潮尚居

營業中

休息中

吃得出菜式來自資深手藝的師傅，從味道及烹調方式可見，首次光顧，第一印象良好！除了耳熟能詳的最受歡迎菜式之外，不乏手工菜及傳統菜，廚師推介「天花板」名菜非常吸引，二人飯局，先嚐這些。小食滷水鵝拼盤 $198清醇不過鹹的滷水汁，香氣討好，醃得入味，拼盤有鵝肉、五花肉、雞腎、豆腐及雞蛋。特式凍馬友件(4件) $218處理精緻，整齊的長方塊，已起骨，皮滑肉嫩，放上做成膏醬的普寧豆醬，味道更鮮香。潮州红燒翅 $498足三両牙揀翅，翅針質地軟糯，特別適合做紅燒翅。湯頭黏調濃郁，翅針柔順貼服，啖啖滋味，加少許芫荽，添香增層次。脆皮婆参 $328做得非常好，薄薄的脆口外層、對比軟而有力的內心，入口膠質豐富，鮑魚汁亦滋味。紅燒魚鰾煲（4件) $298再來一道紅燒，因為喜愛湯汁濃郁，魚鰾再上一層次就是花膠，所以同樣膠質豐富，雖然口感比較爽硬，做得好，同樣食得過。混合了蝦、魷魚、冬菇及雞肉，精華盡吸，佐飯不錯。清心豆爽 $36*2名副其實，清澈透明的清心丸很爽口，甜度適中，正好平衡以上菜式的濃稠之味。位於尖沙咀知名食廈，走中高檔路線，佈置明亮，空間足夠，服務到位，值得重訪。

裝修典雅，成班朋友或者家庭聚會食飯真係一流！😍 菜式滿滿潮州特色，食材新鮮又用心，鍾意潮州菜嘅你一定要Mark低呢間！♡滷水鵝拼盤
❥⭐️必試！獅頭鵝肉嫩滑入味，黑毛豬腩肉肥而不膩，鵝腎爽脆，仲有滷蛋同滷豆腐墊底，每款都滷得入晒味，食材高質食得出好新鮮！味道層次豐富，超滿足！♡特式凍馬友
❥原條馬友凍食，口感爽脆鮮甜，點綴少少麵豉醬，簡單卻好有驚喜，鮮味爆棚！♡普寧炸豆腐
❥⭐️必試！外層炸到金黃酥脆，內裏軟嫩如雲，咬落口感超正，簡單調味已經令人停唔到口！♡黃金糖醋麵
❥ ⭐️必試！我嘅至愛！蛋麵煎到雙面金黃脆卜卜，外脆內軟，淋上醋再灑上砂糖，甜酸平衡得啱啱好，每啖都係享受！🤤♡沙茶牛脊肉炒河
❥牛脊肉嫩滑Juicy，沙茶醬好惹味，河粉炒得充滿鑊氣，香到不得了，食完真心回味！♡其他推介：
❥欖菜干扁四季豆、豬油渣炒汕頭白菜、香煎蠔仔烙（細）、反沙芋頭，每款都好有潮州特色，簡單但好食！

尖沙咀呢間潮尚居主打潮州菜，餐廳服務周到，環境有格調，價錢合理，啱晒鍾意潮州菜嘅朋友😉🍲 紫菜雙丸湯湯底清甜，紫菜夠嫩，唔會太硬😛兩款丸類都夠彈牙，整體好足料☺️🥬 豆醬炆汕頭白菜豆醬鹹香中帶少少甜，唔會太濃蓋過白菜本身嘅清甜。白菜吸晒豆醬精華，每啖都好入味。🐟 椒鹽九肚魚九肚魚炸得香脆，外皮酥酥地，入面魚肉仲保持嫩滑，冇腥味。椒鹽調味啱啱好，唔會太鹹，大推❗️🍜 沙茶牛脊肉炒河沙茶醬香濃惹味，牛脊肉切得厚薄適中，炒得啱火候，唔韌又有牛味。河粉吸晒啲醬汁，條條都掛汁🥰🥚 鹵水雞蛋雞蛋滷得好入味，蛋白滑溜唔鞋口，鹵水味唔會太鹹雞蛋滷得好入味，蛋白滑溜唔鞋口，鹵水味唔會太鹹潮尚居

