潮成園手打魚蛋大王 (通菜街)

營業中

休息中

梘水味極濃！無可能食完！本来出品就是一般，去食也只是因為方便。今天個麵，真的令人意外！另外，雖然無預期，但起碼的禮貌，是應該有的吧。铺頭不大，但其實也不用呼呼喝喝。常常話小店經營困難，請人很難。如果要出人工，付租金，但又不能保持最低標準，包括员工的基本素质及食物水準，係咪即係慢性自殺！？

牛腩又香又夠腍，相當不錯，個價錢好抵食，平價高質👍🏻👍🏻👍🏻CP值極高😍😍😍又平又好食，唔使睇價錢！牛筋勁香又有口感😋牛筋丸又係勁香好彈牙🥰已經食過好幾次，今次叫咗：1️⃣崩沙牛腩、爽滑牛筋河2️⃣手打牛筋丸、鮮蝦雲吞河推👍🏻每次嚟都鍾意食第一個配搭😝

依晚小編要喺旺角睇show，show前唔覺好肚餓，但又知道睇完會好夜🤔，點都要食少少嘢墊肚，所以揀去食潮洲粉麵！🍜 柱侯牛腩河 😋😋😋😋本身想叫崩沙腩河，但一早賣晒，店員就提議叫牛腩河～ 上枱見到碗內有幾多牛腩，差唔多有六件，半肥瘦，而柱侯醬幾入味 👍🏻 牛腩油脂感令個湯同河粉寧舍滑溜，河粉軟腍，但唔會爛 👏🏻 食完都有八成飽，啱晒依晚小編嘅攝取量 😚晚餐 💵 約港幣$30/人💁🏻‍♀️ 嚟得粉麵舖就預咗唔會坐得耐嘅，但地方夠光猛企理～ 正常速度食廿幾、三十分鐘都係冇問題嘅～ 👌🏻🙆🏻‍♀️ 最後，喜歡嘅話，歡迎follow @foodirectory.hk ！

呢日同屋企人去波鞋街買波鞋.就係先達廣場附近有間粉麵舖《潮成園正宗手打魚蛋大王》我哋耐唔耐都會幫襯嘅高質平價粉麵.老實講呢度確係食物品質有保證.低食平價.當你落單叫咗主食由$22元至$3x不等.要睇吓閣下要食啲乜嘢.其後每加多一樣食材.包括（汽水及油菜）全部都係$8元.下午茶時段14:00至18:00 所有冷凍或者熱飲/汽水都係加$5元.但係啲座位有少許逼夾。今日三個人叫咗一個三拼粉及兩個雙拼粉.一罐可樂.一碟油菜.食咁多嘢全部加埋都係$144元咋 ！

牛腩、牛筋等都可算是港人快食飯閃的至愛，有五香、有清湯，各適其適。每次來旺角「潮成園」都唔係好嘢，因為多數係要去「先達廣場」修理 iphone 或者ipad ，今次就係後者 XD在等候期間就過對面吃碗「爽滑牛筋河」$33牛筋用滷水汁燜製，爽與滑都有做到：牛筋算粗條，炆得入味，滿滿骨膠原，有入口黐住晒個嘴之感：麵底通常我會選擇河粉：我要了「加色」(即多腩汁)，河粉非常掛湯，配合來吃，平凡中顯滋味：吃到中途，我習慣就會加上潮州辣椒油，讓食味多一重變化。作為一名「牛癡」，吃完真正的爽！

宵夜 潮成園 魚旦粉$23 抵食牛腩湯粉 $32 要睇師傅分配 。。。 第1次食 有筋有肉 7嚿 又嫩又滑第2次食 剩得肉 6嚿 肉嫩但冇筋淨魚皮餃 $28 魚皮餃 好味道 河粉滑油菜 $8 菜唔多 1分錢1分貨8元錢4両貨 第3次食 崩沙腩湯粉 $44 崩沙腩 vs 普通腩 味一樣 肉嫩滑崩沙腩勝少少 筋一層肉一層 貴少少相片展示有10嚿 但實物6嚿 感覺係 食番牛腩粉$32 都唔錯啦魚旦湯粉 抵食

