漢發麵家 (告士打道)

營業中

休息中

上星期日唔知深水埗唔開摸咗門釘…今個星期日就去咗灣仔…去到先知可以用Gulu攞位…不過都唔緊要…入座安排👎🏼👎🏼👎🏼：去到攞飛見到個number都應該係等幾張…但事實係佢有二人檯就即刻叫二人入…我四人檯就要等四個人走咗先有得入…遲過我攞飛嘅4-5張檯都入晒…跟住佢問我坐唔坐張三人檯…我話「入啦…你不停安排二人檯先…咁四人檯咪有排等」…佢話「無得等埋張檯另外嗰兩個人走先叫number」…態度好差…之後我哋四個人分開兩張檯坐…好在有食客見我哋兩個小朋友要分開坐…主動調位比我哋一家人坐…其後好多人走咗…側邊三張檯都係吉嘅…有個老人家行動不便…佢個女話唔想搭檯…可唔可以坐側邊…個安排座位個男人話「唔得!!!無得唔搭檯㗎wor」你話多人就話唧😒😒😒…不過要講返…侍應們係好有禮貌嘅👍🏼👍🏼👍🏼食物: 個西多士好好味呀…唔會炸到好勁…練奶or 糖漿…我哋揀咗練奶😍…紅豆冰粒粒紅豆都大粒又唔會太甜…豬膶嚟講都唔錯…但個人覺得有熟咗少少但都好味嘅😋…牛筋撈粗好足料同埋算多菜…overall嘢食算唔錯😌

一直都好想試依間茶記，聽聞西多同豬膶麵出色。知道深水埗好早收，一直試唔到。後尾發覺原來灣仔有分店😂，咁岩我響灣仔做嘢，咁就可以食個lunch! 1點去到要等位，等左10分鐘到就可以入去喇豬膶公仔麵超級厚的豬膶，咬落去粉粉的😇但食一兩舊就已經好漏，好彩同人share西多士空氣感重，好似疏乎厘既西多士，同之前食既質感好唔同，唔算好甜，可以encore❤️雲吞米粉不是皇牌，但自己鍾意食，雲吞新鮮足料大粒，女仔黎講份量唔算細，可以一試

食物正常但食物價錢不包飲品就太貴。全部散叫。一試無妨。我食咗豬潤煎蛋麵，豬潤都大嚿嘅。牛腩飯都不錯環境都坐得舒服。 午飯時間好多人最好早d去但大家都快食等候時間未必會太耐。Food is normal but good to give it a try on Hong Kong local noodles and dishes. Prices are higher that expected. It would be good that drinks are inclusive since this is common.

鍾意食豬膶麵嘅朋友，一定唔可以錯過漢發豬膶麵😌豬膶厚薄適中，可以保持又爽又 Juicy 嘅口感，真係keep住每日都好想食，絕對冇誇張🤣如果老闆可以開放，豬膶拼牛筋，我會超開心😂

以前去深水埗淨係食過維 x 嘅洗衣粉豬潤麵。依家深水埗另一間知名嘅漢發殺出港島，有機會試到新嘢啦！漢發嘅湯底相對無乜薑味，同埋無咗洗衣粉泡沫。比較似一般公仔麵湯底，不過枱面有好多唔同嘅調味例如啲日本麻油，泰國源順號白胡椒粉等等比你自行加添風味~豬潤方面個人覺得比維x 出色太多！係真實嘅厚切而且熟度啱啱好，所以食落口感爽嫩完全無嗰種鞋口同埋粉感~而且份量十足，嗰五大塊豬潤真係齋食唔講個麵都好飽肚~ 太飽所以無加牛肉同埋食唔到另一個名物圓形西多了~整體係好滿足。但真係要彈嘅係點解嘢飲跟餐無得平... 搞到成件事性價比即刻低咗~ （稱不上係平民美食）

第二次來了,1:30pm左右到係容易啲有位本來想叫牛筋,但朋友提起原來我第一次來都係叫牛筋😆所以今次我叫咗豬扒粗麵,聽講佢嘅豬扒都係好好味,今日食完,都有同感雖然係炸,外皮唔會太厚,酥脆口感很好,入面肉質唔會太嫩又唔太實啱啱好唔知係咪太耐冇食粗麵,我連麵都覺得好啱食加埋佢哋嘅胡椒粉仲好香一齊食嘅細妹叫咗豬膶米加太陽蛋,個豬膶厚切,口感帶啲爽但又彈牙,味道都唔錯黎茶餐廳最中意點奶茶,唔太苦啱晒我最近的口味😚

