潮州冷美食坊

營業中

休息中

Family is visiting me today so we stopped by this restaurant for a quick breakfast. This Cha Chan Tan is a very local HK style serving good food with good price and good size. Iced coffee and iced lemonLemon is fresh without bitter taste and the tea has a good light flavour. Coffee is not pre-mixed which I like because the marble colour is just sexy isn't it. 5 spices beef cubes with rice noodleThere are a lot of beef cubes with just the right amount of chilli oil, the rice noodle is also cooked

大熱天時，又唔想煮飯，又想食小菜，最好不過就係去菜餐廳或小廚，解決晚飯。桂花蜜桃骨，味道酸甜，啖啖肉，外脆內軟，配料有菠蘿、青椒、蜜桃、洋蔥，加上清香桂花，增加胃口，系夏天最佳小菜之一。招牌蠔仔烙，這個小菜，我地必選之一，是即叫即做，很脆口，蠔仔也新鮮，點上魚露或豆瓣醬，係好餸飯。唔鍾意吃飯，可以叫碗粥，大大碗，粥底綿綿，粥配料又多，好好味！檸檬茶，檸檬水，是這間餐廳出名，夠大杯，茶唔會澀，無論什麼天氣，都是我不可缺少的飲品。

叫咗個西芹斑片炒麵外賣，返到屋企打開得嗰三塊斑片加西芹少過十條。$50？？ 味道還可以，係啲斑片好鹹，不過料就真係有啲少得過份！你求其俾啲魚柳片乜乜乜都好少少啦。。。

今朝一早去左坑口做野，做完野梗係要醫下個肚仔, 去左一間街坊茶餐廳食早餐，叫左個五香肉丁出前一丁+芝士腸太陽蛋+厚多士+凍奶茶成為34個大洋，性價比合理都算底啦佢地d肉丁都吾錯，感覺新鮮，有辣味。芝士腸同太陽蛋都煎得幾靚，過呢d出前一丁就吾似出前一丁，好鬼淋似大光面，厚多士吾似多士，吾脆嘅，可能呢區無乜茶餐廳，同埋佢價錢平，所以都吾少街坊幫襯。

小妹是茶記粉絲，好人好姐係鐘意闖入平靚正茶記，唔去一排就心癢癢，今個星期六下午，就闖入坑口這間茶記老舖。這間燒肉係我最愛，但雞扒也是我no2選擇，今個下午我揀常餐$38+$2凍飲麵~普通大光公仔麵，硬硬地，正宗茶記風格。(好食位: 有幾片草菇配襯+清清磨菇湯底)好過出面啲茶記用清水或鹽水湯底凍檸茶~花樽咁大杯，記得叫小冰，我叫左都幾多冰下。檸檬新鮮，茶底和甜味剛剛好！雞扒，炒蛋, 餐肉~其實同個麵一齊的，不過前後腳上，雞扒keep到好味道，係比之前size細咗...(好食位: 雞扒皮脆肉滑，食到淡淡美極味，味道唔錯)餐肉就煎到好乾....唯有放入麵湯中浸下炒蛋正常，唔難食這茶記無論咩時間都好多麻甩佬幫襯，佬味非常濃，啲阿姐好惡下，做關公主既朋友咪話唔提你，不宜亂進。食完了，個碟都幾多油，怕肥女士見到實牙痛咁聲！自問夠佬味就歡迎試下，包無失望。

一廂情願到名為潮州冷的食店吃鹵水鵝和烏頭魚的話，便會大失所望。其實此店並無掛滿大墨魚和各式鹵水食品，烏頭魚大眼雞等一律欠奉，實質以小妙燒味留住街坊客。可喜的是店子供應唯一一款潮州特色食品-----蠔仔烙，即蠔餅。看到幾乎每枱客均會叫此款菜，況且是此處絕無僅有的潮州食品，故此二話不說先叫侍應來一客。甫看到炸得呈金黃色的蠔餅，且絲毫找不到一點炸粉的碎渣兒，不得不佩服廚子預備蛋漿和調校炸油溫度的功夫。想起那些炸得焦掉了的粉漿和滿佈碟上的碎屑便令人倒胃口。故此看到這碟足有三大塊炸得完好無缺的蠔餅，心情和胃口都立時雀躍起來﹗而蠔餅的味道跟其賣相也成正比，也反駁了潮州人"孤寒"的說法，只因又香又脆的蛋餅中包含了為數不少的蠔仔，每顆足有姆指般大小，這樣跟又厚又大的蛋餅配合起來比例便很好了。由於蛋漿較厚，咬下去便有雙重口感，外脆內軟，不會像吃餅乾那樣一咬下去全碎掉，加上蔥段吊味，本身蠔仔也肥美新鮮，完全沒有泥腥味，難怪成為店內最歡迎的菜式。這裏的小炒款式也多，嚐了用鐵鍋盛載的豆腐斑腩煲，比用碟上菜更能保留餸菜的鑊氣。理應對雪藏的所謂"斑腩"沒多大期望，可是薄而均勻的炸粉可說令一塊塊雪藏魚柳起死回生，魚

