漁舍酸菜魚 (已結業)

今次very late lunch! 發覺餐牌有煲仔飯，即試！雖然話要等30分鐘，但係唔使15分鐘已經有2煲新鮮的蒜蓉開邊蝦煲仔飯同埋北菇雞飯上枱，蒜蓉蝦非常新鮮，由大隻，一煲竟然有六件，只係賣$98非常之value for Money;雞塊亦都唔遜色，雞係用雞髀肉，非常鮮嫩👍👍👍…查看更多

之前幫襯過酸菜魚同黑醋豬柳條！印象幾好！點知今日再去，學人搞咩煲仔飯… cut左好多款式冇左黑醋豬柳…個蒜泥白肉好難食！白烚豬肉加豆板醬呀！衰過譚仔！之後就講佢招牌乳鴿，擺明翻炸！得個皮又硬賣80蚊…. 個五層肉粒影嘅加成擔油..食到一半我朋友話「你唔好驚嘥喇格硬食，咁油你一陣又胃痛又痾..」可想而知….. 得2枱客以為佢早開唧，點知原來極伏先冇人去執唔執呢…. 好關你provide啲咩嘅… 十級難食！唯一就係呀姐招呼幾好👍🏻…查看更多

服務差到簡直驚為天人，下午茶時間工作完好攰，在門口經過，詢問有沒有下午茶什麼，門口服務員立刻話有！入嚟入嚟入嚟入嚟。差不多重複了10次入嚟。但是門口服務員沒有解釋下午茶餐牌有什麼，也不讓我看立刻收走。還好我出力按住那個實體下午茶牌仔睇清楚，心諗好啦，是但，入去。進場成間舖頭有一人，正在坐卡位，我想坐鬆動啲，於是選了遠一點的卡位，服務員居然說你一個人坐什麼四人位，當時我已經累了不跟他計較服務員應該是懶不想走太遠，不想服務所，以我就找了個近那個客人一點的卡位坐。入去QR code點餐，又冇服務啦，自己手動選了酸菜魚下午茶，飲品點擊暫時不需要打算吃完後上。酸菜魚來到，過酸，份量太小，份量大概跟三個月小嬰兒的飯量差不多，鱸魚並沒有鮮味，應該完全冇煮過直接掉湯裏就拿出來給客人，湯水&配料味道完全分離，味道完全沒有層次，只有一個勁酸字。確定這家酸菜魚完全不行。吃完後說飲品可以上了，同一個服務員跟我說我沒有點擊選項唔上俾我，冇。這個點我就開始想罵人，還好忍住了。他說沒有點擊任何飲品選項，系統明明就有得選擇「暫時不需要」，也就是吃飯的時候不用同步上飲品，要不然放着熱飲到我吃完酸菜魚都冷了，吃完之後才叫服務員上飲品，這個不是很正常嗎？這個選項不就是這樣操作嗎？你不想給人飲品又為什麼系統要做這個選項給選擇呢？是不想服務人嗎？餐牌上面有飲品，也可以選擇什麼時候要，然後你不提供飲品，這是欺騙消費者。而且比我發現系統這個大漏洞，這個飲品後上的選項有問題，可以比餐廳側側膊不給你飲品，餐廳省錢，又少咗服務。所以你打算要我結帳快點滾，然之後不給我飲品，餐牌上面的貨品，貨比少一件，唔齊貨就想人埋單走？什麼黑色店！這個服務員還走進去廚房，找另一個人投訴說不要給我飲品。我差那麼一點點就要以欺騙消費者，報警邊緣。結果另一個服務員，跟那個說我沒落單不給我飲品的服務員說，給我飲品冇問題，然後那個新的服務員親自給我做飲品，條氣先順返。在這裏特別謝謝那個帶腦的新的服務員。明明就是餐飲！我就要後上怎麼就不想服務了！就不想給了！？還好問題解決了。我進來也是想休息吃飽，還給我搞這麼多事情！我欠你們錢嗎！？是你欠我貨！！貨不齊不結帳！！！這間餐廳不管是主打的酸菜魚，點餐系統，食物質素，員工待客態度，結論是差到入地！！我走時成間餐廳都冇人，根本開嚟趕客。絕對不建議來這裏消費。以後不會來這間餐廳，也不會帶朋友來，也不會介紹人來。知道只會叫人不要來。…查看更多