豬潤超級巧味😋夠厚 又爽口 記得食前先飲湯👍西多士 要珍熱食， 比坊間茶記 果然夠法蘭西 2人吃 唔怕滯 ， 隔離飯香 豬扒太陽蛋公仔麵 港人至愛囗味😋大大塊 鬆脆可口 ，豬扒包 😋😋唔洗去澳門食 喇😆😆一定再來再encore （下次要炸鯪魚球🤭🤭）

為咗鼎鼎大名嘅圓形西多士嚟到漢發麵家，估唔到一間茶餐廳會開起大馬路旁，色彩繽紛嘅裝修加上闊落嘅位置，未食嘢已經覺得心情好好💕法蘭西多士 ⭐️⭐️⭐️⭐️西多士外型已經贏晒，圓轆轆好可愛😍 坊間西多士多數都係用糖漿，但係呢度就用煉奶，其實我自己鍾意西多士配煉奶多啲，所以好啱我口味！切落去已經覺得好鬆軟，唔同一般傳統西多士，完全冇麵包嘅感覺，口感竟然似疏乎厘，配埋牛油，真係又香又軟熟👍🏻豬膶拼蛋公仔麵 ⭐️⭐️⭐️⭐️⭐️見到塊豬膶又大又厚，已經知道一定好食！最理想嘅豬膶係咬落去表面有脆嘅感覺，其次入面要軟淋，唔會煮過龍又柴又硬！呢度嘅豬膶我比99分，超乎我期望🤤 建議一定要加埋隻煎蛋，為呢個豬膶公仔麵提升到另一個層次✨

豬膶麵好多茶記都有，做得好嘅唔多。今次呢間算是人氣豬膶麵店，就試吓有幾好食。同伙記點餐叫豬膶麵，上菜時，伙記問需唔需要加蔥花。我答「好呀」。發覺蔥蔥切得好碎好香，有點似日本拉麵上的蔥花，我覺得是一個細心驚喜位。未食已加分。即食麵煮得唔錯，剛剛好，唔會太淋，但又可以熟到麵芯。有彈牙口感。湯會有少少豬膶水感覺，但未至於太多血水味。蔥花加啖熱湯，入口好正～到重點，就係招牌厚切豬膶，血水啤得好乾淨，咬落爽，入口唔粉，全熟，唔會有血～口感係唔錯，不過個人覺得，舊豬膶因為幾厚，所以食到第二舊感覺有點寡，尤其食咗啖麵之後，再食舊膶，就覺得豬膶好似無味好淡口。如果豬膶有番啲底味可能會好啲～總括黎講係好食，但未至於食完會念念不忘。價錢有點偏貴，因為飲品係另計，一碗麵加杯熱檸水，埋單$71。聽講西多士都出名，下次有緣再食～

旺角間酒店就食得多，今日特登出開香港嚟灣仔食我最愛嘅豬膶牛麵😍😍灣仔分店比較大間座位亦都比較舒適，我未到午市時間已經全滿我哋兩個人，當然我一定要嗌最愛嘅豬膶牛麵啦👍🏻我個仔就叫咗餐蛋麵，跟住叫咗一杯茶走豬膶一如既往保持水準超厚超新鮮，入口非常之Juice，配搭牛肉公仔麵真係一流👍🏻👍🏻叫咗杯奶茶茶走諗住應該水準一般啦，因為佢唔係出色奶茶，但又幾香茶味喎👍🏻如果嚟香港島食嘢，又多番一個選擇

由父輩在深水埗的老舖到現在的分店，一直都有幫襯。從前只供應簡單的潮州粉面，到今天的五花百門，第二代投放的心機和管理，不只是承傳優良品質，更青出於藍。此店選址一流，在灣仔鬧市中，在繁忙的告士打道側，靠近維港。一列大窗可觀察泊車的狀況，車主快食快閃，可以更安心。坐在寬敞的大廳中，樓底夠高，就算人多也不覺擠迫侷促，食得自在。至於食品質素方面，豬膶一丁麵個人口味，喜愛少湯，多薑酒，夾一塊厚切的黃沙豬潤，又爽又滑又軟又綿，配上彈牙的出前一丁，再加幾滴原裝的日清麻油和自家製的辣椒油，灑少少泰國胡椒粉，就是一碗能使人吃清見底的絕頂好麵食。配上一杯濃濃的央走，口感誘惑，茶香濃郁，略帶拖非的味道，是一個愉快的下午茶。只是少少美中不足，就是友人點了一碟炒牛肉撈麵，雖然牛肉是生炒的，但上菜的時候，牛肉溫度不足，並不是新鮮熱辣，而且食落有點點冰鮮的味道，可惜可惜。加上炸雞翼，沾上了粉漿，雖然味道不錯，但有點油膩，而且賣相並不非常吸引。但此店的食物整體非常不錯，值得支持，一定會一來再來。

