漢和韓國料理

營業中

休息中

Saw a cockroach in the lettuce. Told a member of staff. She brushed the cockroach into the floor, then stepped on it and walked away. I asked her if she was going to change the lettuce, the lady said it had already been previously washed. The cockroach was still on the floor, she didn’t even bother to get rid of it. Another lady heard me complaining and quickly changed the lettuce. She said the original lady was only a temp for the day. Never been so shocked at this poor level of hygiene. The Fi

漢和是已經認識十年以上的任食燒烤老字號曾經有一些日子傳出過衛生問題⋯⋯的傳言我是女中豪傑，謠言很難攔擋在下今晚因爲要為十多個校友找團聚的地點我又要遲至8:30 後唯有出晒自己九牛二虎的力倫敦廣場搵食這個9 根樓的任吃燒烤或無限三文魚生供應的店我親自到場問到是否6:30pm入場全晚不限時間既然說是我也就收貨紅色似農心拉麵辣湯包的是海鮮湯顏色對海鮮也大量雖然咸但也收集濃郁豬腳薑大量雞蛋的薑醋是一大賣點-☺️🙆識吃的小妹當然只取牛肋骨肉以及最愛的 中翼十一個同學都不夠我吃計埋朱古力噴泉以及相當水平的菠蘿西瓜無限泡菜（當然你不能每一樣都要求好高）188$ 加一才二百二十元心裏都滿足的要每個人都全任坐任吃喎！而且仲有半落地玻璃窗境-⋯⋯雖然黑黑暗的但人客星期一晚不太多傾心事都唔錯嘅。

After a hot and tiring day, as suggested by my friends, we decided to go to a korean restaurant to try some bbq. Korean bbq is not something new to us, and we did have tried quite a few of them before. The restaurant itself is well located on a commercial building packed with restaurants. The shop is not very big compared to other korean bbq shops. And the choice of food is not rich given they claimed themselves a korean buffet. I like the taste of the beef and chicken which is pre-seasoned. The

上次嚟呢度都ok的，所以諗住今晚帶屋企人來試下，點知：差過上次……我book咗5:45，食兩小時，首先去攞人蔘雞湯，嘩，覺得有酸味，係變了質果種酸，從未試過這樣的人蔘雞湯，以為係自己味覺問題，但連媽媽都覺得個係變了，認真差了……之後另外再試下老火湯，一樣，也是有變酸的感覺，但冇人蔘雞湯般犀利……同服務員講，佢聽完就算接下來食少許前菜，理應穩陣，但原來吾係，正常泡菜，酸辣得嚟吾會有餿味，但今次泡菜蘿蔔都有些少餿味，是否天氣熱沒有好好處理食材？太差勁了之後開始燒烤，豬肉類醃的味道幾乎全部同一味道，牛類，雞類好一點，今晚我也不是食咗好多燒物，我整晚好似就在飲了芬達及可樂各一罐，咁嘅質素，218一位真是不值……現在很多任食都比以前做得差了很多！

漢和韓燒 飯堂之選 久不久就去幫襯午市自助餐 唔限時午市閒日價錢118+10% 冇牛仔骨冇三文魚 店內抽風好冷氣強 唔油煙 枱面夠大坐舒適有多款燒肉 熱葷 餐湯 飯卷 生果 生菜 沙律 甜品 樣樣齊豬腳薑~豬腳夠淋唔爛 雞旦入味唔太硬老火湯~ 清甜潤合掌瓜紅蘿蔔湯 料有大大嚿豬扒泡菜海鮮辣湯~ 虾肉爽 湯鮮甜 微酸辣 “但“....人參雞“清“湯湯內冇材料 連少少參鬚都冇 色如淡泥水冇 人參 & 雞 味 ...... 嚐唔出係咩湯問經理侍應回答是：你都係想飲湯之麻唔放啲料咪仲方便 ...... O咗嘴唯一失望嘅“人參雞湯“ 希望下次正常番