放lunch食呢一間見佢晏晝都有煲仔飯 就決定一試既然佢係做開酸菜魚嘅 咁就試吓呢一個魚肉嘅煲仔飯冇得自選辣度 大概等20分鐘上菜上菜時冒煙熱辣辣睇落幾吸引但當時忽視咗佢辣度嘅威力 直接將佢撈埋一齊點知佢上面嘅醬料有勁多花椒 撈埋咗之後每啖都食到花椒超麻超辣就算落咗豉油都於事無補食得好痛苦…查看更多

門面裝修唔錯，地址亦都好容易搵到。周圍交通便利。曾經有一瞬間覺得旁邊嘅牛牛火鍋店就係屬於呢間餐廳。因為見過有啲人喺呢間餐廳度打邊爐，但係個爐竟然係牛牛火鍋店拎出嚟。實在令我大吃一驚。再睇真少少，原來係兩個名。呢間餐廳就專門食酸菜魚，不過佢亦都有做煲仔飯同埋火鍋。今次就選擇咗食煲仔飯，因為今日實在太凍啦。煲仔飯係一個暖笠笠嘅選擇。咁我就點選左金銀蒜開邊蝦煲仔飯，再加多碟單骨雞翼。飲品要另加，所以我都有諗過食完飯再出去飲其他嘢。但12:57落咗單，13:47先有飯😵‍💫，所以都冇乜心情飲嘢。中間都試過三四次催單，但係每次得到嘅回覆都係話整緊。等到個人既熱情都冷卻咗。其實個煲仔飯拎咗上嚟揭開蓋都幾香，但係六隻蝦有啲有剝殼，有啲就冇剝殼。蒜香味唔算太重，係食完之後過咗一排，先會覺得個蒜味喺個口腔度停留咗好耐。趁熱淋上豉油去食，係豉油香最重最好食嘅時間。炸既單骨雞翼配上泰式酸辣醬。味道就好似麥當勞嘅雞翼餐，咁呢度就唔詳細講啦。整體食完埋單都超過$100，因為佢有+1服務費。…查看更多

與太太慶祝生日，就到屋企附近的一間煲仔飯試試。我們點選了泡菜牛肉煲仔飯和酸菜魚飯。這兩道菜都有酸酸辣辣的味道，非常開胃。泡菜牛肉煲仔飯的牛肉幾特別，肉質鮮嫩，搭配上香氣四溢的泡菜，讓人垂涎欲滴。而酸菜魚飯的魚肉鮮嫩多汁，和酸菜的味道完美融合。這兩道飯菜的口感層次豐富，每一口都充滿驚喜。值得一試。…查看更多

首先人均消費我唔知點計出黎50-100蚊7點飯點去到冇咩人。好評真係刷翻黎嘅。服務：一共5個人食飯，想先點個498的4人套餐，有個6選2的菜，只可以4選2，其中一個冇，就問服務員可唔可以換其他菜。佢話去問下，之後就唔翻黎俾個答復。之後再叫服務員可唔可以換398套餐裡邊嘅6選2中的椒鹽鮮魷，又話去問下，又冇答復，再嗌過黎先知唔可以換...服務員又一副愛答不理嘅樣。上菜勁慢，一個口水雞等左16分鐘左右，一個蒜泥白肉20分鐘左右，之後6選2兩個菜等左半個多鐘。之後叫幫手加水，話“好，等等”就等到我地第二次開口...口味：真的難食，尤其乾鍋肥腸138蚊，又貴又少似橡膠一樣。真的冇一樣口味稍微過得去...價格：窮系我的問題，我唔可以話佢貴，只可以話佢性價比低。…查看更多