有一天，突然想起要試試由西貢/將軍澳出發過海。一早行了上去村子的巴士站出發先前往西貢。第一天，不知道所需時間，沒有在西貢多作停留了，車轉車地，直到坑口，感覺又快又舒服，原因應該是未到九月，學生未開學吧。到了坑口，8點半也未夠，而之後的一程是地鐵，時間比較好預，便走出地鐵站，熟識一下坑口的飲食地圖。一出來，便找到將軍澳區比較罕見地舖食肆，安寧花園就立即成為了我尋找坑口早餐的第一站。顯眼的，就這一家《潮州冷美食坊》，地點好，地方又夠大，自然地是一間人丁興旺的大型茶餐廳。一個人，幸運地搭到檯，喜歡食麵的我已急不及待，叫下一碗雞扒麵。連皮香煎的雞扒，入口蜜味，雞皮完美地收縮，呈現出香脆的口感，麵底雖然是一般的大光麵，但這一片美味的雞扒，補回了不足。濃濃的奶茶，是提神良品，不過這一杯奶茶只有濃，濃而不香，奶味夠又如何。坑口的早餐，就由這一家《潮州冷美食坊》揭開序幕，不日，我會開始報導西貢墟及坑口港鐵站周邊，有什麼好地方食早餐。

薑蔥枝竹生蠔煲 $50送到枱上那陣陣香蔥香噴噴，生蠔太咸了，枝竹又被蠔油汁覆蓋，這個十油膩，煲底剩下極多油魚片粥配腸粉粥味濃有粒粒米爆花，雖然不算棉棉靚粥底，但比起一些似加了米漿的粥感覺良好得多豉椒牛肉炒麵牛肉一般，青椒豆豉汁濃，本來很乾身的炒麵撈起這些汁同吃很有風味，少少黑椒味，味道一般白飯 +例湯 $6例湯味道不錯，到底是味精湯或是老火湯就不大清楚，但飲後不覺很口喝應該不多味精

本來想試在此處附近的一所新串燒店，怎知道沒有開門營業，故此就走過來鄰店的美食坊，其實即是一所茶記來攪掂餐晏，推門入內，真的是很多很多人呢，見有不少都是工友來的，一睇就知此店是區內平易近人之選。既然是多人，搭枱是難免的了，都是快吃快走好了，看見午餐的餐牌，都是包例湯及飲品的客飯套餐，最後在七個選擇之中選了梅菜炆腩仔，之後很快就已經有個例湯喝，是西洋菜煲豬骨，湯喝起來是有丁點西洋菜的甜，但以其湯的顏色及濃度來看，其菜味及豬肉味都很是薄弱，但個湯偏偏又幾夠味，相信是放了不少師傅。之後就是一個大大碟的白飯加一大碟的梅菜炆腩仔，梅菜及腩仔以南乳炆過，其實觀其腩仔及梅菜的顏色，是炆得很是入味的，可是吃起來就鹹味夠而南乳香不足，看來都是先天不足的問題，就是那南乳不是靚貨，這也是成本的問題吧，腩肉瘦的部份雖說不上梅腍，但至少不嚡口及韌，肥肉更是有油香豐腴的感覺，而梅菜榨水榨得足，吃入口沒有死鹹死甜的情況，配點白飯吃，都算很好下飯。最後又是嘆茶的時間，奶茶只用上金屬杯盛着，可是茶身卻仍是頗熱，要比不少用上厚身瓷杯的茶記都要熱，之後慣怛的用鼻子先嗅一嗅，又有不俗的奶香，而茶香就薄了點，但請注意，至少是有茶

Today, just try this restaurant when travel there.....We tried 2 afternoon tea sets, Pork chop burger and Fish burger with coffee.Both burgers are quite large and tasty. Moreover, their coffee (hot & iced) is quite good as well (strong type and smooth). The bill is just $38, I really can't give any negative comment. I will definitely go there to have meals whenever I travel there again !Ps. those waitress are quite friendly too.

呢間野開檔幫襯到而家。日頭其實係同普通茶餐廳無兩樣，有粥同腸粉果的，水準麻麻，無正記咁掂。午餐多選擇，特別多地盤裝修佬幫襯。晚餐小菜非常普通，唯獨一樣野令小弟再三幫襯，就係佢地既蠔烙，夠正宗，做得好。好多人唔明白正宗蠔烙係點，心目中可能係蠔仔煎蛋，蠔仔薄撐，或者好似阿蘇帶人去離島個阿伯煮果的咁。其實通通都唔係果回事。烙，潮州人來講一定係炸既（唔係煎，亦唔係半煎炸），所以會有好多脆粉係周圍。係要蛋，不過更要粉，重有蔥同胡焦粉，咁外圍係好多爽脆既粉，但係近中間就會軟的厚的，多蔥多蠔。炸呢，係炸到深啡既。食既時候呢，重要有大量芫茜，重有專用辣醬，咁先係路數。潮州冷美食坊既蠔烙正宗，好食，足料，夠份量，抵食，味道好，而家唔係好多地方做倒。舊底廟街果的做法正宗，不過料就少得神奇。而家潮州冷美食坊仲有得食，真幸福！

我們昨日到潮州冷美食坊食晚餐:個蠔餅好大碟：雖然炸粉是多了點，蠔是細細隻的但份量一D都唔少，而且唔腥，曬左少少胡椒粉後更加好味，可以一試又點左西檸雞：雞肉唔算嫩滑，炸得有少少硬，西檸汁味道還可以連粥及送上兩碗例湯 (碗湯就.....)