同事一直極力推介話哩間漢和好食，又干淨食物又多款式，所以今次lunch就食漢和放題啦🤗🤗Lunch time唔係好多人，我地三個人坐6人檯，好鬆動，重點佢唔限時，我地可以慢慢坐，慢慢傾，慢慢食👍🏻同事一去到二話不說就拎左一碟前菜我就去夾左雞腎、豬腸、 豬頸肉、羊肉，羊肉唔錯，好好味👍🏻豬排，魚柳，雞亦，5花腩（哩個推介👍🏻）5花腩，紅腸，廚師腸辣魷魚，豬腸，青椒雞亦，雞腎，豬頸肉，又係5花腩😂😂3個人食平均每人130蚊，抵抵抵👍🏻👍🏻

食物吾算太高級，但係就勝在種類多，有好多吾同嘅肉類選擇，牛肉，羊肉，雞肉， 魚柳。 總類真係多不勝數 ，仲有一啲 三文魚刺身，日本壽司 ，同埋一啲甜品同雪糕。 如果想同時食韓燒，又可以食到日本嘢嘅話，呢間係唔錯嘅選擇，但係d食物好食但係一般， 一班朋友坐低食，係最啱㗎喇。 呢間我都食過好多次，價錢都幾平。如果你喺晚市較早或較晚嘅時間食價錢總會再平一啲。 如果對食物嘅質素冇咩太高嘅要求，又想食多啲種類嘅， 呢間真係幾適合。

嘩, 係咁的, 喱幾日都好想食韓燒自助餐, 但市面上真係有太多垃圾韓燒自助餐, 咁我朋友就叫我試喱間野啦, 上openrice 睇, d 食評對上都已經係2016 年, 又好似冇咩資料冇咩相睇咁, 真係有十萬個懷疑究竟佢掂唔掂, 咁我朋友話佢平時lunch 成日都黎叫set lunch, 但見到人地食自助韓燒覺得好似好吸引, 之後又強調喱度係靚版ge漢X苑, 但漢X苑真係好差wo, 真心有十萬個懷疑..... 由於我朋友的堅持.......好啦, 打電話想book位.......點知....... 打左2次d 態度都衰都冇, 仲要最後係都未book就俾佢cut左我線..... 我同我男人一邊行去, 我就一邊o念究竟好冇放棄好啦...去到....7點幾8點去到, walk in 有位, o個度都係坐左1半人左右, 安排左我地坐窗口位, 都OK好坐, 喂, so far成間野都好似ok wo!! 光光猛猛, d 野好似ok 乾淨, 野食個樣又好似ok熟食選擇都幾多, 醃ge 肉味道都ok, 生果哈密瓜同菠蘿都好甜, 同埋我見到d 人一見到d野食冇曬都好快手換除左汽水可以飲任, 啤酒就有OB

一行三人來到這食自助韓式烤肉，有很多種類選擇，甜品有杞子桂花糕，棉花糖，啫喱，芒果布丁……沙律有生菜，車厘茄，青瓜……水果有哈蜜瓜，西瓜……烤肉類有雞翼，牛柳，豬柳，豬腩肉，鱿魚，冬菇，牛肉金針菇卷，青椒，(有些辣)雞肶菇，茄子……

今日又食韓燒, 今次朋友揀左佐敦既漢和, 貪佢夠平又就腳(樓下就係地鐵站)韓燒主要係睇肉質夠唔夠新鮮, 呢方面我對漢和十分滿意, 豬肉同牛肉都算新鮮, 冇其他廉價韓燒有既雪味.另外值得一讚既係佢既牛字骨醃得好好味, 大家一定要試總括黎講漢和係平價韓燒黎講絕對係唔錯既選擇, 食物同環境都值返個價錢

今日中午，我同朋友行街經過莊士倫敦廣場，我地两個去左９樓漢和，食午市，我地叫左两个午餐，—个韓式牛肉飯，—个人參鸡湯飯，Ｄ牛肉鲜嫩可口，，人參鸡湯鮮甜美味，，仲有配菜同嘢飲，價格實惠，大家值得一试，令我地食得津津有味

