漢堡兄弟

營業中

休息中

【九龍城區】【Burger Brothers】紅磡置富都會從來都係我 1am紅館 系列重點關注嘅地方，今次我再講吓個 food court 裏面嘅一間西式快餐，喺 1am1146 已經寫過嘅「Burger Brothers」。呢篇係寫我三次用餐紀錄，寫呢個系列我從來都係加倍認真，始終係初心嚟，就算自費都在所不計。第一次食咗 $52 嘅「香草燒春雞」半隻跟薯菜，飲綠茶，估唔到隻春雞幾驚喜，煮得幾好味同雞肉都滑。攪到 $68 嘅「牛小扒配煎蛋粗薯條」飲烏龍茶就相形見絀，牛扒感覺係茶記薄牛扒，煎蛋正常。啲配菜不過不失之下，$120 食到兩個餐算係合理啦。第二次就忍唔住終於叫咗 $84 嘅「香草燒春雞」全隻嚟啪，配薯菜同烏龍茶，唔記得自己揀咗薯菜仲手多撳咗 $22 嘅「薯條」，都幾大兜。不過，原來自己一個人要完成全隻燒春雞，都唔係易事，加埋兜薯條都有啲飽，呢 $106 下次未必會咁洗，有啲吃力。第三次終於忍唔住食佢哋 $52 嘅「美式燒豬仔骨」配意粉同綠茶，加埋 $68 嘅「英式炸魚粗薯條」配烏龍茶。只能夠講 $120 咁樣兩個餐冇咩好挑剔，我唔可以話佢難食，味道絕對係正常，只係好食一定算唔上

一向鐘意食Burger既我， 咁岩收工出黎紅磡置富都會廣場， 上網搵到哩間burger brothers ，就專登黎試下， 港鐵站上天橋一入商場上電梯，向左手邊一直行 就會去到美食廣場 （因為初初上電梯都懷疑係咪真係有美食廣場，十舖九吉）到左美食廣場用的是自助點餐機， 有單點有套餐。我最後揀左個煙肉蘑菇牛肉漢堡套餐，配薯條+綠茶。因為佢即叫即整， 所以大概等左10mins左右，拎到個包都係熱辣辣的，整體黎講食落算係普通野， 個包乾左少少， 但係咁既價錢就可以接受， 所以算係性比價既漢堡。至於薯條就麻麻地， 炸得太乾，不過可以咁岩， 因為朋友果份就冇咁乾

朋友介紹嚟食這間burger brothers款式都好多又有burger又有熱狗仲有意粉飯價錢都好平,好多都係50蚊又找今次我就揀咗經典美式熱狗套餐42蚊有薯條有飲品感覺實物比圖還要大一點麵包略略再烘過，所以帶點香脆覺得其實可以再脆一點香腸帶一點脆皮配咗沙律醬加茄醬又可以點熱狗又可以點薯條薯條係粗薯條 ，外脆內軟， 食落好重薯仔香味飲品可以揀烏龍茶餐廳有一點懷舊快餐廳的感覺42蚊這個份餐絕對對得住這個價錢

好少黎呢個商場第1次發現原來有 food court無諗過會食到好野😍1. 傳統芝士牛肉漢堡套餐 🍔 $52食經典漢堡實唔會錯啦掛～ 估唔到勁驚喜❤️明顯係即叫即做🤤 上手熱辣♨️個包勁脆口 多汁的牛肉餡 搭配香濃的芝士 仲有生菜同蕃茄真係夠哂經典🥰每一啖你都感受到滿滿的幸福！✨ 配埋粗薯條 真係不得了🤤🤤🤤跟餐有得簡綠茶💚 開心2. 墨西哥辣椒芝士熱狗套餐🌶️🌭 $42同樣即叫即做🤤 一口咬落去....辣椒既香辣同芝士既濃郁完美結合🔥 但真係偏辣啲重點佢真係一份等於人地1.5倍配埋新鮮的沙律🥗連沙律都擺得幾靚明顯有心思整體真係CP值好高❤️👍套餐抵啲喔～Burger Brothers紅磡都會道6號置富都會8樓FS04號

置富都會food court漢堡，樣子不錯，有貴有平，今次試最平既傳統芝士漢堡$52套餐。5分鐘內取餐，快。套餐有罐裝野飲（汽水、茶、玉露甜水），可選沙律或薯條。 沙律份量正常，用作解油膩，可以，但如果食開淡味，可以叫店員少醬。漢堡大份，但包皮比普通，就超市買既漢堡包烘底。肉份量正常，但我唔識食，大慨係急凍漢堡黎，唔好期待咩咩牛味咩咩安格斯，但足夠。總結：$52 地鐵站旁，有野飲有菜，一定飽，性價比可以。 *洋蔥係甜洋蔥，不喜既人，要叫走