話說旺角先達嗰邊唔知由幾時開始越開越多潮洲粉麵，仲要間好似鬥平咁，係2023年嘅今日仲竟然可以廿三蚊食到碗麵！雙拼加菜加嘢飲都係全部加幾蚊就有交易真係好抵玩！重要嘅係一樣好食！食湯麵嘅話個湯頭確實係偏咸咗啲，但係叫撈麵或者飯真係幾正，魚旦夠彈牙，牛腩夠咬口得嚟肉質幾嫩，仲要勁大碟送埋個紫菜湯比你驚你唔夠飽咁哈哈💛💛老細幾好人伙記又醒目已經多次幫襯，真係值得推薦下想食個快飯或者平平地嘆下粉都好啱使🥰同場仲有港製嘅爆谷寄賣呀

太早食晏，到3-4點有啲餓，想食嘢又唔想食太飽同太貴，俾門口個「22」引咗去。啲粉麵由$22-$42，大部分都係$26，叫咗麵加個菜都係加$8，汽水都係$9，巿區嚟講真係好抵。牛雜米 $30 通菜 $8有一件牛膀、兩件牛肺、兩件牛腸、四件牛肚以前食過太多難食嘅牛膀，呢間試咗一啖又可以接受。腸同肚都好好食，只係其中一件腸肥咗少少。另外好驚訝呢啲好平民嘅餐廳，全部職員都好有禮貌🙈入去之前以為呢D薄利多銷嘅舖頭，禮貌會一般，佢哋禮貌程度分分鐘好過同區D樓上cafe⋯

到糧尾嘅時候，想食平啲又要有質素，我就一定揀潮成園😆佢多選擇之餘又唔貴，仲係良心小店💛牛腩河都好正，煮得夠淋又夠味，本身個湯加咗腩汁都好正好夠濃，啱晒鍾意食濃味嘅人😆不過唔好期望可以坐好耐，因為人流都幾多，好多人幫襯。不過都試過星期六晏晝咁啱冇咩人，所以都可以同朋友坐低慢慢傾吓偈😆

崩沙牛腩米線$42見價錢開咁平，叫隻貴啲既牛腩試下🤤無叫錯，肉色深色啲，帶筋同脂肪 肉連筋好食好多🤤🤤肉味濃牛雜牛腩拼河$30＋$10（ 雙拼加十蚊)原本以為雙拼個份量會一樣( 只係個款式多啲點知呢間雙拼啲份量真係多好多 咁其實嗰十蚊都加得過呢隻普通牛腩嘅肉就淺色啲 的確冇崩沙牛腩咁出眾 不過都唔差牛雜都係份量幾多 👍跟餐加腐乳通菜$8好抵喎八蚊一個菜， 仲要好好食腐乳醬好味， 啲菜都新鮮好綠，唔老跟餐加zero $8跟餐加腐乳通菜$8好抵喎八蚊一個菜， 仲要好好食腐乳醬好味， 啲菜都新鮮好綠，唔老下次嚟旺角會再食👍👍抵不過佢都有缺點勁多人， 所以一張四人枱真係要坐滿四個， 要係咁同人搭枱好迫我坐角落少少嘅位 係咁聞到濕毛巾既噏味😵😵‍💫 少少影響食慾結論就係平同抵食好食 但係就冇環境同埋坐得舒服可言

印象中之前太子的潮龍園相當不錯，每每廿幾元有交易，再來這邊，之前看YOUTUBE看過講這條街幾間麵店，進入這間後發覺，放了間隔設施後，座位幾迫擠。那名肥叔叔懶型故作有霸氣，其實落單又錯又慢，落單都要慢慢來般。我叫牛腩落錯牛雜，看見賣相不吸引，毅然退回。不過牛腩都味道普通，牛腩質地偏瘦，皮及脂肪部分都不多，難言可口，都吃到滿口痴牙的；米線份量也不多，偏林，口感相當普通。以$30米線來說，只可說成中規中矩。