今天一早辦完工事，可以食個long lunch，就一於獎勵一下自己，去食個自助午餐。 在佐敦附近竟然俾我找到這裏， 價錢相宜， 任吃任喝，都只需要百多元 ，而且沒有限定時間，可以坐到三點鐘。 不作他選今天就選擇第一間。未到12點上到店舖， 有一兩枱客人已經開餐。由侍應帶位，坐好之後，有一位大嬸滿臉笑容來替我開位，放了一壺熱茶和杯碟，之後便替我開爐。既然開了爐，事不延遲先到食物枱拿食物。 燒肉的選擇超多，有豬羊牛，每款有不同的醃料，肉類上方有清楚標示。 還有，多春魚，魷魚，腸仔，鴨胸肉之類的。本身是食肉獸，要每樣吃一件的話，其實已經很飽。 旁邊還有壽司，熟食， 幾款燉湯，甜品，糖水，生果，雪糕和飲料。 百多元有這麼多食物選擇，真是無敵超值！燒肉的類別就不多講了，大家選擇自己喜歡的去燒就可以。而且有生菜提供，可以伴着吃，感覺很健康。大家可以留意先燒多油脂的豬肉，讓爐有點油才燒別的。 而且，牛類要分開拿，因為畢竟牛肉不用燒得太久。其他食物我試過自己烤壽司，烤蟹殼，烤番薯，烤韓式泡菜，都超好味！湯類我推介人參湯，加了點糯米，入口很溫純，而且真的有人蔘。足料冬陰功湯我也吃了一碗，裏面的湯料有蝦，

早前已來這裡食過，食物選擇都幾多；喜歡清淡的，可以食沙律菜、喜歡甜品，有很多甜的小吃、喜歡燒烤，也有好多肉類可選擇、還有少量壽司及刺身，汽水任飲，真係適合唔同喜好的朋友。自己一向是先食大量沙律菜加油醋 ～ 菜只有三種，比較上少種類，但有大量的配菜，例如：韓國前菜、波蘿、車厘茄、桃....等。等到接近半飽之後才慢慢再食燒烤，食材有牛肉、五花腩、芝士腸、香腸、魚肉、雞肉、尤魚、冬菇....等等。再之後才是至愛的甜品，包括有豆腐花、脆麻花、年榚、煎堆仔、椰汁榚.....等。雪榚就只有牛奶公司的雲呢拿、朱古力及芝麻味，好過無。食物水準算係不錯，選擇又多，燒烤食物有「師父」，這是常識吧。最好是這裡沒有時間限制（一般只有二小時），就算有朋友遲到，大家也不用等齊才入來，可以一路食一路等，對大家完全沒有壓力。如人多（12位），還可訂間房，自成一角，更加玩得開心自由。

母親節當日，同老母2個人撐枱腳，位唔駛book喇就去士倫敦廣場搵下嘢食，因為之前要去對面redeem center換嘢。成幢嘢咁多間一定搵到嘅!最後就搵到呢間，當晚就做緊178蚊位加一，未夠6點前入座，可以食到7點半，佢地告示都寫明就算平時2人入座都係限時1.5hr，食韓燒就唔係好夠囉。呢間店周圍都有，其實食物都係果啲，晚市有三文魚刺身，都食得落口嘅，唔算靚囉。燒肉食材方面，最正係牛仔骨同辣豬肉，辣豬肉醃得好正，記得拎埋生菜包住食仲好。嘢飲有甘蔗紙包飲品都幾好，可以清下熱，仲有好多款汽水。當日冷氣都幾大下，而且人多太嘈喇，出面夾嘢食都逼，大時大節又貴又剩真係咪搞。

今晚阿媽唔煮飯，唯有出街食，記得朋友推介莊士倫敦廣場間漢和大裝修後好靚，好多野食，所以放工決定去一探虛實。Book 左7:30，阿媽同花子早到先入，我後到。餐廳見得出裝修過，啲枱凳都好新，而且都幾大，唔似一般分店咁迫同嘈。滿心期待有好多野食，但見個餐櫃，令我好失望，又話好多野食，原來比其他分店更加少，而且都係啲基本野，多啲都無，我最鍾意的叉燒骨，金沙骨都無，真係好失望。飲品全部都係罐裝，啤酒汔水任飲，無其他。唯一安慰的是三文魚唔使爭，所以全程都食三文魚同金菇肥牛。餐廳服務都ok，阿姐會主動換燒盤，但野食真係唔多，燒得唔太開心。怪就只怪我信錯朋友，太大期望，所以先失望，唔關餐廳事。