😋😋😋😋😋they are just crazy. the portion of the doublle meat buger is equal to triple McDonald 巨無霸。 the meat is soooo big 1 inch thick and add a bacon and a fried egg. crazy protion. i am adult man could bearly finish it. plus their fries is ok. little dry and cold but chrispy. and just cost 82$ with a drink. their meat cost already 30 i guess.overall meat taste is fair. but portion is super big.is perfect for gym guy. will come back❤️

隨便行入商場，竟然有個food court，見到呢間幾吸引嘅熱狗餐廳，正值下午茶時間又好平，於是試吓。點咗是日精選，黑松露醬熱狗餐，個熱狗好大個，唔係一般嘅size，餐跟薯條和一罐飲品，飲品可以揀，薯條熱辣辣好脆，估唔到呢個餐好抵食，只係$36！下午茶時間food court冇乜人，睇住開陽嘅風景一流！

今日有需要去紅磡，大家有特別需要去時，都明白有事要去走一趟，不多説。放了工，估唔到都可以有時間，想想可以找個地方食晚餐而不需要等太久的。想下想下，想起在社交平台見到有介紹紅磡火車站上面的food court 有翻新。所以，去到food court 看完一輪之後，便去試下這間burger 🍔 當去試時，一定要試它名稱有的burger 而且是classic. 看看肉本身的質素如何。如相片可見，不錯的。有一定的厚度，而且中間有不少的肉汁，不錯不錯而點解不是高分，是因為薯條的問題。數量太少。可以食到凍了很久的雪味。這些小問題很容易解決的。在本地找local suppliers而且自己加工，便可以解決了。

見新開同價錢吸引就試左。⭐️熱狗腸係粗身既、脆皮，咬落啖啖肉仲有啲蜜糖香，食落juicy，唔會覺得太咸同heavy⭐️⭐️熱狗包鋪滿芝麻，口感鬆軟，烘得啱啱好⭐️個包烘得幾好，雖然望落偏啡，唔知仲以為烘燶左，特別係之前試過(喺其他餐廳)食到啲燶到𠝹曬口既包，我覺得呢個真係烘得啱啱好，仲保留到麵包既鬆軟。重要個包成個面都係芝麻，我就覺得好似有啲茶餐廳既熱狗咁，食到跌落黎嗰下都幾fun。⭐️醬汁、配料配搭味道突出又清爽⭐️熱狗腸下底既醬食落甜甜地，有啲洋蔥粒同一啲漢堡包醬常用既香料咁，個味有啲熟悉但不一樣既感覺，唔知係唔係鋪頭自己調既呢。配埋芝士同墨西哥腌辣椒，感覺好夾既同時，都無遮到熱狗腸既味，唔會覺得漏。⭐️莎莎醬推薦⭐️沙律面落既應該就係莎莎醬，仲有蕃茄粒，芝士碎，同紅洋蔥。個莎莎醬有種越食越上癮既感覺☺️睇黎下次一定要試下nacho。抵食、好食，感覺製作好用心，可唔可以沙田區開分店🤣

【九龍城區】【Burger Brothers】紅磡置富都會個 food court 裝咗修，除咗既有嗰幾檔地莊之外，仲加咗啲新餐廳。除咗之前講過嘅台灣嘢「初芋來了」之外，仲有呢間「漢堡兄弟」，為附近帶嚟更多嘅選擇，而且係之前冇乜點諗過會有嘅西餐選擇添。第一次去就梗係食漢堡包啦，叫咗個 $76 嘅「Brother's 雙層牛肉芝士煙肉漢堡」，已經係最出名嗰個了吧，食落都可以，不過個皮好似整得 hea 咗啲，唔算太出色。單點漢堡包加 $12 可以轉「漢堡套餐」，有個小食同嘢飲。小食「薯條」都可以，嘢飲我就加 $12 飲「熱情果梳打」，味道正正常常咁啦。咁樣食法啱啱好 $100，當試一樣新嘢啦。不過新嘅讀者未必知道，向來我做 1am紅館 系列係特別認真嘅，所以促使咗我再去食多佢哋一次先寫嘢。呢次我就食 $68 嘅「牛小扒配煎蛋粗薯條」，都係茶餐廳薄牛扒咁樣嘅扒，呢個價唔會要求太多。有埋煎蛋同薯條，仲要有一 pat 仔沙律，已經冇咩好要求，正正常常咁。加 $6 飲罐裝「巨峰提子玉露」後，埋單係 $74 嘅。。。（地址：紅磡紅磡都會道6-10號置富都會8樓美食廣場FS04號舖）#1amfoodi