潮州人粉麵店

營業中

休息中

同朋友走左去呢間成日都排長龍嘅魚蛋粉試下佢咩料，排左大約10分鐘就可以入去喇💃🏻，order左豬心、粉腸、蝴蝶腩麵$47(麵類係選用上海麵)，豬心同粉腸都好爽口，蝴蝶腩亦5痴牙😋、另外1碗order左豬肉丸，墨魚丸、牛柏葉河粉$47(牛柏葉質地比較煙靭，墨魚丸麻麻地，豬肉丸好爽口同好有豬肉味，河粉仲好滑😋)，仲order左油菜(只有白菜仔)$19同細炸魚皮$12,每個湯底都加左d胡椒粉，辣辣地食落好好味😋

平日放假終於可以黎食潮州人🥳，一點幾黎到排隊等位，店鋪比較狹窄，不過尚算企理。黎到門口已經聞到濃郁既白胡椒湯底味，落單時候得知好多內臟部位都賣晒😫有小小失望！🍲三拼粉麵嗌左牛腩，魚皮餃同墨魚丸。湯底一如以往咁重胡椒味，惹味又帶小小辣口，芹菜同蔥粒既清新，令人忍唔住一直飲湯。試完原味後可以落老闆娘自家製既辣椒油，香辣帶蒜味，簡直係絕配😋牛腩分量幾多，有肉味偏瘦，無帶肥膏。魚餃同墨丸就正常發揮，只係想過下口癮先嗌丸類，下次會叫返牛筋同蝴蝶腩😂🍲雙拼粉麵至於第二碗就揀左牛肉同魚蛋。牛肉食得出鮮味，並無用過多既鬆肉粉乸過，灼至半熟，上檯時顏色粉嫩，入口帶甜！形狀不一既魚蛋🐟，食得出係手打而非機造，有魚味又彈牙，仲好過出面某啲標榜主打魚蛋既鋪頭！📍潮州人粉麵店 西環西營盤正街6-14號正豐大廈2號舖

叫咗蝴蝶腩、豬黃喉、牛肚河，唔係講笑，真係好正！👍🏻👍🏻👏🏻抵佢出名！連湯都飲埋！好後悔冇加錢叫魚皮浸湯食🥲顧客服務都好好，係你等待期間同事會幫手落定單等你入去，值得稱讚👍🏻🫡👏🏻

難得長假期當然是四周覓食，一向久仰大名，為食媽媽又提我可以去食下。好吧~ 星期六10時半左右到達店門外，已經人龍長長，大約等了半小時後就能安排入座。這店最令人著迷的是 有別於一般粉麵店地以胡椒湯底煮的麵，十分惹味，一不小心就把整碗湯都喝畢了~ 除此之外，店鋪亦鮮有地供應一些特別的豬、牛內臟部位，如豬黃喉、 口感軟腍的蝴蝶腩，而且質素很好。。豬什河粉 + 豬黃喉 (連餐飲) $53豬什及豬黃喉都是本店馳名的類別， 黃喉意外地爽脆，完全打破了我以往食牛黃喉的記憶。向來不好豬的筆者(很怕豬臭味)，在媽媽強烈推薦及開心sharing下試了幾件，非 常 好 味！十分乾淨沒有臭味之餘，每樣食材都能食到它獨有的口感，份量亦不少。。蝴蝶腩米粉 + 鮮牛肉 (連餐飲) $48若不喜歡吃內臟，都可以選擇鮮牛肉。 新鮮牛肉沒有被完全灼熟，保留了牛肉的鮮味，粉嫩的牛肉鋪在粉麵上亦很吸引。 蝴蝶腩味道比想像中沒那麼突出，重要主要在品嚐其口感。重口味的筆者都沾了些自家製辣椒油一同進食， 辣椒油很香，實在不容錯過。

早前有位靚女介紹了位於正街的潮州人粉麵店。 今日去探店，果然不錯😄!點了🐷豬膶魚餃米和豬膶粉腸米；美中不足的是只有粉腸而沒有豬大腸。 豬膶大片薄切， 剛上菜時食的頭幾片香嫩幼滑， 唯餘下的因繼續泡在碗內熱湯中， 到尾時不禁稍為變得有咬口； 故此建議先把握時間，先食豬膶!湯底🍜方面，胡椒乃是亮點! 如要與元朗合隆相比， 個人認為系：🕺潮州人→鮮甜重胡椒🐉元朗合隆→胡椒激爽正是各有千秋， 滿足不同老饕😋! 另外， 店家自制的辣椒油🌶️真的很香很惹味， 而且不算太辣， 用來蘸豬雜食， 一流👍!

