漁樂 (黃大仙中心南館)

營業中

休息中

今日又唔知食咩好,想食越南野,算近既就係呢間,就入去啦,入去前店員不斷介紹佢既介紹十分有趣,有好多位同好多分店,作為賣點,如此可愛,又怎能錯過呢😂入到去如有格調既裝潢,我地叫左ㄧ個金邊粉同ㄧ個咖喱飯,各配ㄧ杯熱奶茶,上菜啦,我見擺盆是挺不錯的😍,他用的碗,我自己買個放家裡看,咖喱飯有點偏向,馬來西亞風味,椰汁味重,但唔辣,還行但卻實很大份,那金邊粉呢,就料挺多的,但炒得有點濕,乾ㄧ點比較好,老實說我不太合我胃口,但無事來吃吃也可的🙈

成日下午茶都會嚟呢間食，因為佢兩點就開始下午茶，而且好平又食得飽。差唔多次次都會叫佢嘅金邊粉食，用咗好多香料同材料炒所以好香好入味同重口味。另外佢嘅焗飯都好大份。

周五晚Happy Hour，位于黄大仙中心南馆的渔乐成为我与朋友的尝试对象，八点几人不是很多，尚有不少空位，也可能是圣诞期间大家真去新马泰食地道泰菜了。黄大仙中心近两年刚装修完，不少新食肆入驻，本间渔乐也是，店面环境都很新，感觉不错。两个男生点了半只星洲烧鸡、一份泰国腊肠肉松炒豆角、香辣牛肉炒饭和香茅椰汁鸡汤，餐牌上的汤，看份量以为是一人份，结果端上来大吃一惊。烧鸡、炒饭和腊肠豆角都极其开胃，被迅速消灭，只有鸡汤因错估形式，无力消灭。味道及份量都很满意，加上价格相对实惠，是不错的选择！

每次黎都係食海南雞飯！海南雞好滑！ 份量都算多！個飯都幾好食，仲有d酸瓜，醒胃！冬蔭功香茅豬扒金邊粉！今次係第二次點，因為之前食過覺得好食，豬扒份量都算多，又惹味！冬蔭功湯底酸酸辣辣，又唔會過鹹！每次黎都加廿八蚊叫依個焗芝士茄子雜菇！芝士焗到金黃色！好味！雜菇同茄子有少少辣辣地，又惹味！廿八蚊有咁嘅質素同份量，真係抵食！每次黎都加十八蚊肉骨茶！佢係屬於藥材味重果種肉骨茶，雖然無大大舊排骨，得三粒仔排骨粒，但好淋，少少肥，幾好味！湯嘅份量都好多，味道都好濃！抵飲！如果佢有大大舊排骨就好喇！加錢都可以～ 今次仲有卡位坐，仲舒服！

呢度嘅早餐選擇好多，最後我揀左呢款，因比佢嘅香草牛油厚多士吸引，果然不負厚望！如果覺得唔夠喉仲可以加$6要一碗火腿通粉。淨係呢塊厚多士，都足夠令我再次幫襯呢個早餐！仲要呢度嘅早餐時間係去到11.30😁

星期六夜晚唔想去太遠，就去咗屋企樓下嘅漁樂食飯！之前都食過好幾次，絕對係平靚正既泰菜！嗰晚就叫咗香茅豬扒飯，炒金邊粉同埋椰汁雞湯！香茅豬扒飯分量夠，豬扒亦都香口。但係個炒金邊粉就酸左少少，有少少似廈門炒米，下次應該唔會再叫。個椰汁雞湯就有誠意，勁大煲，好香好飲，我哋三個人飲唔晒要打包！湯入邊仲有好多雞肉，用嚟撈飯都得冬天食人多嘅話絕對推介！不過要一入去即刻嗌，因為預備時間比其他食物長。最後亦都嗌左個茄子，上邊有少少焗芝士，好好味用嚟撈飯啱啱好！總括嚟講，平平哋又可以食下泰國嘢，雖然唔係最正宗，過下口癮，唔錯啦

