潮正和

呢間近期新開嘅大排檔，比起以前而家環境乾淨舒適，令人有耳目一新嘅感覺。招牌正中大陸潮汕鮮牛肉配搭我最愛嘅卜卜蜆火鍋真係一絕！湯底清甜鮮味十足，蜆肉鮮美多汁，新鮮牛肉拼盤切片薄而滑嫩， 口感有 入口即化 亦有 牛味十足煙韌有咬口，感受到潮汕火鍋嘅傳統風味。手打鮮牛丸彈牙紮實，肉香濃郁，係必點嘅招牌之一。炸支竹腐皮炸得酥脆，香氣撲鼻，配搭火鍋食特別有層次感。皇帝菜爽口清新，吸收咗湯底嘅味道，成為絕佳配料。服務態度親切，店員介紹詳盡，令人感覺賓至如歸。整體嚟講，呢間潮汕火鍋大排檔將傳統做法同新式環境融合得恰到好處，無論係食物質素定係氛圍都令人感到滿意，適合一家大細或者朋友聚餐，值得一試嘅地道好味！…查看更多

前排同朋友去咗九龍灣呢間新開嘅潮式火鍋店，Order 咗佢哋嘅雪花牛肉同全牛宴，感覺整體好滿足，牛肉部位多到眼花，蔬菜選擇都幾新鮮，份量足夠，好抵食🔥招牌牛骨清湯鍋用金標小黃牛熬製，湯色清澈透亮，入口有陣淡淡牛香同鮮甜，喝落滑順唔膩。牛骨精華滲入湯內，配埋牛肉食真係正👍🏻雪花牛肉見住餐廳即切就緊係新鮮喇~ 肉質粉嫩肥瘦分布平均，涮落湯底入口即溶，牛味爆濃，尤其係雪花位嘅油花融化喺口內，層次分明😍全牛宴呢個簡直係重頭戲！勁多部位~ 包括三花趾、五花趾、匙皮、牛舌、雪花、胸口朥、匙柄、吊龍同肥胼，每款牛肉部位都係又見住店員新鮮即切~ 三花趾嫩滑多汁，入口鮮甜無渣；五花趾肥瘦適中，涮熟帶點脆口；匙皮脆脆地有嚼勁，匙柄就彈牙有筋位，牛舌厚實軟熟，吊龍瘦身牛味重，胸口朥同肥胼加咗油花，食落juicy~ 感覺好似食晒一隻牛嘅精華，值回票價🥢蔬菜方面，店內有多種新鮮選擇，放入湯底入口爽口解膩，配牛肉食好夾…查看更多

一年四季都要打邊爐既我今次黎到呢間內地連鎖牛肉火鍋店[潮正和]😍打邊爐除左個爐，最重要既一定係個湯底食正宗既潮汕火鍋必備 – 招牌牛骨清湯😎鮮甜得黎又可以帶出牛肉本身既味道必食推介1 - 金標生牛丸😎依加香港已經好少地方食到手打牛丸架啦好多肉汁,又彈牙,夠曬咬口必食推介2 - 全牛宴😎一碟有齊多個牛肉部位🥩胸口朥、三花趾、匙皮、匙柄、五花趾、吊龍等等每一款肉都各有唔同風味同口感最重要係大大碟!✨仲有其他各款唔同既新鮮蔬菜🥬位置闊落~一於叫埋親朋好友黎食啦!😍身為牛魔王既你又點可以錯過呢間餐廳呀!…查看更多

最近朋友仔帶我去九龍灣啟樂樓熟食亭食潮汕牛肉火鍋店——潮正和。感覺親民又地道。主打新鮮手切牛肉和秘製牛骨湯底。//招牌牛骨清湯鍋 先揀個湯底「牛骨清湯」，湯色清澈但味道濃郁，入口鮮甜，湯底不會太油膩，非常適合香港濕熱天氣//雪花牛肉我最期待的部位之一，油花分佈均勻，輕涮幾秒即熟，入口嫩滑得來又帶點嚼勁，牛味十足。配上沙茶醬或蒜蓉醬油，簡直encore完一碟再一碟//金標生牛丸 真係要大讚！牛丸是手工製作，口感彈牙得來又有肉汁，咬開還有淡淡牛香滲出。比起一般火鍋店的牛丸，質素高出幾班。環境乾淨企理，服務亦有禮。非常適合一班朋友聚餐，邊打邊傾，牛味滿載！…查看更多

「潮正和」嘅招牌菜式可以話係集合咗唔同精選牛肉部位,🐂為食客呈現一場視覺同味蕾嘅牛肉饗宴。首先係金標生牛丸,肉質鮮嫩多汁，🥩配合濃郁醇厚嘅牛骨清湯,湯頭清澈透亮,飽含牛肉精華,溫潤回甘,令人回味無窮。🍖而全牛宴更係呢間餐廳嘅招牌之作。由三花趾、五花趾、匙皮、牛舌到雪花、胸口勝、匙柄、吊龍等各式部位,每一件都經過精心處理,👍保留住牛肉本身嘅鮮美滋味。無論係軟嫩多汁嘅五花趾,定係彈牙爽口嘅三花趾,都令人難以抗拒。👏🏻整體而言,「潮正和」嘅菜品唔單止喺視覺上吸引人,喺味蕾上都絕對係一絕。無論係初次品嚐,定係老饕光顧,都可以喺呢度找到屬於自己嘅牛肉饗宴。期待下次再嚟一探究竟!…查看更多