许久不吃酸菜鱼，时不时会想念那种馋人的酸辣味~于是就和老公探店了一家好口碑的酸菜鱼专门店如评论所述，值得推荐给宝们~ ♥ 酸菜鱼（海鲈鱼）酸菜鱼是招牌菜之一，我们配了海鲈鱼，辣度是小辣鱼肉的份量还挺多的，非常滑嫩配料有莴笋、宽粉、豆皮、豆芽等酸菜也很开胃很下饭~ ♥蒜蓉烤鲜鲍仔跟内地的烧烤味道很像，鲍鱼仔表面烤的金黄搭配上调好的蒜类酱汁一口一个真过瘾~ ♥ 椰香BB鸽第一次吃椰香味的鸽子，很新奇清香的椰香搭配鸽子肉，没想到也挺搭有种泰式的感觉，值得一试~ ♥藤椒鱼皮藤椒味的，有点香辣和麻辣的混合鱼皮量挺多，很爽口还有花生和香菜作为前菜很开胃~ ♥桂花白玉冻这是店家新推出的甜品香浓的桂花味白玉丸子里还有枸杞底部是一层冰沙给个赞~ 📍 渔舍酸菜鱼地址：北角渣华道123号北角汇二期1楼112号铺（港铁北角站A1 出口, 步行约2分钟）营业时间：11:30-22:00…查看更多

中午喺北角搵食有好多選擇 ，今日揀川菜， 因為鍾意食酸菜魚。openrice有好多人評好辣，所以我揀咗小辣， 好友就揀咗蠔仔湯飯， 見到有好多小食， 我哋貪心揀咗幾個，有麻辣海蜇 ，炸魚皮， 蒜泥白肉， 幾個小食都幾似樣 。魚皮炸得脆卜卜，好好味。 蒜泥白肉最好食，因為啲白肉係瘦多肥少，再夾咗兩塊好新鮮嘅青瓜喺入面，加咗蒜泥辣椒醬，非常惹味，又爽又脆，啲肉又鮮味， 值得推薦。 麻辣海蜇就麻麻地 ，好辣同埋感覺唔係好新鮮。 兩個主菜上枱，賣相好靚，我揀咗鱸魚米線 ，鱸魚一塊塊雪白爽口都幾新鮮， 雖然係揀小辣，但係都幾辣。 份量唔細，米線都爽滑，啲湯有酸菜芽菜味道非常好。蠔仔泡飯，啲飯好硬， 係好友嘅至愛。蠔仔一粒粒都幾新鮮，不過就少啲。兩份套餐都有個爐慶住 ，食到最後都唔會凍曬，係一個好嘅設計。 套餐仲配一個小食就係海草。 套餐重逢送飲品，我哋兩個都揀咗煎茶，不過就好談冇味。 食完曬主菜就會諗甜品，揀咗紅糖糍粑同埋冰肉兩款，都係細size，不過都幾好味，係特色甜品。糍粑炸到外脆內軟，點啲紅糖汁食清甜脆口。 冰肉就真係好似冰，啲蒟蒻好似玉，又係加啲紅糖漿冰冰凍凍滑捋捋 ，好特別嘅感覺。 食物整體都ok，係人手太少，等好耐都嗌唔到人。價錢就普通， 因為我哋兩個人都食咗三百幾蚊 ，如果服務人手多啲就好喇。…查看更多

叫左個N18「大澳蝦乾豚肉煲仔飯」，點知黎左個韓式醬豬肉煲仔飯，一打開已經好勁既韓式醬味道，一食發現原來真係韓式醬既味加上係辣既，問下個待應，佢話肉要醃先有味，我緊係知肉要醃先有味啦，咁你一早應該喺餐牌就要話比人知，同埋寫明辣架啦，我見其他煲仔飯喺餐牌上如果辣既會有條辣椒提示，咁你叫唔食辣既人叫左又點算呢。☹️叫左BB乳鴿同紅糖茲粑，算係正正常常，不過不失。可能佢地係主打酸菜魚，但係夜晚6點幾黎食晚飯都係得嗰幾枱既人食………查看更多

