱，幾好。

大鄉里出城😆 第一次喺啟德站出發過嚟新蒲崗，由Airside天橋行幾分鐘就直達Mikiki，好方便!! 心血來潮想食潮州菜，潮盛館晚市孖寶套餐由$178到$218，有魚有肉有菜，包絲苗白飯同飲品，價錢相當抵食。但今日想試多啲新嘢，就揀返單點😝 潮盛特色醉乳鴿賣相精緻，加埋乾冰效果更打卡。酒味唔會過分濃郁，乳鴿肉質夠滑，連皮食風味更佳。小食雙拼鴨舌墨魚醬汁較輕盈，主要食飯本身嘅原汁原味，我自己就比較鍾意重口味dd。鴨舌同墨魚係涼拌形式，鴨舌隱約有酒香，墨魚爽滑有口感。椒鹽鮮魷重口味之選，同平時食開嘅口感唔同，好似着咗層衫咁，裡面包住舊鮮魷🤔 椒鹽味十足。脆炸牛奶卷 好食😋 必須趁熱食😋 外層香脆，好似奶凍般既熱牛奶餡料😋 食咗三條都完全唔覺得膩。

🔸蜜汁燒鱔 ($168)蜜汁燒鱔甜甜地好適合配飯，份量多，鱔燒到脆口～每一嚿都已經起晒骨一啲骨都冇 🔸小食拼盤（$88）小食拼盤有多款小食選擇，有鴨舌/墨魚/豬耳/金錢肚/牛腱/脆爽海蜇/麻辣雞翼尖等等⋯今次揀咗墨魚同牛腱，墨魚爽滑彈牙，牛腱好入味🔸 砂鍋醬油炒飯 （$128）炒飯入面有鵝肉，配埋醬油一齊炒，用砂鍋上，別有一番風味～餐廳仲有晚市套餐，睇落都好抵食！📍潮盛館地址: 新蒲崗寧遠街3-23號越秀廣場地下G25-G27號舖

蜜汁燒鱔本身對魚無太大興趣，但見佢張圖好吸引咁，一於叫嚟試下。食過之後直接愛上咗😭佢個外皮燒到有少少脆，而且搽滿蜜糖甜甜哋，食落肉質彈牙爽口，但一啲都唔韌。佢仲好香魚油味timm! 佢一碟有好多塊，但係好食到我可以直接叫2碟獨食😭滷水鵝片佢個鵝片食落啲肉幾厚實，而且唔會得個肥字，滷得香之餘又唔會蓋曬隻鵝本身嘅鮮味。食完原味記得點醋食，滷水鵝要點醋先好食gaaa🤤不過如果下面啲滷水豆腐塊皮韌多少少就完美喇！醉鵝肝前幾日叫外賣叫咗個滷水鵝肝，相比起咧間嘅鵝肝簡直一個天一個地。佢咧度嘅鵝肝淨係睇個樣都知好嫩，食落真係入口即溶，口感同煎法式鵝肝無差，但一啲都唔覺得油膩。反而佢用酒去煮，令到佢有酒嘅醇香，越食越想食~~ 個人感覺佢同其他“醉”唔同就係佢食落唔會覺得苦，而係淡淡嘅酒香。一開始叫嘅時候幾驚佢會苦嘥曬咁靚嘅鵝肝，最後反而係點綴咗成個菜式😍鵝肉醬油炒飯佢個炒飯又係唔話得，用原個煲仔上菜，入面勁多料，有好多鵝肉同大大隻蝦。啲蝦爽口彈牙，鵝肉唔比滷水鵝片嗰啲差。另外啲都好好食，熱辣辣之餘又有少少焦香，如果冬天嚟食更加無得彈！！

食店環境好好，坐得好舒適闊落。店員姐姐服務好好。上菜速度理想，每碟餸都可以熱辣辣一齊食。食得好窩心嘅飯店❤️👍🏻1）滷水鵝片拼墨魚鵝片Juice入味，肥瘦適中😋。墨魚片彈牙美味。配合埋秘製潮州白醋汁簡直係絕配😋👍🏻👍🏻👍🏻2） 西蘭花炒帶子帶子數目好多。好有口感。西蘭花碧綠新鮮爽脆，香噴噴熱辣辣。份量十足。值得一讚🤗3）白飯熱辣辣飯味十足Menu仲有好多唔同嘅菜式選擇。好有特色。用心製作嘅食店🤗。

