潮滋味

約咗今日（12-9-2025 Fri）同女同事PM一齊出去食飯，我原本想同佢去傑志膳房，但佢話我知裝修中，打亂咗陣腳，咁去Piano Piano，但已經有人等位，我叫佢去睇CIAO，但佢行咗去第二喥，我眼見有人入去CIAO坐，之後我哋行去，係有位，但迫到安排唔到俾我哋，咁我哋去蒸蘆啦，坐低咗睇menu，所有特色點心都售罄，於是走人。咁去邊喥食？我哋行嚟呢邊睇，最後都係呢擴充咗嘅呢間，嚟到係有位嘅，睇完menu，PH揀咗$61.00嘅潮式腸粉餐香茜叉燒腸，要10粒海豐小米，加$3.00飲凍咖啡。我揀$61.00嘅潮式腸粉餐蝦米菜脯腸，馬鮫魚（湯），飲凍茉莉綠茶少冰。凍咖啡同香茜叉燒腸即到，份量適中，食落，腸粉口感唔錯又滑，叉燒係全瘦，冇蜜味係預咗。3.5分海豐小米黐住個碟，口感煙韌，冇留意咩餡料，但算香口。5分我杯凍茉莉綠茶少冰呢？莫講話甜，綠茶味都好淡。2分馬鮫魚（湯），湯有少少胡椒味，魚丸口感冇問題，味道亦濃。3分蝦米菜脯腸呢？等好耐好耐，係咪漏落？我哋催催，應該係老闆娘嘅人答個個都“爭”𡁵腸粉。終於嚟到，見到份量好多，蝦米菜脯都多，豉油又多，味道口感都正常冇問題。3分最尾我見PM未飲晒嘅咖啡，啲冰都溶咗唔少，我話你杯咖啡淡晒喇。佢答本身都已經淡。服務：上咗PM點嘅食物後，我問店員攞個碗仔，係俾一個，之後我叫多一次，店員叫我自己出去攞，佢跟住我出去，話我知喺邊喥，但佢用手輕推我，我心諗，係我嘅問題，但之後已經要我自己出去攞，唔使推客人吧。睇返之前2023年6月4日提交嘅食篇https://www.openrice.com/zh/hongkong/review/%E5%94%94%E5%A4%AA%E6%BB%8B%E5%91%B3-e4844843，佢哋係主動問客人要唔要碗仔。環境：新呢邊啲位舒服啲。抵食係2.7分…查看更多

而定周街都系大型連鎖店，食得多真系好悶大食妹鐘意搵下D特式小店，試下特式美食今日系京瑞廣場搵食，見到有間潮式小店，個menu 唔系平時食開的潮洲野，一於試試叉燒腸粉+海豐小米$59叫左個午餐set，海豐小米見字都唔系好知系咩系openrice search 見系類似粉裸的小食，食落都好似，不過個皮再薄點同細粒點，QQ軟糯包住肉餡幾好食叉燒腸系布拉腸，叉燒有少少柴斑斕多士$38斑斕多士份量都幾大，但系斑斕味欠逢，可以唔試…查看更多

每次到石門都一定會去呢間超地道嘅潮州小店「潮滋味」，冇花巧裝修，但每道菜都正宗到喊，耐唔耐都會掛住呢度嘅小米同腸粉！已經唔知嚟過幾多次～🐷 鮮豬雜扁實豬雜洗得乾淨冇異味，湯頭清甜帶胡椒香，扁實皮薄餡靚，咬落爆肉汁，暖胃首選！ 🍞 班斕醬多士潮式茶記創意！班斕醬香甜唔膩，多士烘到脆身，中西合璧嘅味道好過癮～ 🥟 海豐小米（招牌必點！） 晶瑩剔透嘅外皮煙煙韌韌，豬肉餡調味剛好，點少許辣椒油更惹味，一啖一粒好食到停唔到！ 🌿 香茜叉燒腸粉正宗皮簿餡靚熱辣辣嘅腸粉皮包住蜜味叉燒，香茜份量慷慨，潮式醬油畫龍點睛，同港式腸粉兩回事，必食之選！🍜 香炸豬扒腸仔米粉南乳豬扒炸得金黃酥脆，肉質鬆化唔乾柴，米粉索盡湯汁精華，加埋腸仔超滿足～ 飲品方面，仙草奶茶微甜香滑解膩，珍珠豆乳豆香濃郁，兩杯都係完美配搭。 呢度嘅食物保留傳統潮汕風味，價錢親民，想食潮汕小食一定要試！ …查看更多

