最近去咗潤園四季用餐，主打嘅椰子雞火鍋絕對係亮點🙂↕️ 湯底以新鮮椰青水熬製，入口清甜帶椰香，飲落順喉不膩🥥 文昌雞雞件新鮮滑嫩，肉質結實富彈性，滾六分鐘就啱啱熟，保留咗雞嘅原汁原味，湯愈滾愈出味🤤🍖肥牛什錦拼盤：包括肥牛、黑毛豬、午餐肉、牛丸、墨魚丸同蝦丸，咩都有少少，份量啱啱好，整體質素亦不錯。肥牛同黑毛豬油香豐富，涮完椰子湯底後多咗一層淡淡椰香；蝦丸特別鮮甜彈牙，墨魚丸口感紮實，配湯底十分夾。生菜吸滿湯汁精華，清爽解膩🥬🍳主食試咗窩蛋肥牛煲仔飯，煲底飯焦香十足，牛肉醃得入味，蛋黃拌飯後香滑濃郁，熱辣辣上枱非常惹味，有濃厚嘅家常風味🍚最後仲有個火龍果嘅啫喱甜品送🍮整體而言，環境寬敞乾淨，服務人員態度親切、會主動添湯，節奏恰到好處。以食材質素同整體體驗嚟講，價位屬中上但合理。無論係家庭聚餐定朋友圍爐，都係個舒適又高質嘅選擇😛…查看更多