從70年代在深水埗起家的大排檔，一直都是家族式經營，世代相傳，也是深水埗區很有名的面家之一。其實小時候爸爸經常帶我去吃的，到現在已經在灣仔開了分店。這次我還是點了從小到大都吃的豬潤牛肉公仔面，口感上仍然是保持水準，豬潤不會切得很碎，切得厚厚的一片，使用了姜汁和料酒去醃過，去腥提鮮，而且煮得啱啱僅熟斷生，口感爽嫩，鮮味十足，唔會太乾，而牛肉都係非常新鮮，唔會很硬而且有咬感。每次食呢間麵家，我都只order一碗面就好滿足😌而他們亦是能保留著香港傳統大排檔的味道，不會因為開了分店而失去了原味！其他招牌菜還有圓形西多士，不沾蛋漿，使用蛋白包裹慢火炸成，口感份外逢松，也值得一試。呢間店其實從開門到下午都是這麼多人去吃，不管是深水埗總店或者灣仔分店也是，反正不是中午🕛人流最多的時候去，也不算等很久。食物質素：⭐️⭐️⭐️⭐️⭐️服務：⭐️⭐️⭐️⭐️⭐️環境：⭐️⭐️⭐️⭐️價格：⭐️⭐️⭐️⭐️

啲人慣性做野前吃大餐？🫡但我不會，又怕飽又怕睏，當然是做完工程才去大餐爽利自在🤭🙆🏾‍♀️呢啲本土名店，無論本地辦公一族，抑話遊客，很多慕名而來，因此在正直午餐時段，相信應該日日都要等位🌝。這幾天工作過時，然之後可以吃下午茶，好耐附近茶餐廳下午茶餐牌，其實你食個普通常餐，有個包、有沙律、加碗麵， 40多元；吉列魚柳沙律又是40多元；吃返正常迷你福建炒飯或是迷你焗飯下午茶那些，可能都要$50 ，那麼不如直接去食啲特別啲嘅嘢。於是就由金鐘附近，越行越遠，行到佳寧娜附近，因為之前和兒子搭巴士時刻見看見原來灣仔這邊都有漢發之前在深水埗那間，應該都是在奇怪的時段才能吃到，這是亦都係。看看餐牌，原來豬潤豬扒已經要$68，自己幻想一下，如果佢另上都仲好啲，應該會食一碗豬膶麵加一碟另上的豬扒，不過雖然賣相好看，其實應該挺為油膩以及飽滯，算吧，妻子也能夠煮出美味的豬扒，倒不如專心食返豬膶。又不想就咁要個豬膶麵好似太寡，於是叫了豬膶肉丁公仔麵。肉丁將湯底弄得挺為香辣，但是後來越不月底，最底下的那些湯，甚具豬潤的香氣，以及帶點滋潤水的質地，香得來甜甜得來辣，相當可口；公仔麵當然不會份量太多，也是正常一個麵餅🫓

漢發在香港島開分店, 坐落於灣仔也是一個傳統的白領辦公地區, 提供便宜但有特色的早午餐, 所以營業時間和深水埗本店一樣, 但相信能夠以他的名氣, 維持着不錯的生意. 基本上提供的也是那幾類, 例如豬肝及西多士, 水準和本店一樣, 豬肝依然厚而爽, 中間保持粉嫩而無筋, 同樣問題都是麵身有點淋, 但純粹以豬肝質素沒有太多可挑剔的. 後者如元寳的形狀, 就是口感鬆軟的表現. 至於豬扒和豬手也不錯, 同樣肉質夠腍, 只是細節上可以再做多一點, 例如去除豬手皮上的毛, 以及豬扒上的焦燶面處理.

久仰大名既豬膶麵終於到港島區插大旗了。為了避開熱烈的人潮…選擇了平日的下午茶時段拜訪！餐廳不設套餐只供單點！一碗麵+飲品+西多士盛惠過百元…CP值不高..但當一嚐豬膶的時候就知道碗麵對得起這個價錢！多出色…口感爽脆，不是粉粉的那種….厚度如牛舌般…沒有豬羶味，湯頭帶點薑味！好吃…店員還推薦撒點胡椒粉更好味！果然湯頭變甜了…不論米粉或公仔麵都煮得剛好非常彈牙！由於豬扒生炸…非常可口！喜歡生炸肉類的朋友不要錯過…難怪上幾篇有人說豬扒麵是必點！至於另一個主腳是西多士….又是意想不到的口感…麵包沾滿蛋白來炸…像是港式梳乎厘…軟棉棉到不行…中間可自行選擇要花生醬或不要.. 外面沾練奶或糖漿…這間餐廳完全實力超班！希望店主可考慮優惠價點飲品或西多士啦…..