呢間潮式餐廳開左好多年，都係第一次試，午餐去食幾有驚喜下香茜叉燒腸粉：本身好鍾意食皺皮腸粉，叉燒份量唔少，但個皮略為厚左啲，口感就冇咁好馬駮魚丸湯：魚丸口感彈牙，咬落幾多汁海豐小米：潮州粉果嘅外皮包豬肉同魚肉餡，加埋個鹹鹹地嘅醬幾特別豬雜湯：豬大腸冇腥味，豬肉丸一樣彈牙多汁雖然座位比較狹窄，但食物質素高，值得一試…查看更多

熱鍋小煮好食，拉麵索晒啲麻辣湯底，好夠味😋有好多配料：鮮蝦三隻、芝士腸、豆卜、海膽丸、菇、娃娃菜🤩麻辣手撕雞腸粉好食，腸粉軟熟彈牙，個餐仲包咗小食同嘢飲，真係經濟又實惠👍🏻👍🏻…查看更多

今晚嚟到石門搵嘢食，見到呢間潮州菜款式幾特別，就試吓食呢間，估唔到食物令我有驚喜！.我哋叫了一碟〈潮式叉燒菜脯煎蛋飯〉及〈海豐小米套餐〉.潮式叉燒菜脯煎蛋飯 —煎蛋超大塊！外表煎到焦香，內裡仲有蛋汁，唔乾唔老👍🏻配料有叉燒、菜脯、洋蔥及紅蘿蔔絲，份量好多飯量十足，好食又夠飽肚.海豐小米套餐 — 有海豐小米 + 墨魚丸湯 + 飲品第一次接觸海豐小米呢款食品，我覺得好有特色.小米似細細粒嘅餃子皮以蕃薯粉製作，口感似煙韌粉果皮入面包住豬肉餡，食到大地魚的味道配上蠔油或辣椒醬一齊食，係出奇地好夾好好食！辣椒油香辣、蠔油有鮮咸味咸咸香香又惹味，小米好有驚喜！😍.墨魚丸湯都好出色！湯有胡椒味，但唔會太辣，我食唔到辣都接受到，算好飲墨魚丸的口感厚實得嚟又幾爽口，唔似坊間好腍好粉嘅墨魚丸，好食👍🏻.至於飲品就好一般我叫了一杯凍茉莉綠茶，味道好淡，飲唔出茉莉或綠茶嘅味道而熱檸水亦無乜特別.但整體而言，食物好高質，值得再encore！😋…查看更多

潮滋味沙田石門安群街3號京瑞廣場1期1樓152號舖石門呢間潮州嘢係心機小店!! $56潮式腸粉 海豐小米10粒 仲有一杯飲品海豐小米既粿皮以蕃薯粉製作 QQ彈牙的薯粉皮包裹着混合左大地魚粉的豬肉 餡料豐富 好惹味自家製斑斕咖央多士都好好食！老闆娘話係佢親自整嘅醬黎嫁…查看更多

朋友帶我黎食過一次之後就經常黎啦腸粉套餐有腸粉，一碗牛肉丸或者餅仲有一杯茶，全部56蚊腸粉好好食，很有嚼勁，牛肉餅又好好食，小朋友最鍾意就係2點後嘅甜品。平時冇咁忙入去唔曬人均40，我同個囡食一個腸粉套餐都飽啦之後會試下菜茶…查看更多

潮滋味沙田石門安群街3號京瑞廣場1期1樓152號舖二訪試左潮式麻辣手撕雞腸粉 潮式手拉腸粉係皺皮腸粉 粉皮比較煙韌透薄 比起港式腸粉更好食 不過麻辣手撕雞汁比較杰身 但辣味唔太出 可能食番清淡既雞蛋豬肉腸會較好!…查看更多

【沙田區】【潮滋味】我作為沙田友，大家都見我成日周圍食嘢，不過其實我係住沙田嘅，咁冇理由咁耐都唔講吓沙田嘅餐廳。行經過石門，見到呢間潮州嘢，初初以為又係嗰啲鹵水拼盤、鹵水鵝呀嗰啲，但係睇真啲佢原來完全唔係賣緊呢啲嘢。咁特別，自費都入去食吓啦。見到「腸粉套餐」好似抵啲，就叫 $56 嘅「潮式腸粉」同「海豐小米」10粒，始終係自己出錢，我作為孤寒 Foodie 就梗係睇住啲錢做人。個腸粉味道一般，個做法似大陸係吸引但個汁麻麻。而所謂嘅小米就係薯粉皮包住撈咗大地魚粉嘅豬肉，係幾特別嘅。跟住我仲破咗 $29 財叫多碗「牛肉餅湯」，牛肉餅就好似牛丸咁，只係佢打成餅狀咁解，之前都好似喺其他場合解釋過，味道正常。嘢飲我加 $12 飲「黑糖西米九毛膏」，即係海藻類嘅嘢，味道可以。夾埋用咗 $97 叫做食咗啲特別嘢，唔算好好食，特別囉。。。（地址：沙田石門安群街3號京瑞廣場1期1樓152號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #石門 #潮滋味 #腸粉套餐 #潮式腸粉 #海豐小米 #牛肉餅湯 #黑糖西米九毛膏 #1am1558 #1ambackup…查看更多