西環呢邊除左潮州打冷店多潮州粉麵店都好多而我試暈咁多間最鍾意嘅就係呢間佢地嘅湯好夠熱好香胡椒味簡直係碗湯粉嘅靈魂🥹仲有我好鍾意嘅芹菜粒🤭出名嘅仲有豬什不過佢地無晚市基本上星期一至日都排隊想唔排隊唯有閒日臨收工（佢地收5點半）但又多數好多嘢都賣哂🤨覺得佢地比出名嘅永記仲好食😉#潮州人粉麵店 (#西環美食 )#西環 #正街 6-14號正豐大廈2號舖美味指數：☻☻☻☻☻抵食指數：☻☻☻☻性價比： ☻☻☻☻#foodie #food #foodpic #yum #yummy #delicious #nomnom #tasty #hkfood #hkig #hkfoodie

離遠都睇到佢大排長龍排緊隊店員已經要你order定野食冇得坐定定先揀 體驗已經冇咁好我叫咗中碗豬雜油麵 連凍飲 $51因為係中碗 份量唔係好多 食完大概半飽豬雜份量唔多 每樣得一兩舊但想讚佢哋啲內臟處理得乾淨湯嘅胡椒味好搶問題出喺油麵度 可能廚師好擔心食客身體健康完全係油麵（冇油） 我覺得食緊上海麵應該冇下次 我會過返隔離達濠仔～🚩潮州人粉麵店西環西營盤正街6-14號正豐大廈2號舖

西营盘排队困难店，特意赶在午饭时间前一点来，阿姨态度不错，店面拥挤得很难侧身，每次拍小店都恨不得自己有个变焦镜头……· 【牛魔王】要了牛类大杂烩的净食，牛百叶当天没有，其它每样都多给了点，份量还是蛮足的，大口吃肉很爽·比牛肉更让我记忆犹新的是汤底，释放着雄浑的肉香，又有芹菜的清新，每一口都鲜甜滋醇，一连喝了好多口，能感觉到因为连续失眠气血不足的脚尖都被温暖了·同样惊艳的还有自家制辣椒油，巨香！有点熟油辣子的感觉，但一点苦味都没有，也不会辣得烧心，辣椒渣和油的比例正好，恨不得裹满牛肉

一點食，撞正食飯時間，有人龍都正常，唔算等好耐，阿姐係你等嘅期間已經同你落order，雖然唔等如一坐即刻有得食，等碗面黎嘅時間又唔係長嘅。面食店通常都係暗暗地，整體又唔多乾淨，不過呢間舖係光猛乾淨，地方雖然細，但又唔算通道好窄。叫咗碗碟腩墨丸米，個湯一飲就勁似胡椒豬肚湯，呢個係特別，又唔咸，至少我係未試過呢隻湯底。令我寫呢個食評唔係個面，而係老闆娘個服務態度。有個客邊食邊點佢出名嘅辣醬，可能嗆親，邊咳邊飲湯，老闆娘見到咁，唔係叫佢加錢叫凍飲，而係拎佢個碗入廚房幫佢加湯。。。我唔食得辣所以冇試，不過見唔少人食魚片頭，下次再黎試。

呢間潮式粉麵店應該算係區內最多人食嘅一間，今次星期六下晝嚟到，都見到有大約十幾人排隊。我哋排咗20至30分鐘先可以入座。我叫咗蝴蝶腩米 (中) ($42, 8.5/10)，白胡椒湯底味道突出，淨係個湯底配米粉已經好正。蝴蝶腩稔滑唔黐牙，米粉係東莞米粉，雖然比銀絲米粉粗身，但口感較滑。食潮式粉麵點少得辣椒油，店主自家製嘅辣椒油落少少已經好辣，用嚟點蝴蝶腩非常惹味。雖然枱面仲有魚露同冬菜，不過我覺得個湯底已經非常夠味，唔需要再落其他野去吊味。呢間粉麵店雖然最出名係食豬什，但係其實蝴蝶腩都好正。

放假同老公去食我的至愛，排咗一陣隊，叫咗豬雜粉，飲啖湯就出事，好咸祗有芫荽芹菜味。師傅重手咗😓豬雜就仍然保持水準，豬粉腸不會太淋，豬潤爽，蝴蝶腩今日較淋，但可以接受。臨走時叫咗份熟豬粉腸**火鍋料**外賣，遲D打邊爐食😋，同店員姐姐重覆講了3次是火鍋料，好似唔明咁（心知不妙），真是變咗凈食比咪湯我，仲話你唔要湯咪倒咗佢。我好客氣同佢講不是第一次買，平時買的是沒有再煮過和無湯浸住，但店員仍然堅持火鍋料係咁，非常無奈😮‍💨 店員仲要攞個尾彩話火鍋料唔包一粒辣椒油仔，唔好難為你比番你，粒辣椒油太寶貴啦！（不過係你包外賣時包埋入去，我沒有要求需要）其實寫錯單好少事，我可以照要，但沒有必要將錯誤歸咎於顧客，食物除了食物味道質素外，仲包含人情味，食物幾好食都無用，食到谷鬼氣就好無謂！