同事佢話想食酸菜魚，就去咗公司附近嘅北角匯，有一間叫漁舍酸菜魚嘅餐廳，佢嘅午餐主打漁舍招牌粉麵餐，佢仲有其他麻辣口水雞，老乾媽五層肉等等，一聽就知呢間食辣野 粉麵餐可以揀不同湯底，有招牌酸菜湯，惹味水煮湯同埋清香魚湯，肉類就可以揀海臚魚，牛肉同埋豚肉，麵底可以揀米線，薯粉，淮山麵，烏冬麵同白飯，另外仲可以加$10 配其他嘅配料。我揀咗酸菜魚配白飯，辣度就微辣 (因為唔太食到辣)，酸菜魚上枱，好大碗，海臚魚都有好多舊，酸菜同湯底偏酸，我叫微辣，但食落都好辣，食到滿頭大汗，睇嚟四川野都係唔啱我口味 …查看更多

我們2人當晚行去北角滙覓食！搵咗間川菜打邊爐店舖！原來除咗有打邊爐之外還有其他選擇！入店後揀咗二人酸菜魚套餐$328：酸菜湯底（微辣）、海鱸魚、（涼菜）蒜泥白肉、蟲草花蒸雞送時菜一碟！酸菜鱸魚很滑、內有水晶粉、蓮藕片！味道同食物新鮮！價錢亦合理！…查看更多

睇評論以為很ok, 但係原來實際上與現實不符！餐牌寫有900g 魚， 上到黎呆左，得果稀疏幾塊！份量少到無論！名正言順相片只供參考我地叫水煮魚，但依間既水煮魚同我地出面既水煮魚係完全吾同落完order, 佢黎左個gas 爐黎，原來係for 個水煮魚，第一次食個水煮魚係打邊爐形式愈滾得耐啲魚咪會愈碎囉？口水雞小食份量要啲錢，但原來真係小食到得2~3舊🥹食完一次永遠吾會再食，不可一不可再讚好食果啲都係假食評😭…查看更多

不是第一次來這家吃酸菜魚了。因為跟小朋友來吃點兩份餐又會太多，一份又太少，佢呢度可以加配菜和加一些小菜，還是覺得幾適合跟小朋友來食，再加適合自己的配菜。我點的是酸菜魚加薯粉，然後再加了一份薯粉，另外再加了兩個配菜。上桌的時候酸菜魚超大一鍋，可能是因為底下有兩份薯粉，所以顯得特別多。但是中途我希望他們可能需要幫我加一點湯，但是他們跟我說要加30元。我跟佢地講 因為我加左配菜又加咗粉，所以碗裡面材料有點多，導致佢地上菜嘅時候就已經冇咩湯 得面上面一點。但他們換了兩個人都是跟我說只能加錢，不能加湯。我覺得這個還是蠻不合理跟無人性化。如果客人加了很多配料，然後沒有湯。 這個並不是我很少喝你的湯，而是正常的湯量都沒有。無奈…查看更多

本年度最最最失敗的一次外賣。每次見到一間餐廳有大量讚讚讚的好評，就好似見到淘寶刷單的感覺。所以，大家只能靠自己去避雷了。當日傍晚去北角匯逛逛，見到呢間酸菜魚格局光鮮，但又唔想食咁多嘢，因此就打算小試牛刀，先外賣全份土豆絲試試。叫了全份！Full portion!! 不是小菜哦。返到屋企一開，真係呆左。$50，就只有下面小菜的份量！！！即刻對單，上面真係寫全份涼拌土豆絲！！有冇搞錯？?? 呢度應該連¼個薯仔嘅份量都冇！!依家啲薯仔係北海道空運薯仔？？定係喺CitySuper入貨？？ 定係上面啲芫荽係有機溫室芫荽？？？而且辣椒調汁也不多，唔酸唔辣！全份土豆絲，就係想拎返屋企加餸，點知只可以做一個人嘅前菜。最搞笑係睇返平台上面，一大堆人說價錢合理。咁又係，如果我唔使俾錢嘅話，當然合理啦～…查看更多