潮州人

營業中

休息中

朋友介紹，第一次幫襯。 雖然舖頭仔細細間，原來係新開張，坐得好舒服，冷氣又夠凍。 試食咗佢哋招牌大蜆米粉，好新鮮又鮮甜。 米粉好幼身，湯底甜甜地，加埋一齊好好味。叫咗碟海中寶，有一隻大扇貝，三隻大鮮蜆，兩隻廣島蠔，兩隻醉蝦。 $78 又抵食又好味😋

見個店名，正常人唔會覺得唔係食潮州野，點知一坐低打開menu, 第一頁已經講店名叫潮州人但係唔係賣潮州野。。。當下已經覺得唔係掛，咁你點解喺鋪頭外牆仲要貼啲唔關事嘅正中潮州菜色嘅相片呢? 唔係誤導係咩呢？算啦，照食一次試下，真係伏。賣一碗米粉細size都要$52?有唔同topping你揀，我揀咗蜆，有4隻咁大把真係多謝晒。我食嘅時候係午飯時段12pm，唔覺有午餐memu, 所以碗米粉係唔包野飲，要飲另外加錢。但真心個湯係好飲嘅，基於係$52都只係食米粉同4隻蜆(差d忘記講碗底仲有3-4條牙菜)，我覺得要飲晒d湯個心理先叫平衡番少少。座位之間係非常窄，後面位阿哥一坐低已經頂我背隻咁滯。價錢同份量及用料唔成正比都可以開第三間分店，真係夠厚面皮。蘭杜街及附近有好多其他選擇，絕對無下次。

經過見到呢間新開張的潮州人都幾多人食，又好奇潮州米粉係點樣所以就lunch time 試吓啦。店舖面積細小，一眼睇晒，所以坐得幾迫，唔可以有大動作。由於擔心唔夠飽，所以order 左大碗米粉。手切肥牛米粉和廣島蠔米粉 ，$66+8 豆漿/竹蔗茅根用上新竹米粉，比一般米粉幼细, 湯底有鮮味，唔會口渴。如圖所見，配料不多，味道正常，但食唔飽….可能食湯飯會好d 😅 2個人$148 ，CP值不高Menu 選擇不多除單叫外，還有2/4人餐2人餐183， 計起來比散叫化算一點，但份量也是偏小。

期待左好耐既潮洲人終於開門口仲一堆花牌外賣雙拼大蜆醉雞翼湯米(細)$61 都ok翻到屋企一打開分左湯ok兩隻雞翼都合理但。。。。得三隻蜆，仲要係普通蜆，唔係menu所講既大蜆 😪味道普通，雞翼入味，蜆冇沙但好un😑