新派潮州菜的高檔中菜館潮尚居店內裝潢摩登時尚·融合了中式元素營造出既典雅又舒適的用餐環境·ꕺ潮州紅燒翅呈上桌時已見氣勢·魚翅湯汁瑩潤紅燒湯底則以老雞、金華火腿、乾瑤柱慢火熬成魚翅軟滑入味·濃厚鮮香不膩口·是晚最具功架的一道ꕺ脆皮婆參極具師傅刀工火候考驗的一品婆參甘香彈牙·外層煎得金黃酥脆咬下去香脆·內裡卻保留鮮嫩彈性·技巧值得稱讚ꕺ滷水鵝拼盤滷水一向是潮菜魂魄·滷水老滷香濃帶回甘餘韻鵝肉肥瘦適中·口感軟糯不柴·另配上豆腐與豬肉滷味深透·每樣都吸滿滷汁·令人食指大動ꕺ沙茶牛脊肉沙茶香氣濃郁·牛脊肉厚薄適中嫩滑多汁略帶筋腱的口感更添嚼勁·配白飯一流ꕺ香煎蠔仔烙外脆內滑蠔仔鮮香滿滿·蛋漿調味恰到好處沒有過多油膩感·整體層次豐富ꕺ清心綠豆爽飯後來碗綠豆爽·感覺整個人也清爽了起來冰涼順喉·綠豆與薏米煮得軟而不糊·甜度適中而不膩

今日11/8/2025(一)放大假，老公陪我去尖沙咀食Lunch ,因有2張$100現金券，就過嚟試吓之前一日經Openrice網上訂座(全日有八五折優惠)，大約12:25到達餐廳，我地係第一枱食客(好似包場噤)，比左近落地玻璃枱我地坐環境優雅，好有情調，播放著純音樂叫左優惠精選午餐主菜(選二)$398白飯及湯各2滷水鵝肉拼盤有5款:蛋，鹅，豆腐， 腩肉， 腎鹅肉好有咬口，滷水汁可以手工炸蝦蟹棗好脆口，醬汁似橙+蜜，啲汁配搭恰當牛肝菌生煎飽$48咬入去飽內，全是綠色似菜，但唔覺有牛肝菌嘅味道胡椒豬肚湯入口充滿濃烈嘅胡椒味道，好飲

藏身喺尖沙咀鬧市卻獨享寧靜，酒樓以古色古香嘅裝潢營造出低調奢華嘅氛圍。落地玻璃可以望到街景，包廂寬敞又私密，無論係商務宴請定係家庭聚餐，都可以喺舒適嘅環境中慢慢享受美食。 潮州紅燒翅 翅針燉到晶瑩剔透，湯底濃郁帶膠質，慢火熬出嘅鮮味層次分明，加少少浙醋提鮮，完美展現潮州菜「濃而不膩」嘅精髓。 脆皮婆參 婆參先煨後炸，外皮脆如琥珀，內裡軟糯似鮑魚，蘸上特製潮州醬油，鹹鮮中帶出淡淡海味，係功夫菜中嘅驚喜之作。 滷水鵝拼盤 一上枱就聞到濃郁嘅滷水香，賣相誘人，擺盤精緻，盡顯潮州菜嘅細緻。鵝肉肥瘦適中，滷得入味又唔會柴，肉質緊實帶嫩，皮層充滿膠質！鵝心爽口彈牙！鵝蛋香濃！滷水豆腐滑嫩！鵝片嫩滑！ 沙茶牛脊肉 厚切牛脊肉用潮州沙茶醬快炒，肉質柔嫩帶焦香，沙茶嘅微辣同花生香氣交融，配埋青菜更顯地道風味。 紅燒魚鰾煲魚鰾燜得軟糯入味，膠質豐腴得嚟又唔會太膩口，煲底仲有冬菇，雞肉，魷魚，蝦仁和竹筍，魚鰾索晒啲鮮味湯汁，每一啖都係濃郁嘅海洋風味，入口即化！清心綠豆爽 綠豆加入清甜嘅愛玉，入口綿密沁涼，為成餐盛宴畫上清爽句號。 呢度唔單止還原咗潮州菜嘅講究，更喺細節處見真章，真係鬧市

🫣今次去咗潮尚居食晚餐，四個人食得好開心，菜式多元又有傳統潮州風味。特式凍馬友（條）肉質鮮甜帶彈牙口感，我都係第一次食凍嘅蒸魚，原來係潮州菜最出名，上面有唧花嘅豆瓣醬連埋烏頭非常好食。滷水拼盤材料豐富，滷得入味香滑。沙茶牛肉炒河粉，香濃惹味，河粉滑溜有嚼勁。黃金糖醋麵酸甜適中，令味覺有層次，真係又冇人第一次食，我之前食過一次，所以今次係第二次，呢炸得非常薄脆，加埋醋同糖，真係好特別。而反沙芋頭口感綿密，甜而不膩係一道靚甜品。燜菜干扁四季豆爽脆開胃，鍾意食四季豆真係要叫炒得勁惹味。豬油渣炒沙頭白菜豬油香十足，簡單又惹味。香煎蠔仔餅（細）外皮脆身，內裡嫩滑，入邊好多蠔仔，而且又大塊，非常抵食。普寧炸豆腐香脆又吸汁，一定要點佢個鹽水汁。非常高質素嘅潮州菜。仲要$450唔洗已經食到個肚頂住晒。勁抵食，推介推介🙌🏼