今晚被拋棄，放工一條友路過黃大仙中心，購物後路過呢越/泰食店，本來想簡單食碗檬粉，但被menu吸引了，就食燒🐔出品絕對符合商品說明條例，等約15分鐘，終於上菜，賣相pass。沙拉挺清新，醬汁帶青檸香，醒胃消滯。🐔做得皮脆肉嫩，平時常被建議'走雞皮'，今次可以食返D皮下肥膏不算多，🐔味雖然一般，但肉地不嚡有肉汁。質素ok以上，價格也很合理，絕對比同樓層的大xx好好多。遲D可以帶另一半再來試其他出品

食左幾次漁樂覺得款式多味道都好食左幾次冬蔭公湯河都覺得正夠辣夠酸又夠香豬扒好林，份量都多，但今次再叫，就中招。因為飲湯時見到粒黑色野，再撩黎睇清楚有一隻完整既小強係度，長度有尾指既一節，第一反應當然同侍應講，佢只係望一眼話換過碗比你，我直情話要轉餐。同行友人都係食冬蔭湯河，見到隻小強後對個湯底都無信心，要求更換，對方只係淡淡地講左句，唔可以。佢話無證據話係湯底有小強，都有可能係河粉入面有小強。所以唔比換， 不停同我地掙持，最後對方主動提出叫經理。當然經理無黎，只係個員工行番黎問我地換咩。其實我地都唔係屈你拎著數，希望貴公司保持食品安全，廚房衛生，員工處理程序都需加強。謝謝

拜完黃大仙，就同朋友仔去附近商場行下，見依間餐廳門面幾得意，就入去試下啦。依門口已見寫到明有多種國家既菜式。入去食午餐，可選擇既菜式真係唔少：有海南雞，越式河粉，泰式菜等等。經過一輪既挑選，最後選擇左香芧烤雞扒&泰“正”金不換炒金邊粉。先講香芧烤雞扒：佢有得選馬來沙嗲沙或者泰皇野菌汁。一個辣，一個唔辣。朋友依個就選左唔辣既野菌汁。雞扒算嫩滑，而且配上清清既菌味，幾好食，唔會肥膩。跟住到金不換炒金邊粉：整碟粉，佢將青檸、糖、辣椒乾同埋花生就分別放係四邊，你鐘意點整就點整。金邊粉炒得乾身而唔會油膩👌。料都唔少，有蝦仁、腸仔、魚片等，口味幾好幾濃。份量量足，男仔都夠飽。

中午時段唔想食茶餐廳，諗咗一陣就決定嚟食漁樂，因為想食牛肉湯河。咁與同事三人等位大約10分鐘左右，門口都好多人等位，咁想食都無法，唯有等啦！等咗10分鐘後入坐，我哋都好快決定到全部都食湯粉。咁我差唔多次次都係叫越香雜錦湯粉，因為貪佢多料，而且湯底都ＯＫ，扎肉、牛丸、牛肉都幾好食！咁我次次都會走洋蔥，咁食我會覺得好味Ｄ！咁同事分別叫咗扎肉魚片頭湯粉同冬蔭功香芧豬扒湯粉我咗冬蔭公的湯底，味道就一般啦！咁因為係午餐啦，會跟一杯飲品，我哋分別叫熱奶茶、可樂同凍奶茶，可能侍應阿姨急住上菜啦，佢上杯凍奶茶比我同事時，成隻手指插咗落去，佢放咗落枱後，我哋都呆咗，最後我哋當然叫其他侍應幫我哋換過杯啦，但等咗一陣換返嚟的竟然係一杯凍檸茶，大家立刻Ｏ咗咀，咁唯有叫佢換多咗比我哋，其實我哋都覺得好煩，不過凍奶茶變凍檸茶又真係接受唔到！