西環人氣粉麵店，星期五平日早餐時段見不用排隊，一於二話不說坐低祭祭五藏廟。自選3 併米粉（蝴蝶腩+魚片頭+紫菜）這裡的蝴蝶腩是用豬肚腩內近橫膈肌及橫膈膜一片由上下筋膜夾著小許肉而型成的肌肉，台灣叫豬肝連肉，是路邊攤常見的小菜，用中式的方法烹煮後，上下片的筋膜會自然收縮，卷起不規則的皺褶，是個明顯的特徵。先呷一口靈魂的湯頭，入口夠熱、滿滿的白胡椒香，而且熬至乳白色，帶點黑蒜油、唐芹、芫茜和紫菜幽香，合格對路。 蝴蝶腩足火，入口滑嫩有肉汁、筋膜帶點咬口、不像有些坊間粉麵店炆到死柴咁，好酒朋友可以考慮配點威士忌或2 両白酒當下酒菜。魚片頭係交來貨、合格。如果唔怕稍為咸一點點的建議可以加點點冬菜落湯裡面和著米粉一齊食，味道層次又會增加左幾級。自選雙併米粉 （豬肺 + 豬黃喉）豬黃喉入口感爽脆，配上豬肺軟滑嘅反差非常過癮。跟餐熱奶茶合格 （忘記咗拍照）綜合係一間用心做好嘅平民粉麵小店，希望可以繼續努力經營下去。

西營盤排曬長龍出名嘅潮汕粉麵店 等外買同堂食嘅客人都好多 話明朝汕就當然唔少得牛肉啦 仲有新鮮嘅牛柏葉牛肚 牛筋同牛腩等除咗牛肉呢度嘅豬肉內臟都係主打除咗豬粉腸 豬肺 仲有豬心 豬脷 少有嘅豬黃喉同埋蝴蝶腩 其他仲有丸類餃類等等選擇都幾多下 同朋友兩個人都比較喜歡食牛肉 所以就揀咗牛筋牛腩米 牛肉同埋豬潤加紫菜淨食湯頭食得出係淆出嚟濃湯 不過我就略嫌鹹咗啲啲不過湯頭入面有西芹粒葱粒可以中和番少少鹹味 自己加多啲胡椒粉落去之後即刻唔同晒牛腩同牛筋都係有腍有唔腍比較參差😢😢 牛肉同豬潤煮得都比較老有啲鞋口😢😢我嗰碗牛肉同睇其他食評嗰啲都真係爭好遠 下次柯打前都係叫佢哋唔好煮咁熟睇下會唔會好啲先🙏🏻

潮州人粉麵店, 𝐒𝐚𝐢 𝐘𝐢𝐧𝐠 𝐏𝐮𝐧🍜.叫咗鮮牛肉牛肚墨魚米粉(hk$45)，牛腩豬黃喉魚皮餃河粉(hk$45)，三個餸都好足料，墨魚丸同魚皮餃每款都有三粒，鮮牛肉都俾咗好多塊，絕對足料，而且好嫩好新鮮！呢間嘅辣椒油唔需要多介紹啦🤭個湯都好濃，比我嘅感覺有少少似胡椒豬肚湯。總體來講，服務唔錯，姐姐都幾盞鬼🤣食物好味抵食，係排隊時間比較長，我哋未到12點已經去到排隊，加上食物製作需時，最後差唔多要等咗半個鐘先真係可以開始食，但係都值得嘅👍🏼.📍Shop 2, General Building, 6-14 Centre Street, Sai Ying Pun #HappiMuffinHongKong🌟#HappiMuffin Rating: 8/10💰Price: $45-60 pp

有時間我必會到訪潮州人粉麵、佢嘅粉面故知然好食, 如果有呢兩位助手的話更加如虎添翼、辣椒油X 魚露。因為佢嘅辣椒油第一全人手製作，老闆娘自己一手包辦絕不假手於人，細緻到為了保持辣椒油質素，辣椒春夏秋冬生長時間不同會影響其煮辣椒油的配方，譬如夏天的辣椒比較濕，冬天的辣椒比較乾，保持一貫水準乃係高難度挑戰，所以如果貪心亂攞辣椒油而最終食不完的話告示牌也會寫上每碟額外加$20，這些全是心機豈能浪費？香噴噴碗麵喺你面前，喝一口湯、然後湯匙沾上辣椒油及辣椒只各半的比例，再加上半湯匙魚露，用來沾麵，沾餸，最後將呢啲精華倒入湯度，鮮味到提升，可以食得到另一種層次，10分幸福 「注意沾醬前請必須確保餸菜麵條乾身要不然完全嚐不到辣椒油聯乘魚露的夢幻組合」