諗唔到食咩，經過樓下見到佢午市做緊六折，就上去試下老實講如果冇折嘅話其實定價都唔平點心選項唔係好多，主要係食小菜我哋叫咗兩個素嘅點心，但係嗰個蘿蔔糕其實唔係素嘅，入面有肉，所以素食者要注意，不過味道係好嘅，整得好香脆，唔會太油膩另外普寧豆腐就正常發揮，算係外脆內嫩，同埋係新鮮炸起，熱辣辣個沙茶牛肉麵牛肉佢寫明係用牛頸脊，所以好嫩滑最後甜品要咗個芋泥，冇影相，但係係好幼滑同埋好香嘅，整體嚟講質素係唔錯，不過如果冇折扣應該唔會嚟，因為午餐嚟講都幾貴

潮尚居可以食到最正宗傳統嘅潮品佳味，擁有資深潮藉廚師團隊，憑藉多年烹調經驗，將最潮嘅味道呈現。潮州紅燒翅，總廚運用傳統嘅烹調方法，以紅燒方式烹調，呈現出濃郁的風味和獨特嘅口感，飲落去啖啖足料，超正！脆皮婆參，咁矜貴食材唔係度度有得食，喺潮尚居嘅正宗巧手苙菜，婆參帶有獨特嘅彈牙感，咬上去膠質豐富，吸收湯汁嘅鮮美，呈現外脆內糯嘅雙重口感。滷水鵝拼盤，鵝肉滷水味道極富層次，香氣撲鼻，而我特別鍾情於滷水豆腐，每一口都爆汁 ，更加滋味！沙茶牛脊肉，沙茶醬我回味無窮，牛脊肉軟腍又肥美，特別用上小芥蘭特別幼嫩，老師傅嘅功架盡現。手工炸蝦蟹棗，係潮州家家戶戶嘅手工菜，蝦肉和蟹肉配上其他材料，炸至外層酥香內裏餡料多汁鮮味，搭配潮州油桔油醬，酸酸甜甜好醒胃。清心豆爽，綠豆加上清心丸，係一種用馬蹄粉同木薯粉製成嘅Q彈小丸子，特別適合而家天氣咁悶熱食用，有助於清熱、利濕、開胃

原來尖沙咀有間潮州菜，食物高水準，環境坐得舒服，啱晒朋友家人聚會，呢度嘅廚師團隊都係來自潮州籍，多年嘅烹飪經驗同埋正宗口味，將潮州菜發揮得淋漓盡致，見到每道菜嘅心思，食落又有驚喜，今次最正嘅係魚翅撈飯同脆皮婆参，講下今次食左d 咩先滷水鵝拼盤$198滷水拼盤入面有滷水鵝，滷水蛋，滷水豆腐，雞腎同五花肉，成個滷水拼盤我最鍾意係豆腐，滑不溜口，滷水味唔會太濃味，岩哂做前菜潮州紅燒翅 $498位戲肉嚟到魚翅撈飯，足三輛紅燒翅，呢餐飯都輕奢😆不過對自己好啲又有咩唔啱喎脆皮婆参$328 原本海參對我嚟講係一嚿無味嘅嘢，不過見佢推介又真係想試吓，同埋未聽過咩叫婆參，原來真係值得推介，煎香咗嘅脆皮，入面軟腍厚肉嘅婆參，從來未食過咁好味嘅海參紅燒魚鰾煲 $298/4件紅燒魚鰾煲係一道非常滋補嘅潮州菜，以魚鰾（即魚肚）為主角，配搭竹筍、雞肉等材料，慢火炆煮至入味，魚鰾吸收晒湯汁，大大塊魚鰾晶瑩剔透，吸滿晒濃郁醬汁，口感軟糯又彈牙，啖啖都充滿膠質，啲湯汁好香濃！沙茶牛脊肉芥蘭 $198嫩滑嘅牛脊肉片配上爽脆翠綠嘅芥蘭，淋上香濃沙茶醬，牛肉入味又多汁，芥蘭清甜又爽口，兩者配合得天衣無縫。好惹味又餸飯

