影片
港鐵荃灣站 B1 出口, 步行約9分鐘
繼續閱讀
付款方式
以上資料只供參考, 請與餐廳確認詳情
大前日（14-5-2024 Wed） 佛誕公眾假期，朝早同老公落荃灣送回收物品後搵嘢食，經過街市街，唔想食港式早餐，而食台灣嘢嘅臨記係ready中重未營業，咁就試下從未食過嘅呢間。我哋坐最入嗰張卡位，冷氣開得夠大，睇完menu，決定要:4. 熱檸水呢杯老公嘅，佢冇comment，應該正常吧。3. 熱奶茶喺呢啲舖頭叫熱奶茶，都有心理準備唔會好飲，一飲，茶味淡唔緊要，最重要係味道有啲怪，唔係平時飲開嗰種味，應該係茶膽唔同，就算我1加1少少糖都唔掂，但唔想嘥嘢，都成杯飲晒。0分2. $36.00嘅潮式扎肉麵睇見潮式扎肉同越式嘅好似冇乜分別，呢個味道清淡，口感正常冇問題。2.8分1. $38.00嘅五香牛雜河老公一路食，我就睇吓有咩嘢，除咗最多嘅金錢肚外，有少見嘅肺同肝，五香味啱啱好，口感都正常;而原來重有牛腸，有脂肪係正常，口感係韌，同我哋舊年喺妖怪（食評係2023年3月11日刊登嘅呢篇: https://www.openrice.com/zh/hongkong/review/%E9%AC%86%E4%B8%80%E9%AC%86-e4742763）食到嘅一樣咁韌，而且原來又有大腸。牛雜份量好多，好似食極食唔完，不過牛味唔算好濃2河粉我就冇試。4.5分價錢:11點前送熱飲，凍飲加$2.00。2.8分環境:除咗冷氣好勁外，就係係咁播國語歌。
繼續閱讀
其實我鐘意食牛除了牛扒，仲有牛腩荃灣食開一間幾好食的牛腩最近成日喺附近路過有時間都會繼續去幫襯今日都唔例外好彩晚飯時間都仲有位入去坐低都知道食咩，梗係牛腩飯所以menu 都唔使睇就直接向店員落單因為當晚人多落單後都等咗八至十分鐘就上菜落單時註明想要瘦少少嘅牛腩同埋想要多飯到上菜時一望，都幾滿意白飯都真係大碗牛腩望落都係比平時瘦的而其中一個想要多飯嘅原因就係要撈佢自家嘅辣椒油真係幾惹味而佢嘅牛腩食落好淋而且都有七八舊肥膏又真係冇乜牛腩菜底都有三塊生菜最後個紫菜湯，飲落唔鹹飲完唔口渴而幫襯咗幾次，店員同埋廚師對客人要求都算有求必應會繼續幫襯
繼續閱讀
Lunch 時間食叫咗個牛雜麵1 -湯雖然有腩汁，但唔夠香，得鹹味為主2 -麵揀幼麵，但煮得唔夠，好硬下3 -牛雜就幾夠，牛肚比較好，其他就唔夠入味，普普通通店都有廿個位左右，唔算逼，地方乾淨$38蚊碗牛雜麵算係禁上下唔會太高要求
繼續閱讀
早餐時間想快快手搵間餐廳祭吓五臟廟後趕開工，路過見裝修企埋、入面又唔係太多人，一於坐低試吓；原汁牛腩河真係非常簡簡單單的一碗牛腩河（牛腩+湯+河粉），先呷一口湯頭、嘩、師傅（味精）勁濃有點點咸。。。，為一可取的是夠熱，牛腩明顯係雪藏貨，入口有點柴同木，不過河粉入口總算合格、不過不失。綜合嚟講作為一個街坊早餐賣$36蚊碗熱辣辣粉麵真係冇得再投訴，呢度啲食物完全會令你食得飽，青菜豆腐各有所愛啦。。。。。。
繼續閱讀
價錢都幾相宜崩沙肺麵都係47坐得有啲迫 不過快來快去無所謂啦叫咗個崩沙腩飯$55賣相合格 大量芥蘭墊底意料內嘅無乜驚喜不過不失嘅味道叫飯奉送紫菜湯一碗味精奇重 洗腎系列
繼續閱讀