身為香港人，人人都知道新蒲崗隱藏咗好多美食！今次俾我發現咗呢間潮盛館！由於本人呢就10分鍾意打冷嘅，都試過好多唔同地方㗎啦，呢間係九龍區嚟講，真係算好出色！第一碟餸，我哋叫咗鴨片拼鵝腸無論食水定味道都10分足夠！味道勁有味！色水都勁滷味！如何腸都非常爽口而不膩！同男朋友叫咗人頭花膠雞煲翅！雞煲翅湯底真係非常好味😍😍😍每個煲仲有好多小魚翅同埋兩嚿大大嚿花膠😍咁辛苦做嘢, 真係要好好慰勞下自己！最後叫咗個椒鹽金箔炭豆腐，感覺勁奢華，外脆內嫩！新鮮上枱熱辣辣配上避風塘椒鹽，勁香口好味！

潮盛館位於新蒲崗，餐廳創辦人把多年做日本料理的經驗注入潮州菜，創造出獨特及創新的新派潮州菜。餐廳裝修中國風，牆上有一大幅中國古代山水畫。是日星期日晚上，晚市挺多人幫襯。酸菜魚 $98超大一盤，魚肉嫩滑，麻味極濃，很輕微的BB辣，底有薯粉，還有酸菜、雲耳，量很多，夠飽肚。西蘭花炒鮮魷 $128大大量，份量多，西蘭花清脆，鮮魷雪白。豉椒炒蜆 $128有好多隻蜆，蜆隻size適中。蠔仔粥 $68/碗一大碗，蠔仔大粒肥嘟嘟，比較像蠔仔泡飯。

新蒲崗都"潮"得起😋😋餐廳: 潮盛館地址: 新蒲崗寧遠街3-23號越秀廣場地下G25-G27號舖餐廳係越秀廣場地舖，距離Mikiki商場只係幾步之距，地點算方便。🔸鵝片三拼 (鵝片、鵝腸、墨魚）食潮洲菜就一定要食滷水拼盤，特別係鵝片。佢個鵝片肉質軟腍，而且夠入味；墨魚非常爽彈，本人好鍾意😍😍鵝腸就不過不失啦～🔸蜜汁燒鱔 上枱個擺盤好靚，又有花又有仙氣🤣味道有驚喜，皮脆肉爽，而且個蜜汁味唔會好甜，同鱔味好夾👍🏼👍🏼推薦🔸醉鵝肝我會形容係餐廳的"招牌菜"級別，我暫時未食過潮洲菜餐廳，可以做到個鵝肝咁入口即溶，而且伴隨有豐富的花鵰酒香☺️☺️出色!🔸蠔仔粥落足料，不馬虎😂

入到餐廳環境光猛，座位非常寬闊，適合家庭聚餐👍坐低咗睇完Menu，見到太多餸，唔知食咩好，最後叫咗呢幾個餸:- 海蜇手撕雞（半隻）- 椒鹽鮮魷- 西蘭花炒帶子- 蜜汁燒鱔首先食嘅係海蜇手撕雞，有好多雞，味道調味唔錯，大大份，食咗1半都已經有啲飽😋之後嚟椒鹽鮮魷，份量都係好大份🥰炸皮勁薄😋1食已經係鮮魷😍正宗啖啖肉👍跟住嘅西蘭花炒帶子，嚟到見到帶子，真係好好好大粒呀😍食落去好味道👅送飯1流😋最後加叫咗個蜜汁燒鱔，蜜汁岩岩好，唔會太甜👍燒鱔燒到有少少焦燶香，食落脆脆😝非常推薦大家叫呢個餸😋喺睇menu時，發現咗晚市孖寶套餐，有魚、有雞、有菜，都只係百幾蚊，下次會再同屋企人去食套餐🥰總結: 餐廳座位非常寬闊，菜式量大，套餐非常抵食👍非常推介蜜汁燒鱔😋如果朋友小聚會，非常適合🥰

今日黎到新蒲崗，見有間新開嘅潮州打冷餐廳，就同屋企人一齊黎試下。🦢鹵水鵝件 （$188）鵝件俾咗一個鵝髀嘅位，份量都好多，超級入味，肉質彈牙🤩鵝皮爽脆充滿骨膠原，鵝皮仲吸收晒滷水嘅精華，鹹鹹地好惹味～🥦西蘭花炒鮮魷（$128）西蘭花係爽口嘅口感，鮮魷爽脆，呢間舖炒嘢嘅水準都係水平之上💛🍶清酒煮蜆（$108）清酒煮蜆有驚喜，飲到清酒嘅酒香味，每食一啖蜆都飲到酒香嘅湯汁，非常之惹味😍🍳順德炒米粉 （$108）個炒米粉真係要大推，炒得超級入味，每一啖都食蛋香，咬落索索聲，有唔同嘅口感，令人keep住一啖接一啖😛😛我哋食到非常滿足❣️🦪蠔仔粥 （$68 碗）蠔仔一啲都唔腥，配芫荽,仲有蔥粒同埋冬菜，鹹鹹地配粥好好味😋初秋食一碗粥真係暖入胃❤️