潮成園

營業中

休息中

真心覺得好抵食的粉麵店(⁎⁍̴̛ᴗ⁍̴̛⁎)今天下午兩點的時候，肚子餓了，便走去找東西吃，朋友說旺角有一間很便宜的粉麵店，於是我便跟着她來到這間粉麵店吃下午餐 。(>^ω^<)眼見餐紙上的價錢很便宜，魚蛋加粉麵都是$20，☆*:.｡. o(≧▽≦)o .｡.:*☆又有不同的牛筋飯，牛肚飯，牛腩飯等等。。。(*☻-☻*)最後我叫了雲吞米粉。(≧▽≦)雲吞米粉上面有三隻雲吞。⁄(⁄ ⁄ ⁄ω⁄ ⁄ ⁄)⁄枱的旁邊有辣椒油可以自己加。\(//∇//)\賣單$20一碗。

Lunch想食清淡d, 見公司附近有呢間魚蛋粉店有得外賣自取，就試下食呢間。外賣紙上都有幾多選擇，平均都係廿幾蚊一碗，好似幾抵食。見‘一品四寶麵’好似幾吸引，決定揀呢個（$30）！另外見加碟菜都係$8咋，所以再加咗碟生菜，感覺健康d~😆12:45左右打去落order外賣自取，1點去到就即刻有得拎喇~好有效率！👍🏻👍🏻開餐喇，原來四寶係有：魚皮餃、墨魚丸、魚蛋&魚蛋片。同事叫咗魚蛋河，份量都差不多，但$21咋！勁抵食！下次可以考慮叫魚蛋河~🙈味道方面，湯底好清，唔錯！（個人最怕d勁油/勁濃味嘅湯底）魚蛋類全部都好彈牙，好好食~ 麵就不過不失，淥得恰到好處。最後到生菜喇，$8嚟講都算幾大份，幾抵食！而且d菜都好新鮮，配埋蠔油，正！👍🏻（溫馨提示：外賣盒係每個加$1）

當想食清少少或者糧尾嘅時候就會諗起潮成園～粉麵配一個餸最平$20已經有交易🤫今日叫左招牌魚旦河，唔好以為$20就hea底，佢d魚旦好真材實料，彈牙得黎魚味好香，份量仲要唔少，有3粒好大舊嘅魚旦加2塊唔薄嘅魚片雖然湯底喺清湯，但佢地每碗外賣粉麵都會跟一盒仔辣油俾你，非常貼心另外加左$8要多個生菜，一大兜夠我地3個女仔分黎食，圍返每位總共$24（每個外賣盒加$1）！旺角區黎講真好抵，動已滾😭值得一提嘅係佢地好高效率，呢頭電話落完單嗰頭去鋪頭就已經有得拎，對於分秒必爭（食完訓晏覺）嘅打工仔黎講好加分

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！今時今日，中午時分去食個晏閒閒地五六十去唔甩，但呢度最平$20就可以醫到肚，唔夠飽叫兩碗都係$40，簡直係窮人恩物！今日出開旺角諗住去HeSheEat食Tea，事前食d野醫肚又唔想食咁飽所以揀左呢度食粉麵！叫左雙拼牛筋魚蛋河加色、生菜同COT個粉咁平都咁大碗真係好抵食，性價比好高！牛筋有成六七舊，全部都軟淋淋，應該煮左一段時間，味道有好重五香味，好入味！心機之作！魚蛋都唔失禮，手打魚蛋彈爽口彈牙，無魚骨碎，不負手打魚蛋大王之名！生菜同COT就正常野，不過不失！咁嘅價錢有咁嘅份量同味道，真係平野有好野！

在旺角經過這間平民食店, 本想隨便吃吃, 就進來了。吃完發現不得不推介。如此低的價錢, 賣這種質素, 份量的食物, 真心欣賞, 以及覺得有良心。 咖哩牛腩飯 $35咖哩牛腩飯。超大碗牛腩囉.... (仲有超大碗飯!) $35 only!而且, 件件牛腩都又爽又够淋, 咖哩汁辣得來唔會太勁, 又够香。講真, 呢個水準, 優勝過好多茶餐廳.....但現今茶餐廳咁的份量的一個咖哩牛腩飯, 至少要$60, 晚餐應該不只。(味道都未必够這裏好。)招牌魚旦河 $20!!!三件大大件魚旦, 味道不錯, 够彈又有魚味。兩塊大大塊魚片, 一樣好味。$20 咋..... 平時食, 至少$30左右啦不錯的味道, 極抵的價錢。平民恩物。希望可以keep住。

今晚嚟到潮成園，叫咗一個牛筋撈粗，碟麵一到枱就已經忍唔住即係攞起筷子，差d唔記得攞部手機出嚟影相，好彩最後都有影相，講番碟麵先，牛筋同麵條嘅份量十分足夠，而且牛筋好軟淋，麵條好有嚼勁，再附送幾片生菜，翠綠清甜，呢度價錢相當大眾化，值得一嚟再嚟