食嘢食到一肚氣真係第一次，有個帶黑色帽扎條好長馬尾嘅阿姐，態度非常差，又唔認錯聲大大，老闆娘知個員工有問題都冇處理過，點解可以有啲咁嘅服務？我真係未試過食到成肚氣…查看更多

今日同朋友嚟到石門，去食一間以前由小店到而家做到成個石門無人不知嘅必食推介！⭐️香茜叉燒腸粉套餐 $53即叫即整嘅潮式手拉腸粉，滿滿嘅叉燒配上芫荽，口感豐富，香氣滿滿，而且腸粉又薄又滑，豉油唔會太鹹少少甜啱啱好！⭐️海豐小米（跟餐小食）每次嚟到都必食，外皮煙煙韌韌似粉果，內裏肉餡鹹香味足，配上蠔油同埋辣椒油無得輸👍🏻⭐️鹹麵猴$48口感煙靭嘅手搓麵團，配上花生芫荽菜脯魚片等等嘅配料，加埋鮮味十足嘅濃湯，成件事好圓滿！⭐️南乳雞翼之前店員推介食過相當有驚喜，所以每次都想叫嚟食，南乳味勁香，而且做到外脆內軟保留肉汁！⭐️仙草豆乳最近餐廳嘅新出品，奶茶就飲得多，仙草配豆乳就真係第一次飲，飲落又真係唔錯喎，豆乳冇奶茶咁甜，而且好適合一啲唔啱飲奶嘅人士！⭐️班蘭多士最後一定要講嘅就係呢一個多士，近期嘅新出品，只限堂食！而且一嚟到要盡快食，多士勁香脆，配上自家製嘅斑蘭醬，唔係講笑真係好好食！大家有機會嘅一定要試試，因為唔係成日有！…查看更多

在石門行行下街肚餓，又唔想成日食西餐日本野，一於入去潮滋味食野。侍應好好服務，叫我地坐卡位，又幫我地抹枱。建議我地食小鍋麵（雖然係拉麵）我地叫左一個麻辣小鍋麵餐、南乳雞翼、牛腩腸粉、肉丸湯同埋兩杯凍飲。牛腩腸粉好大碟，牛楠好香，腸粉滑，唔錯。肉丸湯比較遜色、肉丸有魚皮餃嘅味道，湯比較淡似水。南乳雞翼特別好食，雞翼有好香嘅南乳味，脆得來都好入味，瞬間就食晒。最後麻辣小鍋麵，雖然係拉麵，但係個拉麵特別好食，好彈牙，而且裏面嘅肉都係酥脆，仲有娃娃菜，非常足料，好想試多碗。而且，做菜嘅嗰位姐姐行出嚟問我哋好唔好食，非常好客。最後埋單兩個人$200都唔使。真係會去再試多次做菜嗰位姐姐都話嚟緊會出甜品，下次一定要嚟試吓個甜品。…查看更多

老闆娘簡直係不知所謂，明明係有問題都唔處理咗個客先就走去處理員工。有事逃避仲話等佢處理就死得啦，食完餐飯仲受氣過打工，明明受害者係客人，仲當正客人係想攞着數，簡直不可理喻，不知所謂。，以後都唔好幫襯佢。…查看更多

大大話話都食咗六七年，第一次食到凍左既腸粉，食唔落口就係食唔落口㗎啦，仲可以同我反駁：冇理由會凍架喎，唔通我特登昆9你咩，又唔會多左隻蛋俾我🤷🏻‍♀️cls問佢有冇微波爐叮翻熱佢，冇諗住叫佢整返碟新嘅俾我，我都唔想嘥嘢，純粹凍咗唔好食，之後無啦啦發脾氣同我講咩以後人均40。。。關咩事，而且講真$40好多咩？你哋間舖頭食物質素有問題，竟然向返我發脾氣，犀利！每次過嚟淨係想食一碟腸粉都有問題？你哋開門做生意，做到趕客咁款，唔想人食腸粉咪講囉，喺門口大大隻字寫明唔俾淨係食腸粉呀笨，食咗咁多年，次次都係食完就走。自問你哋繁忙時間，我會主動叫兩碟，都未講你哋一碟售價同成本相差幾遠，以前鍾意食係因為食到細個嘅味道，依家食到嘅只有滿滿銅臭味。人均40🙄，人均40🙄，人均40🙄，聽都厭。第一次食到凍左既腸粉，都係最後一次。…查看更多