睇youtube 而黎既平時自己荃灣吃開既牛腩，牛雜河呢類都要35$，野飲半價都要10$／8$係旺角竟然有間係下午茶28$＋5$既真係估唔到，入去都已經係唔期望好食，唔難食，吃得飽就的份量計，算足，一般粉麵店既份量，牛腩大約6件，size分量都ok，牛腩質量還可以，唔會話好柴，吃得出有d牛味，湯底咸度適中， 同自己吃過既粉麵檔比較，呢間應該係中等水平要彈既係，辣椒油麻麻，係有辣味，辣度適中，但真係無乜潮州辣椒油應有既香杯熱奶就正正常常噤啦，無乜特別自己有兩家吃開既粉麵店，賣35$，好老實講牛腩質素係比呢度好少少發現呢間店係有款40$ 牛坑腩叫，我諗要用呢款比較先合理d，但落完單先見，唯有下次路過再試。旺角吃乜都貴既地方，竟然有呢個價錢既野，以後真係多個選擇

爸爸吾係到食飯做一日懶鬼決定吾煮飯黎我最常去的飯堂食番個例牌野先2個人去先叫左2碗野媽媽為食喵上身食完話要叫多碗炸醬粗麵橙橙地色酸酸甜甜幾開胃牛筋河牛筋夠軟身吾會食落好韌魚蛋米粉魚蛋魚片好有魚的鮮味

幫襯勁買💛潮成園⚪️@潮成園手打魚蛋大王-旺角通菜街物價高漲，明明細個食一碗麵都只係十幾廿蚊，而家係街隨便食碗雲吞麵都最少要$40🥲 但係冇諗過喺旺角鬧市中竟然仲可以20幾蚊食個飽肚嘅晚餐，仲要由清晨7點開到凌晨，隨時嚟食個早餐或者宵夜醫醫肚都好方便🕑餐廳主打手打魚旦，但望到隔離枱食牛丸食到舔舔脷嘅崩沙腩反而俾佢吸引咗🙊崩沙牛腩米線🥩位於牛肚皮兩邊嘅腩位，喺橫膈膜附近，就好似兩邊展開嘅蝴蝶，所以又稱「蝴蝶腩」🦋 筋膜相連，肥瘦剛好🔗 肉質嫩滑爽口，牛脂味香濃💨 唔使怕白色嗰啲❗️唔係肥膏而係軟膠質，入口即溶🤤雖然係Menu上最貴嘅一款餸菜，但非常好賣，如果黎到賣晒，就唯有下次請早🥹手打牛筋丸米粉🟤 $24牛筋同牛脂比例恰當，表面粗糙，嚼勁十足，口感完勝完勝牛丸🎖值得一提嘅係大家對速食餐廳嘅服務質素都唔會期望太多，因為顧客明白呢個價錢並唔包好嘅服務態度，餐廳嘅角度就係橫掂顧客們都依然會前仆後繼黎幫襯🤷🏻 但呢到絕對係打破左大家平野冇好野嘅定律🚨 親切帶位，一坐低，職員見到枱面有一條米粉，即刻講左句唔好意思，然後拎塊布幫我地抹枱🧽呢個價錢、食物質素、服務態度，真係性價比超高🔋食麵支持良心小店之

本身Plan咗食呢間，係門口準備入去嘅時候聽到有兩個年輕人話：「食呢間好冇？」「緊係好啦，平靚正！」一於睇吓佢有幾平靚正😼💛鳳城水餃麵 ($24)水餃餡好足料，蝦肉豬肉夾埋木耳咬落好爽口 ，一碗有3隻，每隻都成個匙羹咁大🥄平時唔鍾意嗌麵，因為我唔鍾意佢陣鹼水味😮‍💨 但呢碗冇鹼水味，而且個湯都好清甜😙💛一品四寶麵 ($38)🐡：魚蛋咬落好爽口，魚片頭就更爽口！每一種餸佢本身嘅味都好出！墨丸嘅墨魚味好出，貢丸都好有豬肉味，魚皮餃魚皮味好出，同出面個啲比再好食少少 (好似講緊廢話咁，但簡單啲講就係唔係淨係得陣粉味，比平時食開嘅更有驚喜🤩)💛酥炸魚皮 ($20)魚皮好脆，份量適中，價錢都算合理👍🏻💭有個呀姨好有脾氣😂 不過唔影響我同🐡食嘢💭雖然好平，但係份量就比較少，我都🐡都得5成飽😮‍💨 可能食兩碗都唔夠飽，但醫醫肚嘅話就還好