今日約左長輩食飯，帶佢地去左潮州菜試下。揀番尖沙咀夠方便，樓上舖感覺都乾淨同舒服啲，可以慢慢坐下食下▪️潮州紅燒翅$498/位招牌菜真係好足料！！啖啖都食到翅，口感順滑，味道正宗，仲好貼心咁俾埋芫茜同醋，更添鮮味▪️脆皮婆參$328黎到已經覺得好香，婆參口感Q彈，外層微脆，充滿燒過嘅香味，雖然較細片，但夠晒入味，食到lamlam脷 😋▪️滷水鵝拼盤$198 滷水鵝肉嫩滑，色澤唔錯，入面有齊鴨腎、豆腐、雞蛋，叫呢碟已經好好餸飯👍🏻▪️香煎蠔仔烙$168蠔餅爆滿蠔肉，煎到金黃色，啲蠔肉一切開就瀉出嚟，味道都好新鮮，每一啖都好厚肉，落足料，餅邊幾脆▪️紅燒魚鰾煲$298一煲都幾多海鮮，魚肚軟腍入味，入面仲有蝦、魷魚、雞肉、筍同冬菇，夠晒豐富▪️清心綠豆爽$36/位食完野叫左個綠豆糖水，清心丸口感軟身，整體解膩清甜

我個人幾鍾意食潮州菜，今次搵到間環境同味道都幾ok嘅餐廳🤩✨招牌滷水拼盤 - 有鵝片、腩肉、雞腎、雞蛋同豆腐，全部都好入味👍🏽✨潮州紅燒翅 - 配左醋同芫茜可以放，我就鍾意原汁原味，湯底夠濃稠，而且勁足料勁多翅~✨脆皮婆參 - 第一似咁樣食法，個皮夠脆，仲有好香蟹子味😚✨香煎蠔仔烙 - 勁多蠔仔粒，質地軟糯，沾埋魚露食解膩又提鮮🤤✨沙茶牛脊肉 - 好大碟，砌成左一個小山堆，下面係芥蘭苗，上面就係惹味嘅沙茶牛脊肉，牛牛易咬唔肥又冇咩筋😍✨清心綠豆爽 - 綠豆去左皮好有誠意，仲有彈牙清心丸，清甜好味🧡食完野仲有功夫茶嘆下，好滿足😽

實而不華嘅潮州菜館，味道正宗，有品質嘅保證。潮州紅燒翅魚翅足三兩，翅針粗身又香滑彈牙。湯汁濃郁，味道甘香醇厚，加上香醋同芫茜非常美味。脆皮婆參巧手手工菜，先炆後煎方式烹煮，表面香脆，咬落軟糯中彈牙，鮮味十足。紅燒魚鰾煲厚身魚鰾索哂濃郁嘅紅燒汁，好惹味。仲有魷魚、鮮蝦、雞肉、冬菇同筍，誠意滿滿。碧綠川椒雞雞肉嫩滑同時帶有鮮、香、麻嘅川椒味道，伴以薄脆珍珠葉，送飯一流。清心綠豆爽最後來一碗潮汕特色甜品清心綠豆爽，清甜爽口。

屋企人係潮州人，間唔中都會同佢哋去食潮州菜😍呢間餐廳夠闊落，坐得舒服啱晒！滷水鵝拼盤拼盤咩都有🤩鵝肉、鴨腎、滷水蛋、豆腐同腩肉😍全部都夠入味，亦都唔會好韌好乾！份量都好足😋潮州紅燒翅紅燒翅味道都幾香，睇得出非常足料，每啖都有滿滿嘅魚翅😋夠晒高級！😍脆皮婆參真係第一次食脆皮嘅海參🤩🤩 非常特別，頂層嘅脆皮又薄又脆，非常香口🥰 而下面嘅海參都幾厚身，口感滑嘟嘟又帶點煙靭🤗沙茶牛脊肉牛肉好嫩滑！沙茶味好香，味道好夠，送飯真係啱晒呀😍碧綠川椒雞川椒雞唔會好辣，反而係惹味多啲，食到川椒香味，好開胃🥰清心豆爽熱嘅綠豆爽真係少食！入面有綠豆同埋清心丸🥰 食落好舒服，清心軟暖暖哋好煙靭，呢個食法都好正！

屋企老人家突然想食潮州菜～見尖沙咀「潮尚居」有好多好評 環境又舒服 啱晒✨🍲 潮州紅燒翅翅針粗身又彈牙 鮮味層次豐富～傳統潮式做法勾薄芡，濃郁得嚟唔會漿口✨💫 脆皮婆參先燜後炸 外皮超脆 🔥蘸少少汁食 帶出海參鮮味💫🦆 滷水鵝拼盤鵝肉嫩滑得嚟有咬口～拼盤仲有鵝肝、鵝腸同豆腐，滷香醇厚唔死鹹👌🥩 沙茶牛脊肉牛脊肉切成薄片快炒沙茶醬用蝦米、花生秘製～配埋芥蘭送飯一流🍚🦐 手工炸蝦蟹棗酥炸蝦膠同蟹肉！！外層脆卜卜 咬開爆出蝦蟹鮮汁🔥🍨 清心豆爽傳統潮汕甜品去皮綠豆燉到開花 中和濃味菜式❄️食完大家都好鍾意～有下次既一間