不時聽到同事講漁樂好好食。連外賣都要買漁樂番公司食。甘今日等我都去試下先。我大概5點左右去到，餐廳無乜人，得幾枱客人。一入去有好大個門牌，裝修都幾特別。入面好大好多卡位。感覺都幾舒服咖！下午茶餐牌有小食，粉麵選擇，跟一杯餐飲。價錢算正常合理。今日我點左個沙嗲雞串拼薯條🍟：雞串有3條，雞肉都算大舊同滑。而且醃得幾好食個味。薯條都加左調味粉，薯條吾會淋pat pat，但完全吾熱。如果雞串同薯條都熱一定好好食。。冬蔭公豬頸肉炒烏冬：呢個烏冬份量都算正常既，但配料較少，豬頸肉得4片。而且烏冬係淋pat pat果啲烏冬，吾好食。加上香茅味好重同好辣。所以我就吾太中意食。如果中意呢個味，就覺得好味。飲品加3蚊有可樂，連冰底。價錢合理。或者可以叫熱飲或者加錢轉特色飲品！食個下午茶☕️係度坐下都係一個不錯既環境。吾錯！

下午茶時間黎到呢一間試下，入面環境幾好，坐得幾舒服。👍🏼佢下午茶嘅餐牌食物種類都幾多元化，想要輕食嘅又有越式包或者泰國小食。如果你未食午飯，想食大份啲嘅下午茶，佢亦都有飯同粉面俾你揀。😁今次叫咗個輕量海南雞配油飯。雞好滑，飯好入味，佢仲會附送一個冬陰公湯，整體嚟講都幾好。👍🏼我哋仲叫咗香辣肉碎炒泰式金邊粉，金邊粉唔太乾亦都唔太濕，食落去辣辣地，好開胃。👍🏼我哋仲追加左黑醬牛油雞翼，牛油雞翼炸得好脆，正常味道。👌🏻下午茶配青檸紅茶👍🏼或熱飲都係免費的。

自從呢間餐廳喺商場新開張以嚟，見佢裝修幾靚，菜式又係自己鍾意食嘅，一直都好想試吓，終於都同男友去食lunch啦男友叫咗咖哩雞飯，而我就叫咗飛天通菜先講賣相，幾特別，起碼好少喺其他同類餐廳見過(又或者係我見識少啦哈哈)個咖哩幾香，食落唔會太辣，有椰香味，但唔知係咪男友咁唔好彩，啲雞無乜肉，好多骨而我個飛天通菜相對好好多，唔會炒得太過火，炒菜用嘅配料令到啲菜有香辣味，食起嚟好惹味，送飯一流！整體而言，唔算非常出色，屬一般水平算係還咗自己一個想試新餐廳嘅心願啦~

又再一次買外賣，又食佢哋既下午茶，平時次次叫焗飯，今次試試海南雞飯，以為今次等外賣時間會快啲，點知都等十幾分鐘，仲要遲過我落單買外賣既人都快過我。其實真係成日幫襯，發現近排啲侍應態度差左，啲野食成日送錯枱，送錯反而仲惡過啲客，成日見有啲呀叔忍唔住同佢哋嘈。一打開個盒預左啲雞肉唔方會多，但又真係少得可憐，仲要件件好薄身唔夠餸。雞都算滑，但其實我想講完全唔對味， 唔係海南雞飯嚟， 黃油飯又唔似黃油飯，唔太正宗。茶餐連一個冬蔭公湯，湯入面得半塊豆卜，少量菇同半舊車厘茄，味道我會形容為加左辣味既羅宋湯，蕃茄重，麻麻地。全個餐最好味就係杯青檸紅茶，下次都係食返焗飯算喇。

係黃大仙中心算多人排隊，主打星馬泰，d 野好油好濃味，試過幾款唔難食，但未到好味，杯野飲都幾大杯，但係環境頗嘈，勝在多選擇，價錢可接受，未食過可以試下既。。。。。。