走在旺角街頭，下午茶時段不想吃得太愎雜，來一碗魚蛋粉最好不過。沒料到魚蛋粉是這麽大碗的！湯底很清，雖然淡了一些，起碼沒有味精的感覺，加少許豉油可以提起鮮味。魚蛋魚片各三顆，質感爽彈，沒有腥味沒有碎魚骨。河粉份量相當多，口感亦很滑溜，不覺得油膩。更值一提的是那些綠蔥粒是勁香的，小人每一口河粉都夾著一些蔥來吃，真是滋味無窮，轉眼之間已幹掉整碗湯河鳥~~在上中下價錢俱有的旺角鬧市來說，這裡二十多元一碗巨型裝魚蛋粉，性價比是超高。

喺旺角鬧市後一條街，潮成園粉麵店，係速食嘅好選擇。呢度嘅粉麵都算幾平， ＄18起一碗粉面，加＄8有一碟油菜，白魚蛋都幾彈牙，面嘅份量都唔少，可惜個湯底太淡啦，不過作為一個人食飯嘅地方，呢度做係不錯嘅選擇。呢度嘅粉麵配上蔥同埋炸過嘅蒜蓉，非常香口，店員服務仲好好，姐姐話只要開聲，可以叫多啲，其他粉面店店員態度好兇猛，真係貼錢買難受，但喺度服務都算唔錯。除咗粉面之外，仲有碟頭飯呢，加深就有一杯凍飲，真係相當唔錯。

今天去上海街附近，未吃早餐見到潮成園就入去看有咩成。沒想到真的只有雲吞牛腩牛丸這些選擇。點了牛筋河配熱檸檬茶。整體comment是牛筋嫩及入味，不錯的，但河粉煮得太爛了。一吃就碎了！檸檬茶質量只是一般貨色……就是25元的一個普通的早餐……

之前食過，貪方便，快捷，拿拿聲呢度搞掂算！筋腩河。份量適中，腩唔太肥，牛筋幾爽貢丸墨丸河。普普通通，粉唔太滑！平平地ok既，所以環境、服務、食物，不能要求太多。

今曰下午，同事話要食平啲，又要夠飽，見到依間麵店，大大隻字寫手打魚蛋大王，仲要寫全場粉麵20蚊，咁我地就一行五人，入去就博一博先牛筋味道幾好，仲算大碗，但質地一些琳一些硬，口感不一致，但23蚊係旺角已經win 左，跟餐加七蚊有餐飲，已經包括凍或熱飲，叫菜食，跟餐都糸加七蚊，算抵食！

記得大約四年前左右喺附近返工都食過，嗰陣時仲係賣緊＄10一碗，真係覺得超值！今日因為做嘢經過呢頭見到，興致勃勃就走入去食。叫咗碗牛筋面$22同一支凍豆漿$8，個碗望落好似有點細，但食落一定夠晒飽。牛筋份量算多，好似食極都仲有咁🤣，口感有點爽唔夠林，始終都係林嘅牛筋係最好食。面底剛好，但湯底偏鹹，如果食完一碗都唔飲嘢嘅話，應該會口渴死。豆漿唔係自製，味道有啲啖口，但咁嘅價錢唔好要求咁高，午餐或者下午茶填下肚都係一個唔錯嘅選擇黎嘅。

話說dee個日去開旺角 見識完先達收機的盛況後 行到肚餓咪去食個魚旦粉 魚旦粉做下午茶岩岩好 咁岩個間野下午茶30蚊有單併粉面加飲品/菜 入到去點左個魚旦韮菜餃河粉加汽水 效率極高下 野食同野飲好快就到食粉面最緊要第一啖試下個湯底（ps. 魚湯同腩汁都係賣飛佛）一潷下...顯然發現變左三餸【飛飛魚旦韮菜餃河】 如下圖所示hehe 換過碗唔洗客氣喇 拿拿臨食完就走 

而家粉面一啲都吾平，所以愛粉面的在下都要揾出平靚正既粉面，而今日去左係旺角既潮成園既粉面! 價錢平但非常有水準!。非常多人 一定要答桌 因為得我自己一個😭😭 叫左牛筋拼雲吞河多葱！ 牛筋夠林夠入味！雲吞也一啲都吾馬虎 入面既大蝦十分爽！ 而且有麻油既香味 而河粉也十分爽滑 呢啲小店係香港買小見小。 大家應該多多支持！

香港有好多美食，但好多時，食太多其他野，最掛念的，原來是一碗簡單的河粉。潮成園的丸類全由本地生產，真材實料，水準未至於驚為天人，但全是穩紥穩打的。今次黎食，點左碗雲吞麵同牛腩河。雲吞細細粒，有3大粒，入面有鮮蝦肉同豬肉，簡單但足料，不過麵條就有少許鹼水味，所以整體不過不失。牛腩河牛腩好多，炆得好入味，一咬即散，仲有一陣花椒八角味，因為選了河粉，所以兩者好夾，但如果湯底再下少少功夫，就更好。不過這裡的賣點是平，以本地製作黎講，鬧市仲賣緊18蚊碗雲吞、魚蛋粉，這種小店，值得繼續支持。