潮周人粉麵店

當日是下午時間去，點了崩沙腩河$40，另加碼牛什$7。崩沙牛腩夠味又夠身，但又不會是湯渣質感，$7加碼牛什份量抵食好食，湯頭亦好飲不油膩。湯河的菜有唐生菜和芽菜墊底，菜是爽口的。湯河用的水河粉煮到剛剛好，夾起時一條條，不會醉拾拾，份量足夠。放面的芹菜葱花唔會小氣，俾足你。就連辣椒油都採用本港老字號綿香辣椒油。這樣的份量和出品，只是$47，是用心和誠意之作。早前點的牛面珠，連沒什麼胃口的90幾歲老人家都大讚，胃口大開。下次外賣加餸或小食會是新選擇。…查看更多

不過不失。有待改善坑腩米 $37湯：淡 而且有水缸味青有唐芹有加分 但食到尾發現大量沉底炸蒜（有油益味）牛腩 ：有牛味 調味偏淡 有咬口 都可以米粉：好食有米香 爽口 但都有水缸味/水喉水味。相信係過冷河/ 預備米粉 嗰陣時留低嘅水味道。+$6奶茶：個色正常滑 冇茶香味但有甘味 奶味出唔到，仍然係𠕇水味， 相信有冲荼技術，但係個茶葉未溝得啱味。價錢係好平，而佢肉質好，希望佢可以濃D同改善，貴多10-15$其實都可以。環境其實乾淨，而且唔算好多人姐姐會好快收盤同抹枱算好好。不過當你離開個現場去戶外你就會聞到自己個身好大浸油煙味。…查看更多

潮周人粉面店系北角和富美食廣場，系一間小店來噶，又平又好食，推薦比大家試試。我吃過噶就系牛三寶河粉啦，哩個系距地店噶招牌之一，招牌就肯定唔會出錯啦，粉量大，而且好新鮮嫩口，金錢肚好彈牙啊，吃完仲想吃，個湯底又夠曬鮮甜，河粉同埋滴湯一齊吃，好正！甘抵食噶小店大家值得一試哦。…查看更多

二刷食店！第一次試左牛雜撈粗／魚肉春卷河，覺得好味又抵食。今次又再經過呢間係和富薈入面food court嘅 ［潮周人］又再試下其他粉面先坑腩撈粗，牛腩肉質軟腍肉味濃，食落口滑嫩，冇柴口，正呀！粗麵沾上自家製醬汁及芽菜，清爽墨魚丸米粉，米粉正常，墨魚丸彈口，肉質實淨好味，分量十足，絕對飽肚。另外嗌咗蠔油芥蘭，綠油油新鮮清甜冇苦澀。晚餐嘅時候都有好多人落單，不過只需等10分鐘左右已經可以取餐！如果有人試過佢哋嘅沙瓜，可以喺下便留言分享係咪好好食？…查看更多

呢個粉麵店位於北角和富美食廣場,環境走異國風格,仲有好多土耳其玻璃吊燈同擺設,環境舒適👍🏻爽腩河 $50爽腩有香濃嘅牛味😍口感爽口肉質結實軟淋,配上牛腩汁加在河粉內,令河粉更加入味😋牛雜河 $37牛沙瓜同牛腸油脂分佈平均,油脂香味混在一體,口感一流,牛肺爽脆有彈性,牛肚同牛根配上牛腩汁煮得入味,淋度適中,好易入口😋蘿蔔 +$16蘿蔔煮得入味,味道清甜,唔會有渣😍凍檸茶 跟餐半價茶味好濃,解渴一流😋…查看更多